世界盃2022懶人包【香港球迷必睇】

世界盃2022懶人包【香港球迷必睇】

世界盃係舉世矚目嘅足球體育盛事，各國足球巨星為國爭光，代表自己國家於世界盃足球比賽球場上揮灑熱血，爭取世界盃冠軍嘅殊榮。首屆世界盃自1930年舉辦於烏拉圭舉辦，自此每4年舉辦一次，每屆各國電視台為轉播權爭崩頭，數以幾十億的觀眾，帶來極大嘅廣告收益，踏入2022年世界盃由卡塔爾舉行，9件世界盃你要知道的事，讓你全面了解2022年世界盃的資訊詳情，一齊為支持嘅國家打氣啦！

2022世界盃於中東卡塔爾舉行，揭幕戰於香港時間11月20日星期日凌晨12:00舉行，由東道主卡塔爾對陣厄瓜多爾，時差上香港快5個鐘，所以有某部份比賽會於香港凌晨時間開波，不過幸運嘅係季軍賽同決賽都響香港時間夜晚11:00開波，起碼唔駛捱咁夜請假睇波啦！

2022世界盃香港免費轉播權由ViuTV取得，而想睇哂共64場世界盃賽事，就要向收費電視Now TV課金先得喇，ViuTV免費直播共19場2022世界盃足球賽事，包括2022世界盃揭幕戰、四強賽事及決賽。

2022世界盃決賽32強名單出爐，將分成8組 (A-H)，每組4個國家進行淘汰賽，抽籤結果分組名單如下：

⬆️ 由尼馬領軍嘅巴西隊係上屆賽事止步8強 ⬆️

世界盃由1930年舉行，強旅包括巴西、德國、法國、阿根廷、意大利等，多次包辦世界盃冠軍、亞軍及季軍，而巴西雖然作為從小到大根深蒂固嘅球場霸主，原來自2002年勇奪世界盃冠軍後，已經連續3屆失落三甲，雖然暫時以5次世界盃冠軍企穩冠軍次數榜首，但德國及意大利只以一次之微即4次屈居第二，今年到底會雙冠軍定巴西吐氣揚眉，大家就拭目以待啦！

⬆️ 舉辦決賽嘅路薩爾地標體育場耗資7.67億美元 ⬆️

繼2002年世界盃首次於韓國及日本舉辦後，世界杯第二次選址亞洲國家舉辦，而卡塔爾連破兩項紀錄，一舉取代瑞士成為歷來舉辦世界盃最細嘅國家，而國土面積比瑞士更加細三倍，而耗資響世界杯嘅預算高達2,200億美元，仲多過香港政府財政儲備，亦取代上屆預算榜首嘅俄羅斯，2,200億美元對上136億美元預算，最豪世界盃之名當之無愧。

⬆️ 上屆金靴獎得主哈利簡尼（右）⬆️

世界盃除左為國家而戰外，亦可為自己榮耀而戰，世界盃金靴獎得主表揚於世界盃比賽中入球最多嘅球員，而該球員所屬的國家隊可能四強不入，亦足以聲名大噪，上屆2018世界盃金靴獎由英格蘭哈利簡尼以6個入球勇奪金靴獎，但英格蘭則4強止步，而世界盃金靴獎紀錄保持者自1958年法國球員祖斯方亭的13球打破紀錄後至上屆仍金身不破，當年法國亦只是屈居季軍。

身為亞洲足協成員，香港要打入世界杯決賽週先要在世界盃亞洲區外圍賽突圍而出，可惜最接近嘅一次要數到1978年阿根廷世界盃賽，擊敗有主場之利嘅新加坡獲出組資格，但晉級後力不從心，八場連敗，雖然香港對體育活動支援不足，但作為香港人，仍然希望有朝一日響世界杯決賽週，睇到港隊嘅身影。

睇世界盃直播當然要聽埋旁述先夠過癮啦！但如果聽唔明旁述講嘅足球術語就企左響度，尤其女朋友陪睇波最緊要唔好做問題少女，小編明白部分香港球迷只會係世界盃期間睇下波湊熱鬧，以下係常見嘅足球術語，可以幫你惡補一下：