食肉獸福音【4款高質牛扒外賣必食推薦】|Kama Delivery到會服務專家

牛魔福音【4款高質牛扒外賣必食推介】

  牛魔福音【4款高質牛扒外賣必食推介】   好多人鐘意響屋企煮野食,尤其疫情中食肆餐廳唔開門,牛扒外賣、凍肉外送嘅網店開到成行成市,自己煮牛扒係比較令人又愛又恨,牛扒落鑊嘅香氣令人沉迷,「咋」一聲好比天籟,但伴隨住嘅係油花四淺,油煙大,如果開放式廚房,屋企嘅衫褲、梳化,甚至床單被鋪都會被煎牛扒嘅油煙味佔據,所以唔想攪到屋企成陣扒房味,又想隨時隨地食到靚牛扒,梗係要用Kama Delivery嘅牛扒外賣服務啦,叫外賣又唔洗安心出行,輕鬆又方便咁享受Steak!     牛扒作為長青食材,原因是啖啖肉,配合獨特嘅油花香氣,入口果份滿足感唔係其他肉類可比擬,香港人最常食嘅牛主要嚟自三個國家,美國、日本、澳洲,美國牛肉肉味香濃,日本牛著重油花,澳洲牛就肉味及油香兼備,但當然肉味及油香比美國及日本稍遜,我地嘅牛肉均使用美國安格斯牛肉,牛扒外賣牽涉物流時間,而美國安格斯牛在烹調之後,經過一段時間仍能保持質素,牛扒一直鮮有提供外賣係因為難於控管到達後質素,但我地作為一間有經驗有質素嘅到會外賣服務商,當然要突破界限,令歡喜牛嘅你,安在家中仍可盡情開鋸,識嘆嘅你仲可以配搭一隻焗龍蝦,來一個Surf and Turf海陸雙拼。   _____________   認識牛扒部位   一隻牛雖然有好多部位,但能作為牛扒嘅並唔係每個位都可以,作為外賣就更加需要講究,肉質必須具備濃濃嘅肉味及油花,太肥太瘦都唔得,好似之前牛板腱企圖擠身牛扒之列,可惜板腱位置實在太瘦,肉質亦比不上同樣脂肪比例低嘅牛柳,始終難成氣候,咁有咩部位做牛扒係外賣享用最受歡迎呢?   _____________   Kama Delivery 牛扒外賣必食推介   牛扒外賣推介1.【新推出】炭燒美式肉眼扒(約400克)   肉眼牛扒係香港人最常接觸嘅牛扒之一,位於牛肋骨嘅中央部分,油花比例高,約達百分之二十至二十五,口感軟腍,油花豐富肉味香濃,亦係牛扒種類中比較貴嘅部位,做法以焗,煎或炭燒皆俱。   【點我查看炭燒美式肉眼扒】   _____________   牛扒外賣推介2. 香烤T骨配秘制Tiger醬(約450克)   T骨牛扒個名源自於牛扒中間存在一條T字牛骨,牛骨一邊係西冷,一邊係牛柳,亦因為兩者油脂比例不高,T骨牛扒油脂比率約百分之十至十二,T骨價錢較高因為牛骨本身帶有重量,但可以一次過嘆到西冷牛扒同牛柳牛扒,貴少少取捨要嘅。   【點我查看香烤T骨配秘制Tiger醬】   _____________   牛扒外賣推介3. 秘製燒牛肋扒配韓式燒汁(約900克)   牛肋扒即牛仔骨的位置,即牛胸肋骨,油花比例最高,達百分之四十至四十五,富嚼勁,油香味濃,如果簡單講,亦即係半肥瘦叉燒嘅道理,齒頰留香,一食愛上,外賣享用無得彈!   【點我查看秘製燒牛肋扒配韓式燒汁】   _____________   牛扒外賣推介4. 重量級炭燒斧頭扒(約1100克)   戰斧牛扒/斧頭牛扒以美式切割方式,斧頭外型嘅斧頭牛扒,位於牛上肋骨嘅連骨牛扒,屬於重量級牛扒,坊間最輕都600-800克起跳,由於食牛扒香港人都鐘意啖啖肉,巨型帶骨牛扒多見於派對場合,適合多人享用,油花比例豐富,骨髓亦能豐富牛味,最重要係,開Party儀式感相當重要,派對聚會叫外賣又點可以冇斧頭牛扒助慶呢?   【點我查看重量級炭燒斧頭扒】   _____________   【同場加映】美國和牛   除咗美國安格斯牛肉,我地最新亦引入美國SRF和牛,SRF係美國蛇河農場,蛇河農場將日本和牛及美國安格斯黑牛混種,飼養美國極黑和牛,和牛油花豐富,安格斯牛肉牛味濃郁,兩者混種互補不足,取長補短,值得一試。而我地嘅廚藝團隊亦刻意炮製咗一款「極黑和牛蔥蔥卷」,俾大家好好享受到和牛嘅非一般滋味!   【點我查看極黑和牛蔥蔥卷】   _____________   堂食可以,外賣不了的部位   西冷牛扒 西冷牛扒取自牛背一帶最嫩嘅牛肉,通常帶筋,油花比例約百分之八至十,雖然油花比例較低,但肉味重,唔鍾意食太肥嘅大有人在,所以西冷牛扒亦不乏支持者。   牛柳牛扒 牛柳牛扒位置是牛隻平時運動用唔到嘅地方,油脂比率低,約百分之五至六,但牛柳因為牛隻難以接觸,缺乏運動成促使牛柳肉質最細嫩,以肉感取勝。   以上兩個部位就不太適宜外賣享用,缺乏油脂,烹調後不立即食用會大大影響,而牛柳部位近年較多人以外層酥皮包圍嘅威靈頓牛排食用,喜歡鋸扒嘅你,你又喜歡邊種食法呢?     Kama Delivery 牛扒外賣 衝破地域界限     雖然坊間都有牛扒外送服務,但外賣服務覆蓋範圍狹小,Kama Delivery無地域界限,覆蓋香港、九龍及新界,消費滿$688,就可以享受免運費嘅外送服務,直送到你屋企、公司、店舖嘅地面,等你隨時隨地都可以享用到餐廳質素嘅牛扒!詳情可以透過我地網站或WhatsApp查詢。   【點我查看Kama肉類餐單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 原隻燒乳豬外賣到會【公司開張、慶功活動必叫】 精緻到會推介2021【商務招待企業必備】 好食到會菜式全新登場 【每月更新】 【大型活動Party必睇 到會服務推薦2021】 【葵芳外賣優惠】特快30分鐘外送速遞 內含葵涌區專屬優惠碼 小朋友生日會食物推介【精緻到會餐單持續更新】     最後更新日期:10-05-2021 *未經許可,以上文章不得轉載或引用*        
2021-05-10
兒童及幼兒暑期興趣班推介2021|Kama Delivery小朋友到會外賣服務

【兒童及幼兒暑期興趣班推介2021】

  【兒童及幼兒暑期興趣班推介2021】   望子成龍,係每個港爸港媽嘅心願,雖然家長本身已經係孩子嘅學習對象,但透過唔同嘅兒童暑期興趣班或訓練課程,可以令孩子的身體、精神及心理得到全面發展,香港有好多形形式式嘅兒童暑期興趣培養課程,琳琅滿目,咁唔同年齡嘅小朋友,幼兒又適合咩種類嘅興趣班呢?適逢踏入暑假,小朋友可以透過興趣培養過程有所寄托,比日日用手機掃嚟掃去渡日嚟得更充實,更有意義,最重要係同小朋友一齊參與,可以增進親子密度,家長亦要留意,參加暑期興趣班主要係發掘孩子的興趣及擅長,唔係見暑假是但學下野就算,一旦發現孩童嘅興趣,應該繼續支持孩子發展。   _____________   半歲至1歲嘅嬰兒興趣班推介   嬰兒游泳興趣班   🔼 香港體育會 🔼 地址:https://goo.gl/maps/SrksRwrZPmXEDLp1A 電話:2417 2575 / 6538 8358  網站:https://hksportass.com 小朋友在半歲至一歲階段,面對學咩好呢個問題,還擇唔多,比較多人考慮嘅係嬰兒游泳班,對半歲至一歲嬰兒來說,百分之七十嘅刺激來自五感中嘅觸覺,寶寶游泳期間,透過池水跟身體嘅全面性接觸,有助提升寶寶嘅觸覺發展,除此之外,游泳屬於全身運動,要知道手腳嘅運動係大腦發施號令,所以游水唔單止有助發展嬰兒手腳嘅協調性,同時發展腦神經,提高孩子專注力,當然,咁細個做運動,必須專業教練陪同下進行。   _____________   1歲至3歲幼兒興趣班推介   幼童繪畫興趣班   🔼 Art Vacation 🔼 地址:https://goo.gl/maps/ym4Wcqut2iqn5ADZ6 電話:5611 6048 網站:https://artvacation.com.hk/children-art-class/little-artists-art-course/ 1歲至3歲小朋友慢慢開始對不同嘅顏色同形狀有興趣及印象,雖然幼童未有能力充分表達自己想法,但繪畫係唯一一樣最能表達佢腦中所想嘅方法,小朋友會願意多花時間喺畫畫上,係因為佢手中嘅每一筆,對佢黎講都有濃烈嘅成功感,而繪畫興趣班能激發小孩想像力,同時促進手腦協調。     幼童音樂唱遊班   🔼 葉氏兒童音樂實踐中心 🔼 地址:http://www.yipshk.com/zh/contact-us 電話:2881 0071 網站:http://www.yipshk.com/ 音樂唱遊主要增進小朋友聽力,配合唱歌及身體律動,增強專注力及鍛鍊自信心,旋律比起文字更容易令幼兒加深印象,無形中發展孩子的記憶力,據研究指出,音樂對幼童左腦發展有脾益,左腦管語言能力,對於正在學習說話嘅小朋友有絕對嘅幫助。     幼童語言興趣發展   🔼 香港幼兒教育及服務聯會 🔼 地址:https://goo.gl/maps/BbGUcvxAUHB8bvXP9 電話:2788 1666 網站:https://hkceces.org/ 孩子踏入2歲開始,會進入語言吸收嘅敏感時期,好多小朋友2歲開始學講嘢,呢個時候開始接觸外語非常適合,喺香港,好多家長擔心小朋友早接觸外語,會學不好母語,最後兩個語言都學唔好,其實杞人憂天,孩子生活嘅環境被母語包圍,耳濡目染下,母語唔會學唔到,而響呢個語言吸收嘅敏感時間,多認識一種外語,能降低未來讀書時對學習英文嘅抗拒度,但切勿跟小朋友說話時經常中英混雜,咁樣先係小朋友學唔好兩種語言嘅主因。   _____________   3歲至6歲嘅兒童暑期興趣班推介   兒童武術培訓興趣班 嬰幼兒心理發展協會 地址:https://www.cpda.com.hk/contact-us.html 電話:3106 0960 網站:https://www.cpda.com.hk/course-martial-art.html   兒童體操培訓興趣班 英基兒童體操班 地址:http://www.esf.org.hk/zh/about-us/our-locations/ 電話:2711 1280 網站:http://www.esf.org.hk/zh/camps/英基運動暑期班/體操訓練營.html?gclid=Cj0KCQjwp86EBhD7ARIsAFkgakhGvrWMBmlWT8R67R465sprPEEqxEwoURch46tDev4PVA-KN7fG3pAaArjSEALw_wcB     孩子踏入3歲,由幼童升呢到兒童,無論身體協調性、體力、柔韌度、專注力、記憶力等都會升呢明顯提高,就連小朋友自己都會注意到自己能力提高,出現反叛、自我等性格,成功感不再局限於表達自己,而係表達自己後得到認同及關注,學習武術及體操,除左強身健體,增強抵抗力及免疫力外,學習服從亦係最大重點,伴隨武術或體操訓練,服從教練每一個指示,取得成果受到讚賞表揚,增強服從度及建立自信,對小朋友身心發展非常緊要。     兒童舞蹈興趣班   🔼 Sano Dance Studio 🔼 地址:https://www.sanodance.com/p8.htm 電話:2117 9207 網站:https://www.sanodance.com/ 除左武術、體操興趣訓練班外,兒童舞蹈興趣班都屬於放電式,暑期興趣班一旦達至放電效果,夜晚睡眠質素都會有所提高。之前提過,小孩從少接觸音樂及律動對腦部發展嘅好處,由律動到學習舞蹈會更加得心應手,舞蹈訓練一樣可鍛鍊孩子體能及柔韌度,更甚嘅係學習與人相處,兒童舞蹈多是群體合作,學習點樣同人合作、團體配合及服從指令,同時亦能發揮創意,可能因為一個暑假,你會發現你生左個潛在嘅天王巨星。     兒童烹飪興趣班   🔼 香港新東方廚藝培訓 🔼 地址:https://goo.gl/maps/QZ1PAmenQqbqKcku5 電話:5226 5880 網站:http://www.hknoc.com.hk/hkzh/我係小廚神2021 如果小朋友唔屬於好動派,參加暑期烹飪興趣班會係唔錯嘅選擇,好多家長怕廚房危險,避免小朋友接觸烹飪呢個范疇,但孩子學習烹飪有助提高創意,而且烹飪前嘅準備,烹飪後嘅善後功夫,無不在訓練孩子嘅自理能力,自理能力高嘅小朋友一般比較獨立,烹飪過程中家長只要伴隨左右,危險性就可以大大減低。   _____________   6-10歲嘅兒童暑期興趣班推介   暑期運動培訓課程   🔼 香港兒童綜合運動發展中心 🔼 電話:5262 6734 網站:https://facebook.com/PotentialSports/ 孩子踏入6-10歲,尤其如果從少就開始培養興趣嘅小朋友,基本上對於自己想發展嘅興趣已經有方向,如果由6-10歲先開始發展興趣,都唔算遲,選擇仲多添。呢個年齡層嘅小朋友喺表達能力,思維上都比較成熟,如果喜歡運動,足球好、籃球好、乒乓波等,如果趁暑假正式感受訓練,鼓勵孩子發展,隨時將來可以代表學校比賽,而且出色運動員對將來升學亦有幫助,當然,前提係小朋友要有興趣先。     陶瓷制作興趣班   🔼 陶部屋 🔼 地址:https://goo.gl/maps/Jd45Yf6bWiN6oz2MA 電話:3568 6173 網站:https://www.potteryheya.com/ 如果孩子屬於藝術家型,亦有不同暑期興趣班讓孩子找到發揮藝術天分嘅舞台。陶瓷制作能讓孩子發揮創意,更甚的是耐性,而且每一個陶瓷制品都是獨一無二,工序多,有技術含量,孩子每一次制作代表每一次嘅進步,實用性亦高,家裡都放滿孩子的陶瓷制品,突顯家庭凝聚力。     皮革制作興趣班   🔼 Handbox 皮革學堂 🔼 地址:https://goo.gl/maps/h8DjipyaAhyMd9HZ8 電話:6037 4474 網站:http://www.handsbox.com 自製皮革家長第一時間聯想到的是較剪、利器等,但現時有專為兒童而設的皮革制作興趣班,制作過程唔需要使用任何利器,皮革用品種類繁多,由銀包、卡片套、匙扣到手帶都有導師教導,送禮都威水啦。       除左去暑期興趣班之外,暑假又點少得一班小朋友去玩同開Party呢?Kama Delivery曾為多個船河派對同野餐活動提供美食到會外送服務,送貨地點覆蓋香港、九龍及新界,歡迎各位去我地網站或WhatsApp我地訂餐,多謝收看。   【點我查看Kama小朋友餐單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【家庭聚會Party Food到會推介】 好食到會菜式全新登場 【每月更新】 香港地親子活動去邊好【2021暑假篇】 野餐食物外賣推薦【懶人包系列】 小朋友生日會食物推介【精緻到會餐單持續更新】     *未經許可,以上文章不得轉載或引用* *以上資料只供參考,如有變動或錯誤,恕未能立即更新*        
2021-05-07
10件養松鼠狗你要注意的事|Kama Delivery到會服務專家

【10件養松鼠狗你要知道的事】

  【10件養松鼠狗你要知道的事】   博美犬(Pomeranian),亦即係松鼠狗,係香港十大多人選擇養嘅犬種,香港人多選擇養松鼠狗,原因係松鼠狗體型比較細少,屋企地方唔大都可以提供狗狗日常活動空間,比中大型犬更易於打理,另外,松鼠狗智商位列小型犬中的第五名,成年松鼠狗智商更加可達致三至四歲嘅小朋友,最重要係佢個賣萌樣,有智商有顏值,內外兼備,松鼠狗受歡迎係無可厚非,養松鼠狗雖然唔難,但要養得好有啲事項你必須知道,10件養松鼠狗你必須知道嘅事,無論你正準備養還是已經養緊,睇咗都係百利無害,一齊記低個checklist啦!   _____________   1. 養得毛孩,切勿棄養   置居首位,重中之重,養松鼠狗又好,養咩都好,作為主人,你有朋友、有家人,但竉物一生中只有你一個,決定養毛孩或其他竉物前,請細心審核自己條件,做個有責任嘅主人,承諾侍奉主子一生,除咗衣食住行呢啲基本功要做到之外,亦包括你有冇時間陪佢、有冇耐性訓練佢、有冇心胸包容佢,毛孩嘅行為唔止影響主人,亦包括你嘅鄰居,同屋主等因素,所以在決定養狗狗之前,諗清諗楚,如果你冇信心做到一個稱職嘅主人,請你唔好沒收佢能遇上好主人嘅機會,當然,如果你養狗狗前已經諗好哂,能以領養代替購買,會更加有意義。   _____________   2. 少食多餐,保養腸胃   松鼠狗食量細,腸胃功能比較脆弱,但毛孩開餐總是狼吞虎嚥,容易過飽對胃部做成損害,所以建議松鼠狗幼年,即3個月大之前,一天至少餵5-6餐;3-6個月大嘅松鼠狗一天至少餵4-5次;半歲至一歲松鼠狗可一天縮減至3次,一歲以後2次則可,松鼠狗BB一開始可以食狗糧,但記得先泡軟,等狗狗更容易消化得到。   _____________   3. 至少每天運動四十分鐘至一小時   松鼠狗雖然屬於係小型犬,但運動對於松鼠狗非常重要,第一點提到,養狗狗前諗諗你有冇時間陪佢,其中一樣就是帶佢放電,運動除咗減緩狗狗肌肉退化的速度外,透過有氧運動能活化狗狗嘅神經系統,定時運動有效延續壽命,同時放狗可以增進主人同狗狗之間感情,另外,放狗會遇上其他狗隻,亦係佢學習狗際關係嘅好時機,幼年犬一般與成年犬一樣,最好一日去2次,每次20-30分鐘。   _____________   4. 松鼠狗毛髮護理   要做好對松鼠狗嘅毛髮護理,最好每日梳毛一次,松鼠狗毛有兩層,梳毛除咗處理狗狗身上的掉毛、蟲屑外,仲可以產生按摩作用,激活狗狗毛囊,增強血液循環及毛髮生長,想佢爆毛就係從梳毛護理開始,另外飲食習慣對狗狗嘅毛髮護理亦相當重要,選擇蛋白質高而含維生素D及E嘅狗糧,可有助減低松鼠狗掉毛,斷毛嘅情況,而保健品可選魚油,令毛色可以更有光澤。最後當然唔少得為狗狗嘅睡床消毒啦。   _____________   5. 骨骼較脆弱,容易骨折   松鼠狗屬小型犬,容易出頭骨折問題。松鼠狗在家活動嘅時候,要避免從高處跌下,就算只係喺梳化跳落地,分分鐘都會引致骨折,要從小教育毛孩,避免同松鼠狗玩得太劇烈,如果去聚會,亦要避免松鼠狗同大型犬隻有過多接觸,博美天生唔怕體型比自己大嘅犬隻,盡量減少松鼠狗受傷嘅機會,話雖如此,但一般運動決不可少。   _____________   6. 松鼠狗脾氣大,戰力低   小型犬種一般脾氣大,愛撩是鬥非,犬其松鼠狗面對大型犬種時,呢方面嘅表現會更加激烈,但局限於身型,戰鬥力欠奉,極其量只係吠得大聲,表現兇狠,打就衰梗。作為毛爸毛媽,面對松鼠毛孩好勇鬥狠嘅表現不以為然,甚至覺得可愛,反而造就狗狗脾氣更狗暴躁,松鼠狗出現暴戾行為,應該即時加以制止,否則會危及家中小朋友或街上途人嘅安全。   _____________   7. 注意松鼠狗氣管問題   小型犬種天生容易出現氣管塌陷,所謂氣管塌陷,是指狗狗本身圓環型嘅氣管,因氣管被擠壓而變成橢圓形,令毛孩呼吸困難,主人要多加留意,狗狗響做完運動或者情緒興奮後,呼吸時有冇伴隨類似鵝叫嘅怪聲,特別時天氣季節轉變更易出現,如果偶爾出現而持續時間不長,多加觀察便可,但如果相反,要約獸醫檢查,因為氣管塌陷,可以係遺傳,亦可以係肥胖、飲食或生活環境所致,預防勝於治療,控制毛孩體重,放狗用胸帶代替頸繩等,都有助狗隻預防氣管塌陷。   _____________   8. 極需要陪伴   松鼠狗是非常黏人的犬種,就算你俾咗足夠食物、玩具俾佢都好,見唔到主人隨時吠足一日,容易患上主人分離症,長期吠叫對隔離鄰舍會造成滋擾,有主人用狗隻吠叫電擊頸圈,防止狗隻喺自己離家之後亂吠,雖然電流不足以傷害狗隻,但狗狗要每日承受壓力,狗狗愛吠係天性,太大壓力會令毛孩出現情緒低落、引致掉毛、自我封閉等不良反應,所以養松鼠狗,最好你離家後,屋企仲有其他人喺度,否則獨居人士的話,松鼠狗未必適合你。   _____________   9. 健康嘅毛孩需達標準飲水量   好多主人擺低兜水就算,覺得狗狗口渴就會飲水,其實大錯特錯,人的確係口渴先飲水,但到咗口渴先飲代表你身體已經缺水,狗狗都一樣,要養得健康,每天飲水需達確標準,否則狗狗容易出現心臟或腎臟問題,老咗要每日打針補充皮下水,就悔不當初。 幼犬一日嘅飲水量標準,每千克嘅體重需要飲80毫升水 成犬一日嘅飲水量標準,每千克嘅體重需要飲100毫升水 主人可以考慮於飼料或罐頭加水,甚至煮無鹽雞湯鮮食,都可以鼓勵毛孩多啲飲水,最好就每日幫主子紀錄入水量,養成良好習慣。   _____________   10. 絕育雖殘忍,但不無好處   絕育問題係好多主人十五十六,好似好殘忍,唔忍心俾毛孩捱刀,所以呢個要點放喺最後,無話一定要做,每個手術都有風險,但絕育手術後,狗狗除咗脾氣、行為問題會得到改善外,更加可以降低狗狗患上某啲疾病嘅機率,包括雌狗嘅卵巢癌,雄狗睪丸癌或其他前列腺疾病,所以呢度純分享,做唔做各位主人權衡輕重,自行定奪啦。   _____________   🔼 想更加詳細了解松鼠狗,可觀看一下以上影片 🔼       Kama Delivery一直都係松鼠狗鐵粉,我地嘅Logo都係隻松鼠狗嚟架,可以講係我地嘅鎮店之犬!我地曾經為好多個毛孩聚會Party嘅主人提供美食到會外送服務,無論你係開毛孩生日會定戶外竉物派對,都歡迎選用我地嘅服務,輕輕鬆鬆籌辦寵物派對,我地嘅食物外送服務覆蓋全港九,多國菜式包羅萬有,而且定期為大家送上唔同嘅優惠,無論你響邊度開Party,我地都幫到你架。   【點我查看Kama外送餐單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【派對食物外賣推薦】 免運費直送+送小食 好食到會菜式全新登場 【每月更新】 原隻燒乳豬外賣到會【公司開張、慶功活動必叫】 公司下午茶外賣推介2021【含訂購優惠碼】 【葵芳外賣優惠】特快30分鐘外送速遞 內含葵涌區專屬優惠碼     *未經許可,以上圖片及文章不得轉載或引用*        
2021-05-03
【葵芳外賣優惠】特快30分鐘外送速遞 內含葵涌區專屬優惠碼|Kama Delivery到會服務專家

【葵芳外賣優惠】特快30分鐘外送速遞 內含葵涌區專屬優惠碼

  【葵芳外賣優惠】特快30分鐘外送速遞 內含葵涌區專屬優惠碼 葵芳區一個集工業、商業、住宅區嘅地方,雖然附近有新都會廣場、葵涌廣場兩個美食熱點,但對飲食嘅需求仍然係供不應求,午飯時間總係大排長龍,屢見不鮮,以用外賣App又等到頸都長,相信各位葵芳嘅街坊、打工仔每日諗食咩都好頭痛,雖然好多人會用外賣平台,但嗌熊貓又貴又叫到悶,再唔係就茶餐廳,但茶記又唔係間間都送外賣。不過唔緊要,葵芳叫外賣以後會多咗一個選擇,就係Kama Delivery美食外送速遞。     葵芳叫外賣新熱點 即日30分鐘送到 大家同在葵芳區努力,深深明白Lunch嘅重要性,只要你叫外賣嘅送貨地點響葵涌,我們為大家提供30分鐘特快外賣服務,葵芳叫外賣一般透過手機用外賣Apps㩒㩒㩒,以後只需透過WhatsApp或者打電話,一班同事就可以安在公司,最快30分鐘收到我們的精美外賣,我們的提供的人性化服務,堅持真人在綫,為你的午餐或晚餐提供服務,每個打工仔都係得一個鐘食飯,響葵芳叫外賣使用Kama Delivery,唔駛浪費時間排隊,只需半個鐘就收到,食完仲有大把時間休息下,所謂飯氣攻心,抖下好冧。   每個家庭嘅人數或每間公司嘅規模都唔一樣,所以Kama Delivery由3-5人餐到10-20人餐都一應俱全,日日響公司攪返個午餐聚會都完全唔係問題,響葵芳叫外賣,搵我地Kama Delivery實幫你攪靚佢,同大家分享下葵芳既Fans午餐食咩最多啦!     Top3 葵芳外賣人氣套餐 _____________   No.1 Mini Party Set 葵芳外賣套餐食物份量適合3-5人午餐聚餐外賣享用   【點我查看3-5人葵芳外賣】   _____________   No.2 Kama Deluxe 葵芳外賣套餐份量適合6-7人外賣享用   【點我查看6-7人葵芳外賣】   _____________   No.3 Happy Share Set 葵芳外賣套餐份量適合9-10人午餐到會外賣享用   【點我查看9-10人葵芳外賣】 _____________   3個人客精選最愛熱推葵芳外賣套餐,各有各特色,適合不同人數同場合,午餐聚餐、開Party就岩晒,人均消費貼地,約$80-$120,CP值極高嘅外賣美食,加上精美包裝配保溫袋,冷熱分隔令外賣食物保持一定嘅品質,加上同區外賣優勢,最快30分鐘內極速送到,效率質素兼備。   🔼 保溫袋會連同美食附送給各位客人 🔼   無論係葵興區、新都會廣場、葵涌廣場、新葵興廣場、新葵興花園、新葵芳花園、葵芳邨、葵興邨、iPLACE、KCC、葵涌中心等,只要係葵芳/葵興區,最快半個鐘就可以收到我地嘅外賣美食,我地好期望為你服務!       所謂同區三分親,只要送貨地區係葵芳葵涌區,響結帳畫面輸入優惠碼【KF888】,即可獲得全單減$50嘅優惠,如果透過電話或WhatsApp落單,亦可直接報優惠俾同事知道,一樣可以獲得上述優惠,而且呢個優惠碼無限使用次數,即係日日用都得架!   【點我查看更多葵芳葵涌外賣餐單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 好食到會菜式全新登場 【每月更新】 精緻到會推介2021【商務招待企業必備】 公司下午茶外賣推介2021【含訂購優惠碼】 外賣午餐飯盒到會推介 【上班族搵Lunch Box必睇】     最後更新日期:26-04-2021 *未經許可,以上圖片及文章不得轉載或引用*        
2021-04-26
香港地親子活動去邊好【2021暑假篇】|Kama Delivery到會外賣速遞服務專家

香港地親子活動去邊好【2021暑假篇】

  香港地親子活動去邊好【2021暑假篇】   每年暑假都係小朋友最期待嘅長假期,親子時光對於大人同細路都非常重要,本身出國外遊係最好選擇,令小朋友增廣見聞外,陌生地方會激發孩子的依賴性,令親子關係急速升溫,但礙於疫情依然困擾,今年暑假親子遊似乎仲係奢想,即使旅遊氣泡啟動家長們都未必會急著冒險,其實留響香港,依然有好多親子活動選擇,就算留響屋企,一樣可以增進親子關係,因為地點從來唔係重點,用心陪伴先係鞏固親子關係嘅基石,對吧?!以下落黎就為大家準備咗2021年暑假親子活動一覽!   _____________   【親親大自然】親子農場    假日農場   地點:新界上水大隴坑村62C 地圖:https://goo.gl/maps/Xr3ZwrmD2U5nLKQh9 電話:2668 4055 / 2670 2345 網址:http://www.holidayfarm.hk 寓教育於娛樂,可以講係每一位家長嘅追求,假日農場係非常值得推介嘅親子農場,場內可以俾小朋友體驗耕作過程,了解食物從來都得來不易,對教育孩子減少浪費有幫助,作為親子農場,體驗餵飼動物當然唔少得,農場內的動物雖然唔係咩特別品種,但就算豬牛羊對於城市長大嘅小朋友嚟講都好少見,就算見到都擺左上枱,體驗餵飼動物,可以訓練小朋友勇氣同愛心,而且亦係增進親子關係嘅好時光,小朋友響爸爸保護下嘗試克服對動物嘅恐懼近距離接觸,獲得成功感,呢份安全感非常珍貴。除左體驗耕作,養農嘅工作外,小朋友電力十足,農場有充足遊玩設施,例如阿拉飛氈、樹屋滑梯、激波船、人力車等,小朋友經過農耕,餵飼這些新體驗後,通過遊玩設施放電,可謂滿足身心,但要留意,假日農場必須先預約,開放時間早十晚五,可以的話早些少去,否則你未必玩得哂所有野,記得帶蚊怕水、防曬。   _____________   【感受城中寧靜】親子野餐樂   零碳天地   地址:九龍灣常悅道8號 地圖:https://goo.gl/maps/Vdno8A81iro6osa86 西九文化區、啟德都好多人介紹過,親子野餐其實仲可揀九龍灣零碳天地,零碳建築本身好有意思,相比傳統建築,能減少近一半能源消耗,另外,透過再生能源發電,自給自足之餘仲有剩,而且做到零碳淨排放,所謂碳排放亦即係人類活動排出嘅溫室氣體,溫室氣體可導致自然災害,令小朋友從小學習環保嘅重要性,另一方面,野餐愛好者愈來愈多,而且都集中假日或家庭日,去到冇雷公咁遠你揸車唔難泊車你喊出嚟,零碳天地位於九龍灣Megabox附近,交通方便,野餐食物預少左,餓起上嚟要食野都方便啲,當然,更方便嘅梗係訂Kama野餐盒外賣啦,唔止包裝精美富儀式感,而且可以響野餐場地等司機送貨,方便快捷,一盒食物種類高達15款,想嚟一個親子野餐享天倫之樂,不能不試。   _____________   【親子餐廳】邊食邊玩 暑假唔使返學,家長們每日要陪小朋友食足三餐,作為家長嘅你,相信知道帶小朋友出街食飯,係一項幾難嘅挑戰,小朋友本身食量唔大,食少少就嗌飽,當然亦同佢唔想乖乖地坐響度有好大關係,親子餐廳除左俾你食到餐安樂茶飯之外,更加有足夠空間俾小朋友放電玩過飽,三五知己媽媽group友帶埋仔女,吹水嘅吹水,奔跑嘅奔跑,亦唔怕撞到危險物,香港不乏出色嘅親子餐廳,香港,九龍,新界總有一間響你附近。     【港島區】Kind Kitchen by Green Common   地址:中環德輔道中173號Nan Fung Place 1樓1號舖 地圖:https://goo.gl/maps/gh5U7E2Ea9J6sUfBA 電話:2110 0055 Green Common係素食飲食集團,位於中環呢間Kind Kitchen除左有專為小朋友而設嘅素食餐單之外,仲可以同小朋友一齊砌未來肉漢堡,DIY整野食有助提高小朋友創意,父母喺整個過程入面跟孩子溝通互動,是最難能可貴的親子時光,好好紀錄低陪伴成長嘅一刻。     【九龍區】大樹先生的家   地址:荔枝角長順街D2 Place Two 1樓106-107 & 120-121室 地圖:https://goo.gl/maps/ijjCewJEdaVNV8Wr9 電話:3184 0033 位於荔枝角D2 Place,大樹先生的家係台北非常人氣的親子餐廳,食物以西式料理為主,當中不乏造型可愛嘅餐點,當然食咩並唔係小朋友最關注嘅要點,荔枝角大樹先生的家佔地6000呎,當中大樹球池,即係波波池,每一個波都由台灣運過嚟,小朋友見到未玩先興奮,除左波波池,更加有白沙區,俾小朋友用沙堆砌創意,D2 Place交通便利,絕對係暑期親子假日好去處。       【新界區】The Big Things   地址:荃灣白田壩街45號南豐紗廠 2樓205-207 地圖:https://g.page/thebigthings?share 電話:6292 1808 新界區嘅親子餐廳推介係位於荃灣南豐紗廠嘅The Big Things,係一個大型嘅親子遊樂場,以芬蘭式遊樂場嘅概念套入呢個佔地7000呎場地,搖身一變即刻變成小朋友嘅獵奇天地,場內會遇上唔同嘅動物昆蟲,遊走火山沼澤,同小朋友一齊探險,樂也融融,親子關係當然迅速升溫啦,同層亦有The big things kitchen,提供親子fusion菜,亦提供親子體驗下廚樂,帶小朋友嚟夠玩足一日。   _____________   【喺屋企都可以好開心】 3個在家必玩嘅暑假親子遊戲   想增進親子關係,有咩好得過玩,就算唔出街喺屋企,都可以透過親子遊戲增進感情,有人陪仔女,係坐喺隔離,然後自己打機,但真正嘅陪伴,父母必須百分百參與其中,呢度推薦3個在家必玩嘅親子遊戲,簡簡單單,小朋友都已可以開心過渡暑假嘅日子。   1️⃣ 自製搖床:先將被單拎出嚟,最好材質硬淨啲,將被單攤開,小朋友訓響中間,父母揸穩床單兩邊,慢慢左右搖擺,人肉搖床簡單好玩,但需要有返咁上下體力,小朋友響搖床中感受搖擺嘅快感外,抬頭滿眼是爸爸媽媽,溫馨到漏油啦!   2️⃣ 枕頭大戰:遊戲玩法就攞枕頭互相攻擊,可以遠距離掟過去,可以近攻,但千萬留意,做家長唔好有爭勝心,贏左百害無一利,為左親子關係,咁上下時間要扮輸,為孩子捍衛擊敗大人嘅成就感。   3️⃣ 親子舞蹈:小朋友活潑係天性,精力無限,去公園放電係基本,公用滑梯,或其他遊樂設施缺乏保養清潔,對孩子造成風險,所以響屋企陪小朋友跳舞都係一個極好嘅選擇,現時網上好多親子舞蹈教學,同小朋友跳舞點增加溝通?讓孩子做指導,你只需裝作舞蹈白痴,呢個動作唔識果個動作跟唔到,俾小朋友教返你轉頭,小朋友一直依賴爸媽,今次有機會袋錢入你袋,是建立自信嘅好機會,而且跳舞亦有助孩子身體發展,當爸媽係偉大嘅,攰啲都冇所謂啦。       響屋企玩完一日,血肉之軀係會肚餓,咁攰就可以煮少餐飯啦,Kama Delivery有專為小朋友而設嘅暑期到會套餐Little Friend Set,更加Homemade Milkshake配以迷你Bear Bear造型外賣杯,叫埋三五知己開親子派對就更開心,邊個話響香港,增進唔到親子關係呢?   Little Friend Set 暑假到會外賣套餐 食物份量適合7-8人份量 鮮果粟米沙律(8杯) 日式章魚燒(10粒) Shake Shake蝦片(2磅盒) 焗蒜香檸蜜雞翼(10隻) 意式一口肉丸(10粒) 炸迷你忌廉蟹肉薯餅(8件) 墨魚多士拼蝦多士(各4件) 迷你美式漢堡拼迷你夏威夷漢堡(各4件) 拿破崙雜腸意大利粉(3磅) 【二選一】海洋荔枝啫喱/特濃朱古力布丁(8杯)    榛子朱古力泡芙(8件) 即棄餐具(包括刀、叉、匙、紙碟)(8套)   【點我查看親子外賣套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 【最受歡迎10人到會套餐推介】 野餐食物外賣推薦【懶人包系列】 【家庭聚會Party Food到會推介】 小朋友生日會食物推介【精緻到會餐單持續更新】     最後更新日期:23-04-2021 *未經許可,以上文章不得轉載或引用*        
2021-04-23
【政府派糖2021】6點必讀$5000電子消費券懶人包(持續更新)|Kama Delivery到會外賣速遞服務專家

【政府派糖2021】6點必讀$5000電子消費券懶人包(持續更新)

  【政府派糖2021】6點必讀$5000電子消費券懶人包(持續更新)   電子消費券點樣申請?財爺波叔於今年財政預算案宣佈以派發電子消費券形式刺激本土消費,推動經濟之餘又順道派糖俾市民益街坊,預料2021年暑假期間開放登記領券,但實際發放日子仍有待公怖。政府今次首次嘗試透過電子支付工具派發電子消費券,計劃為期5個月,市民將能透過合資格的電子支付工具每個月領到$1000,計劃其間合共可領$5000電子消費券。本文以持續更新內容,緊貼香港電子消費券的派發詳情,請密切留意。   _____________   內容目錄   1️⃣ 電子消費券的派發目的 2️⃣ 合資格領取電子消費券的人士 3️⃣ 電子消費券的登記方式及日期 4️⃣ 電子消費券的派發過程 5️⃣ 計劃認可的電子支付工具 6️⃣ 電子消費券的認可消費點   _____________   1. 電子消費券的派發目的   香港曾經亦有透過派糖予市民的方式紓民之困,另一方面當然是推動消費情緒,之前以登記銀行帳戶號碼,以一筆過形式現金存入市民帳戶內,但未能控制該款項發出後的消費去向,本意是希望市民於本土消費以推動經濟,但款項如用於海外網上購物或用於旅行開支的話,有違派錢本意。今次以電子消費券形式,限制了某些海外交易,分開派發亦難以用於旅行,希望控制款項的消費點集中本土消費,讓全體香港人都能受惠。   _____________   2. 合資格領取電子消費券的人士   申請人必需符合以下條件,才合資格領取電子消費券。 1️⃣ 申請人必須年滿18歲 2️⃣ 申請人必須是香港永久性居民 3️⃣ 或申請人是持單程證的來港人士   申請人如果是屬於以下人士,則不合乎是次計劃的領取資格。 1️⃣ 外藉傭工 2️⃣ 留學生 3️⃣ 來港工作人士 4️⃣ 非香港永久居民   _____________   3. $5000電子消費券的登記方式及日期   據消息指市民可於網上或書面形式登記,如長者或有特別需要的人士可委托他人登記,至於登記申請詳情,例如網上登記網址,書面郵寄地址等,有待政府稍後公佈。登記日期方面,政府正爭取最快於2021年的暑假開始讓市民登記,惟承諾最遲2021年內必開放登記換領。   _____________   4. 電子消費券的派發過程   市民登記後,選用領取那個電子支付工具領取電子消費券後,會由該電子支付平台核實身份,及後連續每個月注入$1000,為期5個月,派發的款項不能兌換現金,亦有使用期限,派發當月如果用剩,所有結餘皆不能累積。   最新消息指出,政府正研究$5000電子消費券,於2個月完成整個派款程序,而且預期成數相當高,詳情請緊貼我們的更新。   _____________   5. 計劃認可的4個電子支付工具   雖然政府表明計劃不會只由單一電子支付平台包攬,據政府公怖,電子消費券會透過以下支付平台讓市民收款,可惜本應是熱門選擇之一PayMe落空。 1️⃣ 八達通 2️⃣ 支付寶香港 3️⃣ 微信支付香港 4️⃣ Tap & Go   _____________   6. 電子消費券的認可消費點   政府為更有效控制款項的消費去向,暫定消費券的適用商戶包括以下種類: 1️⃣ 接受電子支付方式的香港實體店商戶。 2️⃣ 持商業登記證的網店(不包括代購平台,亦不包括海外網購平台如亞馬遜、淘寶等)。 3️⃣ 本地其他服務業商戶,例如維修服務、髮型屋等。   🔼 想更加詳細了解如何取得消費券,可觀看一下以上影片 🔼     本次派發電子消費券仍有大量細節有待公怖,打著推動本土經濟的旗號,以電子消費的形式能否真的能紓民解困呢?還是最大的利益還是各大電子交易平台?我們將緊貼計劃的公佈,隨時更新本文內容,唔知大家收到呢$5000電子消費券又會點洗呢?難得政府派糖福利,作為香港永久性居民嘅你又點可以錯過!   以上資訊由Kama Delivery提供,我們於疫情期間會繼續為大家服務,希望用外賣美食為大家打打氣!   【點我查看Kama外賣套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 【最受歡迎10人到會套餐推介】 【高級到會推介】讓你自訂獨一無二嘅外賣餐單 【家庭聚會Party Food到會推介】 【派對食物外賣推薦】 免運費直送+送小食     *未經許可,以上文章不得轉載或引用*        
2021-04-19
創意母親節小禮物推薦2021|Kama Delivery到會外賣速遞服務專家

【創意母親節小禮物推薦2021】

【創意母親節小禮物推薦2021】   母親節送咩好?禮物嘅價值又緊唔緊要呢?係咪一定要送禮物先表達到孝心呢?呢個問題經過小編我將近30幾年嘅研究結果話我知,送禮俾媽媽唔代表孝順,但唔送你都好論盡,畢竟生兒育女咁艱辛,孝順仔女們多少心意同驚喜都要為母親大人準備一下,所以Kama Delivery 幫你整理左個2021年母親節小禮物精選推介,無論你為人子女定為人丈夫,睇完都必定幫到你手有多d ideas!   _____________   母親節送花(鬱金香/康乃馨)   天下間無一個女人唔鐘意收花,雖然花本身除左香味之外冇咩特別功能,又謝得快,所以阿媽一般都會話唔洗,但如果你budget唔多,又想喺母親節表孝心嘅話,送花絕對係不二之選,母親節禮物推薦送鬱金香或者康乃馨,兩者嘅花語喺母親節有相當代表性,邊講邊送,就即時充滿誠意,晚餐碗飯都大碗啲啦。     鬱金香花語   鬱金香於春天開花,春天係新生萌芽嘅季節,所以代表新生命、代表溫暖,就好似媽媽賜予我們新生命,亦好溫暖咁照顧我們成長,母親節送鬱金香係對媽媽的孕育之心,表達感謝之情。   _____________   康乃馨花語   熱情、魅力、真情、温馨的祝福、慈祥、寬容等都係康乃馨花語,但最重要嘅係康乃馨被稱為母親之花,源自於相傳耶蘇受難,聖母瑪利亞流出淚水落地種出粉紅色康乃馨,自始康乃馨與母親節就劃上等號。   _____________   創意母親節禮物   康乃馨永生花魔法球   母親節送花係對媽媽表達愛意及謝意,永生花象徵著永不凋謝嘅愛意、親情、友情及愛情,而且永生花不需照顧亦不會凋謝,媽媽就可以每日都感受你對佢的心意啦!以玻璃球保護永生花,讓永生花的保存期更長,以台灣樟木作為底座香味獨特,你亦可以發揮創意,刻上獨一無二嘅祝福字句,值得推薦。   _____________   果鑫 Mini 肌肉深層震動按摩槍   母親節當然唔少得實用性高嘅禮物,媽媽呢份工作年中無休,日日忙家務,忙煮飯,對筋骨有一定嘅負擔,自動按摩槍會係一個唔錯嘅選擇。震動按摩槍憑高頻嘅震動刺激,穿透筋膜直達肌肉僵硬患處,舒緩痛楚疲勞,而且輕盈顏值高,擺落手袋都唔掗埞,去到邊按到邊。   _____________   A'ROMA P香水禮盒   A’ROMA P源自希臘文,有香氣嘅意思,全系列香水產品皆採用英國香氛製造廠嘅頂級香水原料,香水禮盒共五款香水,性價比極高。   美神Aphrodite(紫):牡丹、玫瑰、紅蘋果/花香調 海洋女神Tethys(綠):小黃瓜、香草、麝香/清新調 青春女神Hebe(紅):葡萄柚、佛手柑、琥珀、廣藿香/柑橘調 甜蜜女神Melite(藍):西洋梨、甜瓜、小蒼蘭、琥珀/果香調 希望女神Elpis(黃):萊姆、杜松、薑、木頭、薰衣草/木質調   _____________   精美海味禮盒 母親節送花膠海味,對女士們有一定嘅營養價值,花膠含有豐富膠質,有潤膚養顏嘅功效,螺片富含蛋白質,能增強抵抗力及免疫力,最重要係阿媽煲靚湯,一定預埋你,可以講得上係一石二鳥。   《My精美海味禮盒》内容 挪威花膠  特級原木花菇 精選猴頭菇 特級非洲螺片 雪梨乾玉竹百合湯1包 葛根淮山薏米湯1包       母親節除左送禮緊要,點可以啊食返餐好嘅呢?所謂慈母手中線,梗要食好啲,有咩禮物好得過一家人開開心心食好野呢?Kama Delivery到會服務肯定幫到你,2021期間限定母親節到會已經推出左喇,大廚為你炮製大大小小嘅外賣套餐,而且仲全港免運費,沙律前菜,主食小食俱全,記得及早落單啦,為屋企人預訂豐富大餐!   Kama Delivery 母親節套餐 (4至5人份量|全港免運費) 龍蝦海鮮湯(5人份量/袋裝) 青瓜豆腐皮米紙卷(5件) 蟹籽蒸蛋(5隻) 花雕慢煮浸鮑魚(5件) 一口西班牙飯波(5件) 香煎比目魚蘆筍卷(5件) 【4選1】焗德國豬手 (1隻)/秘制去骨海南雞 (半隻)/西班牙烤乳豬配燒汁、焗薯 (1份約10件)/ 香烤T骨牛扒配秘制Tiger醬 (1件450g) 【4選1】牛肝菌虎蝦炒意粉 (3磅)/日式松露蟹肉炒飯 (3磅)/黑松露野菌忌廉闊條麵 (3磅)/未來肉醬意粉 (3磅)   【點我查看母親節外賣套餐】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 【最受歡迎10人到會套餐推介】 【高級到會推介】讓你自訂獨一無二嘅外賣餐單 【家庭聚會Party Food到會推介】 【派對食物外賣推薦】 免運費直送+送小食     最後更新日期:20-04-2021 *未經許可,以上圖片及文章不得轉載或引用*        
2021-04-16
大型活動Party必睇|到會服務推薦2021|Kama Delivery到會外賣速遞專家

【大型活動Party必睇 到會服務推薦2021】

  【大型活動Party必睇 到會服務推薦2021】   話咁快踏入夏季,暑假又接踵而來,隨著討厭嘅疫情有緩和跡象,大大小小嘅Party聚會當然停不了,Kama Delivery新推出大型到會套餐Kamaholic,套餐為35-40人嘅份量,無論暑假親子派對、夏天必辦嘅船河派對定係公司團體聚會都非常啱駛。Kamaholic大型到會套餐除左係我地貨架上人數份量最多嘅套餐之外,套餐內容主要包括我地人氣具高不下嘅產品,例如黑松露蒸蛋,秘製燒牛肋扒配韓式燒汁,日式松露蟹肉炒飯,龍蝦海鮮Mac n Cheese意大利飯等,大眾化消費人均唔駛$130,有齊十多款皇牌美食,CP值性價比極高!     船河派對本身有Junk Boat Party Set響我地貨架上可供選擇,隨住船河派對嘅參與人數愈嚟愈多,對於份量為16-18人嘅Junk Boat Party Set嚟講,已經滿足唔到較大型嘅船河派對,導致經常要調整套餐份量,避免顧客煩心,Kamaholic大型到會套餐人數份量足足係Junk Boat Party Set嘅兩倍,食材亦較為豐盛,除左大型船河Party外,夏季亦都係一班莘莘學子畢業嘅時候,踏入5,6月就開始要籌備一系列活動,如謝師宴或畢業派對活動,師生參與人數相當,一個大型到會套餐可以滿足派對上人數需求,活動籌備者可以省卻不少煩惱,喺公司層面上,開業派對、公司週年派對,同事Team Building等,好多企業都會選擇喺公司舉辦,既能控制成本,亦能提高參與度,Kamaholic對於中小型企業活動尤其適合,我地曾經服務超過100個大型餐飲到會服務,無論在食材保溫上、包裝上、運送安排及售後服務都經驗相當,咁作為一個性價比高嘅美食到會套餐,有咩人氣食材呢?     Kamaholic Set 套餐 $4980【全港免運費】 食物份量適合35-40人大型到會享用   鮮果大蝦沙律(20杯) 柚子沙律(20杯) 黑松露蒸蛋(20隻) 蟹籽蒸蛋(20隻) 蜜汁烤雞翼(40隻) 一口煙肉荔枝卷(40件) 沙嗲串燒雞肉(20串) 沙嗲串燒豬肉(20串) 一口菠菜芝士薯餅(40件) 白酒忌廉汁藍青口拼大蜆(6磅) 秘製燒牛肋扒配韓式燒汁(2件/各2磅) 焗德國豬手(3隻) 迷你夏威夷漢堡(20件) 迷你美式漢堡(20件) 日式松露蟹肉炒飯(5磅) 黑松露野菌忌廉闊條麵(5磅) 龍蝦海鮮Mac n Cheese意大利飯(5磅) 即棄餐具(包括刀、叉、匙、紙碟)(40套) 食物夾(4個)   🔼【點我查看套餐詳情】🔼   _____________   Kamaholic Set 大型到會派對套餐 【人氣精選食材】   黑松露蒸蛋   大型Party活動中,黑松露蒸蛋都係必點嘅食材,除左外觀討好之外,黑松露屬於高級食材,獨特嘅味道配合嫩滑蛋香,衝擊味蕾,一試難忘,餐前醒神開胃之選。     迷你夏威夷漢堡/迷你美式漢堡   迷你漢堡造型可愛,賣相吸引,Kamaholic大型到會套中,包括兩款顏值極高嘅漢堡,食牛嘅有迷你美式漢堡,唔食牛嘅有迷你夏威夷漢堡,而且方便食用,喺派對聚會中一直大受歡迎,絕對喺老少咸宜嘅Party Food。     龍蝦海鮮Mac n Cheese意大利飯   人氣食材點少得Kama Delivery嘅皇牌產品,芝士同原隻波士頓龍蝦一直都係絕配,一打開就見到大大個龍蝦頭,霸氣十足,龍蝦本身壽命極長,寓意長壽,有意思,有顏值、有內涵、派對到會中必選之作。       除咗以上嘅大型套餐之外,我地仲有過百款嘅單點美食可供選購,當中包括沙律、小食、主菜、各款意粉以及飯類等等,等你可以加購唔同美食到所選嘅套餐之中。不論係私人聚會、公司宴會、慶功宴、大型Party等場合,我地都樂意為你服務!我地嘅送貨範圍遍佈全港各區,直送美食到住宅、工商大廈、店舖,而且會定期更新各種到會優惠,等你可以用最抵嘅價錢,享用到最具性價比嘅餐飲服務!   【點我查看更多大型到會Menu】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 謝師宴籌辦攻略2021 【一文睇清場地選擇及慶祝方式】 【高級到會推介】讓你自訂獨一無二嘅外賣餐單 【最受歡迎25-30人到會套餐推介】 外賣午餐飯盒到會推介 【上班族搵Lunch Box必睇】     最後更新日期:20-04-2021 *未經許可,以上圖片及文章不得轉載或引用*        
2021-04-12
學校到會美食外賣推介2021|Kama Delivery專為謝師宴、聯歡會、同學生日會、聖誕派對等場合服務

【學校到會美食外賣推介2021】

  【學校到會美食外賣推介2021】   隨著校園舉辦的嘅聚會活動愈來愈多,不論中小學定大學院校,學校對於到會外賣服務嘅需求與日俱增,由聖誕聯歡會派對、家長會、謝師宴、學校旅行、畢業典禮、老師團建Party、甚至週年校慶等場合,全部活動食物均由到會服務承包,由專業廚師團隊製作及包裝,再透過物流團隊將食物安全及準時送到,絕非一般餐廳外賣可媲美,咁喺校園聚會或派對上又有咩外賣美食到會推介呢?   _____________   節日聯歡會/謝師宴   節日聯歡會或謝師宴通常由每一個班別自行籌備,參與者約30-40多人,如果大家有參與學校節日聯歡會嘅經驗,你會發現菠蘿腸仔、咖喱角或魚蛋等嘅派對必備食物(以前嘅學校到會服務嘅食物比較簡單)會係最快被清空,反而意粉、飯無一集話食得哂,原因好簡單,食意粉、飯要拎住個碗,又要夾又要盛,年青人都比較貪方便,菠蘿腸仔、咖喱角等屬一口小食,一拎起放入口基本上已經食完,唔駛夾唔駛盛,之後因為貪方便成癮,不停尋找一口小食,最後當發現可以食下意粉或飯嘅時候,已經飽飽地。所以如果是舉辦節日聯歡會,Kama一口小食到會套餐絕對適合,每個班別人數不一,到會套餐跟隨人數度身訂造,杜絕浪費亦唔會唔夠食,開心投入Party又有得醫肚仔,此外套餐都是由一口美食組成,方便進食之餘,始終30-40人嘅活動,都係一人一件衞生之餘又方便share,亦比較適合應用於謝師宴或聯歡會。   Kama Delivery 一口小食到會套餐 【10位起跳】   黑松露蒸蛋 蟹肉沙律青瓜塔 巴馬火腿蜜瓜沙律杯 芒果醬海蝦酥盒 芝士菇菇酥盒 一口菠菜芝士薯餅 蘆筍蕃茄烤雞墨西哥卷 【3選1】迷你牛油鮮蝦包/迷你蟹肉沙律包/迷你龍蝦包 意式奶凍 蔓越苺布朗尼蛋糕   🔼【點我查看套餐詳情】🔼   _____________   家長會/老師Team Building   學校到會服務對象除左老師同學生外,仲有一班家長,學校時不時會舉行家長會或老師們團建活動, 就係老師同家長會嘅骨幹成員,傾下學校動向、交換意見等等,參與人數約10-20個,但唔會好似開派對咁走嚟走去,始終係開會,通常時間在放學後或假日嘅時間,即係無論家長定老師,都開始踏入最肚餓嘅階段,開會可選擇「Kama自選」或「Kama Premium自選」人數到會套餐,一樣可根據人數調整份量,而且我地仲可以喺送到前已一盒盒包裝好,咁與會人士一人一盒餐盒,可以坐定定邊食邊開會,而且套餐中包括意粉或飯,喺最肚餓嘅時間提供飽足感,提升開會精神。   Kama自選人數套餐 【6位起跳】   泰式青木瓜大蝦沙律(1杯) 一口煙肉荔枝卷(1件) 一口焗芝士蟹肉釀菇(1件) 蜜汁烤雞翼(1件) 沙嗲串燒雞肉(1串) 芝士菇菇酥盒(1件) 日式章魚燒(1粒) 手打墨魚滑多士(1件) 法式原味泡芙(1件) + 飯/意粉(3選1) 香草芝士蕃茄肉丸炒意大利粉(半磅) 肉醬意粉(半磅) 日式辣味鰻魚炒飯(半磅)   🔼【點我查看套餐詳情】🔼     Kama Premium自選人數到會套餐 【6位起跳】   龍蝦海鮮湯(1碗) 鮮果大蝦沙律(1杯) 黑松露蒸蛋(1件) BBQ原條豬肋骨(1件) 蜜汁烤雞翼(1件) 炸迷你忌廉蟹肉薯餅(1件) 蘆筍番茄烤雞墨西哥卷(1件) 流心芝士龍蝦三文治(1件) 法式原味泡芙(1件) + 飯/意粉(3選1) 日式松露蟹肉炒飯(半磅) 黑松露野菌忌廉闊條麵(半磅) 西班牙海鮮意大利飯(半磅)   🔼【點我查看套餐詳情】🔼   _____________   學校旅行/學生Party   校園活動又點少得每年一度嘅學校旅行,通常一個級別會去同一個地方,長青地方都係野餐勝地,例如西九文化區,觀塘海濱花園等可以親親大自然,點解長青?記得周星馳拍嘅逃學威龍第一集,學校旅行活動都係選址野餐,到今日野餐嘅地方愈來愈多,咁你話長唔長青先?學校旅行通常一個級別去一個地方,參與人數超過百人,但正常都係自己班負責自己班嘅食物,對於野餐或戶外活動,可選擇Kama野餐盒,一盒爲5-6人份量,包裝精美,色彩繽紛,而且美味可口,為野餐添上儀式感,另外更可於指定時間段送到野餐場地,令參與者輕輕鬆鬆享受高質素嘅學校到會服務。   Kama野餐盒 【3-5人份量】   蘆荀番茄烤雞墨西哥卷(4件) 牛油果鮮蝦酥盒(2個) 煙三文魚沙律杯(3杯) 柚子沙律杯(3杯) 法式芝士、加拿大煙火腿配多士  烤墨西哥脆片(芝士醬、番茄莎莎) 迷你牛角包(3個) 芝士火腿酥皮批(3個) 法式朱古力酥皮批(3個) 法式酥皮蘋果批(3個) 迷你葡式蛋撻(2個) 榛子朱古力泡芺(5粒) 馬卡龍(3粒) 自選布丁杯組合(2選1)  時令水果   🔼【點我查看套餐詳情】🔼   _____________   週年校慶/畢業典禮/其他大型聚會活動   如學校舉辦較大型嘅活動需要配合學校到會服務的話,我地有專責部門會提供協助及報價,由專人跟進整個過程,直到今日我地Kama Delivery Catering已經服務咗超過100個百人以上嘅聚會活動,經驗豐富,歡迎隨時聯絡我地查詢,為你制定最合適你嘅餐牌!   🔼【點我查看自訂到會服務】🔼       除咗以上嘅套餐之外,我地仲有過百款嘅單點美食可供選購,當中包括沙律、小食、主菜、各款意粉以及飯類等等。不論喺謝師宴、聯歡會、同學生日會、聖誕派對,我地都樂意為你服務!而且我地會定期更新各種到會優惠,等你可以用最抵嘅價錢,享用到最具性價比嘅餐飲服務!   【點我查看更多學校到會餐單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【飲品到會重新定義】 好食到會菜式全新登場 【每月更新】 謝師宴籌辦攻略2021 【一文睇清場地選擇及慶祝方式】 【11款開Party大食會餐單ideas】 外賣午餐飯盒到會推介 【搵Lunch Box必睇】     最後更新日期:20-04-2021 *未經許可,以上圖片及文章不得轉載或引用*        
2021-04-09
佛誕節與釋迦牟尼【食齋必讀2021】|Kama Delivery到會外賣專家

佛誕節與釋迦牟尼【食齋必讀2021】

  佛誕節與釋迦牟尼【食齋必讀2021】   佛誕,顧名思義,是慶祝佛教創始人悉達多·喬達摩的誕生,即是「釋迦牟尼」,釋迦是他所屬的部落名字,翻譯能仁,能夠仁慈的意思,牟尼有靜默,靜淨之意,身心清淨且一塵不染,佛教作為世界三大宗教之一,佛教徒當然遍怖每個國家。1999年,經佛教界人士爭取,香港政府於每年的農曆四月初八定為假期,成為香港唯一一個中國宗教的節日假期,對無神論者來說,佛誕只是放假,但對一眾佛教徒來說,意義深重。       佛教創始於印度,至今約二千五百年歷史,相傳公元前後,漢代時期因絲綢之路的繁榮,展開中外的文化及經貿交流,佛教由西域經商傳入中國,因為佛教思想與中國本土文化思想相近,容易接軌,所以儒、道、佛成為中國文化史上最重要的思想傳統,儒家、道家及佛教都有著相同特質的理想人格,分別是聖人、仙人及佛,而且同樣認為人人皆可成以上的完人,即完美人格,加上儒家及道家早期屬於思想哲學信仰崇拜,而佛教傳入時正遇戰亂之年,人們為了心靈上的寄託,尋找心中那片樂土,令佛教在中國初期的發展受到極大的支持。       佛誕當日世界各地的佛教徒都會舉辦不同的慶祝活動,其中以尼泊爾舉辦的最為注目,雖然佛教始於印度,但釋迦牟尼是尼泊爾人,佛誕當天,尼泊爾僧人們會共同抬著釋迦牟尼的玉像,舉行隆重的遊行活動,參與者都成千上萬,更有來自印度、泰國及緬甸等世界各地的佛教徒,共同參與隆重的佛誕慶祝大會。       佛教徒在香港據估算超過一百萬人,佛誕當然都會有慶祝活動,而佛教聯會更會舉行浴佛儀式,所以佛誕亦稱為「浴佛節」,佛祖誕生當日,天上有九條龍吐水以沐浴佛身,後世亦於佛誕以香花淨水為佛沐身,亦藉浴佛儀式反省自身,藉浴佛過程洗滌心中污垢,讓內心回復清靜和安寧。     基於我佛慈悲,因避免殺生,素食習慣是佛教徒的堅持,雖然沒有說學佛者不能吃葷,但楞伽經有談「肉食者有十八種過患,而素食者具足無量功德」,所以學佛者有素食的自覺,很多人在佛誕當日都會食齋一天應下節,以消孽障。       佛誕要食齋邊度好?素食文化就算撇除宗教信仰的原因外,在世界各地都遍地開花,所謂健康無價,素食亦是比較健康的飲食習慣,加上素食不是以前刻板印象中的青菜豆腐,隨著素食文化的日漸普及,創意素食亦屢見不鮮,素食含豐富的膳食纖維,提供飽腹感之餘,亦有助控制體重,新式素食更提供植物蛋白,提供熱量但不含脂肪,Kama Delivery的特色素食亦不斷推陳出新,非常適合素食者的聚會或慶祝活動,讓素食不再孤單及沉悶。   【點我查看新式素食餐單】   聯絡我們 WhatsApp 查詢/訂購熱線:5188 0757 / 6599 9941 Email:info@kamadelivery.com   追蹤我們 Facebook.Instagram.Youtube     延伸閱讀 新手訂購到會必睇【網站手機落單圖文教學】 【健康到會食物點樣揀好?】 【派對食物如何度身訂造】 【叫外賣到會懶人包】 6個必睇注意事項 食物營養金字塔指南【健康養生必睇】 未來肉與植物肉【素食外賣必選】     *未經許可,以上圖片及文章不得轉載或引用*        
2021-04-07