【5個揀選兒童益生菌方法】益生菌功效大揭秘

小朋友可唔可以食益生菌？幾多歲先可以食益生菌？市面上有咁多種益生菌，邊款適合小朋友食呢？呢D都係家長最為關心既話題之一，小編今次分享下如何挑選益生菌俾各位父母參考。

咩係益生菌（Probiotics）？

其實我地身體入面有上萬億微生物，呢D微生物都有唔同既功效，去互相維持身體機能，保持健康，而其中一款對身體有益既微生物就係益生菌，益生菌可以同體內其他微生物形成共生關係，去維持腸道健康。

當中有一種益生菌叫「羅伊氏乳酸桿菌」，或叫「洛德因乳酸桿菌」，（英：Lactobacillus Reuteri；簡稱：R菌），R菌係一種少數係大人同BB體內都可以發現既乳酸菌之一，仲可以調節身體代謝，同維持生理功能。另外，R菌仲可以抑制幽門螺旋桿菌（英：Helicobacter Pylori；簡稱：幽門桿菌）生長，維持消化道健康。

仲有一種亦比較常見既益生菌叫「兩歧雙歧桿菌」，或叫「比菲德氏菌」，（英：Bifidobacterium Bifidum；簡稱：B菌），B菌係BB出生之後2-3日已經開始係體內出現，並快速成為腸胃內最具優勢既益生菌，維持菌叢生態平衡，B菌係代謝過程中，可以產生醋酸同乳酸，仲可以產生維他命B群，不過隨住年齡既增長，B菌會斷減少，去到老年人既時候，大約剩低1%左右既B菌。

【8個方法改善視力問題】有時見到小朋友係睇書、睇電視既時候，要靠得好近睇先得，有時又會側住個頭黎睇，又或者瞇眼睇野，問佢點解會咁樣睇野既時候，小朋友都會話睇唔清楚，如果出現咁情況，家長就要留心同留神啦，因為可能小朋友視力出左問題，例如近視⋯⋯繼續閱讀

乳酸菌等於益生菌？

不得不提既係，好多人以為乳酸菌就係益生菌，其實乳酸菌指係代謝過程中產生大量乳酸既細菌都可以稱為「乳酸菌」，但只有通過胃酸、膽鹼，並對身體既有正向幫助既活性微生物，例如可以幫助維持消化道機能、改變細菌叢生態、輔助調整過敏體質、免疫調節並強化免疫力，先可以叫得上「益生菌」，雖然，益生菌都會產生乳酸菌，但切記，乳酸菌唔等於益生菌，而且2者價錢都相差好大，功效亦差好遠嫁。

益生菌對BB有咩好處？

① 益生菌功效
提高BB既抵抗力

② 益生菌功效
促進腸道健康，幫助BB排便順暢

③ 益生菌功效
對抗有害微生物

④ 益生菌功效
減少過敏機率

⑤ 益生菌功效
減少BB腸絞痛扭計

小朋友幾多歲可以食益生菌？

「益生菌」原本就係同體內既共存既微生物，所以根本上係無嚴格既年齡限制，但係，由於BB出生時，腸道系統都仲未完全發育好，加上BB食既食物來源非常單純，人奶或者奶粉，BB慢慢建立緊專屬於佢自己既腸道菌叢，所以呢個時候，並唔特別需要幫佢地額外補充益生菌。建議由BB開始食用副食品後（大約六個月大左右），各位爸爸媽媽再因應BB既情況，然後視乎需求再決定幫唔幫小朋友補充益生菌。

適合7-8人享用的Little Friend Set｜多人到會外賣套餐｜Kama Delivery

快速查看

兒童派對到會套餐

免運費的地面交收服務

專為兒童派對、百日宴、小朋友生日會等活動而設

套餐內容涵蓋沙律、小食、主食、甜品、飲品等

點我查看完整餐單

如何幫小朋友選擇益生菌？

市面上既益生菌品牌琳瑯滿目，要點樣先可以買到適合小朋友食既益生菌呢？各位父母不妨參考以下5個方法：

益生菌挑選方法 1. 菌數（介於50億-150億）

因為小朋友既消化道面積比較細，家長可以係選擇益生菌數介於 50億至150億，兼含有多種菌種既產品。

益生菌挑選方法 2. 添加成份

市面上有好多益生菌產品都會添加，各位家長當選購益生菌時，可多加留意產品成分。因為要增加益生菌留係體內存活既數量同時間，係要提供益生菌所需要既營養，例如麥芽糊精、菊糖、果寡糖、木寡糖（稱為益生元、益生質或益菌生）等，呢D都係益生菌鍾意既食物。

【了解兒童免疫接種計劃】近幾年會好常聽到或者見到有關HPV疫苗既廣告宣傳，但係，HPV疫苗係有咩用途？係咪只可以女性先可以打呢只疫苗？小朋友可唔可以打？小編幫各位父母綜合左有關一D子宮頸HPV資料，等大家認識多少少。首先HPV，全名係叫「人類乳頭瘤⋯⋯繼續閱讀

益生菌挑選方法 3. 專利認證、大廠製造

各位家長當選購益生菌時，可以留意個產品有無標明專利編號既菌株，例如：BR022、BRAP-01專利菌株，另外，都留意個生產工廠係咪有通過認證，例如：HACCP、ISO22000、NSF等機構認證，咁就可以確保原料到製成既全程都係符合國際生產標準。

益生菌挑選方法 4. 定期更新第三方檢驗報告

所有食品最重要就係食品既安全，最少確保益生菌最基本既檢測項目，例如微生物、塑化劑，以及重金屬呢三項，除左要有檢驗報告外，仲要睇製造商有無將產品每批送驗，同時係直接將第三方檢驗報告公布出來。

益生菌挑選方法 5. 劑型選擇

常見既益生菌劑型有分幾種，包括粉劑、膠囊、藥丸，其中藥丸係製作過程中會經過高溫熱壓，咁會好容易破壞左益生菌既活性，從而影響功效。粉劑除左方便食用，吸收既效果都比較好、穩定性又高，仲可以避免不必要既食品添加物。而膠囊就可以保護益生菌係進食時，令到益生菌順利通過消化道、兼可耐胃酸，所以，粉劑同膠囊兩者都係理想既選擇。

另外，益生菌最好係未進食前食用，如果想令小朋友有更好吸引，記得唔好用熱水，因為熱水會影響到益生菌既活性。當然，益生菌除左可以經呢D制成品補充，但都可以透過日常中既發酵食物攝取嫁，例如：泡菜、納豆、乳酪、味增等，都係唔錯既選擇。