2024/25升小一入學派位準備懶人包【內含面試攻略家長必讀】

升小一入學派位準備 【內含面試攻略家長必讀】

24/25升小一入學派位準備懶人包【內含面試攻略家長必讀】

2024/25升小一入學準備點部署?對大部分香港家長,小朋友由幼稚園升上小學一年級係一件大事,直接影響未來十幾年升學之路,戰線由今年9月份展開,為2024年9月份小學開學而戰,首先家長需要了解小學嘅類型、申請派位流程、升小一準備時間表等重要事項,本文將詳盡闡述升一前嘅準備功夫及注意事項,希望各位家長的小朋友都可以入到心儀小學。

香港小學類型

香港小學分4個類型,分別是官立小學、資助小學、直資小學及私立小學:

官立小學

1. 官立小學:


佔全港小學約6%,由香港教育局直接管理,並提供6年免費教育,如為子女選擇官立小學,必須透過小一入學統籌辦法。

資助小學

2. 資助小學:


全港大部份小學都屬於資助小學,佔全部小學超80%,又稱「津貼小學」或「官津小學」同樣不需繳付學費,教育經費主要由政府資助,由學校的法團校董會負責日常管理,如為子女選擇資助小學,同樣必須透過小一入學統籌辦法。

直資小學

3. 直資小學:


直資小學佔全港小學約4%,是香港小學類型中佔比最少的小學類型,直資小學全稱「直接資助計劃小學」,同樣接受政府資助津貼,不過亦有權收取學費,由學校的法團校董會負責日常管理,可自行決定收生方式,不需透過小一入學統籌辦法。

私立小學

4. 私立小學:


私立小學佔全港小學約10%,入讀學童必須繳付學費,一般由辦學團體自資經營,由學校校董會負責日常管理。由於私立小學並無政府補貼或資助,學費比直資小學更高,若然想鋪排小朋友將來到外國升學可考慮。

2024/25升小一準備流程及時間表

如為子女報讀官立或資助小學,必須經過小一入學統籌辦法,9月份開始向心儀嘅學校報名,機制流程分為「自行分配學位」及「統一派位」兩個階段,先講「自行分配學位」。

202425升小一準備流程及時間表

升小一派位機制 1. 自行分配學位

為小一入學統籌辦法第一階段,可跳過學校網限制,為子女報讀任何區域的學校,第一階段講「關係」及「世襲」,如果第一階段不獲取錄的話,就要進入第二階段即「統一派位」申請入學。

「自行分配學位」的「必收」及「計分」機制

根據現行「自行分配學位」機制,官立及津貼小學會必收世襲生,所謂世襲生即係學童有兄姐係於該小學就讀,或者是該小學員工嘅子女,世襲生必須取錄,一般唔駛進入第二階段,一般預留小學學額30%俾必收生,如超過則會以預留作統一派位嘅學額填補。

「計分」機制顧名思義,學童的分數愈高,取錄的機會就愈大,計分制入讀學童學額佔該學總學額20%-50%,根據教育局規定嘅「計分辦法準則」計算方法,分為甲、乙、丙三組條件計分:

1. 學童父或母為該小學幼稚園部或中學部全職員工,必須係同一校址。(20分)
2. 學童兄姐於該小學嘅中學部就讀,必須係同一校址。(20分)
3. 學童父或母為該校校董。(20分)
4. 學童父或母、兄或姐為該校畢業生。(10分)
5. 學童為首名出生子女,在家庭子女間年紀最大。(5分)

1. 學童與該學校有相同宗教信仰。(5分)
2. 父或母為該小學主辦社團成員。(5分)

適齡學童(開學時學童已年滿五歲八個月至七歲)。(10分)

以上各類只計算其中一項分數。第一階段收生結果會於11月公布,如學童在以上第一階段未能被收錄,就會進入第二階段的「統一派位」。

升小一派位機制 2. 統一派位機制

每間小學一年級都會預留總學額嘅50%作自行分配,其餘學額由教育局經統一派位機制分配。家長須於一月份前往統一派位中心,填寫《選擇學校表格》,表格分為甲部、乙部,甲部最多選擇3間心儀小學,可不受學校網限制,每間小學會將總學額5% 作為全港統一派位,而乙部則為學校網內統一派位,每所小學提供約 45% 學額,家長需為子女決定選校的心儀次序。

針對官立及津貼小學,總結小一入學派位機制申請流程有三個回合,第一回合「自行分配學位」(全港小一學額50%),第二回合「統一派位甲部」(全港小一學額5%),最後係「統一派位乙部」(全港小一學額45%)。第一回合未被收錄嘅學童進入第二回合、第二回合未被取錄則進入第三回合。統一派位結果將於2024年六月份公佈,如果學童仍未獲派心儀小學,家長就要留意當時有冇次選小學仲有學額,親身去該小學叩門,盡快辦理入學註冊。

如有疑問,可以向統一派位中心查詢:

教育局學位分配組
地址:九龍觀塘偉業街223號宏利金融中心2樓2室
網站:https://www.edb.gov.hk/
電話:2832 7700 / 2832 7740
辦公時間:星期一至五上午8時30分至下午1時及下午2時至6時

謝師宴籌辦攻略【一文睇清場地選擇及慶祝方式】|Kama Delivery到會外賣速遞專家

【謝師宴籌辦攻略】古語有云,一日為師終身為父,作為老師,見學生的時間比見自己仔女還要多,舉辦謝師宴是莘莘學子答謝老師們在教育上偉大的付出,謝師宴早在西周時期出現,目的是透過答謝老師,懂得尊師敬長,讓國家社會維持良好風教,香港舉辦謝師宴⋯⋯ 繼續閱讀

講完官津小學嘅派位機制,到直資小學及私立小學,開始前先理一下規矩先:

直資小學派位2024/25

由於直資小學及私立小學會比官津小學早得知學童會否被收錄,一般每年11-12月就會知道結果,如家長於9月帶學童面試直資小學的話,如決定接受學位,家長將需要簽同意書,放棄官津小學的派位申請。

私立小學派位2024/25

私立小學同直資小學的派位結果都會係11-12月公佈,但如果你嘅小朋友獲得私立小學嘅取錄,學童仍然可以參與官津小學統一派位,到時如果獲派《選擇學校表格》甲部的小學派位,學童就可以多一個選擇,但亦帶小部分私立小學要求接受學位的學童放棄統一派位,家長接受前要問清楚。

小學面試攻略2024/25:直資小學 vs 私立小學

一般直資小學及私立小學都會透過面試認識報讀嘅學童及家長,面試會有首、次輪,亦有部分小學需第三次面試,直資小學及私立小學收生要求比較高,好多名牌中學嘅附屬小學都屬於直資或私立類型,如拔萃女小學、聖保羅男女中學附屬小學、拔萃男書院附屬小學、聖士提反書院附屬小學等,本文亦會為各家長分享面試技巧,等大家面試時可以旗開得勝。

直資小學及私立學校與官津小學在課程上大同小異,只是由於經費並非主要來自政府,受到的規限亦較少,校方在課程編制及教學模式上有較大自主權。除了本地課程之外,部分私立小學亦有提供外國課程銜接,某啲直資及私立小學更設有升中一條龍,所以部分家長就算要面對學費開支亦在所不計。

香港直資小學及私立小學名單

香港共有21間直資小學,名單如下:
港大同學會小學 漢華中學(小學部) 聖保羅男女中學附屬小學 聖保羅書院小學 拔萃男書院附屬小學 保良局林文燦英文小學
福建中學附屬學校 播道書院 優才(楊殷有娣)書院 保良局陸慶濤小學 香港華人基督教聯會真道書院 嶺南大學香港同學會小學
聖瑪加利男女英文中小學 英華小學 保良局陳守仁小學 香港浸會大學附屬學校王錦輝中小學 培僑書院 地利亞(閩僑)英文小學
保良局香港道教聯合會圓玄小學 基督教香港信義會宏信書院 和富慈善基金李宗德小學
香港共有21間直資小學,名單如下:
港大同學會小學 漢華中學(小學部) 聖保羅男女中學附屬小學
聖保羅書院小學 拔萃男書院附屬小學 保良局林文燦英文小學
福建中學附屬學校 播道書院 優才(楊殷有娣)書院
保良局陸慶濤小學 香港華人基督教聯會真道書院 嶺南大學香港同學會小學
聖瑪加利男女英文中小學 英華小學 保良局陳守仁小學
香港浸會大學附屬學校王錦輝中小學 培僑書院 地利亞(閩僑)英文小學
保良局香港道教聯合會圓玄小學 基督教香港信義會宏信書院 和富慈善基金李宗德小學
香港共有54間私立小學,名單如下:
國際基督教優質音樂中學暨小學 德望小學 聖母小學 智新書院 聖若瑟英文小學 樹宏學校
香港復臨學校 玫瑰蕾小學 保良局建造商會學校 晉德學校 玫瑰崗學校(小學部) 聖保祿學校(小學部)
香港真光中學小學部 高主教書院小學部 九龍禮賢學校 保良局蔡繼有學校 啟基學校 地利亞英文小學暨幼稚園
崇真小學暨幼稚園 德雅小學 新會商會港青基信學校 聖方濟各英文小學 拔萃女小學 漢師德萃學校
香港道爾頓學校 啓新書院 安菲爾學校 蘇浙小學 鄉師自然學校 德萃小學
香港墨爾文國際學校 弘立書院 滬江維多利亞學校 漢鼎書院 聖士提反書院附屬小學 啟信學校
激活英文小學 九龍塘學校(小學部) 九龍塘宣道小學 九龍塘方方樂趣英文小學 九龍真光中學(小學部) 啟思小學
民生書院小學 神召第一小學 聖三一堂小學 聖若望英文書院(小學部) 香港培正小學 香港培道小學
港島基督教學校 嘉諾撒聖心學校私立部 救恩學校 聖嘉勒小學 聖類斯中學(小學部) 香島華德福學校
香港共有54間私立小學,名單如下:
國際基督教優質音樂中學暨小學 德望小學 聖母小學
智新書院 聖若瑟英文小學 樹宏學校
香港復臨學校 玫瑰蕾小學 保良局建造商會學校
晉德學校 玫瑰崗學校(小學部) 聖保祿學校(小學部)
香港真光中學小學部 高主教書院小學部 九龍禮賢學校
保良局蔡繼有學校 啟基學校 地利亞英文小學暨幼稚園
崇真小學暨幼稚園 德雅小學 新會商會港青基信學校
聖方濟各英文小學 拔萃女小學 漢師德萃學校
香港道爾頓學校 啓新書院 安菲爾學校
蘇浙小學 鄉師自然學校 德萃小學
香港墨爾文國際學校 弘立書院 滬江維多利亞學校
漢鼎書院 聖士提反書院附屬小學 啟信學校
激活英文小學 九龍塘學校(小學部) 九龍塘宣道小學
九龍塘方方樂趣英文小學 九龍真光中學(小學部) 啟思小學
民生書院小學 神召第一小學 聖三一堂小學
聖若望英文書院(小學部) 香港培正小學 香港培道小學
港島基督教學校 嘉諾撒聖心學校私立部 救恩學校
聖嘉勒小學 聖類斯中學(小學部) 香島華德福學校
 新推出 

一口小食自選人數套餐


免運費的地面交收服務


自訂迷你包、小食、甜品款式


自訂套餐享用份量(6位起跳)


點我查看完整餐單

升小一注意:直資小學及私立小學面試技巧

學校透過面試了解小朋友嘅能力之餘,亦想了解父母嘅管教方式或背景,尤其著重校風的直私小學,對於家長亦有要求,大人可以掩飾自己,但小朋友未必知邊啲講得、邊啲唔講得,所以透過小朋友口中嘅真話去決定是否取錄學童。

面試問題一般環繞日常生活,讓學校了解小朋友最真實嘅一面,主要想睇幾方面,包括小朋友嘅自理能力、興趣、才能、應變能力、創意、生活習慣及質素、家庭背景等,本文綜合30條小學面試問題,老實講冇得背嘅,想過關多啲陪自己小朋友、訓練小朋友自理能力、分享多啲資訊俾小朋友,面試失敗,係家長教育未到位,並非小朋友責任,凡事不能勉強,學校教育方針最緊要適合子女性格。

30條最常見升讀小學面試問題(獨立問小朋友/學童)

1. 你叫咩名?今年幾多歲?
2. 你住喺邊度?
3. 屋企或者爸爸媽媽電話號碼幾號?

1. 你屋企有邊個一齊住?
2. 有幾多兄弟姊妹?
3. 你鐘唔鐘意自己兄弟姊妹?
4. 爸爸媽媽平時帶你去邊度玩?
5. 爸爸媽媽做咩工作?
6. 平時邊個教你做功課?
7. 朝早通常邊個叫你起身?
8. 朝早邊個幫你刷牙洗面換衫?
9. 你好朋友叫咩名?

1. 你讀幼稚園最鐘意上咩堂?
2. 你鐘意邊個卡通人物?
3. 你最鐘意食啲咩?
4. 爸爸媽媽平時同你睇邊本故事書?
5. 你最鐘意玩咩玩具?點解最鐘意玩?
6. 你一日會睇幾耐手機或者平板電腦?

1. 牆上嘅時鐘係幾多點?
2. 香港有幾多種交通工具?
3. 紅綠燈紅燈要點做?綠燈又要點做?
4. 一年有幾多個季節?
5. 食飯前要做啲咩?
6. 中秋節會食咩應節?

1. 如果搵警察要打幾嘅電話?
2. 見到陌生人要帶你買糖,你會唔會去?
3. 如果父母遲左接你放學,你會點做?
4. 如果同學或朋友仔打你,你會點做?
5. 爸爸媽媽唔肯買玩具俾你,你會點做?
6. 你會唔會同同學、家人或朋友分享你鐘意嘅食物?

對會問家長嘅問題,本文唔講太深入,因為相信大家作為家長,應該知道個學校想聽咩答案,但功課一定要做,例如對學校嘅認識、校風嘅認同、想子女入讀嘅原因,另外係會了解家長同小朋友嘅相處情況、對小朋友嘅了解、期望等,緊記唔好吹咁大,父母與子女響同一條問題答唔同答案幾乎係常態,例如父母會同老師講,日日都會教小朋友做功課、對功課,而小朋友嘅答案可能係家姐教、哥哥教,教育未到位切勿吹水作大,隨時因為誠信問題而面試失敗。

1. 點解想子女於本校就讀?
2. 對本校嘅教育方針有咩睇法?
3. 你哋做咩職業?平時應酬多唔多?
4. 你對子女嘅期望?
5. 平時帶小朋友去邊度玩?
6. 仔女嘅好朋友叫咩名?
7. 仔女同兄弟姊妹嘅相處情況?
8. 你哋平時幾點瞓覺?
9. 小朋友最鍾意邊個卡通人物?
10. 仔女最唔鐘意食咩?

記住唔好因為想幫小朋友建立良好形象而誇大其辭,總之避重就輕、隨機應變。當經過首輪面試後,次輪可能要參與團體面試(測試小朋友待人接物)、識別物品、考驗創意及才能展示,當小朋友及家長完成面試,11-12月有取錄結果的話,接受學位家長可以於1-2月份為子女辦理登記入學,靜待9月開學。

小一升學準備關係子女一生前途,雖然重要但唔代表讀名校就一定係好,家長必須了解校方嘅教育理念及方式是否適合子女性格,家長陪伴嘅時間比一切都更重要,作為子女嘅學習對象,家長保持正確嘅生活方式及態度、作息定時、自律、思想正面等係必須;子女日常生活係父母耳濡目染之下要成為有規矩及有獨立性嘅小朋友唔難,仲有一個方法可以鍛煉小朋友嘅社交能力,就係定期開派對或者參與聚會,如小朋友生日Party、家長聚會等,小朋友可以認識更多朋友之餘,對於與陌生人面試及應變能力都會穩定啲,Kama Delivery曾為多個小朋友及家長聚會、派對提供美食到會服務,亦有專為小朋友而設嘅到會套餐,一直深受家長喜愛,歡迎隨時瀏覽我哋網站或者WhatsApp我哋查詢訂購詳情。

查看更多到會美食!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Freepik教育局

*未經許可,以上文章不得轉載或引用*