Kama Delivery香港到會公司的一天

 

到會公司的一天

 

Master Kama團隊除了經營餐廳業務外,近期亦大力發展到會公司外送服務Kama Delivery Catering,畢竟發生Covid-19疫情後為餐飲業營商環境帶來重大挑戰,我吔都好努力適應同改變,不論打風落雨、時時刻刻都希望為顧客送上廚師精心製作嘅料理;有幸得到大家嘅支持同信任,小編總算不用加入失業大軍,繼續做好小編呢份工!

 
Kama Delivery香港到會公司的一天
 

喺呢段時間都收到好多唔同到會人客嘅意見,Fans們對於品嘗完到會嘅美食之後都有好多疑惑?例如,為何有時出餐會遲到或者早到?為何食物嘅溫度不如預期?為何送貨司機態度如此可惡呢?為咗解除各位粉絲們嘅不解,小編今日就為大家揭開Kama Delivery 神秘嘅一日,等大家都可以對我吔有更多了解

 

 

 

08:00-10:00

 
Kama Delivery香港到會公司的一天
 

Kama Delivery 嘅工作坊正式打開大門,首先測量每位同事嘅體溫,簡單酒精消毒後,統一換上清洗完嘅kama制服。隨後迎來第一批訪客就係我們親切嘅食品工應商,為我地提供每一日新鮮嘅食材,麵包、蔬菜鮮果、海鮮肉類等等食材琳瑯滿目,檢查食材品質就是每天第一個工作,確保人客食用安心又衛生!有時人客們會遇到臨時食物缺貨而需要更換其他食物,因為唔及格嘅食物將會退回供貨商,同埋可能有些食物未能及時送到來,真係深感抱歉!

09:00 – 10:00 集合公司所有同事,一邊食早餐一邊開一個簡單早會update下當日嘅工作,一齊查看人客回覆及意見,檢討及改善做得不足嘅地方,作為一間年資尚淺嘅到會公司,好多地方都有進步空間、服務未能盡善盡美,希望透過團隊溝通不斷尋找更好嘅方法,著重細節同食客體驗為依歸,係我地整個團隊努力奮鬥嘅共同目標!

 

 

 

10:00-16:00

 
Kama Delivery香港到會公司的一天
 

簡單早餐例會過後就要開始整理中午嘅訂單,營運3大部門包括廚房、水吧、出貨同事都各就各位準備就緒,為當日訂單衝刺打拼!呢段時間小編兼任客戶服務角色都要隨時候命,一旦遇上突發事件例如交通物流就要即時通知受影響顧客、又或者解答人客來電及訊息查詢,務求令查個運作更加流暢順利!

 

係出餐完畢後,我地會簡單清潔一次,打完仗場面多少都有點凌亂,執拾一下為之後訂單繼續努力;之後就係同事們輪流午膳回氣時間,加入餐飲業其中一個好處就係有「福食」,真係可以慳返唔少錢擺入小編旅行基金,廚師們都會把握呢個時候作菜單研發,等我吔一班白老鼠接受不同測試同挑戰,為了感受人客嘅體驗,有時都會刻意將食物擺放一段時間先進食,大廚收到食評後就可以改進調節,到會食物跟堂食始終有分別,經過時間包裝同運送後,食物味道同口感都有一定程度變化,公司都要不斷鑽研唔同方法達到最佳效果!

 

 

 

16:00-21:00

 
Kama Delivery香港到會公司的一天
 

午飯過後各人又回到工作崗位,廚部同事處理預備食材、CS同事會回訪昨日嘅客人收集意見;緊接落黎就係每日訂單高峰時段,大時大節就更加誇張,有密集恐懼症嘅小編真係叫救命,大家都知道香港交通繁忙係世界級,交通問題對營運到會公司幾乎係最大挑戰;而我地嘅食物都堅持即時製作,即炒即蒸即焗,可怕之處是要同一時間出多款食物,所以每張訂單嘅用時都會較長,製作好嘅食物會即時包裝上車,通常屯門元朗或者過海嘅訂單我地都會預早小小出車,因為屯門公路同隧道都係塞車嘅熱門地點!當然都會有唔塞嘅時間,所以有時客人會提早半個鐘收到嘅原因就係甘!反之亦有交通阻塞令到送貨時間延長,部分可能會封路,最終遲大到,食物亦隨著送貨時間嘅延長降低溫度。當然我地都會盡最大嘅能力確保溫度同質量,但路面狀況有時真係無辦法預計的。

 

 

 

21:00-22:00

 
Kama Delivery香港到會公司的一天
 

通常係晚上訂單完結嘅時間,同事要清理還原工作環境,另一邊箱整理第二日嘅訂單同出車時間,並同一些司機約定送貨時間確保車期,當然並不是每一位送貨司機都係我地嘅御用司機,有時訂單多可能同時需要7、8部車同時出車,需要用到call車公司,所以可能會遇上某些司機態度惡劣,真係十分抱歉,但Fans們可以係回覆時反映比我地聽,等我地將該名司機列入黑名單。

21:30係開檢討會嘅時間,檢討客人回訪反映嘅問題,同埋當日運作流程,一齊探討改善方向;為咗報答人客對我哋嘅信任同支持,我地一定盡力確保送到每位顧客口裡都係我地精心挑選後嘅高質食物!

22:00 關門休息,到會公司的日常到此為止,多謝收看~

 

 

聯絡我們

WhatsApp: 5188 0757 / 9835 7004

Email: info@kama.hk

 

 

延伸閱讀

訂購到會服務熱門問題【不斷更新】

【健康到會食物點樣揀好?】

【飲品到會重新定義】

世紀餐飲騙案是如何鍊成?

到會英文怎麼說?– 連Google翻譯都找不到