11間銀行兒童儲蓄戶口【教育小朋友理財必備】

小編身邊有好多家長會幫小朋友由細開始計劃同理財，有D家長仲會幫小朋友買定D儲蓄保險，等小朋友大左有一筆錢可以用，例如出國留學，又或想創業等，都可以提早準備，小編相信唔少父母已經研究左唔少坊間唔同保險公司或者銀行推出既儲蓄計劃，有D聲稱仲類似可以派錢派到100歲添。但除左呢D儲蓄計劃之外，有時都想小朋友學習點樣自己理財，平時教佢地存下錢，例如將有多既零用錢存起黎，或者係節日時，例如新年或者生日，長輩俾既利是錢，都希望佢地存起，等小朋友可以之後自己分配自己既錢，所以唔少銀行都有為小朋友設立「兒童儲蓄戶口」，方便佢地「草錢」（正字：𢵄錢）同俾父母容易同小朋友一齊打理既。

小孩從小建立儲蓄概念

為咗吸引大家，而家唔少銀行都會同卡通人物合作，而銀行一般開戶，都係需要提供小朋友出世紙或身分證，監護人或家長既身分證明文件、最近3個月住址證明等。

各位父母如果有計劃幫小朋友存錢既話，不妨係選擇邊間銀行開戶口前，問下佢地意見，等佢可以參與其中學習理財，因為有D銀行推出兒童儲蓄戶口時，可能會係提供得意既存摺簿或者銀行卡嫁，另外，亦可以同小朋友一齊計劃儲錢方法，從小令佢地有理財既概念，培養儲錢既習慣。而且，有時小朋友想買書、買玩具，父母都可以善用儲蓄戶口內既錢，教小朋友點樣分配自己既錢嫁。