購物車內無任何商品
posts
數字人民幣係咩？5分鐘帶你認識使用方法及好處
數字人民幣係咩？5分鐘帶你認識使用方法及好處
隨住數碼經濟愈來愈滲透我地既日常生活，大家有無聽過「數字人民幣」呢個名，係咪有好多人到依家都仲係一頭霧水：「數字人民幣究竟係咩？」到底佢同我地平時用開既微信支付、支付寶有咩唔同？
數字人民幣係咩？
數字人民幣（e-CNY），又稱數位貨幣電子支付（英語：Digital Currency Electronic Payment，縮寫：DC/EP），最核心既定義，就係由中國人民銀行發行既數碼形式法定貨幣。簡單一句講，就係電子版現金。佢同你銀包入面既紙幣、硬幣，價值係1:1完全一樣，具有無限法償性，即係任何商戶、機構、店舖都唔可以拒收，同現金一樣通行全國。
目前只有 9 間機構提供透過「數字人民幣」程式開立數字人民幣錢包既服務，包括工商銀行、農業銀行、中國銀行、建設銀行、交通銀行、郵儲銀行、招商銀行、微眾銀行及網商銀行，而試點地區則為深圳、蘇州、雄安新區、成都、上海、海南、長沙、西安、青島、大連，還有北京冬季奧運會場地。
Master自訂到會服務
數字人民幣有咩好處？
數字人民幣既本身係錢，而微信支付同支付寶只係裝錢既電子銀包。一個係貨幣，一個係支付工具，本質完全唔同，就好似紙幣同銀包既關係，唔可以將數字人民幣等同第三方支付。
❶ 全程零手續費，慳錢又慳時間
數字人民幣最大吸引力之一，就係無論轉帳、收款、提現，全部免手續費。對比微信同支付寶提現要收手續費、商戶收款要扣點，數字人民幣完全無呢啲收費。對小商戶、地攤、茶餐廳、便利店來講，長遠可以慳返一大筆開支。而對普通市民，轉帳過數、俾家用都唔使心疼手續費。
❷ 離線都可以支付，無信號照用
平時搭地鐵、入電梯、上山、去偏遠地方，微信同支付寶一無信號就即刻癱瘓。但數字人民幣支持雙離線支付，兩部手機碰一碰，就算無Wi‑Fi、無數據、無信號，都可以即時完成交易。呢一點對長者、小朋友、唔習慣用複雜功能既人超級友好。
❸ 國家信用擔保，安全度最高
數字人民幣由央行發行，以國家信用做後盾，資金絕對穩陣。依家升級到2.0版本，實名錢包入面既金額有活期利息，亦受50萬存款保險保障，唔會好似第三方平台一樣存在經營風險。手機唔見咗都可以即時凍結錢包，資金安全有保障。
❹ 可控匿名，私隱同安全平衡
微信同支付寶係全程實名，你買過咩、去過邊、使咗幾多，平台全部有紀錄。數字人民幣採用小額匿名、大額可追溯，細額消費唔會暴露個人資料，保護私隱。而大額交易先會被記錄，用黎打擊洗黑錢、電騙、逃稅，仲可以顧及私隱同安全性。
❺ 無銀行卡都用到，長者機都適用
數字人民幣有多級錢包，最基礎既四類錢包唔使綁卡、唔使複雜實名，簡單登記就可以用，額度足夠日常買送、搭車、食飯。除咗手機APP，仲有卡片式、手環式硬錢包，就算用長者機、唔識智能手機既人都用到，真正做到金融普惠。
❻ 智能合約更安全，預付消費唔驚走數
數字人民幣可以設定條件先至付款，例如消費券自動使用、訂金按條件結算、補貼直接落袋，防止商家卷款、走數。政府發放津貼、消費券，用數字人民幣可以做到精准發放，唔會被中間人截留。
【北上消費玩樂無難度】而家咁多人返大陸消費，甚至中港生活兩邊走，無論係衣、食、住、行、娛樂消費，喺機不離手年代點都要有幾個APP傍身嫁，難道仲帶人仔出街俾錢買野？食飯Book酒店要打電話？小編總結5類既APP俾大家，等大家更方便融入大灣區嘅生活⋯⋯ 繼續閱讀
同支付寶、微信支付係咪一樣？
數字人民幣既本身係錢，而微信支付同支付寶只係裝錢既電子銀包。一個係貨幣，一個係支付工具，本質完全唔同，就好似紙幣同銀包既關係，唔可以將數字人民幣等同第三方支付。
數字人民幣係數碼現金，微信支付同支付寶係電子銀包，兩樣根本唔同既本質。咁數字人民幣會唔會取代微信同支付寶？其實唔會取代，3者只會互補共存，因為數字人民幣專注法定貨幣功能，強調安全、免費、離線、普惠，而微信同支付寶強調生活生態，外賣、打車、網購、理財、社交場景更成熟。三者一齊用，支付選擇更多、更方便、更安全。
❶ 身份唔同
數字人民幣係法定貨幣，即係現金。
微信支付、支付寶係第三方支付工具，只係錢包，唔係錢。
❷ 信用背景唔同
數字人民幣由央行發行、國家擔保，無倒閉風險。
微信、支付寶靠商業機構信用，資金存放於備付金，存在平台風險。
❸ 手續費唔同
數字人民幣轉帳、收款、提現全部零手續費。
微信、支付寶提現收費、轉帳有限額、商戶收款扣點。
❹ 使用條件唔同
數字人民幣無網絡、無信號，離線都可以以「碰一碰」方式支付。
微信、支付寶必須上網，無信號即無法使用。
❺ 私隱制度唔同
數字人民幣小額可匿名，大額可追溯，可保護私隱。
微信、支付寶全程實名，所有消費記錄平台可見。
數字人民幣未普及原因
數字人民幣並非遙遠既金融概念，而係已經慢慢走入街市、商場、地鐵、便利店既法定數碼貨幣。但目前未完全係全中國普及都受以下5個原因影響嫁：
- 大家習慣左用微信支付、支付寶，根本唔想轉
- 商戶唔想換機、又冇著數
- 冇利息、冇理財、冇紅包活動等功能
- 鄉下、細鎮、老人群體，淨係信現金，推廣難度好大
- 數字人民幣係法定貨幣，牽涉成個金融系統，處於試點優化階段
聯絡我們
追蹤我們延伸閱讀
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
