減肥要戒食澱粉質？【了解14款精製主食熱量】

上次小編同大家分享左常見既面包卡路里，今次亦同大家分享下主食類既卡路里，作為追求同注重健康既大家，對於每日3餐既主食都會比較關注同埋有要求。如果要減肥既話，甘邊類型主食又會比較高卡路里，或者相反會較為健康D呢？

雖然經常聽到D人係減肥期間戒食澱粉質（即主食或碳水化合物），但其實係一個謬誤，因為有營養師指出，如果唔食任何澱粉質，直接會影響到身體，初期會覺得個人好攰，工作集中唔到精神、流失肌肉、有口臭等問題，而且當長期戒食所有澱粉質之後，更會出現脫髮問題，女士亦有機會因為荷爾蒙失調而經期紊亂，嚴重者或者會停經，所以唔太建議完全戒晒所有澱粉質。但有無D澱粉質係比較健康，或者可以代替平日既粉麵飯既「精製主食」?

精製主食（又叫精製澱粉 或 精製碳水） ，亦有另一種寫法係「精緻」，係指全穀類食物經過加工，去除麩皮、種皮、胚芽而製成既食糧，例如，我地最常食既白米，白米加工由稻穀變成糙米，或成為胚芽米，最後一道工序先係變成白米。

呢D精製主食食得太多，都會對身體有壞既影響，因為澱粉入左身體後，會令到血糖急速上升，從而大量分泌胰島素，經過一段時間後，血糖大概2小時左右就會下降，當血糖下降之後，飢餓感就會出現。

小編將常見粉麵飯列出，同大家一齊睇下呢14款主食既熱量啦，等大家有個概念，無論外出用餐或者外賣既時候，可以容易D做選擇。

以每100克計算（由低至高排列）

除左小編之前介紹左3種常見代替澱粉食物之外，小編會再介紹5款非精製澱粉既食物俾大家，因為非精製澱粉營養比較豐富，包括維他命B群、維他命E、礦物質同膳食纖維，有助促進返新陳代謝。