【凡士林隱藏功能】推薦10種花士苓用途

洗完面後將凡士林搽係鼻上，按摩再厚敷，之後用保鮮紙包同熱毛巾熱敷住30分鐘，令到角質軟化，再用棉花棒輕輕一刮，就可以帶走D黑頭同粉刺。但一定要記得將凡士林徹底洗干淨，避免油份堵塞毛孔。

可以係面上有細紋既部位，例如鼻既兩邊﹑魚尾紋位置輕輕搽少少凡士林，達到滋潤皮膚，咁就可以減淡紋路。而頸部既細紋，不妨先用熱毛巾敷一陣頸部，再搽凡士林後按摩淋巴同頸部皮膚，跟住用保鮮紙敷5分鐘，最後用熱毛巾擦干淨就搽返平時用開既護膚霜就可以啦。

將凡士林加入少少粉底液就可以當眼妝底霜咁用，可以令到眼線Keep得耐D，而且眼影既顏色仲會更Sharp同更持久。或者代替眼霜咁用都得。又或者可以混合少量眼影粉，就會變成眼影膏。

將凡士林同砂糖混合之後，輕力打圈按摩唇，可以去死皮，之後就可以用熱毛巾擦干淨。如果唔做磨砂，都可以當平時潤唇膏咁用，因為有好多牌子既潤唇膏都有凡士林既成份嫁。或者凡士林加海鹽，就變成簡單方便既身體磨砂膏，例如手臂位。

平時曬完太陽之後，D皮膚容易乾燥缺水，可以搽凡士林去滋潤同保濕，同時隔絕外界既污髒空氣同細菌，加速肌膚組織既修復。但如果係燒燙傷口既皮膚最好就唔好用凡士林，因為會令到皮膚上熱量散唔到，從而會讓令皮膚狀態更加差。

將凡士林搽係會噴香水既身體部位，例如手腕，頸後或頸側，耳後，會有助香水既味道可以持續更加耐嫁。

皮製用品，例如皮鞋、手袋等，可以用少少凡士林拭擦，就變到好似新一樣，又會令到皮革製品既使用期增長。

化妝棉沾少少凡士林，再輕輕一擦面上既化妝品，咁就可以卸妝，例如眼線，或者睫毛膏。

因為凡士林可以有效鎖住D水分，如果抹係乾燥髮絲上，就可以令到乾枯髮質柔順。或者搽係頭皮上，就可以解決頭皮乾燥既情況，但唔好用太多，因為凡士林難洗干淨。如果想減少頭屑引起既脫皮同痕癢，係洗頭前，先用凡士林護理頭皮，輕輕按摩頭皮，之後再清理。

用棉花棒整少少凡士林，然後鼻孔內附近搽薄薄一層凡士林，係鼻門入少少就得，唔使似做自測咁深入嫁，因為凡士林可以擋住花粉等過敏物質，就減低鼻敏感既唔舒服症狀。