【元旦倒數2023】推薦7個香港跨年除夕好去處 

【元旦倒數2023】推薦7個香港跨年除夕好去處

話咁快，又差唔多過完2023年啦，今年元旦倒數大家點慶祝呢? 政府已經沒有限聚令而且全面通關，大家會唔會安排約埋一班親朋好友一齊迎接2024年，搞返個跨年活動開心一下，呢幾年大家被困係香港，都識得搵方法自我CHILL下，行山、Staycation、做瑜伽/健身、或者學一門興趣等，年尾元旦節日去邊好？

每年香港旅遊發展局都會係尖沙咀維港舉行除夕倒數煙花匯演，同全港市民普天同慶，通常仲會有唔少藝人出席，唱歌跳舞就唔少得，迎接新嘅一年梗係要盡慶啦，當然大家可以係留家睇住電視又得，一家大細出去尖沙咀果邊感受下熱鬧氣氛又得！

雖然香港仲係0+3，但都唔會影響到大家要出國既興致，自從實施後出境外遊人數節節上升，加上咁多地方已經開放，如果要講到必去或者首選，小編諗到一定係第2個鄉下日本，因為匯率又咁低，講緊匯率5點幾唔知係幾多年低位，差唔多係以前既半價，去到日本仲唔狂買狂食放縱一下累積左幾年嘅動力，而泰國都係香港人鍾情既地方，迎接元旦跨年倒數感受下異國風情都唔錯架！大家不妨考慮參考：

元旦倒數大家唔想出去同人逼，亦可以搵啲 Partyroom同班friends一齊慶祝，有個空間之餘，又有唔同既遊戲，例如唱K、打麻雀、玩Board Game，甚至有得BBQ或者煮野食等，唔想煩食乜，仲可以搵Kama Delivery為你預備到會食物。大家可以搵啲適合一大班人玩既Party Room倒數嫁。

講到Staycation，小編覺得如果要睇到靚既維港海景，以下幾間酒店不妨可以考慮一下，到時候睇埋除夕倒數煙花，咪唔使同其他人逼，睇得又舒服。

政府轄下既燒烤場終於係11月3 日開始重開157個燒烤場地，當中包括左41個免費燒烤場，而且好多都係24小時開放，當然，大家咁耐無去出面BBQ，到時可能人山人海，一爐難求，記得早少少去搵爐霸定位迎接2023喇。

除左去營地自己扎營之外，而家仲有啲露營車，或者有啲營地可以提供露營物品俾大家租用，到時輕鬆去輕鬆走人就得啦。如果唔想扎營，可以考慮露營車或者露營屋，可以係另一種既Staycation感受，之前小編都有寫過露營懶人包， 大家不妨參考一下！

講到演唱會，今年點少得Eason陳奕迅既演唱會呢，雖然未必個個都買到12月31日既既門票，但有得去睇既粉絲們分分鐘可以同Eason一齊倒數迎接2023年，仲唔MM7！