中國茶道 vs 日本茶道【一期一會】

中國茶道 vs 日本茶道【一期一會】

香港人生活節奏急速，工作時間又長，根據政府統計處既數據顯示，打工仔人均每星期平均工作40小時以上。更係KISI《2022年工作生活平衡城市排行榜》Cit報告中，香港排名第93位，排喺尾8，工作再忙都要搵啲嘢輕鬆下，今日小編同大家介紹用茶道去細品生活既樂趣，等大家了解下除左做運動之外，仲有唔同既活動可以減壓，茶道（另稱茶藝或茶湯），亦分別講講中日既茶道有咩分別。

茶道意思除左講究茶葉沖泡既方法禮節與同用具之外，仲會重視唔同茶葉嘅色、香、味，而且飲茶過程中更加修身養性，注重茶同人二者互相平衡既關係。茶道有一句話「一期一會」，意思係要抱住一種心情，每一次既茶會都是係一生只有一次，所以要無遺憾咁將茶會完成得盡善盡美。就同做人一樣，即係有「活在當下」既意思。

茶道最早係中國起源，亦係最早培植同利用茶葉既國家之一，茶聖陸羽既《茶經》係世界上最早有關茶既書藉。茶道由唐代興起，宋明將茶道大肆宣揚同普及，更透過茶藝、茶德、茶禮、茶理、茶情、茶學說、茶道呢7種方式表達最主要既核心精神「和」。

茶道其實係日本其中一種飲茶既儀式，傳統文化之一，雖然係起源自唐宋二代，不過去到日本之後，日本人就發展出屬於自己既風格同派系，更加表達出茶藝帶出既人生觀，更突出日本人傳統既款待（おもてなし Omotenashi）客人既熱情精神。茶道係日本又叫「茶之湯」（さどう/ちゃどう）。而家日本茶道分為抹茶道與煎茶道2種，而且亦分為4大宗派，當中最大既流派係「裏千家」，表千家流既不審庵（ふしんあん）、裏千家流既今日庵（こんにちあん），同埋武者小路千家流既官休庵（かんきゅうあん），合稱為三千家。

日本茶道講究「四規」同「七則」。「四規」係指「和、敬、清、寂」，和、敬係主客雙方具備既態度和禮儀，而清、寂就係進行茶道既地方必須要保持典雅、幽靜既氣氛。