【推薦8個落雨必備既水鞋牌子】

踏入雨季，出門返工遇到落雨，就會搞到對鞋都濕笠笠，返到公司又要處理對濕左既鞋同襪，都真係好唔方便嫁，小編搵左 8 個牌子既水鞋俾大家參考下，快啲買返一對雨靴度過呢個雨季啦，既能防水，又可以當日常配襯，無論係斯文既返工 Look 定係休閒嘅街頭風，都可以輕鬆駕馭。咁樣大家就算係大雨天出門，都可以保持雙腳全日乾爽舒適，極速擺脫濕笠笠既狼狽感！

8 款高顏值防水雨靴推薦，兼顧防水與日常穿搭

PALLADIUM ｜超輕量山系風格

PALLADIUM 係來自法國既軍靴品牌，本身係 1920 年代以製造飛機輪胎起家，後來設立製鞋廠推出 Pampa Boots，而 PAMPA TRAVEL LITE+ WP 呢系列係採用左防水技術同超輕量化外底設計，高透氣度，所以無論係當雨靴著又得，當平日出街著又得，非常適合一班山系女生嫁。

HUNTER ｜百年皇家認證

HUNTER 係 1856 年成立既英國傳統品牌，更先後得到女王伊莉莎白二世同愛丁堡公爵既兩張皇家認證，奠定左英國百年老牌既地位。最具代表性既一定係原款既靴子，同永不過時既 PVC 雨靴，以天然橡膠打造，擁有超強防水機能，不得不提既係，HUNTER 既鞋型係十分修飾腿型以嫁，想要美腿既大家可以考慮呢款美腿神器。小編建議大家可以考慮佢地既經典款 Original Refined Tall Wellington Boots。

Le Chameau ｜凱特王妃之愛

Le Chameau 係 1927 年法國創立既一個雨鞋品牌，Le Chameau 非常注重品質周細節，所以每一對雨靴都係選用頂級既天然橡膠，最厲害既地方係，成對雨靴都會由一位職人師傅親手製作，仲必須要經過 150 道工序先可以完成一對鞋，另外，Le Chameau 既長靴兩側會有可調節寬度既設計，方便唔同 Size 同腿型既人隨時調整靴口鬆緊，方便穿脫之餘，仲更加可以修飾雙腿既線條，同 HUNTER 一樣顯腿細嫁。連英國既凱特王妃都係 Le Chameau 既粉絲，經常都會見到佢著呢個品牌出席活動嫁。

Joules ｜平價兼抓地力超強

Joules 屬於比較新既英國品牌，由於價錢親民而被大眾評為係「平價版 Hunter」，Joules 採用耐磨既天然橡膠，以手工製作，100% 防水之餘，更加具有抓地力。設計風格方面，主打女性化，例如雨靴後面會打蝴蝶結既可愛風、清新風、鄉村風格、手繪塗鴉畫風、復古風等，非常受到女生既喜愛嫁。

小食

109 商品

Aigle ｜經典圈圈滾邊設計

Aigle 係 1853 年法國創立既一個品牌，當時已經開始製作膠靴，早期 Aigle 定位更以貴族高級手工膠鞋及馬靴作為佢地既品牌象徵，加上以全人手製造，後來佢地既天然橡膠雨靴更加家喻戶曉，而且 Aigle 既設計都好易認，雨靴上係有圈圈滾邊既設計。除左出大人既雨鞋之外，仲出埋小朋友款嫁，咁就可以黎一個親子裝啦。

Barbour ｜英倫經典風格

Barbour 係 1894 年英國創立既品牌，當時因運用獨家油布材質，做到防風防水，耐寒，又耐用而出名，所以 Barbour 既防水風褸同雨鞋都係聞名全世界嫁，同時亦係英國皇室喜愛既經典品牌，並且係擁有三張皇家認證嫁。另外，Barbour 雨靴以橡膠製造，防水又防滑，柔軟有彈性，令到長時間進行戶外活動，都依然可以保持舒適感，Barbour 除左著重功能性之外，仲有個小亮點嫁，就係雨靴既內襯係獨特別緻既 Barbour 經典格紋。

Dr. Martens ｜潮流百搭

1960 年出產既英國品牌工靴 Dr. Martens，當時廣受藍領階級既喜愛，包括郵差、警察、地鐵工人等，後來品牌更由唔同既風格，文化既人，例如係音樂家同青少年去穿搭同顛覆，令到呢個牌子 Dr. Martens 既對象更加廣泛，而且 Dr. Martens 佢地亦好著重舒適度、耐用程度、輕量化，而家仲會每年推出唔同色系同聯名款，再加上佢地防水既表現非常好，所以非常之多人喜愛嫁。

Timberland ｜原創經典駝黃色

Timberland 係 1968 年已經將注射製模防水技術引入製鞋業，製造出可以防水既皮靴，更加係 1973 年推出左以 Timberland 名既原創防水靴。Timberland 最有代表性一定係佢地既經典駝黃色鞋靴，即係 Kinsley 防水 6 吋靴，採用 TimberDry™ 既防水技術，100% 完全防水。除左呢款經典色之後，都會推出其他大地色系既唔同系列嫁。