購物車內無任何商品
posts
【樓上冷氣機滴水點算好？】3 大自救＋投訴方法
【樓上冷氣機滴水點算好？】3 大自救＋投訴方法
係香港，無論辦公室、商場，定交通工具，基本上都會長期提供冷氣，甚至不分季節，而住宅既話，最多時候會開冷氣既日子，一定會係夏季，但問題黎啦，長期開住冷氣，電器都會出現損耗或老化，又或者安裝位置有裂縫，導致出現滴水既問題，影響到樓下既鄰居。不過最難受既一定係長期受到樓上冷氣機滴水滋擾既樓下住戶，由於樓上每晚冷氣機滴水，擾人清夢，甚至長期因為滴水滋擾而出現精神緊張或煩躁。
想處理或避免呢個情況，除左搬屋之外，咁有無方法可以解決呢個問題？但唔好以為搬屋就可以解決，香港地少人多，未必可以隨時隨地搵到適合既地方，就算真係有能力搬走，但又係咪真係唔會再遇到樓上冷氣機滴水既情況？相信大家都心知機率好大。小編搵左幾個自救及投訴方法俾大家參考下，希望幫到大家解決呢個問題。
2-10 人屋企外賣套餐推介
冷氣機滴水原因有 5 個常見既情況
- 無定期清潔同保養冷氣機，例如隔塵網、冷凍葉、外殻，積聚既灰塵會阻礙冷凝水流向集水盤。
- 水盤內常積聚鐵鏽或生物膜（俗稱「潺」），令滴水盤或排水管堵塞，冷氣機水無辦法順利排走。
- 長期受 UV 紫外線照射，排水管已經老化、變形或者鬆脫。
- 安裝冷氣機果陣無完成裝好，例如機身同牆壁間留有裂縫，或者安裝角度未向排水口傾斜。
- 選擇左唔適合既冷氣機型號，最常見係若匹數不足令機組長期超負荷。
樓上冷氣機滴水，有咩方法可以自救？
主動溝通
直接同樓上既鄰居溝通，如果對方願意處理滴水問題，咁就快捷同簡單好多啦。建議大家可以先禮後兵，用客氣啲既態度話俾對方知滴水位置。有時鄰居未必發現自己部冷氣有事，主動提一提通常可以避免大家關係變僵，係採取法律行動之前，最有效率同埋最低成本既解決方法。
向管理處作投訴
如果唔想接觸樓上既鄰居，亦可以通知管理處作投訴，等管理處跟進同處理，提供返滴水既單位俾管理處，管理處會安排同事或保安前往單位了解事情，如果發現真係有滴水問題，佢地都會向戶主反映同要求對方跟進，及後就會同返你交代跟進情況。
公共屋邨：由房屋署負責（電話：2712 2712）
房屋協會出租屋苑：各屋苑辦事處
終極投訴辦法
如果連管理處都處理唔到既話，不妨向食環署作出投訴，可以透過致電去食物環境衛生署既 24 小時熱線進行投訴，或者可以填網上表格。當投訴果陣，最好提供埋滴水發生既時間同地點，以及滴水單位等既詳細資料，如果有相片或者短片提供，方便食環署進行跟進。食環署接獲投訴之後，食環署會 10 日內給予初步回覆。如 30 日內未能給予具體回覆，食環署會通知投訴人有關跟進既進度。
而根據《公眾衞生及市政條例 第 132 章》，任由冷氣機滴水對其他人造成滋擾是屬於違法。當食環署確認冷氣滴水滋擾既情況，會發出「妨擾事故通知」，要求有關業主或住戶進行冷氣機維修，若有關人士唔遵守，食環署係可以進行檢控，而最高可被罰款 $10,000，另加每日罰款 $200。
樓上冷氣機滴水真係好令人困擾既問題，如果遇到，真係要自救，同時避免自己屋企既冷氣機出現滴水情況而影響到樓下鄰居，大家都要多加留意同做清潔，如果唔想煩，都可以搵冷氣工程公司上門檢查或者維修等。
$368
$298
$298
$168
大熱天時，一定要搵啲消暑活動解解悶熱既天氣，Kama Delivery 船河到會服務就幫到你解決船上餐飲問題，一系列船河到會套餐、消暑飲品千萬唔可以錯過，除左大熱 5L 桶裝水果茶，仲有生津解渴既噸噸西瓜爽爽茶；Kama 作為你派對餐飲伙伴，由 2 人到 100 人既 Party 套餐，過百款既一口小食、飲品、甜品；更可以 Order 即日到會訂單，開 Party 話咁易就可以準備，歡迎隨時瀏覽我哋網站或者 WhatsApp 我哋查詢美食到會訂購詳情。
聯絡我們
追蹤我們延伸閱讀
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
