【化妝水作用功能全面睇】追加5大網紅推薦使用

年輕女士有使用化妝水必要嗎？小編話你知，正確使用化妝水能為你肌膚嘅未來省下不少金錢，日常女仔做基本皮膚護理，點會少得最基本既護理呢？尤其係每日清潔完之後，必須要用上化妝水作護理既開始，化妝水包括有大家都認識既爽膚水（英：Toner）、柔膚水（英：Softerner）、精華水（英：Treatment Lotion）及煥膚水（英：Peeling Lotion）。護膚就好似教小朋友一樣，從小就要培養，唔好以為後生就唔洗保養皮膚，自以為天生麗質就唔打理，年紀大左搏命用精華已經返魂乏術，但化妝水市面上有咁多款，大家又點樣去選擇適合自己既皮膚嘅化妝水呢？市面上又有邊啲牌子推薦？

質地一般都比較清爽，平衡皮膚既PH值之外，亦可當成第二次清潔，因為將浸滿化妝水既化妝棉抺面，可以帶走面上殘留既污垢，甚至有D爽膚水含有酒精成分，有收細毛孔既效果，呢種含有酒精成分既爽膚水，適合油性及暗瘡性膚質人士用。

相比起來爽膚水，質地偏向濕潤同「杰」身少少，適合中性或乾性膚質既人用。而且，柔膚水目的係令到皮膚柔軟返，軟化角質層，加快皮膚吸收水份同之後護膚產品既養份。

精華水比起精華液，價錢比較適宜，但又比起爽膚水既價錢高少少，不過功效相對都會全面D，更可以對臉部肌膚提供針對性既功能，例如，美白、修護、抗衰老等功效。有人會直接將精華水代替爽膚水用，但建議係洗完面同用完爽膚水之後使用精華水，咁就可以加強功效。

煥膚水比較少人講，有時候會聽到果酸去角質層，其實煥膚水即係去死皮，將皮膚上既角質層清理乾淨。煥膚水比較溫和，因為係由植物提取出梨，適合皮膚暗啞、膚色唔均勻同角質較厚既人使用。

總括而言，化妝水就按自己皮膚特性需要去購買，始終都係基本保養既第一步，如果做得唔好，分分鐘會影響到後面保養吸收步驟，甚至會浪費左而影響效果。所以一定要好好挑選適合既化妝水俾自己。而且，正確使用化妝水同使用次序都係一門學問，大家係咪都習慣左用化妝棉或者用手上化妝水呢？其實大家都可以用化妝水濕敷嫁，敷3-5分鐘就夠，但盡量小心成分，以保濕同鎮靜肌膚為主。最簡單同方便，一定係用手，將少量化妝水輕拍面部，再加埋按摩，因為手溫可以令到皮膚更加易吸收入肌底。但記得一定要洗乾淨對手，避免令到毛孔受到感染。或者利用化妝棉，輕力由下而上咁，順便當成二次清潔。