狗仔寵物美容服務|奴才新手必讀|Kama Delivery西式美食到會外賣公司

【狗仔寵物美容服務】奴才新手必讀 護理點止扮靚咁簡單?

  【狗仔寵物美容服務】奴才新手必讀 護理點止扮靚咁簡單?   相信有養寵物嘅主人對寵物美容服務都唔會陌生,養貓仔狗仔初哥可能以為,寵物美容服務咪剪下毛、修下甲、沖下涼咁,自己動手睇下Youtube教學都可以啦,其實剪毛、修甲等只係寵物美容服務中好基本嘅服務,毛孩美容護理服務只係一個籠統嘅稱呼,實際上寵物美容服務唔單止係幫毛孩扮下靚咁簡單,打理得好對佢地嘅健康都有好大幫助,每一日都有人成為新主人,正好了解一下寵物美容服務到底有咩咁重要,唔單止要帶毛孩去做護理,更加要持之以恆,寵物美容服務係一個專業行業,亦有專門嘅寵物美容師嘅培訓課程,絕對唔係一樣簡單嘅工作。   _____________   寵物美容服務 – 沖涼護理   雖然沖涼望落去唔係咩難事,但如果主人幫毛孩洗白白,最多表面乾淨,但好快果陣狗仔味又會蒲出嚟,其實響寵物美容服務中幫毛孩沖涼嘅時候,會幫毛孩洗埋耳仔,點洗耳仔好緊要,毛孩同人一樣,耳仔都容易藏污納垢,處理不善容易發炎、受黴菌感染,異味劇烈下有主人會勤啲幫毛孩沖涼,但問題根本唔響沖涼多與少上面,而且毛孩亦唔適合頻密沖涼,太頻密可能引致皮膚問題出現,加上大多數主人都唔知點同狗狗洗耳仔,仲有有機會洗之前要抆耳毛,為左狗狗健康著想,都係搵返專業嘅寵物美容師幫狗狗清潔,沖埋涼剪埋毛,最緊要係狗狗腳掌嘅毛,唔清理乾淨狗狗好易扭傷滑倒,所以持之以恆帶狗狗去寵物美容中心沖涼唔奢侈,止於狗狗貓貓應該幾耐沖一次涼呢?就要視乎每隻狗狗體味、出街次數、皮膚等等,有問題可以向獸醫查詢專業意見,但緊記,找合適美容師幫毛孩做好深層清潔係必需架!   _____________   寵物美容服務 – 擠肛門線   除左耳仔唔乾淨,毛孩沖完涼冇幾耐會一陣味,肛門線係其中一個原因引起異味,肛門線嘅作用係毛孩大便嘅時間排出潤滑肛液,另一方面係排出肛液霸地盤,好多新手主人都唔知有呢樣嘢,亦唔知道要清理,就算知,都未必識得點清理,肛門線啲液體唔會自然排出,所以做主人嘅必需幫狗狗將肛液擠出,避免肛門線因液體積聚阻塞,引致肛門線發炎或破裂,擠肛門線亦都係寵物美容服務中不可或缺嘅動作,都係交俾專業人士做啦!   _____________   寵物美容服務 – 刷牙/洗牙   狗嘅最大興趣之一,一定係食嘢,刷牙就變得好緊要,人都話可以用假牙,但狗狗牙齒保健做得唔好,就挽救唔到,所以寵物美容服務中刷牙嘅部份,對毛孩係好緊要,有啲主人都會幫毛孩刷牙,但毛孩嘅合作性唔高嘅話,主人可能都係草草了事,但專業人士有方法令毛孩乖乖刷牙,至少唔會馬虎先,除左刷牙之外,洗牙就更深層清潔毛孩嘅牙齒,洗走牙垢同牙石,呢樣野真係唔係主人能力範圍內嘅嘢,洗牙甚至需要毛孩全身麻醉,所以日常毛孩嘅口腔護理都係交俾寵物美容師負責,唔代表唔洗洗牙,不過可以減少洗牙次數,對主人或毛孩都係一件好事。   _____________   上門寵物美容服務   有主人會選擇上門寵物美容服務,即係寵物美容師親自去毛孩屋企幫毛孩進行一系列嘅寵物美容服務,毛孩響自己屋企會合作啲唔會咁緊張,主人亦都唔駛擺低係寵物店唔放心,萬一唔好彩碰上黑店就唔好啦,係屋企搞主人可以觀察成個美容過程,仲可以配合自己時間,不過屋企嘅設備一定冇美容中心咁齊全,勝在有個寵物方面專業人士響你屋企俾你問下嘢,自己都可以學下點樣服侍主子,例如點幫毛孩按摩、保健、梳死毛等,通常唔同品種、體型都有唔同收費,香港響寵物美容服務方面已經好普及,相關資料亦非常透明化,文中暫時不作宣傳。       自取地點:葵涌葵福路金發工業大廈2期2樓大堂入口(葵盛游泳池正門對面)   除左寵物美容護理服務,其他仲包括寵物訓練、攝影、托宿等服務,近年更有寵物派對服務,唔少Party Room可以帶埋毛孩一齊去玩,開狗聚派對、毛孩生日會等,正好可以訂購我地Kama Delivery嘅美食到會服務,8月份美食外賣自取仲全單減$50,只要響送貨方式選擇自取,再響優惠碼欄乾入「TAKEAWAY」就得架啦,詳情請WhatsApp或致電我地查詢。   【點我查看狗狗派對外賣速遞】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 【甜品甜入心】甜品到會外賣推介2021 【外賣送貨】Kama Delivery真.跨地域美食外賣送貨 狗狗生日Party點慶祝?【3個寵物派對場地推介】 【10件養松鼠狗你要知道的事】   部份圖片出處 https://www.pexels.com     *未經許可,以上文章不得轉載或引用*        
2021-08-02
不可一起吃的水果|必看的相剋生果大公開|Kama Delivery西式美食到會外賣公司

【水果混吃禁忌】必懂3對相剋的水果大公開

  【水果混吃禁忌】必懂3對相剋的水果大公開   夏天食水果消暑呢個習慣一直長青,但選擇水果嘅時候都充滿學問,水果混吃禁忌一直存在,哪些水果不能一起吃?萬一錯配亂吃真的會中毒?水果消暑靠嘅係含水量,水果混吃有禁忌嘅原因係某啲水果帶酸較重會影響帶甜水果嘅消化,水果相剋引起胃部不適,當中亦有屬性禁忌,當然,唔係過量咁食其實唔會有太大危險,但禁忌水果長期混吃始終都會影響身體長遠健康,所以,如非必要,可免則免。 一齊認識下不能一起吃的水果!   _____________   西瓜 與 水蜜桃   夏天水果一諗就諗到西瓜,西瓜本身含水量高,味道清甜,消暑一流,響水果混吃禁忌中西瓜同水蜜桃唔可以一齊食,相剋程度極高,聲稱會中劇毒,嚴重會死人,但其實冇任何科學根據,兩者混吃並唔會產生劇毒,不過中醫角度西瓜較寒涼,脾胃較差嘅朋友再食桃會造成胃部不適,因為桃本身亦比較難消化,但西瓜同桃只要唔過量,一齊食係冇問題嘅,反而西瓜嘅混食禁忌係牛油果,牛油果含豐富脂肪酸,油脂需要被人體吸收需要時間及溫度,西瓜性寒,兩者遇上容易引致腹瀉,如果兩樣都想食,至少隔返兩個鐘頭穩陣啲。   _____________   榴槤 與 山竹   夏日水果除左西瓜之外,點少得水果之王榴蓮呢?外表、氣味對於部分人嚟講帶有濃厚攻擊性,但榴蓮肉卻香甜無比,榴蓮等級高如黑剌、貓山王等,價錢唔平但有價有市,榴蓮相關嘅週邊產品種類非常多,榴蓮並不補水,夏天食純粹因為當造,水果混食禁忌中榴蓮同山竹最好唔好一齊食,兩者同樣具有豐富纖維素,纖維素吸收過多容易令大便體積增大,反而卡住腸道,做成便秘,便秘增加罹患大腸癌嘅風險,弄巧成拙。榴連混吃禁忌亦包括荔枝,所謂一粒荔枝三把火,中醫角度嘅所謂上火,症狀包括唇乾舌燥、生瘡、四肢無力同暈陀陀等,但其實因為荔枝含糖量高,人體對糖分過量攝取出現嘅反應,榴蓮同樣含糖高,西醫角度糖上加糖,中醫角度火上加油,唔暈低都好好彩,長期混吃荔枝同榴蓮,糖尿病風險會急速上升,得不償失。   _____________   哈密瓜 與 香蕉   除左西瓜之外,哈密瓜亦係一種極受歡迎嘅消暑水果,根據研究指出,哈密瓜含水量超過90%,營養價值非常豐富,水果混吃禁忌中哈密瓜唔可以同香蕉一齊食,因為兩者鉀含量相對較高,鉀有助人體排鹽降血壓,但攝取大多鉀會令腎臟負擔加重,尤其係腎功能較弱嘅人,長期混食哈密瓜同香蕉,過量嘅鉀因腎功能弱,排唔到出體外引致殘留過剩,加劇損害腎臟,就算腎功能正常,我地都應該小心維持腎臟健康。   _____________   還有什麼不能一起吃的水果?   最緊要理解水果混吃禁忌嘅原因與相剋程度,好似榴蓮同荔枝,因為兩者都係屬於高糖份水果,其他例子有提子、芒果、蘋果、菠蘿等,都唔應該同榴蓮一齊食。鉀含量高嘅水果除左香蕉同哈密瓜外,仲有水蜜桃、火龍果、龍眼、釋咖等,選擇水果嘅時候先可以避開陷阱,遠離水果混吃禁忌。       關於混吃呢樣嘢,Kama Delivery新推出嘅四或五格小食盒,可自選食材,分甜點小食盒同咸點小食盒,非常適合Tea Time輕鬆食,同朋友一齊分享,就可以咸甜混吃啦,包保唔會中毒!記得兩日前預訂啊!歡迎瀏覽我地網站或WhatsApp我地查詢訂購。   【點我查看小食盒外賣速遞】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 【甜品甜入心】甜品到會外賣推介2021 【健康到會食物點樣揀好?】 【大廚推介23種減肥食材,讓你邊吃邊瘦】 【食西瓜消暑?】4款低糖消暑水果巡禮   部份圖片出處 https://www.pexels.com https://unsplash.com     *未經許可,以上文章不得轉載或引用*        
2021-07-30
夏天消暑食咩好|健康低糖消暑水果巡禮|Kama Delivery西式美食到會外賣公司

【食西瓜消暑?】4款低糖消暑水果巡禮

  【食西瓜消暑?】4款低糖消暑水果巡禮   夏天消暑有咩方法?炎熱天氣容易令人大量排汗以致體溫過高,好多人會選擇食西瓜消暑,因為西瓜含有豐富水份,靠西瓜消暑無疑係一個消暑方法,再加上西瓜雖然甜,但含糖量不高,平均100克西瓜只有約5.5-6克嘅糖份,即約5.5%-6%含糖量,水份佔90%以上,解暑實力毋庸置疑,但一個西瓜咁大個,一個人住或兩人家庭都未必食得哂,又阻地方,其實除左西瓜解暑以外,仲有好多生果都清熱解暑,當然根據醫生說法,飲水先係最健康嘅消暑方法,因為生果始終含有果糖,但其實仲有好多少糖重水份嘅選擇,一時三刻諗唔到好正常,即刻開始2021年消暑水果巡禮。   _____________   糖分的攝取量   開始前,我地先了解下一個成年人到底攝取幾多糖分先叫健康呢?根據世界衛生組織的建議,係有條公式,屈指一算,約25-28克糖,過量攝取糖分會導致糖尿病、肥胖等問題,以西瓜解暑,100克西瓜先5-6克糖,相對比較低,唔好憑生果嘅甜味判斷佢係咪重糖,好似火龍果,味道清爽,但唔覺佢好甜,但含糖量約9.6%,比西瓜多足足30%,知道標準後,即刻睇下除左低糖嘅西瓜消暑妙法外,仲可以揀啲咩水果降降溫!   _____________   低糖消暑水果推介 1. 蓮霧   含水量:超過90% 含糖量:約5-6% 蓮霧無論含水量及含糖量都同西瓜差唔多,分別係蓮霧有咁大個,平均一個連霧都係80-90克,對於人數少嘅家庭嚟講係高度推薦嘅消暑水果,而且營養價值豐富,熱量低含豐富維生素C,有助抗衰老,提高免疫力,口感清甜,三高患者或糖尿病患者可以以2顆蓮霧為一份水果,以免過量攝時間糖份。   _____________   低糖消暑水果推介 2. 士多啤梨   含水量:超過90% 含糖量:約5% 士多啤梨味道酸甜,含水量高含糖量低,營養價值豐富,同蓮霧一樣含大量維生素C,不過士多啤梨草酸鈣含量高,腎結石患者要留意,草酸鈣係腎結石嘅主要成份,有機會令結石情況惡化,患者可能適合選擇其他水果,正常人唔會過量咁食,一般都冇咩問題,維生素C對身體有正面作用,而且士多啤梨顏值高,小朋友會比較容易接受。   _____________   低糖消暑水果推介 3. 西柚   含水量:超過90% 含糖量:約6-7% 如果食西瓜消暑你嫌太甜,食士多啤梨消暑你嫌太酸,同樣極具水量但含糖量唔高嘅西柚應該幾唔你,西柚味道比較中性,偏酸但不及士多啤梨,所以唔會覺得西柚好甜亦唔覺佢好酸,有人話西柚助燃脂肪,但未有科學根據,只可以講西柚含豐富膳食纖維,提供飽腹感,控制左一部分嘅食慾,減肥之說可圈可點,但西柚所含嘅檸檬酸係不利腎結石形成嘅元素,不過檸檬酸對胃部負擔大,本身個胃唔太健康好似患胃酸倒流嘅患者,如過量食用西柚,有機會令病情加劇。   _____________   低糖消暑水果推介 4. 蜜瓜   含水量:接近90% 含糖量:約7-8% 消暑水果點可以冇蜜瓜呢?雖然含糖量較高,但亦算偏低,營養價值更高,除左維生素ABC有齊之外,最吸晴嘅當然係粗纖維啦,每100克密瓜約0.8-1克嘅粗纖維,係西瓜嘅2-3倍,有腸道清道夫嘅美譽,有助預防便秘,甚至大腸癌嘅功效,消暑還消暑,都要消得健康。       消暑除左食高含水量水果之外,點少得船P,跳水、滑水、潛水由頭消暑消到腳趾尾,外賣船河美食當然唔少得啦,Kama Delivery嘅Junk Boat Party Set食材種類豐富,可以隨住船P人數調整份量,再配埋我地新出嘅「5L特大桶裝夏日水果茶」,咁就暑氣盡消啦!   【點我查看船河外賣速遞】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 【船河到會安排懶人包】 【夏季熱傷害】中暑有咩症狀?中暑、熱衰竭及熱痙攣3個應對錦囊 【飲品到會重新定義】 【甜品甜入心】甜品到會外賣推介2021   部份圖片出處 https://www.pexels.com https://unsplash.com     *未經許可,以上文章不得轉載或引用*        
2021-07-26
飯盒便當、小食餐盒|到會外賣推介2021|Kama Delivery美食速遞公司

【飯盒便當、小食餐盒】到會外賣推介2021

  【飯盒便當、小食餐盒】到會外賣推介2021   便當一詞起源南宋時期,當時只係便利,方便嘅意思,之後響日本反傳返中國,飯盒便當同一般飯盒唔講得上同一樣野,飯盒一般冇分隔,飯菜放埋一齊,但便當比較精美吸睛,食材一般各自在便當中隔開,便當內嘅食材種類一般亦較多,適合一般午餐或工作場所內冇飯食要外賣嘅地方,趕時間唔方便出街食,例如片場、地盤、辦公室等,疫情後講求衛生防疫就更加合適。小食餐盒就更加精緻,一般冇飯或意粉,以一口小食為主,例如迷你漢堡、雞塊等,適合午餐食唔飽下午茶補飛之用,或者公司商務活動作招待。   _____________   飯盒便當到會外賣推介2021 Kama 自選人數餐盒 Premium Kama 自選人數餐盒   【新推出】小食餐盒到會外賣推介2021 四/五格小食盒(甜點) 四/五格小食盒(咸點)   Kama Delivery新推出嘅小食餐盒同飯盒便當外賣,包裝精緻、食材豐富,配合我地嘅美食到會快遞服務,無論你身處香港、九龍定新界,我地都可以無地域界限地將美食送到。   _____________   飯盒便當到會外賣(6位起)   我地嘅便當無論係當午餐外賣定晚餐享用都十分適合,而且份量剛剛好,小朋友或者女士都啱食。為左確保食物品質,便當每日都會新鮮製大造,保證可以安心食用。我地亦都好歡迎各大公司同企業定期訂購飯盒便當,期待為大家炮製同送上快捷嘅美食!   _____________   Kama 自選人數餐盒 餐盒連甜品 共十款美食   套餐每位份量 泰式青木瓜大蝦沙律(1杯) 一口煙肉荔枝卷(1件) 一口焗芝士蟹肉釀菇(1件) 蜜汁烤雞翼(1件) 沙嗲串燒雞肉(1串) 芝士菇菇酥盒(1件) 日式章魚燒(1粒) 手打墨魚滑多士(1件) 比利時朱古力長條巴夫(1件) + 飯/意粉(3選1) 香草芝士蕃茄肉丸炒意大利粉(半磅) 肉醬意粉(半磅) 日式辣味鰻魚炒飯(半磅)     Kama 自選人數餐盒除左可以以飯盒便當形式出現外,亦可以以派對到會嘅形式出現,十款精選美食,由沙律、小食、主食到甜品都一應俱全,除左外賣午餐啱之外,最少6位起跳嘅到會套餐更加適合小型聚會,當然,你亦可按派對人數向上調整套餐份量。   _____________   Premium Kama 自選人數餐盒 餐盒連甜品 共十款美食   套餐每位份量 龍蝦海鮮湯(1碗) 鮮果大蝦沙律(1杯) 黑松露蒸蛋(1件) BBQ原條豬肋骨(1件) 蜜汁烤雞翼(1件) 炸迷你忌廉蟹肉薯餅(1件) 蘆筍番茄烤雞墨西哥卷(1件) 流心芝士龍蝦三文治(1件) 比利時朱古力長條巴夫(1件) + 飯/意粉(3選1) 日式松露蟹肉炒飯(半磅) 黑松露野菌忌廉闊條麵(半磅) 西班牙海鮮意大利飯(半磅)   Premium Kama自選人數套餐一樣可以以派對到會形式出現,同樣適合成為派對聚會嘅美食,而且Premium Set比Kama自選人數套餐喺食材上更加矜貴,例如黑松露蒸蛋、流心芝士龍蝦三文治等,更加添上招牌海鮮龍蝦湯作湯品,精緻又有Taste。   _____________   小食餐盒到會外賣(10位起)   自選小食餐盒雖然一般派對聚會上未必好適合,但用途亦非常廣泛,朋友下午茶小聚、公司Tea Time、升職慶祝請食嘢、告別同事散水餅、商業活動例如開會、茶會講座、客戶招待等,小食餐盒顏值高有格調,有助提高公司形象,一口小食亦適合野餐,一人一盒岩岩好,影相又靚ig打卡就岩晒啦。   _____________   【新推出】四格小食盒(甜點)   每盒份量 是日水果(1杯) 迷你葡式蛋撻(1件) + 酥點(3選1) 迷你法式酥皮蘋果批(1件) 迷你法式朱古力丹麥酥(1件) 迷你原味牛角酥(1件) + 糕點(3選1) 法式原味泡芙(3件) 比利時朱古力長條巴夫(3件) 布朗尼蛋糕(3件)   _____________   【新推出】四格小食盒(咸點)   每盒份量 經典波波奶茶(1支/250ml) 【素食】柚子沙律(1杯) + 漢堡(3選1) 迷你美式漢堡(1件) 迷你夏威夷漢堡(1件) 【素食】迷你未來牛肉漢堡(1件) + 小食(3選1) 北海道烤芝士雞肉餅(3件) 【素食】純素樂樂雞(3件) 一口西班牙飯波(3件)   _____________   【新推出】五格小食盒(甜點)   每盒份量 是日水果(1杯) 法式原味泡芙(2件) 馬卡龍(2件) + 酥點(3選1) 迷你法式酥皮蘋果批(2件) 迷你法式朱古力丹麥酥(2件) 迷你原味牛角酥(2件) + 布丁(4選1) 牛乳布丁(1杯) 特濃朱古力布丁(1杯) 珠珠奶茶布丁(1杯) 香芋布丁(1杯)   _____________   【新推出】五格小食盒(咸點)   每盒份量 夏日水果茶(1支/250ml) 【素食】柚子沙律(1杯) 芝士菇菇酥盒(1件) + 迷你包(3選1) 迷你牛油鮮蝦包(1件) 迷你蟹肉沙律包(1件) 迷你龍蝦包(1件) + 小食(3選1) 北海道烤芝士雞肉餅(3件) 【素食】純素樂樂雞(3件) 一口西班牙飯波(3件)       新推出嘅小食餐盒外賣記得要提早2日預訂。除左以上選擇外,更有一人素食餐盒,希望能夠配合到唔同客戶對餐飲嘅特定需求,歡迎瀏覽我地網站或致電、WhatsApp我地查詢訂購。   【點我查看便當及餐盒外賣】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 好食到會菜式全新登場 【每月更新】 精緻到會推介2021【商務招待企業必備】 【飲品到會重新定義】 3款另類散水餅推介【轉工升職必讀】     最後更新日期:23-07-2021 *未經許可,以上圖片及文章不得轉載或引用*        
2021-07-23
【多巴胺與安多酚】關注健康快樂 絕對關你事|Kama Delivery到會外賣速遞公司

【多巴胺與安多酚】關注健康快樂 絕對關你事

  【多巴胺與安多酚】關注健康快樂 絕對關你事   多巴胺同安多酚聽就一定聽過,都係一種腦分泌,甚至有人以為多巴胺同安多酚係同一樣嘢,人之所以會感到愉悅、開心快樂同呢兩樣嘢都離唔開關係,但佢地又確實唔係同一樣野,當然,如果用科學角度探討,可能你睇睇下都瞓著,人嘅大腦結構複雜,就算經過專家長時間嘅研究分析,始終都唔可以完全掌握,本文以唔同例子,同你一齊認識多巴胺與安多酚,適量嘅快樂因子會令人愉悅,過量的話會導致上癮行為,所以佢地唔單止係令你開心嘅嘢,同你嘅健康亦係息息相關,一齊了解下人生快樂哲學!   _____________   多巴胺係乜嘢?   簡義上,多巴胺可以講係一種推動力,令你好有衝勁好有衝動去做某一樣野,你可以響做嘅過程中產生開心同愉悅;安多酚比較似一種獎勵補償機制,一般由腦內受到刺激而分泌,安多酚又稱為腦內嗎啡,提供鎮痛、紓壓的效果,綜合嚟講,腦海中曾對某一樣接收過愉悅快樂嘅訊息時,再接觸時個腦會分泌多巴胺,令你為左呢份愉悅感去做某一件事,安多酚通常係做完某啲事後產生,而做嘅果件事大多數唔係由多巴胺推動你做,睇到呢度都未係好明?下文會有例子解釋多巴胺同安多芬運作,睇完你就會明。   _____________   多巴胺的釋出   簡單舉一個例子,點解小朋友一聽到去公園就未出發先興奮?因為佢腦海中會聯想到上次響公園玩嘅開心感覺,個腦會開始釋出多巴胺,然後響公園可以連續玩4、5個鐘頭,期間可以唔飲唔食,甚至阿媽都嚟關心佢佢都唔走,亦因為響玩嘅途中多巴胺不斷分泌,小朋友不斷浸淫響開心愉快嘅感覺中,當然唔想走啦。又好似你置身一個派對聚會,同朋友相處談笑風生,腦部會釋出多巴胺,派對中享用Kama Delivery嘅美食到會嘅時候,多巴胺亦會不斷釋出,當然,呢樣野係睇你鍾意啲咩,例如你唔喜歡交際,腦海中對於派對聚會就唔會釋出多巴胺,你可能去都唔會去,所以,只要你鍾意果樣嘢,多巴胺就會推動你去做,而你為嘅係令多巴胺不斷釋出,等你可以保持開心快樂嘅感覺。   _____________   安多酚的釋出   安多酚同多巴胺有咩唔同?有研究指出,安多酚可以透過做運動釋出,尤其長跑運動員都知道「跑者高潮」Runner's high,跑步帶來的疲憊同酸痛會響運動一段時間後,因為安多酚嘅釋出一掃而空,精力充沛,安多酚同多巴胺唔同,有跑者係為咗享受呢份「跑者高潮」帶嚟嘅幸福感而跑,跑步本身過程中唔係一件特別開心嘅事,但可惜嘅係,要達到「跑者高潮」並無標準,因人而異。另一個例子,大家都有聽過寒窗苦讀,可見讀書過程自古以嚟都唔係咩開心事,但仍然有好多人堅持努力讀書,古代為嘅係高中狀元,光宗耀祖,高中一刻,感受嘅果份滿足感、自豪感、成就感,全部嚟自安多酚。極端例子係被虐狂,前文提及安多酚比較似獎勵補償機制,被虐狂享受嘅唔係被虐待過程,係被虐待後果份由安多酚帶嚟嘅補償。   _____________   多巴胺、安多酚如何成癮?   多巴胺成癮,而家常見網癮、手機、電競遊戲,有人可以連續打機三日三夜,或者每晚睇碌Facebook、碌IG、睇網絡短片睇到天光,都係因為呢啲行為可以釋出多巴胺,大腦對愉悅行為都有耐受性,本身可能打機睇片一兩個鐘,大腦已經有相當愉悅感,但持續一段時間後,大腦需要更多多巴胺先可以獲得相同的愉悅感,導致上癮者不眠不休,影響身心健康。跟煙、酒、甚至毒品一樣,大腦對於呢啲嘢一樣有耐受性,所以煙癮、酒癮及毒癮只會不斷加深,用量不斷增加,毒品傷害更大,吸食毒品會引致腦部大量釋出多巴胺,所以藥效過後,吸食毒品者會墜入極端空虛,無法自拔甚至影響正常生活。唯一方法係用你嘅自律性,控制對多巴胺嘅追求。   安多酚成癮同樣會帶來危險,好多長跑者為感受「跑者高潮」,會每天一直跑一直跑,直到感受到被安多酚撫慰的時刻,容易做成體力透支,更有中暑及休克等風險,更貼切嘅例子出現喺眾多學生身上,求學求分數,分數高對於學生嚟講本身意義不大,只係量度自己對學科嘅理解透徹程度,安多酚嘅出現係旁人嘅讚美及獎勵,維持用優異嘅學業成績唔令父母失望,亦係一種安多酚釋出嘅珍貴成就感,呢種對安多酚嘅追求將學習原意本末倒置,慢慢變成壓力,一旦失手,有機會失去求學嘅興趣,影響深遠。安多酚帶嚟愉悅感之餘,亦包括成就感、滿足感、認同感,同多巴胺嘅最大分別係,呢種愉悅感衝擊感大,持續時間短,過份追求同樣影響心智,所以追求進步嘅同時,量力而為更加重要。 _____________   激發多巴胺、安多酚   坊間都有好多方法可以有效激發多巴胺同安多酚嘅釋出,例如聽音樂,網上有聲稱對多巴胺同安多酚釋放嘅音樂,有興趣可以搵黎聽下,另外透過經絡按摩、打坐冥想、香薰精油都有各自嘅功效,對於小朋友更加要訂立規矩,好奇心驅使下,小朋友對於好多嘢產生興趣,有規有矩可以避免佢地沉迷,亦可訓練自律性。         求開心邊個唔想,好似屯門紅人Happy伯年紀有返咁上下,對多巴胺追求嘅熱情仍然熾熱,但適可而止,量力而為先係健康之道,好似食甜嘢食果時梗係開心,唔節制嘅後果係蛀牙、肥胖、糖尿等,香港人生活節奏急促,鬆一鬆無可厚非,知己良朋得閒開下叭聚下,配合埋Kama Delivery嘅美食到會服務,邊玩邊食,身心大滿足,開心之餘又唔上癮,又唔傷身,仲老少咸宜添!   【點我查看到會美食快遞】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【外賣送貨】Kama Delivery真.跨地域美食外賣送貨 24節氣養生法如何練成?【一文讀懂廿四節氣表與飲食指南】 【甜品甜入心】甜品到會外賣推介2021 食物營養金字塔指南【健康養生必睇】 未來肉與植物肉【素食外賣必選】   部份圖片出處 https://www.pexels.com https://unsplash.com     *未經許可,以上文章不得轉載或引用*        
2021-07-19
24節氣是什麼|一文讀懂廿四節氣表與飲食指南|Kama Delivery到會外賣速遞服務

24節氣養生法如何練成?【一文讀懂廿四節氣表與飲食指南】

  24節氣養生法如何練成? 【一文讀懂廿四節氣表與飲食指南】     24節氣意思係乜?中國有二十四個節氣,一年四個季節,每季有六個節氣,廿四節氣中亦分為四個種類,分別是反映氣侯更迭、降雨、氣溫及農務活動,大家都知道地球圍繞太陽公轉,期間亦不停自轉,變相太陽垂直照射地球嘅角度亦係不斷變化,當陽光直射南北半球嘅分界線時,即係直射赤道嘅時候,稱為「黃經零度」,等於二十四節氣中嘅第一個節氣,春分,然後每前進15度進入第二個節氣,所以節氣唔係指一日,而係指呢15度內嘅日子,15度乘以24個節氣,剛剛係360度,地球公轉360度需時一年,一年廿四節氣亦重新開始。二十四節氣代表氣侯變化,是以前農務業賴以生存嘅其中一個指標,時至今日,好多人響唔同嘅節氣配合唔同嘅飲食,達至養生調和嘅效果,就連智能電話嘅日曆上都有標示唔同嘅節氣變更,可見廿四節氣並非老套嘢。   _____________   24節氣與養生之道 廿四節氣食咩養生好?(順序由第一個節氣開始)       【立春】農曆新年難免大魚大肉,建議清淡為主,疏熱養肝。 立春節氣食材推介:蔬菜或豆類   【雨水】雨水節氣中飲食避酸,以甜食養脾。 雨水節氣食材推介:芋頭、韭菜、山藥、蓮藕、蘿蔔   【驚蟄】細菌滋生活躍,脾胃虛弱,避免肥膩辛辣嘢。 驚蟄節氣食材推介:蜂蜜、杞子   【春分】農年新年嘅放縱,應該繼續養好肝脾。 春分節氣食材推介:綠豆芽、花椰菜   【清明】氣溫多變,易引起敏感,應加強抵抗力,避免生冷食物。 清明節氣食材推介:香蕉、菊花、芹菜   【穀雨】氣候潮濕,雨水充足,應去除濕氣,濕氣重會引致骨痛,容易攰。 穀雨節氣食材推介:薏米、紅豆、綠豆   【立夏】踏入夏季嘅節氣,準備清熱養心。 立夏節氣食材推介:蘋果、蕃茄   【小滿】天氣開始愈來愈熱,補水緊要但唔好係咁飲凍野,要補水仲有其他選擇。 小滿節氣食材推介:冬瓜、西瓜、青瓜   【芒種】潮濕加劇,炎熱持續,補水去濕唔好停,濕氣重唔好瞓咁耐,愈瞓愈攰。 芒種節氣食材推介:絲瓜、秋葵   【夏至】天氣太熱冇咩胃口,多食補水易消化嘅野,避免加劇腸胃負擔。 夏至節氣食材推介:苦瓜,士多啤梨,菠蘿   【小暑/大暑】最炎熱嘅節氣,冷氣唔好較到最凍排唔到汗,以黏稠食材補水養胃。 小暑/大暑節氣食材推介:銀耳、木耳、秋葵   【立秋/處暑】秋季養肺,熱涼交替,滋潤爲主。 立秋/處暑節氣食材推介:柚子、梨、枇杷   【白露】日夜溫差大,滋潤為主,以白色食物養肺,開始保暖。 白露節氣食材推介:杏仁、白菜、白合、人參   【秋分】節氣天氣乾燥,容易咳嗽,專注護肺。 秋分節氣食材推介:粥水、蜂蜜、梨、蓮藕   【寒露/霜降】天氣開始由涼轉寒,好易傷風感冒,潤肺之餘應加強免疫力。 寒露/霜降節氣食材推介:柿子、蘋果   【立冬】踏入冬季,人嘅新陳代謝比較慢,要注重保暖之餘,亦要補充熱量。 立冬節氣食材推介:雞肉、魚肉、木耳、桂園   【小雪/大雪】氣溫開始寒冷,避免清晨出門,好易冷親,做好保暖,多攝取蛋白質,增強免疫力,護肺補腎。 小雪/大雪節氣食材推介:黑豆、橄欖、牛肉   【冬至】過埋呢個節氣,就開始踏入一年最凍嘅日子,當然保暖最緊要,冬至食湯圓都暖嘅,配搭埋以下推介暖試加暖。 冬至節氣食材推介:羊肉、烏雞(唔好日日食,過量會有反效果)   【小寒/大寒】中醫有句學說「冬不藏精,春必病溫」,所謂嘅精指嘅係能量、元氣,天氣凍你匿被竇匿一日咩精都冇啦,除左配合節氣食材外,早睡晚起,出去曬曬太陽,吸收精、氣、神,俾啲掙扎。 小寒/大寒節氣食材推介:南瓜、蕃薯、白蘿蔔   _____________   24節氣表中的四個種類     【第一種】廿四節氣中反映氣候更迭嘅八個節氣     【立春】開始踏入春季,一年之始,氣溫逐漸回暖,濕氣增加開始趕走乾燥,萬物回春。   【春分】氣侯溫和,雨水明顯增多,陽光充沛。   【立夏】夏季嘅第一個節氣,氣溫明顯有所提升,雷雨增加,炎暑開端。   【夏至】夏至後嘅一段時間氣溫都會持續提升,所謂「不過夏至不熱」,一般一年內最熱嘅一日會出現響夏至後嘅十至二十日。   【立秋】踏入秋季嘅第一個節氣,雖然氣溫都會維持炎熱,但會逐漸暑去涼來,立秋係農作物嘅收成期,以前立秋更加會有慶祝活動。   【秋分】氣溫漸涼,潮濕天氣逐漸被乾燥取代,降雨開始減少,所謂「秋風起,三蛇肥」,原因係蛇冬眠前需要有足夠養分渡過寒冬,亦意味冬天不遠了。   【立冬】代表冬天開始嘅節氣,但天氣唔會一下子就好凍,只係降雨會進一步減少,氣候由清涼驟變陰涼。   【冬至】至有極或最嘅意思,呢段冬至嘅時間會愈來愈凍,之後將步入一年間最凍,最乾燥嘅日子,亦鮮有落雨情況。   _____________   【第二種】24節氣表中反映降水嘅七個節氣     【雨水】落雪嘅地方冰雪開始溶化,雨量驟增。   【穀雨】踏入穀雨嘅節氣,意味冬天完結,雨水充沛,有利穀物生長嘅節氣。   【白露】水氣因夜間氣溫驟降凝結成露水,所以此節氣因呈白色嘅露水命名。   【寒露】位置較北嘅地方會對驟降嘅氣溫有更明顯嘅感受,露水亦變得冰冷,南方地方只會覺得比白露氣節稍微凍一啲。   【霜降】秋天嘅最後一個節氣,大地產生初霜,是秋去冬來嘅現象。   【小雪】降雪區域開始落起小雪,氣溫未達零下,雪量亦唔會太大。   【大雪】作為廿四節氣中嘅第21個,氣溫可達零下,雪量增加甚至出現暴風雪。   _____________   【第三種】24節氣表中反映氣溫嘅五個節氣     【小暑】天氣剛開始炎熱,夏季的開端。   【大暑】都唔駛多暑,呢個節氣氣溫炎熱,非常炎熱。   【處暑】處意味終止,即暑氣將散,夏轉秋嘅節氣。   【小寒】天氣剛開始愈見寒冷。   【大寒】廿四節氣暴最後一個節氣,一年中最凍嘅時候。   _____________   【第四種】代表農務活動嘅4個節氣     【驚蟄】驚蟄係春季節氣,萬物萌動,當然包括害蟲,所以農民都會於此節氣翻土滅蟲,細菌滋生速度亦快,人亦容易病。   【清明】清明節氣春暖花開,亦係耕種季節,所有清明前後,種瓜種豆。   【小滿】小滿節氣係日照最長嘅時間,春耕之物等待收成,所以需要好好保護作物。   【芒種】踏入芒種呢個節氣已經係廿四節氣中嘅第九個,芒亦有忙嘅意思,因為農民已經可以準備收割。   _____________   24節氣時間表—2021年 大暑 7月22日 立秋 8月7日 處暑 8月23日 白露 9月7日 秋分 9月23日 寒露 10月8日 霜降 10月23日 立冬 11月7日 小雪 11月22日 大雪 12月7日 冬至 12月21日   _____________   24節氣時間表—2022年 小寒 1月5日 大寒 1月20日 立春 2月4日 雨水 2月19日 驚蟄 3月5日 春分 3月20日 清明 4月5日 穀雨 4月20日 立夏 5月5日 小滿 5月21日 芒種 6月6日 夏至 6月21日 小暑 7月7日 大暑 7月23日 立秋 8月7日 處暑 8月23日 白露 9月7日 秋分 9月23日 寒露 10月8日 霜降 10月23日 立冬 11月7日 小雪 11月22日 大雪 12月7日 冬至 12月22日   _____________   🔼 想更加詳細了解廿四節氣,可觀看天文台製作嘅影片 🔼     🔼 我們的Junk Boat Party Set最適合於船河派對中享用 🔼     經過對24節氣表嘅了解後,你會知道現時正處於小暑,盛夏最熱嘅時間仲未來臨,但一眾消暑活動已開始得如火如荼,尤其係船P水上活動,消暑有咩好得過同大海玩遊戲,玩到攰就上船食嘢,船P到會梗係揀Kama Delivery,無論食物種類,飲品甚至甜品都應有盡有,自己揀又得,唔想煩揀套餐又得,歡迎聯絡我地查詢訂購!   【點我查看夏日外賣到會美食】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【新屋入伙拜四角步驟懶人包】喬遷之喜儀式禁忌2021 食物營養金字塔指南【健康養生必睇】 野餐食物外賣推薦【懶人包系列】 全新推出【一口派對小食到會套餐】 【船河到會安排懶人包】     *未經許可,以上文章不得轉載或引用*        
2021-07-16
免運費直送全港九新界|【外賣送貨】Kama Delivery真.跨地域美食到會速遞服務

【外賣送貨】Kama Delivery真.跨地域美食外賣送貨

  【外賣送貨】Kama Delivery真.跨地域美食外賣送貨     講起外賣送貨,相信冇人會陌生,無論男女老少相信都一定用過外賣送貨,以前嘅外賣送貨服務一般由店家提供,雖然而家都仲有餐廳有用外賣仔送外賣,但始終礙於人手問題,有人落單餐廳都未必接得切,尤其係Lunch時間、下午茶,對外賣送貨嘅需求激增,餐廳有生意都做唔到,個客肯俾錢又買唔到嘢,所以現時外賣送貨一般由美食外送平台包攬,如Deliveroo、Foodpanda、Uber Eats等,平台負責提供送貨人手,餐廳只負責出菜由平台嘅美食外賣送貨員送到客戶手上,不過菜式響外賣平台嘅售價一般較堂食貴,而運費亦需要食客孭飛,但平台提供了相當嘅便利性,始終亦大受歡迎。   但無論餐廳外賣送貨定外賣平台送貨都好,都面對地域性問題,只要間餐廳唔響你外賣送貨地址嘅附近嘅話,例如跨區外賣送貨,甚至要過海,一般外賣送貨或外賣平台都做唔到,第一:遠距離運輸成本高,效益低;第二:每間餐廳對食物嘅包裝方式都唔一樣,要響運送過程中保持食物質素(例如:食物溫度)有一定難度,所以跨區外賣送貨比較鮮有,雖然鮮有,但我地Kama Delivery一直都提供緊真.跨地域美食外賣送貨服務。   _____________   送貨範圍覆蓋全港   點解要叫真.跨地域送貨,某啲餐廳都話自己提供跨地域嘅外賣送貨,但其實只係同地域但唔同區,例如送貨覆蓋旺角、油麻地、尖沙咀等,但離開九龍區已經做唔到,Kama Delivery嘅外賣送貨服務覆蓋香港三大地域港島、九龍、新界,橫跨十八區,基本上只要車去到嘅地方,我地都可以提供美食外賣送貨服務,正宗外送無邊際,甚至突然間你老婆或者老媽子今晚想休息唔煮飯,亦可以響Kama Delivery落即日美食外賣訂單,即興都一樣冇問題,同區(葵青區)更加最快30分鐘送到。   _____________   外賣包裝重要性   我地明白食物質素好重要,尤其是食物溫度,唔同送貨地址意味唔同嘅車程,所以外賣食物點包裝好重要,Kama Delivery無論熱盤、冷盤、甜品甚至飲品都有獨立保溫袋以確保溫,冷熱分隔就算車程較遠,外賣送貨過程中都可以各自保溫,令收貨嘅客人唔會遇到熱盤冷食嘅情況,而且送貨時間由客人自己選擇,但始終保溫袋唔係暖櫃,保溫效果會隨時間愈長變得愈差,所以最好收到我地嘅美食外賣後即刻打開食,我地亦會安排充足時間,正常情況下必準時將外賣送到。   _____________   到會自取地點   你可以透過三個方式收到我地嘅美食外賣,一係地面交收,落單訂購Kama Delivery嘅美食外賣達指定銀碼可享免運費嘅美食外賣送貨服務,司機到步前會致電客人確認交收地點,客人必須親身到交收地點取貨。二係送上門服務,我地嘅美食外賣送貨服務除左地面交收外,客人亦可要求司機送到屋企或指定單位,但呢項服務需額外收費,所以如果唔係太唔方便,免運費嘅地面交收方式會係最佳選擇。三係外賣自取,如果你係駕駛人士,或者你住響我地附近,都歡迎你自取你嘅外賣訂單,只需要落單前話俾我地知你想幾點攞,到左通知我地,我地就會有專責同事攞落嚟俾你,都非常方便架! 我地外賣自取地址係:金發工業大廈2期2樓大堂(葵盛游泳池正門對面)           我地Kama Delivery嘅外賣送貨服務,好適合公司開張、午餐、下午茶或者家庭聚會、生日會、派對等,菜單款式多元,甜品甚至飲品都一應俱全,我地網站有好多唔同人數或類型嘅套餐以供選擇,歡迎去我地網站睇下,或者打電話俾我地查詢,WhatsApp都仲得,支付方式多樣化,除左一般信用卡、PayMe、FPS等之外,甚至政府$5000電子消費劵其中一個發行渠道Alipay (HK),即係支付寶香港都可以作為其中一個支付方式,咁就可以輕輕鬆鬆享用我地嘅西式美食外賣啦!   【點我查看西式外賣美食】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【派對食物如何度身訂造】 【大型活動Party必睇 到會服務推薦2021】 原隻燒乳豬外賣到會【公司開張、慶功活動必叫】 全新推出【一口派對小食到會套餐】 5L桶裝珍珠奶茶【派對外賣必飲】     *未經許可,以上圖片及文章不得轉載或引用*        
2021-07-12
西餐廚師學徒招聘|全面解構西式廚房工作與晉升階梯|Kama Delivery到會外賣服務

【西餐廚師學徒招聘2021】全面解構西式廚房工作與晉升階梯

  【西餐廚師學徒招聘2021】 全面解構西式廚房工作與晉升階梯   民以食為天,尤其響香港呢個美食天堂,廚師就更加不可或缺,單係餐飲業就有近30萬勞動人口,絕對係舉足輕重嘅行業,西廚學徒招聘長期在線,Kama Delivery作為一間提供西式美食到會嘅服務方,非常期待你嘅加入我哋中央廚房,有經驗或者無經驗都好,需要搵工我地都無任歡迎您,西餐廚房嘅工作分工明確,雖然食材嘅選擇比中式少,但種類絕對說得上足足有餘,由前菜小食沙律到主食、小食、各類熱盤,冷盤甜品等,如果無經驗嘅你想投身廚師行列,可以藉住本文對西廚嘅介紹了解一下廚房工作。   _____________   西廚與中廚嘅分別   中廚菜系龐大,範圍較廣,除了常見八大菜系,例如川菜、粵菜、湘菜等,仲有好多更細緻嘅分類,西廚菜系主要包括歐美等地,另外中廚比較著重火侯,追求色、香、味、美,味道較重,而且中廚幾依賴廚師經驗,同一樣菜式有機會因為廚師唔係同一個人,味道會有所分別,而西廚追求烹調程序,務求令菜式味道、份量、品質都能做到畫一標準,著重擺盤賣相,西廚出品多以蒸煮、烤焗、燒烤、或生食類菜品為主,所以對初入行嘅朋友,從西廚開始會比較容易上手,當然,個人興趣大於一切。       Kama Delivery 西廚學徒招聘 電話查詢:6350 8587 WhatsApp搵工查詢:http://wa.me/85263508587/?text=我想約見廚房學徒     西餐廚房職級   Head Chef(主廚) 西廚廚房入面職級最高的廚師,負責監察整個廚房營運、菜式品質及衛生、物色食材供應商、參與新產品開發、製定烹調方法及工作程序、安排廚房其他廚師上班時間等行政工作。   _____________   Sou Chef(副廚) 副廚,需要協助主廚嘅產品開發工作外,間中亦要參與烹調過程,同時監管不同部門廚師工作、採購食材,係主廚休息放假嘅時候頂替主廚嘅行政工作等。   _____________   Chef de partie(二廚) 西餐行內簡稱CDP,可理解為部門主管廚師,例如餅房主管、甜品部主管、爐頭主管等,一般CDP都會直接參與烹調,主要負責自己部門或崗位嘅出品,不需參與行政工作,只需切實跟隨主廚製定嘅程序去烹調,有一定經驗會慢慢接觸一部分新產品開發或行政工作,為升職鋪路。   _____________   Demi(中級廚師) CDP助理廚師,負責協助CDP出菜,同時亦需參與烹調過程及食材預備工作,除此之外,需負責烹調前嘅準備工作,例如預備好CDP需要嘅材料,令烹調過程可以更加順暢。   _____________   Commis(西廚學徒) 作為廚房入面最初級嘅學徒,首要認識所有食材,切實公司指引處理及準備食材、備料等,西廚學徒一般會由簡單的工作做起,對食材有一定認知同識得點處理之後,可由淺入深參與烹調,協助CDP日常工作。       當然唔止西廚學徒招聘啦!你如果已經有一定經驗,亦可以面試其他職位,Kama Delivery會提供在職培訓,好快就可以獨當一面啦。想了解唔同廚師職位嘅待遇及薪酬,可以留意我地嘅招聘訊息,衣、食、住、行4個人類必需品,餐飲業絕對係一個職場初哥搵工值得考慮嘅行業,廚房佬一樣可以出人頭地,行行出狀元,廚師呢個專業仲可以係移民外國發展嘅優勢,大家好好考慮一下。    Kama Delivery 西廚搵工招聘2021 【學徒 Commis】14-17k 【中工 Demi】17-19k 【大工 Cdp.】19-22k 【二廚 Sous Chef】22-30k 工作時間:每天9小時工作(無需落場) 假期:每月6日例假/年假7日/法定勞工假  其他待遇:員工福食/全職員工生日假/季度獎金/勤功獎金/醫療福利 電話查詢:6350 8587 WhatsApp搵工查詢:http://wa.me/85263508587/?text=我想約見廚房學徒   追蹤我們 Facebook.Instagram.Youtube     延伸閱讀 關於我們|Kama Delivery 工場地址|Kama Delivery U Magazine雜誌專訪 【派對食物外賣】到會 vs 餐廳? 【到會公司的日常篇】 【DSE、大學生暑期工】Part Time招聘攻略2021     *未經許可,以上圖片及文章不得轉載或引用* *以上資料只供參考,如有變動或錯誤,恕未能立即更新*        
2021-07-07
【婚宴到會服務2021】完滿每一個輕婚禮|Kama Delivery到會餐飲外賣專家

【婚禮到會服務2021】完滿每一個輕婚禮

  【婚禮到會服務2021】完滿每一個輕婚禮     計劃緊結婚嘅你煩惱嗎?輕婚禮成為疫情限制下嘅新選擇,配合婚禮到會服務,以較低成本亦可打造一個浪漫窩心嘅婚禮,對比傳統大排筵席嘅婚宴酒席,輕婚禮可以慳返某d婚宴細節安排,餐飲方面可以搵專業嘅美食到會公司如Kama Delivery,安排婚禮到會,由度身訂造嘅餐單同專業運送,食物選擇多而且彈性大,有需要更可安排上門服務員提供協助,另外舉辦輕婚禮嘅場地多,響美食到會嘅安排下,揀地方可以以環境為首,唔需要煩惱佢包唔包婚宴,啲野啱唔啱食等,個場夠大、夠靚、啱Feel就得啦!   _____________     🔼 海灘婚禮的景致一流 🔼   輕婚禮唔代表求其攪,相比傳統婚禮,場地局限酒店及酒樓,圍繞住四個字「大排筵席」,滿意場地唔滿意婚禮菜單,又或者因為慢左一步,好日子俾人揀左嘅情況時有發生,輕婚禮嘅舉辦地點比傳統婚禮多,例如戶外草地、海灘、會所甚至海上婚禮,揀好地方以婚禮到會招待客人,視乎場地同人數調整食物份量,更可配合特色飲品同甜品,價錢比較實惠之餘選擇亦比較多,尤其是以雞美酒會型式舉辦嘅婚宴,以一口小食同顏值高嘅甜品為主,連編座位嘅功夫都慳埋,唔好睇少編來賓坐邊呢個環節,順得哥情失嫂意,安排失當隨時俾人講足一世。   _____________     🔼 我們曾為不少婚禮宴會炮製美食 🔼   婚禮到會美食選擇多,以Kama Delivery作例子,我地服務過多個婚禮宴會,無論室內定室外,我地都有相當餐飲服務經驗,食材由沙律、前菜、湯品、主食、小食、肉類、甜品到飲品一應俱全,你亦不需要特別為素食賓客作安排,因為無論主食定小食,Kama Delivery都有素食選擇,相比傳統婚禮,佢地唔駛夾硬坐埋一枱,亦唔會覺得自己格格不入,更加唔需要因為特別安排而加錢,婚禮到會以自助餐形式招待客人,鐘意食咩飲咩,同邊個朋友邊食邊聚全由賓客自行選擇,咁就大家開心啦!   _____________   輕婚禮 x 婚禮到會美食安排2021 5大要項你要知   雖然輕婚禮比傳統婚禮簡單,但因為服務供應商唔同,尤其係當婚宴場地同婚宴餐飲嚟自兩個供應商嘅時候,亦有幾個重點需要留意,盡善盡美,令身為主人家嘅你同參與嘅來賓,滿載嘅都係愉快甜美嘅回憶。   _____________   1. 提早跟美食到會公司商議細節   婚禮到會牽涉數量相當嘅食材,而且賓客嘅出席情況有機會會變,要求亦會各有不同,所以最好提前1-2個月搵定婚禮到會供應商,先傾好大方向,中間就算要改嘢改份量都會比較容易處理。   _____________   2. 提早決定婚宴餐飲形式   婚宴以邊種餐飲形式作招待需要一早決定,舉個例子,單單食材選擇上熱盤冷盤比例已經取決於很多因素,運送車程、開席時間、參與者喜好等,所以選擇一間有經驗嘅婚宴到會供應商好重要。   _____________   3. 是否需上門侍應協助   雖然好多婚禮都會選擇以自助餐形式招待客人,但需唔需要婚禮到會安排人手響餐飲上提供現場服務?例如有冇需要協助分食或者啲嘢食需要補給嘅時間需唔需要服務員協助,如果要都要早少少安排,因為唔係每間到會公司都有呢樣服務。   _____________   4. 婚宴場地嘅限制   有輕婚禮場地雖然冇提供餐飲服務,但會有指定嘅到會服務供應商,容戶係唔能夠自行選擇,如果咁嘅情況,最好先做定功課,例如去佢地網站或者社交平台睇下佢地嘅客戶評論,甚至叫一次佢地嘅到會試試,咁你就可以判斷佢食物嘅包裝、賣相、運送時間及售後服務等,平時開Party就話唔滿意下次試第二間姐,婚禮到會邊有得試第二次?當然用之前親自試下最好。   _____________   5. Why us ? Kama Delivery響婚禮到會上經驗相當,美食選擇豐富,無論提供現場服務(需提早預約及報價)或度身訂造婚禮菜單,透過電話或WhatsApp就會有專責同事負責跟進,另外,我地嘅套餐亦可因應唔同嘅宴會人數佢出調整,彈性極高,歡迎致電或WhatsApp我地查詢。       2021年輕婚禮最熱門婚宴到會套餐 一口派對小食 以下食物份量將按所選人數提供(共10款) 可因應人數調整份量(10位起) — 黑松露蒸蛋 蟹肉沙律青瓜塔 巴馬火腿蜜瓜沙律杯 芒果醬海蝦酥盒 芝士菇菇酥盒 一口西班牙飯波 蘆筍蕃茄烤雞墨西哥卷 【3選1】迷你牛油鮮蝦包/迷你蟹肉沙律包/迷你龍蝦包 意式奶凍 布朗尼蛋糕 — 即棄餐具按照訂購人數提供(包括刀、叉、匙、紙碟) 附送食物夾(2個)   【點我查看一口派對小食】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 全新推出【一口派對小食到會套餐】 原隻燒乳豬外賣到會【公司開張、慶功活動必叫】 【大型活動Party必睇 到會服務推薦2021】 【戶外婚禮點攪好?】3個戶外婚宴場地大解構   部份圖片出處 https://www.pexels.com https://unsplash.com     最後更新日期:05-07-2021 *未經許可,以上圖片及文章不得轉載或引用*        
2021-07-05
【甜品甜入心】甜點到會外賣推介2021|Kama Delivery到會餐飲外賣專家

【甜品甜入心】甜品到會外賣推介2021

  【甜品甜入心】甜品到會外賣推介2021   到會服務嘅種類層出不窮,西式到會、泰式到會、中式到會甚至素菜到會等,甜品到會嘅需求亦漸漸冒起,由於好多聚會派對都會選擇美食到會服務,對於甜品嘅種類、包裝甚至風格上都有一定要求,甜品到會適合好多唔同嘅場合,Kama Delivery除左提供西式美食到會服務外,亦有響甜品外賣推陳出新,更加可以為顧客提供鮮有嘅甜品到會外送服務,飽食一頓以甜品作結可以提升滿足感,作為一間提供餐飲外送服務嘅公司,完美每一個客戶嘅用餐體驗,係我地一直嘅響往同追求。   _____________   雖然甜品到會適用嘅地方唔夠美食到會多,但出現親都會大大咁提高儀式感,話晒要照顧你另一個胃,食糖水、甜點只要唔係過量,有助緩解心情、振奮精神,不過記得食甜品前最好先食正餐,空肚食容易導致胰島素過量釋放,引起不適,最啱緊係食完Kama Delivery嘅美食,再享受我地精繳甜點啦!   _____________   甜品外賣當然只要你想食就可以叫嚟食,但總有一啲特別適合嘅地方,例如:   🎉 求婚派對 🎉 求婚本身已經係一件好Sweet嘅盛事,仲要響成班親朋好友面前見證下解鎖成就,共享準新人嘅甜蜜,通常為左慰勞呢班出心出力嘅兄弟姊妹,請食好西在所難免,甜品到會嘅出現正式令呢份甜由感覺變返味覺,親嚐求婚嘅甜蜜。實有人問失敗左咁點,失敗就更加要靠甜品振奮精神,重拾士氣,再接再厲!   _____________   👸 閨密團 Staycation 👸 旅行遙遙無期,就算去到組織果個都諗爆頭,好多人都會去酒店Staycation,感受下旅行氣氛,又唔駛出國,放工去都仲得,一班閨密團響酒店,靚人靚景梗有啦,咁又點少得精美食材襯托呢?甜品到會包裝精美,味道好顏值高,影相打卡宵夜補身,一物兩用,另外聚會中可能有人早有人遲,甜品到會又唔駛趁熱食,收到放入雪櫃等齊人,所謂「甜品一齊食,友情好到極」!   _____________   🎂 細路仔生日Party 🎂 邊個小朋友唔鐘意食糖、食朱古力,甜品對於小朋友嘅吸引力不下於對女士們,幫小朋友開生日會都係想佢開心姐,我地嘅到會甜品種類豐富,色彩繽紛,睇到已經心花怒放啦,每個小朋友都係父母心肝寶貝,小朋友生日會得蛋糕又點夠呢?   _____________   🎁 探舊同事 🎁 以前返舊公司探同事都係買下西餅、蛋撻之類,冇新意之餘,仲要自己買完自己拎去,甜品到會選擇多,靚仔得嚟琳琅滿目,舊同事們一定揀到心儀嘅甜點,加上甜品外賣服務都可以利用運輸車隊,覆蓋香港、九龍及新界,唔駛自己拎餐懵,又唔駛就西餅店營業時間限制,探舊同事有如衣錦還鄉,當然愈體面愈好啦。   _____________   Kama Delivery 甜品外賣到會選擇   五款布丁 五款色彩     🔼 特濃朱古力布丁 🔼     🔼 焦糖雞蛋布丁 🔼     🔼 牛乳布丁 🔼     🔼 香芋布丁 🔼     🔼 珠珠奶茶布丁 🔼   _____________   顏色繽紛 細路最愛   🔼 菠蘿冰茶|荔枝|海鹽檸檬椰果|巨峰提子 🔼   _____________   甜品到會推介 姊妹泡芙   🔼 榛子朱古力泡芙|法式原味泡芙 🔼       除左甜品到會,你仲可以選擇Kama野餐盒,包裝精美,顏值極高,除左泡芙、馬卡龍、酥皮蘋果批等甜點之外,更有墨西哥卷、鮮蝦酥盒、牛角包等咸點,仲可以自選布丁杯組合,能照顧不同人嘅需要,十分適合野餐、下午茶會、中享用,而且打卡一流!歡迎到我地網站或WhatsApp向我地查詢預訂。   【點我查看精美野餐盒外賣】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 訂購到會服務熱門問題【不斷更新】 全新推出【一口派對小食到會套餐】 野餐食物外賣推薦【懶人包系列】 【飲品到會重新定義】 5L桶裝珍珠奶茶【派對外賣必飲】     最後更新日期:28-07-2021 *未經許可,以上圖片及文章不得轉載或引用*        
2021-07-02