【超實用！】公司Party點攪好？5個派對場地推介

【超實用！】公司Party點攪好？5個派對場地推介

香港成30萬間中小企，好多時都要搞Team Building聯誼下感情，咁公司Party點攪好？無論選擇公司Party場地、Rundown流程、飲食安排等都令公司Party嘅攪手費煞思量，好多時呢個煩惱都落喺HR或者Admin同事身上，響一個有限嘅預算，要攪到有聲有色仲慘過陳茂波諗財政預算案，攪得唔好隨時飯碗不保，Kama Delivery過去曾負責唔少公司Party嘅膳食安排，今次同大家分享5個派對場地推介！ 希望為各位公司Party嘅攪手分憂，至於派對上嘅飲食安排，請按此處，過百款美食到會單點選擇加多人到會套餐，相信煩惱不翼而飛。

水晶巴士攪公司Party絕對適合中小企，因為水晶巴士有人數限制，最多容納47人，水晶巴士嘅服務唔止幫你安排遊覽路線，安排行程，巴士內更有各種娛樂設施，包括大電視、高級音響設備卡拉OK、各類電子遊戲機、燈光效果、紙牌遊戲、免費Wi-Fi、USB充電等娛樂設施，公司包團可於9:00am 至11:00pm內任揀其中3個小時，附送飲品更有車上服務員服務，可自行安排飲食或選擇每位$120嘅米芝蓮點心餐，巴士內嘅燈光效果夜間更有感覺，適合公司開團建Party或者招待來賓。

如果公司Party預算唔太緊張，可以考慮將派對移師到海上舉行，以遊艇作為場地搞返個Junk Boat Party夠晒氣派，遠離石屎森林享受一天海上假期，可以因應人數選擇大小遊艇，最大容納量一般可達60-80人，由於船河嘅活動一般係團體性，動態嘅有海上活動如香蕉船、吹氣滑梯等，靜態啲嘅可以響船艙唱下歌、玩下啤牌、釣魚、Chok墨魚，甚至大型遊艇有廚房可以露兩手，有效讓同事互相認識打成一片，提高默契及團結度。

響Party room攪公司派對應該係最多公司嘅首選，大型Party Room可以容納的人數亦可高達80-100人，而收費方面亦比較船河便宜，加上幾乎每一個商業區都有Party Room嘅選擇，近Office方便返同事，佔盡地理優勢，而Party Room嘅設施除左基本卡位OK、電影、麻雀、啤牌、波波池之外，大型嘅更加有桌球枱、VR體驗、夾公仔機或戶外燒烤空間，一班同事一定玩到唔捨得走，Team Building就係要人人樂在其中嘛！

如果室內Party覺得壓迫感大，位於錦田嘅田園木屋會係親近大自然、追求自由嘅最佳選擇，呢度適合中小型規模公司，因為最高只能容納20人，派對房間內外都有大量設施，當然室內木屋設施與一般Party Room 唔差好遠，但由於木屋室外空間曠闊，可進行各類球類運動如羽毛球、足球等，更有彈床及小型水池，同事帶埋小朋友嚟一定會好滿意呢個安排，室外更配備美式燒烤爐，邊玩邊燒，配上大自然嘅空氣，有誰不愛呢？

唔少公司Party會面對同事參與率低嘅問題，開公司Party求開心之餘，同事嘅參與度亦好重要，開Party難免會佔用同事嘅私人時間，加上年紀稍長嘅同事未必啱玩Party Room嘅娛樂設施。人少少而公司又有空間，例如喺會議室，不妨派對當日提早少少收工響公司開Party，時間彈性之餘亦有助提高同事嘅參與率，老細又可以慳Budget用於派對食物上，亦唔會有各有各玩嘅情況，響冇任何娛樂設施嘅情況下，亦可以靠團體遊戲炒熱氣氛，同事之間嘅感情，唔一定要發生響麻雀枱或者啤牌之上！