【2023年度Pantone代表色】洋紅萬歲（Viva Magenta 18-1750）

【2023年度Pantone代表色】洋紅萬歲（Viva Magenta 18-1750）

來到2023年，終於換左年度代表色，色彩權威Pantone係2022年12月7日公佈左新既代表色，洋紅萬歲（Viva Magenta 18-1750），一種紅紅火火既顏色。

Pantone每年都會揀一種顏色去代表一年既顏色，有祝福，寄望既意義係度。咁2023年既洋紅萬歲色，Pantone稱佢為「非常規時代的非常規紅色」。

洋紅萬歲色源自紅色色調家族，比深紅色淺一D、仲帶有紫色既神祕感，靈感就係來自一種小昆蟲，叫胭脂蟲，佢既顏色介於紅色同粉紅色，係天然染料之中最珍貴既染料之一，亦係世界上最濃烈同最明亮既染料之一。Pantone研究所副總裁 Laurie Eiseman介紹洋紅萬歲既時候，認為「 這種顏色的選擇，也反映出時代的『叛逆』精神，還有疫情後人們對創造性實驗的新興趣。 」而且，洋紅萬歲亦係激發人既精神，喚起大自然既力量，同時幫助大家建立內在既力量。

雖然，疫情依然未走，各國亦開始用唔同既方法去疫情共存，甚至開放返旅遊業，逐步適應，回復正常生活。Pantone想透過洋紅萬歲，希望可以激勵大家，重新走向更樂觀積極既未來，亦代表左同世界重新站穩腳跟既認證、信心和聯繫。

小編分享幾款2023年洋紅萬歲色調既用品俾大家：