Kama Delivery外賣5大優勢令你欲罷不能|Staycation外賣食咩好|Kama Delivery到會美食訂購平台

【Staycation外賣食咩好】Room Service太貴?Kama Delivery 外賣5大優勢令你欲罷不能

  【Staycation外賣食咩好】Room Service太貴?Kama Delivery 外賣5大優勢令你欲罷不能   眾所週知,Staycation即係Stay喺香港過Vacation,為提升旅遊嘅感覺,會選址香港嘅酒店啦,Staycation外賣食咩好迅速成為熱門話題,疫情下酒店餐廳咁多人一齊食飯傳播風險大,但Room Service又貴,價錢本身已經比餐廳貴,食餐飯根本完全唔值,而且仲要未必啱食,所以好多人Staycation都寧願叫外賣,如果係Dogcation同狗狗一齊又未必入得酒店餐廳,叫外賣都要視乎酒店附近有咩食,有啲酒店偏少少,又或響工業區酒店如觀塘、香港仔,如海洋公園萬豪等,周圍餐廳早就收哂,假日可能根本冇開添,所以Staycation外賣選擇唔係咁多選擇,Kama Delivery作為香港外賣美食供應方,5大優勢完全配合Staycation嘅需要,駛咩捱貴價Room Service呢?   _____________   Kama Delivery x Staycation 美食外送優勢   1. 冇地域限制,陸路全覆蓋   無論你Staycation嘅酒店幾偏,喺邊區,陸路交通連接到,香港九龍定新界,甚至係東涌迪士尼、愉景灣, Kama Delivery嘅外賣送貨服務都覆蓋到,當然,偏遠地方會涉及附加費,但係地面交收的話,美食會送到酒店附近,達到指定訂購金額更加運費全免,酒店Room Sevice送餐範圍都係響酒店入面,無論你叫咩嘢食,幾多錢都好,一樣要收運費,慳到錢已經高低立見。   _____________   2. 自選指定送餐時間,夠哂Free   Kama Delivery美食外送時間由早上11:00開始,最夜去到夜晚9:30,只要訂餐嘅時候還擇送貨嘅時間範圍,司機就會準時將外賣送達,嗌左外賣之後你咩都唔駛做,Staycation期間可以放盡輕鬆玩,到時到候司機會打電話俾你拎嘢食,去Staycation都係想身心放鬆,無牽無掛先係最高享受。   _____________   3. Staycation外賣食乜好?過百款美食你實揀到   Kama Delivery貨架上嘅美食款式超過一百款,由沙律前菜、湯品、小食、主食、飯或意粉到飲品、甜品等,更加有多人美食到會套餐,甚至純素菜到會,選擇琳琅滿目,Staycation成班朋友,大人小朋友都岩食,對於飲食嘅要求都各有喜好,我哋希望照顧到每一個群體,無論係柴娃娃一班死黨有男有女定家庭聚會姨媽姑姐有長有幼,Kama Delivery都有唔同外賣套餐切合唔同嘅主題,所謂有得揀,就唔會撞板。   _____________   4. 顏值高,影相一流   Staycation點少得影靚相?相機食先就基本功,Kama Delivery響美食外賣嘅包裝上別出心裁,由主打龍蝦海鮮Mac & Cheese,一打開成隻龍蝦浦出嚟,充滿視覺震撼;迷你漢堡,的骰可愛;5公斤桶裝飲品到迷你樽裝奶茶,通通都係igable,顏值高嘅食材,配合靚人靚景靚酒店,先可以突出Staycation嘅儀式感,先夠Chill。   _____________   5. 專業外賣保溫,食物冷暖分隔   每間酒店嘅位置唔同,送餐時間嘅長短對於食物保溫影響深遠,有見及此,Kama Delivery有專用保溫袋為食材保溫,就算車程較遠,都可以令外送食物保持一定溫度,冷熱盤亦會分開包裝,避免影響食物質素,Staycation外賣選擇Kama Delivery,性價比絕對響酒店Room Service之上。         除左假日,每逢大時大節,親子Staycation、Dogcation嘅需求都會暴增,酒店要提早訂之外,Staycation叫外賣都要提早訂購,通常節日都會因為單量超負荷而截單,Kama Delivery都好想回應到所有顧客嘅支持,所以如果選擇節日Staycation嘅話,就早少少去我哋網站或者WhatsApp我地提早安排啦!   【點我查看Staycation外賣美食】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 【派對食物外賣】到會 vs 餐廳? 【高級到會推介】讓你自訂獨一無二嘅外賣餐單 【大型活動Party必睇 到會服務推薦2021】 精緻到會推介2021【商務招待企業必備】     *未經許可,以上圖片及文章不得轉載或引用*        
2021-09-23
食大閘蟹前必睇|又到食大閘蟹季節|9件關於大閘蟹嘅大小事

【又到食大閘蟹季節】9件關於大閘蟹嘅大小事

  【又到食大閘蟹季節】9件關於大閘蟹嘅大小事     踏入8至10月,又係食大閘蟹季節,大閘蟹一直都受到香港人追捧,食大閘蟹當然要當造食啦,雖然其他月份都有得食大閘蟹,但8-10月嘅大閘蟹最靚,原因係冬天大閘蟹會冬眠,冬眠前梗係要飲飽食醉操肥啲,所以秋天嘅大閘蟹會係一年中最多膏最多肉嘅狀態,除左要啱季節之外,食大閘蟹仲有咩學問呢,正所謂「九月圓十月尖,識分公乸先夠chill」,雌蟹蟹黃色澤金黃誘人,雄蟹蟹膏軟糯粘口,但係100克蟹膏含約四百多毫克膽固醇,而專家建議人體一日對膽固醇嘅攝取量應少過300毫克,坊間有好多攪大閘蟹放題,貪一時滿足隨時有害身體健康,所以人間美食淺嘗點到即止方為上策!   _____________   9樣食大閘蟹前你需要知道嘅事     1. 陽澄湖大閘蟹有咩特別?食大閘蟹仲有咩選擇?   陽澄湖作為蘇州引水源,300米內不能出現任何污染源,水質清澈,礦物質豐富,所謂好水出好蟹,陽澄湖大閘蟹雖然去到今日依然需求大過產出,但隨住產量日增,水質已經大不如前,有見及始,政府要求養殖大閘蟹嘅養戶清除大閘蟹嘅圍養欄,避免水質退化,但呢個動作會直接影響陽澄湖大閘蟹嘅產量,導致當造季節價格更貴,有見及此,近年食客都漸漸接受以塘蟹代替湖蟹,陽澄戶附近嘅養戶自己挖塘,引入陽澄湖嘅湖水,而塘水一年換一次,廢水直接俾返陽澄湖,所以亦有人講陽澄塘比陽澄湖水質更好,而且養殖成本較低,價錢亦較平,但質素無太大分別,而且喺陽澄湖大閘蟹嘅巨大需求下,假貨充斥市面,除左陽澄湖大閘蟹之外,江蘇太湖大閘蟹、河南大通湖大閘蟹、台灣苗栗大閘蟹同日本北海道大閘蟹質素都有保證,當地水質出名靚,堅持以天然方式養飼,當然,質素上未必及得上陽澄湖大閘蟹,但亦係唔錯嘅選擇。   _____________   2. 食大閘蟹一定要新鮮?   當然,大閘蟹屬於海鮮,新鮮一定係最好,市面上有好多大閘蟹已經係熟左急凍,其實一樣可以食,大閘蟹響急凍過程唔會滋生細菌,但當解左凍,同空氣接觸左一段時間後,最好當日食埋佢,唔好又擺返去雪,一定要高溫蒸煮,咁梗係冇新鮮貨好食,但價錢相宜,買嚟過下癮都可以。   _____________   3. 食大閘蟹,揀蟹公定揀蟹乸   好多人都會疑惑大閘蟹應該食蟹公定蟹乸,蟹公肚圓,蟹乸肚尖,所謂九月圓臍十月尖,但呢啲其實唔太重要,最緊要係你鐘意食蟹膏定蟹黃,口感唔一樣,有人會以為係同一樣野,但其實係兩回事。   大閘蟹蟹膏:大閘蟹公嘅精子,未煮青白色呈半透明狀,熟左都係半透明狀,質地粘粘地,口感綿密,脂肪含量高,有啲人打開大閘蟹發現無蟹黃以為俾人呃,其實食緊蟹公,蟹公係無蟹黃,因為蟹黃只有蟹乸先有。   大閘蟹蟹黃:大閘蟹乸嘅卵子,呈紅色粒狀,食大閘蟹黃,味道有啲似蛋黃,含豐富膠原蛋白,同時膽固醇含量亦高。   _____________   4. 揀蟹睇三大部位,蟹眼、蟹肚及蟹腳   蟹眼嘅活躍程度反映蟹嘅新鮮程度,可以輕輕力㩒下大閘蟹蟹眼附近嘅蟹蓋部分,觀察佢隻眼郁唔郁,識郁都係新鮮嘅信號。反轉隻蟹望下個蟹肚,乾淨純白程度反映大閘蟹養飼水質,輕按感受如果蟹肚較結實,代表蟹膏同蟹肉都多,反之亦然。輕拉蟹腳尖端,如果新鮮蟹會有回彈,亦可以睇下蟹腳會唔會鬆弛,以免買到「蟹貨」。   _____________   5. 大閘蟹點整?要蒸幾耐?   洗乾淨就基本功,而最傳統嘅做法係清蒸,咁先可以保留到大閘蟹嘅原汁原味,但唔好求其掉入鍋就蒸,蒸嘅時候應該成隻反轉蒸,咁蟹膏或蟹黃、蟹汁都可以保留響個蟹蓋內部,大閘蟹屬於寒涼的食物,建議加薑落鍋滾水度蒸,能有助驅走大閘蟹嘅寒涼之氣。大閘蟹嘅大細唔同,蒸嘅時間都要調整,一般5-6両嘅大閘蟹蒸18-20分鐘;7-9 両嘅大閘蟹要蒸約25分鐘。   _____________   6. 買左大閘蟹未食住點保存?   如果買返嚟嘅大閘蟹唔係即日食,要先維持佢地嘅生命,就要了解大閘蟹生存法則,大閘蟹係非常怕熱嘅生物,要做到三樣野,令大閘蟹保命,維持肥美,就係低溫、靜止及黑暗,降低大閘蟹代謝功能及速度,有專家建議用濕毛巾包覆蟹身,放入雪櫃,大閘蟹可以生存多兩三日,之後就要食,因為時間愈長,大閘蟹會用自身脂肪提供能量,蟹膏同蟹肉量都會下跌。   _____________   7. 大閘蟹嘅食法次序?   唔講唔知,原來食大閘蟹係有次序,由蟹腳開始,然後蟹鉗,蟹身,最後先食蟹蓋,蟹膏或蟹黃,原因係蟹汁蒸煮後都保留於蟹蓋內,有助保溫,但食左蟹蓋先,蟹腳、蟹鉗就會凍,食大閘蟹更加要避免誤食呈六角星形嘅蟹心,因為非常寒涼,食左有機會肚瀉或腸胃不適,另外呈灰色嘅蟹腮及呈黑色三角形嘅蟹胃都不能食用,蟹腮是蟹嘅呼吸器官,係最先接觸污染物嘅器官,而蟹胃會有蟹嘅排泄物,所以食大閘蟹前必須留意。   _____________   8. 食大閘蟹禁忌   大家都知食大閘蟹唔好食柿,原因係柿含有單寧,容易讓蛋白質凝固,造成腹痛,嘔吐等不適,除左柿之外,酒、茶、花生等都屬高單寧食物,可免則免。皮膚敏感、女生月事期間、膽固醇本身偏高或感冒未清嘅朋友都唔適合食大閘蟹,最好食大閘蟹配薑茶而唔係陳年花雕水田,有助驅走大閘蟹嘅寒氣。   _____________   9. 大閘蟹英文係乜?   大閘蟹屬於河蟹類,外國人會叫 Hairy Crab 或者籠統一點叫 Lake Crab,中文學名叫做「中華絨螯蟹」(Eriocheir sinensis),又稱「上海毛蟹」。中國同亞洲人叫大閘蟹英文為「Chinese Mitten Crab」,千萬唔好錯用上港式英語以為係 Gate Crab笑死人!     🔼 大閘蟹清洗及烹調嘅竅門  🔼       立秋之後,好多家庭聚會都會選擇食大閘蟹,但一款食物略嫌單調?Kama Delivery美食到會就幫到大家,始終一班人聚會未必個個都啱食大閘蟹,特別小朋友就未必識欣賞,Kama Party Food選擇種類多,大人細路都岩食,上百款菜式梗有一款啱你,可以瀏覽我地網頁或WhatsApp我地訂購喇!     【點我查看過百款外賣美食】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 訂購到會服務熱門問題【不斷更新】 牛魔福音【4款高質牛扒外賣必食推介】 【船P到會美食推介2021】 【外賣送貨】Kama Delivery真.跨地域美食外賣送貨 Home Party食物大檢閱2021 【懶人攪手必讀推薦】   部份圖片出處 https://www.pexels.com     *未經許可,以上文章不得轉載或引用*        
2021-09-20
3種有效除屁食材推薦|解釋經常放屁的成因|從醫學角度解決不斷放屁的問題

【經常放好多屁代表咩?】提供3種除屁食材 從醫學角度破解不斷放屁的迷思

  【經常放好多屁代表咩?】提供3種除屁食材 從醫學角度破解不斷放屁的迷思   公眾地方放屁,係一件令人尷尬嘅事,更尷尬嘅係你一直放好多屁,不斷放唔停,所謂放響屁唔臭,臭屁唔響,其實無醫學根據,又響又臭嘅屁好常見,只係響屁容易暴露位置,人一聽到屁嘅響聲,下意識會預期臭氣襲來,所以先有呢句,自我安慰,化解尷尬嘅說話,放屁係一種正常嘅生理現象,原因喺食嘢或者飲嘢嘅時候,會將空氣都吞埋,空氣加上食物在腸胃中消化嘅時候產生的氣體,會以兩種方式排出,就係打嗝或者放屁,所謂有屁唔放,腸胃受創,唔好諗住怕尷尬習慣忍屁,除左屁息有機會被血管吸收之外,嚴重起嚟,你呼吸會帶有微微屁味,打嗝果陣屁氣會更明顯,再嚴重啲更加會增加患上憩室症嘅風險,氣體響腸道壁累積會形成囊狀物,一間穿左會引致憩室症,最壞嘅結果係死亡。所以有屁快放,方為好漢。不斷放屁並非排毒,但反映健康狀況,專家講人一日放屁廿幾次都係正常,有時放左你都唔覺,但你如果放好多屁、放連環屁、臭屁、水屁、濕屁,都表示你身體有需要改善嘅地方!   _____________   放屁反映腸道健康   經常放屁原因除左空氣進入腸道外,亦包括腸胃中食物被細菌分解過程中產生嘅氣體同血液中氣體滲入腸道所致,如果放好多屁而頻率密,唔可以一次放完放極唔停,不斷咁放稱為連環屁,而且仲係連環臭屁,有機會係腸道阻塞,常見於便秘人士,因為宿便阻塞腸道,導致不停放好多屁一次放唔哂,逐啲逐啲連珠噴發,有人曾經因為長期放連環屁睇醫生,但期間已經患上咗大腸癌,所以放屁情況可以直接反映腸道健康情況,唔好掉以輕心。   _____________   臭屁源自飲食習慣   如果放屁唔係好頻密,但放親旁邊嘅人都以為爆渠,奇臭無比,亦係腸道發出嘅警號,臭屁其實劃分左幾種,臭雞蛋味、坑渠味、甚至腐肉味,放屁出現腐肉味腸道可能已經係癌症開端,源自癌細胞壞死發出嘅氣味,臭屁嘅形成亦源自飲食,肉類、脂肪、蛋白質需要較長時間消化,腸胃嚟唔切消化就被細菌分解產生臭味,其實環環相扣,多肉少菜,腸胃消化慢,缺乏食物纖維,容易形成宿便,導致腸道淤塞,臭屁因此要分好多次先排到出去,形成不停的連環屁,嚴重的演變成大腸癌,如果長期放屁都臭過臭豆腐,穩陣起見睇睇醫生好啲。   _____________   放屁與失禁的關係   另外仲有一種,稱為放濕屁或水屁,讀到呢度如果食緊飯你可以停停先,因為呢種屁會比較赤裸同太有畫面,所以唔適合食住睇,所謂濕屁或水屁,即係放屁時,屁中帶有便便,正常情況下係唔會嘅,肛門可以透肌肉、血管同神經組織批判係放屁定大便,但有時會出錯,例如腸胃炎期間大便一般都變成液體,肛門分辦液體或氣體比較難,所以當你以為放嘅係屁,實質係便便,所以放屁後濕濕地,實情係「中樞神經錯誤發送訊號致肛門括約肌閉合不嚴」,簡稱「瀨屎」或失禁。如果唔係腸胃不適期間出現水屁或濕屁,但持續出現呢個情況,原因有機會係括約肌鬆弛導致失禁,為人為己,盡快求醫。   _____________   中醫與西醫的不同觀點   如果你唔係經常好多屁放,相反冇屁放嘅話,呢個警號你唔好睇少,冇屁放有機會係痔瘡、嚴重便秘,甚至可能係腸道出現腫瘤阻擋,屁都排唔到出去,嚴重可能要透過手術排氣,所以多屁放,冇屁放都值得大家關注。   中醫角度,屁臭嘅原因係因為濕氣重,濕邪導致脾胃消化功能減弱,食物消化唔切咪放臭屁囉,即係西醫所講被細菌分解時釋出嘅氣味,所以「除濕做得好,臭屁自然無」。   _____________   驅走臭屁食療 除濕食材一覽   1. 冬瓜:具清熱去濕功效,而且利水,去濕一流。   2. 薏米:有助身體透過排尿排走多餘嘅水份,尤其對關節風濕,效果更加顯著。   3. 紅豆:濕利脾胃,更適合老人家或婦女,最簡單係整紅豆水,比例1(紅豆):5(水),水滾後冚蓋焗30分鐘,直接飲就得,咩都唔好加。     🔼 了解屁味跟疾病的關連  🔼       經常放好多屁嘅唔知點算好?Kama Delivery提供嘅素食到會就係清理腸胃嘅最佳選擇,香港人經常多肉少菜,經常外出快餐茶記,偶爾整返個素食派對,約埋親朋好友,有時都要俾腸胃休息下,素菜到會包括一人素食餐盒或素食田園套餐,仲有其他單點素食選擇,歡迎響我地網站或WhatsApp我地訂購,全港送貨!     【點我查看多人素食外賣到會】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 食物營養金字塔指南【健康養生必睇】 24節氣養生法如何練成?【一文讀懂廿四節氣表與飲食指南】 未來肉與植物肉【素食外賣必選】 【健康到會食物點樣揀好?】   部份圖片出處 https://www.pexels.com     *未經許可,以上文章不得轉載或引用*        
2021-09-16
讓小孩喜歡上看書|如何培養孩子閱讀習慣|5種方法提高小朋友閱讀興趣

【如何培養孩子閱讀習慣】5種方法提高小朋友閱讀興趣

  【如何培養孩子閱讀習慣】5種方法提高小朋友閱讀興趣   所謂書中自有黃金屋,如果冇好好培養孩子閱讀嘅習慣,即係有金都唔識執,執金不成仲可能要執輸,大部分富人都有睇書嘅習慣,小朋友三歲開始踏入知識吸收期,除左響閱讀過程中汲取知識外,更加可以激發佢地嘅求知慾、好奇心、創意等,對於佢地嘅智力發展有好大幫助,從小發展培養孩子閱讀習慣,亦可鍛鍊小朋友嘅專注力及耐性,睇書係一種靜態活動,小朋友唔鍾意睇書,家長好容易就放棄,因為覺得小朋友天性就係好動,叫佢坐低睇書,氹過鬧過就係唔肯靜靜地坐低睇書冇辦法,但家長冇留意嘅係,點解佢可以坐定定睇卡通片呢?如果因為好動,睇卡通片又唔好動?原因係因為家長冇好好諗過點營造一個有閱讀氛圍嘅環境,導致小朋友怕悶唔想停留,你俾個超人公仔佢玩,佢拎住飛嚟飛去可以玩足半個鐘,因為佢陶醉響自己嘅世界,閱讀係必須家長參與,透過親子閱讀加強溝通,開啟另一個令孩子陶醉嘅世界。   既然小朋友可以坐定定玩玩具、睇電視Youtube、玩手機,都一樣可以坐定定睇書,形形式式嘅玩具、聲畫俱備嘅卡通片,孩子會因為好奇心加上天馬行空嘅幻想深陷其中,每日一小時嘅卡通時間比一小時嘅閱讀時間,吸引力差天共地,小朋友睇書睇唔明,好快就失去閱讀嘅興趣,張書枱擺幾好嘅文昌位都冇用,咁點樣先可以養成小朋友對睇書嘅興趣呢?   _____________   1. 一齊度過閱讀嘅時光   要培養孩子閱讀習慣,家長參與係最首當其衝,參與度越高,效果愈強,所謂參與並唔係你一邊玩住手機,一邊坐喺小朋友身邊,久唔久Hea應一兩句,睇書嘅過程中每一頁、每一行、每一個字、每一幅圖都要同小朋友一齊睇,睡前故事相信好多家長都講過,但要培養孩子閱讀習慣,係同佢一齊睇書一邊講故事,唔係你有你講,佢有佢聽,睇書過程要多向孩子發問,確保孩子心神集中喺故事書內容上,為佢建立幻想空間,只要小朋友習慣睇書或聽故事時間發問,無論問題同故事有冇相關性都好,父母都應該將問題帶返去書本當中,久而久之,閱讀代表親子時光,小朋友就唔好對睇書反感。   _____________   2. 營造開心嘅閱讀氣氛   同小朋友睇書唔好帶有目的性,有家長們認為橫掂都要花時間睇書,不如提高教育意味,唔好攪錯重點,培養閱讀興趣並唔係學術交流,雖然閱讀時我地適時問小朋友書中內容有助佢地專注閱讀,但你問埋啲學術性問題有機會會打擊孩子自信心,弄巧反拙。曾經有一個家長心得分享,同小朋友講三隻小豬嘅故事,果時小朋友剛剛識數一到十,佢講講下故事問小朋友如果豬媽媽生多左一隻豬仔,咁有幾多隻小豬?小朋友答唔出,即時由閱讀變數學交流,睇本書都有壓力,咁點會有興趣?要響閱讀時激發孩子想像,問嘅問題應該冇既定答案,例如問點解會有狼呢?相信你可以聽到好多有趣嘅答案,令閱讀氣氛變得愉快、輕鬆而養成為良好習慣,星爺嘅電影之所以受歡迎,因為輕鬆冇壓力,一套可以重複睇十幾次,唔通你又要拘泥於交通警員編號167點解可以響路邊燒雞翼咩?   _____________   3. 培養固定嘅閱讀習慣   設定固定嘅閱讀時間係一個好好嘅培養方法,例如睡覺前半個鐘至一個鐘,全家人開個輕音樂,手機、玩具、必須絕跡眼前,以防小朋友分心,既然係培養閱讀習慣,就必須持之以行,美國心理學家指出,養成一個新習慣需要至少要21日,所謂日子有功,只要有良好嘅閱讀氛圍,直到有一日你想偷懶,小朋友都會主動提醒你夠鐘睇書喇!   _____________   4. 打造一個書架   為孩子設立專屬書架,用於建立孩子閱讀後嘅成就感,書架只放睇完嘅書,每睇完一本就放上去,放滿一行可以買小禮物作為鼓勵,養成閱讀習慣不單止滿足自己想像空間,更會帶嚟實質驚喜,當佢擺滿左一行書架,果份滿足感再驅使佢繼續擺滿下一行,所謂「勉強冇幸福,強嚟盞氣谷」,只要你小朋友心甘情願閱讀,先稱得上係佢嘅閱讀習慣,而唔係作為家長嘅你一廂情願!   _____________   5. 了解小孩嘅閱讀喜好   讓孩子選擇自己喜歡嘅書睇,呢個用嚟鞏固孩子閱讀習慣有很大作用,無論作係被封面、插畫、書本外型吸引都好,我地都可以了解原因,從此了解小朋友閱讀喜好,同埋既然係自己鍾意嘅書,一定迫不及待想打開睇,入腦好多,唔好俾任何意見話呢本得圖畫,果本冇教育意義之類,就算係卡通畫集,你都必需為畫集創造故事,陪小朋友睇哂佢,享受每刻親子時光。   _____________     相信睇到呢度,你一定有個幻想,培養孩子閱讀習慣,將來讀書肯定叻啲,唔駛FF啦,閱讀同讀書唔係同一樣野,睇書係一種興趣,讀書係一種責任;閱讀係汲取課本以外嘅知識,擴大想像空間,提高創造力,鍛鍊專注同耐性,讀書係汲取課本上嘅知識,應付升學考試,有濃厚目的性及一定嘅壓力,當然,專注力同耐性提高,對讀書有一定幫助,但有閱讀習慣同學業成績絕對不掛鉤,但養成閱讀習慣對小孩成長絕對有莫大裨益!         鼓勵孩子養成閱讀習慣,除左送禮物之外,同小朋友食好野都好有激勵性,Kama Delivery除左多人美食到會套餐外,家庭餐、小朋友派對到會套餐都應有盡有,當中有精美甜品同造型可愛嘅飲品,小朋友見到一定鍾意,歡迎於Kama Delivery網站或WhatsApp我地訂購查詢!   【點我查看多人美食到會】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 香港地親子活動去邊好【2021暑假篇】 小朋友放電好去處【2021持續更新】 【親子戶外好去處】港九新界十大野餐地點 元朗菠蘿園農莊推介 2-4歲兒童情緒管理教學案例【孩童健康成長篇】 小朋友生日會食物推介【精緻到會餐單持續更新】   部份圖片出處 https://www.pexels.com     *未經許可,以上文章不得轉載或引用*        
2021-09-13
小瑜船|海上瑜伽新體驗|出海、租船、船河公司推薦

【租船出海推介】「小瑜船」可過夜多用途遊艇出租推薦

  【租船出海推介】「小瑜船」可過夜多用途遊艇遊出租推薦   夏天當然係租船出海嘅好季節,但入秋後遊船河嘅活動,就由夏天嘅滑水、水上電單車、香蕉船等水上活動,漸漸圍繞返船上活動,所以租船出海果時,船上設施就好緊要,能夠過夜遊艇就多個賣點喇,Staycation唔再係酒店專利,因為入秋遊船河未必再落水,響船上大半日,冇嘢玩吹一日海風咩,玩樂設施齊備嘅「小瑜船」為多用途遊艇,猶如置身船上Party Room,就算秋天唔打算濕身,淨係響船上玩都好滿足,除左一般遊船河、開船P之外,求婚、小型海上婚禮、紀念慶祝之外,「小瑜船」更加係全港首間海上瑜伽室,當然船主Jancy亦係瑜伽愛好者,更加響瑜伽嘅起源地印度考左瑜伽教練牌照,所以走進「小瑜船」,「Chill」級Relax,感覺有如瑜伽嘅追求,精神放鬆、身心平靜,飲飽食醉仲可以係船上過夜大覺訓,起身仲可以睇日出呀!   _____________   「小瑜船」星級遊艇推介:由朝早玩到天黑,由天黑玩到日出   夏天租船出海,一般都係日頭,因為預左落水,夜晚就太危險,「小瑜船」除左日頭外,更提供通宵過夜服務,開成晚Party癲足一晚,船上更設有卡啦OK、麻雀、桌遊等娛樂設施,而因為響船上面開Party,冇左鄰右里冇街坊,就算夜間聲浪比較大,亦唔會太騷擾到附近居民,玩癲啲都唔駛就住就住啦!   _____________   裝修典雅,有家嘅感覺   「小瑜船」裝修典雅,柚木色地板除左呈現出家嘅舒服感覺,租船出海嘅目的如果想求婚嘅話,就非常適合,求婚都係想成家,同「小瑜船」呈現家嘅感覺不謀而合,船上可載32位賓客,人數再多嘅話,「小瑜船」最多有兩艘遊艇可供租賃,船上求婚又得,賓客亦可以一齊見證準新人幸福,碧海藍天襯托下,影靚相打卡呃Like就冇難度啦,另外,「瑜」字除左代表瑜伽之外,古代代表美玉,所謂美人如玉,好男抱得美人歸,「瑜」字亦寓意和順,正正係對準新人最重要嘅祝福,海上求婚定必能營造浪漫氣氛!   _____________   首間海上瑜伽室,突破船P傳統   傳統瑜伽室一般置於室內,裝修得再美輪美奐、呼吸嘅係冷氣、就算打開窗呼吸嘅都唔係咩新鮮空氣,都市人做瑜伽,想放鬆身心,平時做嘢已經充滿競爭,精神繃緊,如果呼吸嘅空氣都係冷氣,或者都係都市廢氣,做瑜伽嘅地方都係俾四幅牆困住,人與人之間距離又不夠,效果都事倍功半,租船出海做瑜伽夠晒特別,呼吸嘅係新鮮空氣,眼望係海天一式嘅無盡海洋,包圍你嘅唔再係人聲、車聲、就係你老細把聲,而係浪聲鳥語,咁做瑜伽過程中先可以真正做到放下壓力約束同離念,感受心身一體嘅寧靜,洗滌心靈嘅同時順便遊船河飽覽美景,一舉兩得值得推薦。       另外響過去幾個月,租船出海慘被呃錢屢見不鮮,而「小瑜船」作為首間海上瑜伽室,曾被媒體訪問過,加上香港著名嘅租船平台Holimood都有「小瑜船」嘅蹤影,無論你開船P好、求婚好、做海上Yoga好,一定可以如期出海搞船P, 唔需要蒙受不必要損失風險。   「小瑜船」Facebook:Yoga Yacht 「小瑜船」WhatsApp:9077 1496     *以上圖片由小瑜船提供* *未經許可,不得轉載或引用*        
2021-09-09
派對用品危機四伏|小心選擇,讓Party遠離危險|Kama Delivery到會外賣速遞公司

【派對用品危機四伏】小心選擇 讓Party遠離危險

  【派對用品危機四伏】小心選擇 讓Party遠離危險     開Party有好多唔同主題,生日、畢業、慶功甚至求婚,除左派對食物外,派對用品亦同樣重要,派對用品都有分軟件同硬件,硬件泛指設施,例如麻雀枱、投影機、電視、電腦、遊戲機等,甚至VR體驗配備,但硬件一般唔係由參與者準備,所以我地今次集中講軟件,即係場地佈置用品、消耗品或者係提高氣氛或增加儀式感嘅都屬於派對用品中嘅軟件,無論你以咩主題開Party,總會用得著。   _____________   氣球佈置   派對用品最重要嘅分類肯定係佈置場地嘅用品,好似以前響教室開Party,都例必有同學仔藝術家上身,響黑板以塗鴉技巧勾劃主題,其實都屬於派對佈置嘅一種,但無論而家開咩Party,水晶氣球都肯定走唔甩,水晶氣球一般係指透明氣球,入面一般會有波波、相、或者LED小燈泡串裝飾,市面上有氫氣球及氦氣球嘅選擇,作為派對用品當然要安全為上,尤其現場有小朋友嘅話,選擇氦氣水晶氣球都比較安全,氫氣球容易搶火爆炸,新聞曾報道事主生日派對中燃燒煙火蠟燭,身旁嘅氫氧水晶氣球突然爆炸,慘遭毁容,而氦氣水晶氣球中嘅氦氣唔係助燃氣體,受熱爆炸機會微,當然,氦氣水晶氣球一定貴啲,但安全至上,生命無價,唔好貪平。   _____________   煙火蠟燭與傳統蠟燭   上文提過嘅煙火蠟燭,近年亦人氣居高不下,煙火蠟燭嘅煙花效果令佢成為不多劃缺嘅派對用品,尤其係生日Party,一點著即時成為派對中嘅重點影相位,但其實喺香港,煙火蠟燭嘅管有、犯賣、燃點都屬於違法,唔好睇小佢細細枝,因為內含火藥,點著最高溫度可以去到攝氏600度以上,而且煙火高度約15-20厘米,唔同造型嘅煙火蠟燭煙火嘅高度、角度都唔一樣,非常危險,如果派對中必需要蠟燭,都係用返傳統果隻好啲,只要正確使用,危險性較低,造型亦有好多選擇,數字、字母,甚至牌匾,一樣充滿儀式感,冒險用煙火蠟燭,唔係熱鬧,而係胡鬧。   _____________   小孩最愛的肥皂泡   最簡單嘅肥皂泡亦暗藏危險,小朋友對於空中飄浮嘅肥皂泡充滿好奇,好多小朋友生日會都會選擇肥皂泡作為小朋友一齊玩嘅玩具,影相又可以增添夢幻感,基本上係不可多得嘅派對用品,靚嘢背後都暗藏危機,有如玫瑰利刺,一般肥皂泡並無危險性,但市面上有好多肥皂泡套裝為左加強起泡效果,在泡泡水中加入甘油,聚乙烯醇等物質,兒童皮膚接觸後容易敏感,一旦用於生日Party上,泡泡中嘅甘油一接觸火種例如蠟燭會隨即著火,坊間亦有聲稱佢賣嘅泡泡水係可飲用,你千祈唔好信,飲左你吹出嚟嘅唔係泡泡,係白泡,真正肥皂泡遇火唔會助燃,如果要同小朋友玩夢幻泡泡,咁易整最好自製啦,起碼一定無毒先。       當然仲有其他派對用品,不過除左以上呢幾種要注意,普遍的派對用品只要正確使用,都唔會有危險性,Kama Delivery貨架上除左有精美美食到會訂購之外,一般派對用品例如頭飾裝飾、造型眼鏡、特色蠟燭、喜慶金色塑膠餐具等,提高派對儀式感,唔一定要冒險嘅,歡迎瀏覽我地網頁或WhatsApp查詢訂購Party用品。   【點我查看精美派對用品】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 狗狗生日Party點慶祝?【3個寵物派對場地推介】 【3個整蠱方法融入派對遊戲】測試友情大考驗! 小朋友生日會食物推介【精緻到會餐單持續更新】 到會餐單全面睇 Party食物外賣任你揀 【11款開Party大食會餐單ideas】   部份圖片出處 https://www.pexels.com     *未經許可,以上文章不得轉載或引用*        
2021-09-06
Kama Delivery為各位炮製應節食品|中秋外賣套餐2021|慶中秋美食到會推薦

【中秋外賣套餐2021】慶中秋美食到會推薦

  【中秋外賣套餐2021】慶中秋美食到會推薦   今年中秋節係9月21號,相信大家都會準備慶祝中秋節,喺飲食安排上,中秋外賣大行其道,由正餐到月餅再到柚子,中秋都提供外送服務,原因係以前大家賀中秋會選擇燒嘢食,邊賞月邊食,所以燒烤場必定爆滿,除左人煙稠密、坐得唔舒服外、天氣不穩又難以預測,黑麻麻有時燒熟未都唔知,唔係太啱攜老帶幼,好多家庭慶祝中秋節已移師到室內地方,Party Room、會所、當然最多嘅梗係響屋企啦,中秋慶團圓,有咩地方氣氛會好過響屋企慢慢食唔會限時限刻?隨住室內慶祝中秋飯嘅人愈多,中秋外賣嘅需求就愈熾熱,Kama Delivery今年中秋佳節一如既往,2021中秋外賣美食到會套餐已經火速熱賣中,大時大節記得早啲訂購啊!       Kama Delivery 中秋外賣套餐 2021 5人到會份量(份量可按人數向上調整)   湯品及前菜小食 龍蝦海鮮湯(5人份量/袋裝) 鮮果大蝦沙律(5杯) 蟹籽蒸蛋(5隻) 花雕慢煮浸鮑魚(5隻) 芝士蘑菇釀雞翼(5件) 一口煙肉荔枝卷(5件) + 主菜(4選1) 焗德國豬手(1隻/已切件) 秘制去骨海南雞(半隻/已切件) 【+$100】西班牙烤乳豬(1份已切件/約10件) 【+$100】香烤T骨牛扒配秘制Tiger醬(1件450g) + 飯/意粉(4選1) 明太子忌廉意大利粉(3磅)  日式松露蟹肉炒飯(3磅) 【素食】黑松露野菌忌廉闊條麵(3磅)  香蒜新餐肉粟米蛋炒飯(3磅)   Kama Delivery 中秋外賣套餐,食材吸引,份量為5人份量,如果你嘅中秋聚會超過5個人,我地好樂意為你調整份量,我地提供嘅送貨服務無地區限制,你可以選擇免運費嘅地面交收服務,司機會到達前10分鐘左右打電話俾你,請你去你哋商議嘅地方攞你嘅中秋到會套餐,你亦可以選擇由司機親自約你嘅中秋外賣送上門,不過需要加收運費,無論對於中秋外送套餐嘅任何疑問,都歡迎隨時聯絡我哋查詢。   _____________   中秋最出名三樣野—嫦娥、月餅、玩蠟燭,到底係咩典故呢?同農曆新年、端午節、元宵節等節日一樣,中秋節都係有佢嘅起源故事同傳說。雖然好多故事都已經眾說紛紜,但我地大大話話都經歷咁咁多個中秋節,咩典故都唔清唔楚,又係講唔通。   _____________   嫦娥的故事   嫦娥奔月嘅故事有好多版本,嫦娥嘅背景,就唔詳盡講啦,相傳係靚女,係后羿老婆,當年因為吞左西王母賜嘅長生不老之藥後,成仙昇天,開始雙腳離地向上漂,因為唔想同丈夫分隔太遠,所以揀左同地球最近嘅星體,佢亦同時慶幸同地球最近嘅唔係太陽,后羿返到屋企知道老婆升左仙,果個年代未有中秋外賣咁冇計,唯有將嫦娥最鍾意食嘅糕點同食物放哂出嚟,祝福妻子。   嫦娥點解會吞左西王母賜俾佢老公果粒藥呢?版本有3個。有傳佢為左唔想落喺壞人手中,自己吞左;有傳佢謀左好耐,背夫偷食;亦有傳佢誤服。亦有第4個版本,佢老公專登俾粒藥佢老婆保管,等佢老婆升天換老婆,昇天後嘅動作亦唔係祝福嫦娥,只係慶祝活動,如果唔係,人地兩公婆相距幾廿萬公里,有咩好慶祝?但故事真相係點,請自行判斷。   _____________   月餅的由來   好多人似為嫦娥升天前鍾意食月餅,但其實月餅同嫦娥一啲關係都冇,月餅本身叫胡餅,月餅係楊貴妃同唐太宗邊賞月邊食果時改嘅名,及後月餅呢個名輾轉流傳民間,就有咗賞月食月餅呢個傳統,而農曆八月十五日中秋節正係賞月良機,所以先會有中秋食月餅呢個活動。時至今日,月餅嘅款式已經百花齊放,傳統嘅月餅已經滿足唔到現代人嘅胃口,所以各大商家都推陳出新,炮製出花款多多嘅新穎月餅。   _____________   燈籠與蠟燭   中秋節期間大快朵頤過後,就會玩下蠟燭、紙燈籠等經典玩意,呢樣野同神話故事無關,相傳只是唐太宗喜歡用燈籠增添氣氛,以前嘅燈籠外層係紙,中間空心的部分會點燃一支蠟燭作為光源,五顏六色嘅燈籠令賞月之地格外高雅,流傳到而家變成食完月餅,響月餅罐度點蠟燭應節。本身都冇咩問題,但月餅罐空間有限,大量燃點中嘅蠟燭會形成液態蠟,高溫嘅液態蠟遇水會產生巨大火焰,呢個行為稱為煲蠟,絕對唔好玩,火焰觸及之處可能引起火災,禍己及人,而且煲蠟更加係屬於違法行為,慶祝中秋點一支半支添下氣氛,注重安全可以,千萬唔好為追尋剎時刺激,令美好人生隨時斷送。     🔼 中秋節由來話你知 🔼     講到呢度,到底慶祝中秋節係慶祝緊咩?中秋節月亮滿圓,又稱為團圓節,親朋好友每年中秋聚首一堂,慶祝大家每一年都平平安安,身體健康,共同賞月,開心歡聚,Kama Delivery都祝大家平安健康,中秋節快樂,記得中秋佳節,想訂中秋到會外賣套餐要早啲,因為如果截單前我地係通知唔到大家,所以提提大家「及早訂定,中秋淡定」!   【點我查看中秋家庭外賣套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 到會餐單全面睇 Party食物外賣任你揀 Home Party食物大檢閱2021 【懶人攪手必讀推薦】 【甜品甜入心】甜品到會外賣推介2021 【家庭聚會Party Food到會推介】 好食到會菜式全新登場 【每月更新】     最後更新日期:02-09-2021 *未經許可,以上圖片及文章不得轉載或引用*        
2021-09-02
成晚訓唔著點算好?|4種有效方法教你應對長期失眠問題

【成晚訓唔著點算好?】長夜漫漫,輾轉反側,4種方法教你應對失眠

  【成晚訓唔著點算好?】長夜漫漫,輾轉反側,4種方法教你應對失眠   可能大家都試過好眼訓但訓唔著?!睡眠對於人或者動物都非常重要,但偏偏失眠喺香港人非常普遍,明明好攰但就係訓唔著,根據中文大學2020年對香港人口失眠嘅調查指出,每10個人入面居然有6.8人夜晚點努力都訓唔著,失眠人口高達68%,就算保守打個半折,失眠人口仍然高達30%以上,情況嚴重。唔好以為失眠好少事,長期失眠可以講得上係都市病,會導致免疫力下降,亦提高咗患上情緒病、心血管疾病嘅風險,失眠屬於精神科疾病,唔能夠好似傷風感冒食下藥好得返,所有心病還需心藥醫,最緊要了解失眠成因,對症下藥,一齊睇下有咩訓唔著解決方法!   _____________   醫學上點為之失眠?   失眠稱得上係困擾,唔代表你一晚半晚訓唔著就叫失眠,如果符合以下3點,你就注意,你有機會患上失眠症。   1️⃣ 夜晚輾轉反側,難以入睡,明明瞓喺床上有30-45分鐘,但係就點都瞓唔著仲好精神,當然你呢段時間,冇玩電話、冇噪音之類干擾。   2️⃣ 早醒亦係其中一個失眠症信號,可能一直都係訓到9點自然醒,但就突然早幾個鐘醒,而且訓唔返。   3️⃣ 訓訓下醒,但唔係外在因素整醒你,你可能只係瞓得一兩個鐘就突然扎醒,但醒左又至少半個鐘訓唔返。   如果以上嘅情況其中一樣發生響你嘅睡眠當中,而且一星期出現超過3晚,持續3個月嘅話,基本上可定義為失眠。   關於失眠嘅原因,醫學上分為4大種類,每個種類對應嘅方式都有所不同。   _____________   失眠的成因   1. 次發於精神疾病的失眠   訓唔著嘅原因係因為精神困擾引起,例如焦慮、適應新環境、憂鬱等,亦有可能係更嚴重嘅精精疾病,好似精神分裂症或憂鬱症患者都經常被失眠困擾。     2. 次發於身體疾病的失眠   顧名思義,瞓唔著係因為身體問題困擾,最常見係痛症,呢度所講嘅痛症,係長期痛症,例如頭痛、風濕引致痛症等,除左痛症外,鼻敏感患者或肥胖人士容易患上嘅睡眠窒息症導致呼吸唔暢順,都係好典型導致失眠嘅原因。     3. 服用藥物後引起的失眠   好典型嘅例子係需要長期服用類固醇嘅病患,失眠係類固醇嘅副作用之一,亦另外包括好煙酒,依賴咖啡或茶嘅朋友,都歸納響呢項失眠成因。     4. 原發性失眠   如果長期瞓唔著,但又唔知點解,攤咗喺度好耐又好鬼精神,統統歸類原發性失眠。   _____________   應對各類失眠嘅方法   1. 應對精神疾病的失眠   由於呢類失患者係因為心理問題瞓唔著,最重要找出自己憂慮嘅點,例如大部分學生失眠都係憂慮成績、朋輩關係、甚至外表、戀愛等問題,大人失眠通常憂慮事業、家庭、財政問題等,當開始因為憂慮或者擔憂令自己瞓唔著嘅時候,應早及早搵人開解或尋求幫忙,避免憂慮加精神不振演變成精神疾病如憂鬱症、焦慮症等。     2. 應對身體疾病的失眠   身體問題算係比較好解決,起碼知道邊度痛、邊度唔舒服攪到瞓唔著,咁梗係及早檢查治療啦,但對於醫生都束手無策嘅痛症,唯有暫時頭痛醫頭,腳痛醫腳,一邊尋求第二種治療方法。     3. 應對服用藥物後引起的失眠   如果藥物係必需,但會引發後遺症嘅話,就要同醫生商量換藥,或者降低用量,咁當然要醫生同意,如果係因為因為煙、酒、咖啡成癮而攪到瞓唔著,應該降低攝取量,吸少啲、飲少啲,慢慢逐步戒甩佢,令身體慢慢適應冇咗呢啲物質,從而改善失眠問題。     4. 應對原發性失眠   如果你訓唔著搵唔到原因,例如常見於小朋友嘅夜驚,夜驚係小朋友通常瞓到半夜會突然醒,情緒失控表現驚慌、大吵大鬧更可能會郁手郁腳,點氹都唔得,但第二日你問返佢,佢會完全醒唔起,好似斷咗片咁,夜驚嘅原因不明,而小朋友點解訓唔著亦無從稽考,雖然有傳小朋友瞓覺前玩太癲、或者受過責備,但始終難以證實,一般原發性失眠因為搵唔到原因,有人會直接靠安眠藥,咁做大錯特錯,安眠藥有耐藥性,今日食半粒瞓到,半年後可能要食一粒,依賴安眠藥治失眠治標不治本,隨時變左冇食安眠藥一定瞓唔到,長期食安眠藥亦有後遺症,例如嗜睡、反應遲緩、脾氣暴躁等,隨住用量愈來愈大,效果會愈來愈弱,不過唔駛擔心住,有助改善失眠嘅方法其實可以靠自己。   _____________   其他改善失眠嘅方法   所謂改善失眠靠自己,意思係我地可以透過戒除一啲睡前壞習慣,提高環境舒適度,身心放鬆度以輕鬆入睡,例如瞓覺前玩手機,呢個習慣亦會導致失眠,好多人覺得玩到攰、睇到攰就會瞓,而你唔知道嘅係,當你夜晚望住手機螢幕嘅時候,稱為睡眠荷爾蒙嘅褪黑激素就會被手機強光分解,導致訓唔著。睡房可唔使用遮光力強嘅窗簾,降低光害影響;睡前開始播放柔和音樂,令身心慢慢效鬆平靜;睡房可用香薰機,令睡房充斥自己鍾意嘅氣味,滿足感官享受。   如果咩都試過哂都係瞓唔著,坊間有唔少睡眠治療師,佢地會了解你嘅生活作適習慣,睡前行為,所謂旁觀者清,睡眠治療師會矯正我地瞓覺前一啲唔好嘅習慣,例如睡姿、心態等,又例如以睡眠效率公式制定睡眠限制表,提高求助者嘅睡眠質素,最好嘅係佢地一般唔會建議你食方便安眠藥,改變係應該從最根本個人開始。       香港人出名勤力,平日為口奔馳,當然要適當放鬆身心,Work-Life Balance,咁先有覺好瞓架嘛,Kama Delivery有多款美食到會套餐,更加有特色飲品同精緻甜品選擇,好適合用喺良朋歡聚派對,定時放鬆一下,心情都自然好啲啦,歡迎於我地網站或WhatsApp我地訂購。   【點我查看歡聚派對到會】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 到會餐單全面睇 Party食物外賣任你揀 Home Party食物大檢閱2021 【懶人攪手必讀推薦】 【甜品甜入心】甜品到會外賣推介2021 5L桶裝珍珠奶茶【派對外賣必飲】 【飲品到會重新定義】   部份圖片出處 https://www.pexels.com     *未經許可,以上文章不得轉載或引用*        
2021-08-30
【解酒迷思】如何有效舒緩宿醉不適|5個快速解酒方法推薦

【如何有效解酒】5個快速解酒方法推薦

  【如何有效解酒】5個快速解酒方法推薦   派對總係離唔開酒水,當然飲酒可免則免,但良朋聚會,有時亦避無可避,快速解酒方法唔係應用喺你飲酒果時,係應用喺飲酒之後嘅不適,因為就算係當日冇飲醉,過左一晚你仍然會出現宿醉不適,包括想嘔、頭痛、疲倦乏力、口乾淡茂茂等,要有效解酒當然要先了解成因,對症下藥先有用啦。大家都知道,酒能利尿,飲唔飲得個個人唔一樣,但飲得多大家身體都係會缺水,如果冇適時補水,身體器官會向大腦索取水份,導致腦部組織收縮,令人出現頭痛嘅症狀,加上如果你飲醉,喺訓覺過程身體水份亦會流失,但飲酒已經飲到一肚水,正常人都飲唔落,所以有效嘅解酒方法飲酒人士絕對要知,但都奉勸各位飲酒易過量,酒後千萬不可駕駛!     坊間有好多所謂解酒藥、解酒丸等,但其實解酒作用唔大,酒精過量肝臟排唔切,除非你多一個肝,否則無助解酒,反而會弄巧成拙,藥物影響減慢對酒精嘅吸收速度,冇咁快醉,你就以為自己係酒仙,飲幾多都唔會醉,最後你好可能要走先,拜拜都講唔到一句,亦因為飲酒過量,宿醉情況會更加嚴重。   _____________   5個有效嘅快速解酒方法   _____________   1. 飲蜂蜜水   根據美國研究指出,蜂蜜嘅果糖同葡萄糖有助身體分解酒精,最好係搽麵包當早餐,或者沖杯蜂蜜水,但濃度一定要高,酒精喺身體入面係唔會自己消失,一定要靠分解,蜂蜜亦有安神功效,頭痛情況減弱後,再嘗試瞓一覺,充足睡眠對解酒有正面幫助,瞓之前可以的話,飲多啲水先瞓。   _____________   2. 飲醋或果醋飲品   醋含有機酸,當遇上乙醇會產生化學反應,能有效降低酒精濃度,緩減縮醉反應,而飲醋亦有助血液循環加快新陳代謝,令你可以盡快將殘留嘅酒精排出﹐加速解酒速度!   _____________   3. 食香蕉或飲電解質飲品   飲酒後水份容易流失,人體中嘅鉀質亦會隨之流失,身體會隨住鉀質嘅流失量出現唔同程度嘅肌肉鬆弛、乏力、甚至酸痛,疲倦乏力亦係典型嘅宿醉症狀,嚴重更會誘發抽筋或休克,飲電解質飲可以有效舒緩因鹽份及水份流失引起嘅肌肉不適,如果飲唔落嘢,食物之中揀香蕉都可以,香蕉含大量鉀質,食用後亦有同樣嘅解酒功效!   _____________   4. 攝取維生素B   宿醉嘅不適除左由缺水引起外,亦因為酒精殘留,維生素B係酒精代謝嘅主要原素,可以食高維生素B含量嘅食物,例如雞蛋、芹菜、蕃茄等,雖然話動物內臟含有極豐富嘅維生素B,但亦伴隨高膽固醇,所以解酒都係用水果或蔬菜比較健康。   _____________   5. 如果咩都冇 飲水足矣   當你了解左宿醉原因係因為缺水,咁最簡單就係補水,如果上述嘅嘢你都冇,或宿醉嚴重搵唔到,最簡單又快速補水方法就係狂飲水,上述嘅方法亦冇話邊個特別好,所以飲大量嘅水係解酒嘅最簡單有效嘅方法!   _____________   解酒方法迷思   有人提過有效解酒應該用茶或者奶,但其實佢地喺應用上概念正確,但實際上啱啱相反,用茶解酒因為茶利尿,希望靠佢將酒精排走﹐但宿醉除左酒精影響之外,就係缺水,缺水仲飲茶利尿,缺上加缺,隨時嚴重過唔飲。奶就因為飲完會響胃度形成黏膜層,減慢酒精吸收減低傷害,但宿醉嘅時候你都飲完啦,亡羊補牢意思唔大,反而飲酒前飲就有用喇,但原理同解酒藥差唔多,所以都係參考返上個5個有效解酒嘅方法啦!       開Party唔飲酒有咩選擇呢?Kama Delivery新推出嘅桶裝水果茶,味道清新,做型獨特,男女老少都啱飲,仲可以搭配埋桶裝珍珠奶茶,開Party,唔一定要飲酒先開心嘅,即刻去Kama Delivery嘅網站或者WhatsApp我地訂購啦。   【點我查看自家製到會飲品】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【外賣送貨】Kama Delivery真.跨地域美食外賣送貨 【派對食物外賣推薦】 免運費直送+送小食 【甜品甜入心】甜品到會外賣推介2021 5L桶裝珍珠奶茶【派對外賣必飲】 【飲品到會重新定義】   部份圖片出處 https://www.pexels.com     *未經許可,以上文章不得轉載或引用*        
2021-08-26
PayMe抽獎活動懶人包|姜濤陪你PayMeow全民轉轉賞

【PayMe抽獎 好賞中獎】姜B陪你PayMeow全民轉轉賞

  【PayMe抽獎 好賞中獎】姜B陪你PayMeow全民轉轉賞   眾所週知,匯豐PayMe雖不幸失落於消費劵戰場,但你有你消費,我有我送禮,PayMe抽獎活動已於2021年8月2日展開直至2021年9月30日完結,只要PayMe用戶響有用PayMe for Business 嘅商戶消費滿港幣100蚊,即可參與一次PayMeow全民轉轉賞,有機會抽到最高港幣500蚊,8月16日開始,一日更加最多可以轉5次機會,大大提高中獎機會,作為年輕一代炙手可熱嘅電子支付工具,今次PayMe仲搵嚟當紅人氣偶像姜濤BB宣傳PayMeow全民轉轉賞嘅抽獎活動,係咪好「賞」抽呢,Kama Delivery作為其中一間Payme Business嘅商戶,即刻同你分享PayMe抽獎活動詳情。   _____________   PayMeow全民轉轉賞大抽獎   先講講參加資格,要參與PayMe抽獎當然要係PayMe 用戶、18歲或以上持有有效嘅香港身分證及只能以個人名義參加,必須以PayMe作支付工具,同埋要商戶以PayMe for Business收款先得,無論實體店定網店都可以,但要肯定對方係用Payme Business收錢,尤其係小型網店,好多時都會用個人PayMe戶口收錢,俾錢前睇清楚,響抽獎活動期內,單一交易超過港幣100蚊即可參加PayMe抽獎活動,當你以PayMe俾左錢,系統會提示你參與PayMeow全民轉轉賞嘅抽獎,每日最多抽5次!   PayMeow全民轉轉賞有咩抽?所謂「講心都可以,現金表誠意」,有咩好過現金獎,PayMe抽獎活動現金獎金額總數達400萬港幣,現金獎分別係1、5、10、50、100同500蚊,抽中會存入PayMe嘅電子錢包,亦冇限你要幾時用完,使用上比消費劵更具彈性。   除左現金獎外,PayMeow全民轉轉賞準備左一大堆PayMe限量禮品,如果你係呢個PayMe抽獎活動嘅合資格參與者,但你響活動中從未抽到任何現金獎嘅話,唔好灰心,你仲有機會參加PayMe限量商品獎品嘅抽獎,有機會贏得同姜濤合照…過嘅禮品,包括:     毛絨頭巾  記事簿 USB 充電線  電話支架  鎖匙扣 布口罩  紙巾盒套  配備手機支架的午餐盒  圓形杯墊  手提袋  PayMeow 毛公仔  水樽   係咪好「賞」要呢?合資格用戶響優惠期內最多獲3次抽獎機會,得獎者名單將於2021年10月29日或之前公佈,大家記得留意喇!     Kama Delivery亦有提供Payme for Business作為收款渠道,客戶可於網站或WhatsApp落單,就可以參與一次PayMe抽獎活動,單一消費滿800港元,更加可以獲得訂購金額嘅10%購物金回贈,下次訂購金額達500港元就可以用到,加埋PayMeow全民轉轉賞,就獎上加賞啦!   【點我查看派對美食到會套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 Home Party食物大檢閱2021 【懶人攪手必讀推薦】 牛魔福音【4款高質牛扒外賣必食推介】 【外賣送貨】Kama Delivery真.跨地域美食外賣送貨 【飯盒便當、小食餐盒】到會外賣推介2021 【政府派糖2021】6點必讀$5000電子消費券懶人包(持續更新)     *未經許可,以上文章不得轉載或引用*        
2021-08-23