【凡士林隱藏功能】推薦10種花士苓用途

凡士林隱藏功能 | 推薦10種花士苓用途

【凡士林隱藏功能】推薦10種花士苓用途

相信唔少人都有用過凡士林,或者聽過花士苓有好多用途,連歌手鄧紫棋都有推介,凡士林 (Vaseline) 係1859年俾人發現既,原名叫「Petroleum Jelly」,意思係由石油中提煉出既啫喱膏狀,後來Robert Chesebrough發明分離精煉既方法,而且命名為Vaseline,特性係唔易變質,唔導電,唔易同水混合,所以防水性好好,又唔容易造成人體敏感。今次小編介紹10種凡士林用途俾大家啦。

凡士林推薦用途
1. 面部去黑頭

花士苓用途 | 凡士林可以去面部黑頭

洗完面後將凡士林搽係鼻上,按摩再厚敷,之後用保鮮紙包同熱毛巾熱敷住30分鐘,令到角質軟化,再用棉花棒輕輕一刮,就可以帶走D黑頭同粉刺。但一定要記得將凡士林徹底洗干淨,避免油份堵塞毛孔。

凡士林推薦用途
2. 減淡臉上同頸既細紋或乾紋

花士苓用途 | 凡士林可以減淡臉上同頸既細紋或乾紋

可以係面上有細紋既部位,例如鼻既兩邊﹑魚尾紋位置輕輕搽少少凡士林,達到滋潤皮膚,咁就可以減淡紋路。而頸部既細紋,不妨先用熱毛巾敷一陣頸部,再搽凡士林後按摩淋巴同頸部皮膚,跟住用保鮮紙敷5分鐘,最後用熱毛巾擦干淨就搽返平時用開既護膚霜就可以啦。

凡士林推薦用途
3. 當眼妝底霜

花士苓用途 | 凡士林可以當眼妝底霜

將凡士林加入少少粉底液就可以當眼妝底霜咁用,可以令到眼線Keep得耐D,而且眼影既顏色仲會更Sharp同更持久。或者代替眼霜咁用都得。又或者可以混合少量眼影粉,就會變成眼影膏。

凡士林推薦用途
4. 磨砂(唇部/身體)

花士苓用途 | 凡士林可以磨砂

將凡士林同砂糖混合之後,輕力打圈按摩唇,可以去死皮,之後就可以用熱毛巾擦干淨。如果唔做磨砂,都可以當平時潤唇膏咁用,因為有好多牌子既潤唇膏都有凡士林既成份嫁。或者凡士林加海鹽,就變成簡單方便既身體磨砂膏,例如手臂位。

過敏症狀 | 一文看清3種於香港常見的過敏症狀

【認識3種香港常見過敏症狀】根據香港哮喘會(Hong Kong Asthma Society)香港人最常見既長期疾病係過敏症(英:Allergy),包括鼻敏感、哮喘、食物敏感、皮膚敏感、濕疹及藥物過敏症狀等。其實過敏症係指人體既免疫系統對於外來原本係無害既物質所產生⋯⋯ 繼續閱讀

凡士林推薦用途
5. 急救曬傷肌膚

花士苓隱藏功能 | 凡士林可以急救曬傷肌膚

平時曬完太陽之後,D皮膚容易乾燥缺水,可以搽凡士林去滋潤同保濕,同時隔絕外界既污髒空氣同細菌,加速肌膚組織既修復。但如果係燒燙傷口既皮膚最好就唔好用凡士林,因為會令到皮膚上熱量散唔到,從而會讓令皮膚狀態更加差。

凡士林推薦用途
6. 維持香水味道

將凡士林搽係會噴香水既身體部位,例如手腕,頸後或頸側,耳後,會有助香水既味道可以持續更加耐嫁。

凡士林推薦用途
7. 保養皮革製品

花士苓隱藏功能 | 凡士林可以保養皮革製品

皮製用品,例如皮鞋、手袋等,可以用少少凡士林拭擦,就變到好似新一樣,又會令到皮革製品既使用期增長。

凡士林推薦用途
8. 卸妝

花士苓隱藏功能 | 凡士林可以卸妝

化妝棉沾少少凡士林,再輕輕一擦面上既化妝品,咁就可以卸妝,例如眼線,或者睫毛膏。

凡士林推薦用途
9. 撫平毛躁頭髮

花士苓隱藏功能 | 凡士林可以撫平毛躁頭髮

因為凡士林可以有效鎖住D水分,如果抹係乾燥髮絲上,就可以令到乾枯髮質柔順。或者搽係頭皮上,就可以解決頭皮乾燥既情況,但唔好用太多,因為凡士林難洗干淨。如果想減少頭屑引起既脫皮同痕癢,係洗頭前,先用凡士林護理頭皮,輕輕按摩頭皮,之後再清理。

凡士林推薦用途
10. 預防過敏

花士苓隱藏功能 | 凡士林可以預防過敏

用棉花棒整少少凡士林,然後鼻孔內附近搽薄薄一層凡士林,係鼻門入少少就得,唔使似做自測咁深入嫁,因為凡士林可以擋住花粉等過敏物質,就減低鼻敏感既唔舒服症狀。

凡士林既用法有仲有好多,不得不提既仲有鄧紫棋之前係社交平台分享既「最強保濕面膜」,由鄧紫棋既皮膚科醫生推薦既方法,就係自製凡士林面膜,方法好簡單,首先洗完面之後,再薄搽凡士林,用熱毛巾敷30分鐘,之後再用濕毛巾擦干淨,咁就完成保濕啦。

大家可以發掘更多凡士林唔同既隱藏用法,到時一大班朋友聚會既時候,就可以多一個話題啦,一邊講護膚心得經驗,一邊食我地既到會,就又係一個放鬆活動啦。Kama Delivery到會外賣全港免運費,超過100款派對食物,梗有一款適合你,歡迎聯絡我們查詢。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|PexelsUnsplash

*未經許可,以上文章不得轉載或引用*