咩係希臘乳酪？【3個指標助你揀選合適乳酪】

咩係希臘乳酪？【3個指標助你揀選合適乳酪】

香港人都知食乳酪好多好處，又可以減肥瘦身，而且當中既益生菌仲有助腸道健康，預防或者改善便秘，另外，乳酪仲可以補充一日所需既一半鈣質，改善骨質疏鬆。但市面上售賣嘅乳酪五花八門，超市常見乳酪同希臘乳酪有咩分別？究竟邊隻先適合自己身體，而大家又會點選擇？

乳酪主要成分係鮮奶同益生菌，希臘乳酪（英: Greek Yogurt）聽個名以為係由希臘出產，但其實並唔係，只係比起普通既乳酪，多左1個步驟，做多一次篩走水分同乳清既工序，大概四公升牛奶製作出一公升既希臘乳酪，而一般既乳酪就用約一公升既奶，就可以製做成一公升既乳酪，所以令到希臘乳酪既口感會更加厚實，所以又叫過濾乳酪（英: Strained Yogurt）。而且係營養方面，希臘乳酪比一般既蛋白質含量仲要高，大約每100克就含有8-10克既蛋白質，糖份就大概有3-4克，而一般既乳酪蛋白貿就含4-5克，糖份就有4-8克，所以食希臘乳酪反而增加左蛋白質既攝取量，因為高蛋白質，令人更加有飽肚感，所以有助減肥人士食用。

同時令到乳糖不耐症人士都可以攝取到奶製品既營養，因為乳酪發酵既過程中，牛奶入面既乳糖被益生菌轉為葡萄糖同埋半乳糖，再者，係過濾果陣帶走一部分既乳糖，所以乳糖不耐症人士食乳酪就少出現唔舒服既徵狀啦。有關乳糖不耐症，可參考以下文章：

希臘式乳酪（英: Greek Style Yogurt）其實同希臘乳酪係唔同嫁，佢既營養成分就同一般既乳酪差唔多，只係加左蛋白粉同增稠劑去模仿希臘乳酪既口感，變相價錢比起希臘乳酪平。

一般既乳酪同希臘式乳酪都好容易係百佳，惠康呢D超級市場買到，而希臘乳酪就比較無咁易就見到有，大家行開IEKA，馬莎，不妨留意下，買既時候留意返包裝上既成分同營養標籤。