【未出發先興奮】7大台北夜市推薦2023

【未出發先興奮】7大台北夜市推薦2023

相信大家都十分期待台灣能夠快D開關啦，因為日本同韓國都宣布左會係6月開始恢復接待外國遊客，對象包括香港人。台灣作為港人另一個鄉下，又點會唔期待呢？但問題係台灣疫情持續升溫，可能要返去「鄉下」都要一段時間啦，今日小編為大家介紹7大台北夜市推薦俾大家，等大家做定功課，之後可以安排一下行程。但相信大家講到夜市，一定諗到士林夜市，所以小編今日就唔介紹士林夜市俾大家喇！

饒河街觀光夜市位於台北市松山區饒河街，範圍從八德路四段至撫遠街交叉口慈佑宮，全長大約600公尺，不論係遊客定本地人，饒河夜市都係台北數一數二受歡迎既夜市，而且仲係台北市第二座成立既觀光夜市，旅遊黃金檔期都係迫爆滿滿人潮。小編介紹既3個小食一定要去，福州世祖胡椒餅、金林藥燉排骨同阿國滷味都係必吃之選。

寧夏夜市位於民生西路、南京西路與重慶北路中間路段既寧夏觀光夜市，長約 400公尺左右，集中左好多傳統台灣小食，更充分展現出大稻埕既古早風味。小編分享3間必食既俾大家，一定要推薦豬肝榮仔、劉芋仔蛋黃芋餅、鴨頭正二代滷肉飯，大家去開大稻埕玩，不妨夜晚過去寧夏夜市啦。

臨江街夜市近住離捷運信義安和站，以前叫通化夜市，充滿客家文化色彩，係大安區住宅區裡面，屬於台北市少數合法既掛牌設立夜市。大家去到臨江街夜市，記得預時間去梁記滷味、御品元冰火湯圓、駱記小炒、雅口天香臭豆腐，呢幾間名店都係米芝連推薦開既，通常都要排隊排好耐。

延三夜市長大概500公尺，位於台北大同區，因為主要集中於民權西路至昌吉街之間既延平北路三段而得名，另外夜市亦鄰近台北橋，所以早期都被稱為大橋頭夜市、台北橋夜市。而延三夜市最出名既施家鮮肉湯圓、黃大腸煎、老牌張豬腳飯、咕比豆花，記得要安排入去行程度。

華西街夜市係台灣第一座觀光夜市，係以各式山產海鮮野味小吃為主，附近就係萬華很出名既艋舺龍山寺，所以以前亦叫艋舺夜市。小編強烈推薦小王煮瓜（原名：小王清湯瓜仔肉）、源芳刈包、昶鴻麵店同阿義魯肉飯。