源自1970年的艇仔粉【香港傳統特色美食風味】

提到香港仔水上人嘅艇仔粉，後生一代可能甚少聽過或者食過，但其實艇仔粉係香港70至80年代好盛行嫁，但咩係艇仔粉？而家仲有幾多人賣艇仔粉？我地可以去邊度食艇仔粉？想體驗香港傳統美食一定要跟住嚟！不過食唔食到就睇運氣喇！

艇仔粉係咩？

艇仔粉（英: Boat Noodle），又叫粉艇，意思係指於艇仔上即叫即煮既粉麵，屬於香港仔海灣既一種特色食物，係70至80年代既香港仔避風塘，當時避風塘有一個完備既水上市場，因應生活需求而出現各種各類既艇家，除左賣叉燒粉麵既「食艇」，仲有賣日常生活用品，例如柴米油鹽既「士多」，有賣衫褲既艇家，有接載住水上人家來往上岸同住處既「水上的士」（稱為搖櫓艇），各類活動非常之發達。

但由於當時D水上人比較少機會食到海鮮以外既食物，所以「食艇」既艇家會預備其他既肉類，例如叉燒、燒鴨、油雞，牛腩、豬肚等，再配以大地魚熬成既鮮甜湯底，而粉麵大多數有河粉、瀨粉和米粉，可以俾D水上人多D選擇。

海鮮

20 商品

【單點美食】海鮮到會

多達10款以上的海鮮可供選購

適合各類型派對聚會中享用

自訂享用份量

點我查看完整餐單

香港仲有幾多人賣艇仔粉？

而家香港既漁業式微，以艇為家嘅水上人又一直減少，加上政府對水上食肆牌照控制嚴格，特別係中小型船隻既水上食肆新牌照已經好難先申請到，條例又多，又係跟人名，最重要係，艇仔粉用既流動熟食牌，政府已經停止辦發，所以由以前既20幾家艇仔逐漸減少至剩下2家，2家艇仔粉分別係香港仔避風塘同鴨脷洲附近，另一家就係屯門三聖及屯門碼頭附近。

如果大家有興趣，不妨出發前先打電話去查詢返個營業時間同位置，避免搵唔到碰釘，或者當日已經賣晒而錯過左啦，因為佢地無固定開業既時間同泊船地點，所以想食到艇仔粉真係可以話要睇緣份！