【你今日斷捨離左未?】從6種物品開展極簡生活

【你今日斷捨離左未?】從6種物品開展極簡生活

【你今日斷捨離左未?】從6種物品開展極簡生活

呢幾年開始聽到有人講起斷捨離,其實意思係「斷」絕自己唔需要,唔合適既物品,「捨」棄多餘既事物,脫「離」對物品既執着或者眷戀,斷捨離對象唔止物件,仲可以係習慣、情感等。簡單咁講,斷捨離原則就係唔買自己唔需要既物品,處理堆放喺家裏無用既野,實行極簡生活主義,最後遠離物質既誘惑,放棄執着於某樣物品,俾自己處於寬敞舒適自由自在既空間。

斷捨離源於邊度?

斷捨離是一種源自日本的極簡約生活理念

斷捨離源於邊度?

斷捨離是一種源自日本的極簡約生活理念

其實斷捨離生活概念源自於日本,1976年由沖道瑜珈創辦人沖正弘所提出既理念,再由佢弟子山下英子發揚光大,著作中譯本「斷捨離」一書紅遍兩岸三地,呢十幾年間作者透過不斷宣揚,將極簡生活哲學推而廣之!

香港地,好多人都比較念舊,惜福,所以好容易儲存好多雜物喺屋企,物品無壞無爛,就會唔捨得丟左佢,日子耐左覺得有感情,亦可能忘記放咗係邊,如果要丟,又會覺得好浪費,所以屋企既空間就越嚟越少,擺擺下連屋企都唔夠擺要租迷你倉又多個開支就唔好啦!

點樣開始斷捨離人生?

如何開始斷捨離的生活習慣

斷捨離既最基本既一種生活智慧,就係大家經常聽到既執屋掉雜物,啲人成日講將屋企唔適合或者季節性既衣物同手袋,已經唔再睇既書,未過期而且未拆包裝既食物,捐去社福機構,然後送去俾有需要既人,從而減少浪費又環保。

如果需要再做多少少,大家可以喺之前買野既時候,做多一步,問問自己係咪真係有甘既需要,係咪非買不可,咁就可以理性啲減少因為一時衝動之下買左,之後又唔需要用既物品,變相斷絕左對物品既慾望。香港地,生活壓力大養成唔少購物狂,大時大節又容易墮入購物陷阱,大家消費前真係要分清楚想要定係需要!

臨近年尾,中國人傳統都會大掃除執下屋,乾乾淨淨先迎接農曆新年,大家都應該開始計劃一下將自己黎一個斷捨離,整理一下衣櫃,書枱,喺時候嘗試一下有「捨」棄唔需要既物品、雜物,俾自己「得」到一個干靜舒服既心靈環境,展開極簡生活主義!

6種物品讓你開始斷捨離習慣

1.衣櫃

清理及整理衣櫃|展開極簡的斷捨離生活

大家有冇試過連價錢牌都未剪嘅新衫放咗一段時間呢?定期檢閱你既衣帽間,可以睇下邊啲唔啱著、殘舊但又完整既或者超過2-3年已經無著既衫褲鞋襪,清空出嚟,捐去回收機構,例如救世軍衣物回收箱。如果仲好新淨,亦不防攞去寄賣店賺下外快,而家開始有機構有寄賣既服務,例如Green Ladies、a break 93,又或者放係Carousell旋轉拍賣睇下搵唔搵到新主人!

2. 書櫃

清理及整理書架|展開極簡的斷捨離生活

將已經唔再睇既書、雜誌、無用既教課書、特別係厚厚嘅字典、過期既旅遊書,都可以捐出去,甚至開始使用網上版的電子書籍,既可以環保,又可更加方便收藏,一舉兩得!

3.化妝品

清理及整理化妝品|展開極簡的斷捨離生活

平日睇唔少吸晴既廣告、減價優惠,愛美既女士們一定有唔少左過期嘅護膚品或化妝品,或者係開左超過一段長時間既,都需要清理下,咁樣先可以做到由內靚到外架嘛!

4. 廚具或傢俬或電器

清理及整理廚具、傢俬、電器|展開極簡的斷捨離生活

喜歡煮嘢食或者3C產品嘅你,如果發現重複用途既廚具、電器,可以挑選出較常用既留低,唔多點用就可以送出去,或當二手轉賣出去!

5. 藥物

清理及整理藥物|展開極簡的斷捨離生活

去日本旅行一定會行藥妝店,香港人家家戶戶都會存放用作「看門口」既止痛藥、止瀉藥、感冒藥,定期檢查藥箱,若發現過期或過量等,都需要盡快處理,以免食壞身體。

6. 手信或禮物方面

清理及整理手信、禮物|展開極簡的斷捨離生活

香港人好鍾意去旅行,所以肺炎疫情之前,身邊朋友、家人、同事等都會交換手信,變相多左好多小物件、擺設,可以留低最有記念價值既,其他選擇捐贈出去,減少佔用空間。

香港地同日本好類似,生活空間越嚟越逼夾,納米樓、劏房就越起越多,學懂斷捨離人生就最適合香港人,斷捨離生活仲有好多方法可以做,大家可以發掘更多既方法去令到自己心靈過得更舒服、更簡約,堅守著斷捨離原則,到時候收拾好心靈、生活,屋企環境就可以騰空出更加多活動空間出來搞吓聚會招呼朋友,開Party就梗係要睇下我哋Kama Delivery嘅外賣Menu,過百款派對美食適合唔同人數嘅活動,捨棄買野可以,但點都要醫肚呱?!

點我查看開P必備外賣套餐

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

訂購到會服務熱門問題【不斷更新】

【家庭聚會Party Food到會推介】

【高級到會推介】讓你自訂獨一無二嘅外賣餐單

公司下午茶外賣推介2021【含訂購優惠碼】

Home Party食物大檢閱2021 【懶人攪手必讀推薦】

部份圖片出處

https://www.pexels.com

*未經許可,以上文章不得轉載或引用*

發佈回覆

你的電郵地址並不會被公開。 必要欄位標記為 *