2026/27升小一入學派位準備懶人包【內含面試攻略家長必讀】

26/27升小一入學派位準備懶人包【內含面試攻略家長必讀】

2026/27升小一入學準備點部署？對大部分香港家長，小朋友由幼稚園升上小學一年級係一件大事，直接影響未來十幾年升學之路，戰線由今年9月份展開，為2026年9月份小學開學而戰，首先家長需要了解小學嘅類型、申請派位流程、升小一準備時間表等重要事項，本文將詳盡闡述升一前嘅準備功夫及注意事項，希望各位家長的小朋友都可以入到心儀小學。

香港小學分4個類型，分別是官立小學、資助小學、直資小學及私立小學：

如為子女報讀官立或資助小學，必須經過小一入學統籌辦法，9月份開始向心儀嘅學校報名，機制流程分為「自行分配學位」及「統一派位」兩個階段，先講「自行分配學位」。

講完官津小學嘅派位機制，到直資小學及私立小學，開始前先理一下規矩先：

小學面試攻略2026/27：直資小學 vs 私立小學

一般直資小學及私立小學都會透過面試認識報讀嘅學童及家長，面試會有首、次輪，亦有部分小學需第三次面試，直資小學及私立小學收生要求比較高，好多名牌中學嘅附屬小學都屬於直資或私立類型，如拔萃女小學、聖保羅男女中學附屬小學、拔萃男書院附屬小學、聖士提反書院附屬小學等，本文亦會為各家長分享面試技巧，等大家面試時可以旗開得勝。

直資小學及私立學校與官津小學在課程上大同小異，只是由於經費並非主要來自政府，受到的規限亦較少，校方在課程編制及教學模式上有較大自主權。除了本地課程之外，部分私立小學亦有提供外國課程銜接，某啲直資及私立小學更設有升中一條龍，所以部分家長就算要面對學費開支亦在所不計。

學校透過面試了解小朋友嘅能力之餘，亦想了解父母嘅管教方式或背景，尤其著重校風的直私小學，對於家長亦有要求，大人可以掩飾自己，但小朋友未必知邊啲講得、邊啲唔講得，所以透過小朋友口中嘅真話去決定是否取錄學童。

面試問題一般環繞日常生活，讓學校了解小朋友最真實嘅一面，主要想睇幾方面，包括小朋友嘅自理能力、興趣、才能、應變能力、創意、生活習慣及質素、家庭背景等，本文綜合30條小學面試問題，老實講冇得背嘅，想過關多啲陪自己小朋友、訓練小朋友自理能力、分享多啲資訊俾小朋友，面試失敗，係家長教育未到位，並非小朋友責任，凡事不能勉強，學校教育方針最緊要適合子女性格。

對會問家長嘅問題，本文唔講太深入，因為相信大家作為家長，應該知道個學校想聽咩答案，但功課一定要做，例如對學校嘅認識、校風嘅認同、想子女入讀嘅原因，另外係會了解家長同小朋友嘅相處情況、對小朋友嘅了解、期望等，緊記唔好吹咁大，父母與子女響同一條問題答唔同答案幾乎係常態，例如父母會同老師講，日日都會教小朋友做功課、對功課，而小朋友嘅答案可能係家姐教、哥哥教，教育未到位切勿吹水作大，隨時因為誠信問題而面試失敗。

記住唔好因為想幫小朋友建立良好形象而誇大其辭，總之避重就輕、隨機應變。當經過首輪面試後，次輪可能要參與團體面試（測試小朋友待人接物）、識別物品、考驗創意及才能展示，當小朋友及家長完成面試，11-12月有取錄結果的話，接受學位家長可以於1-2月份為子女辦理登記入學，靜待9月開學。