購物車內無任何商品
posts
台日6間靈異住宿酒店【旅行探險必試】
台日6間靈異住宿酒店【旅行探險必試】
出去旅行揀酒店，最緊要當然係想住得舒舒服服啦！不過大家 Book 房個陣，除左睇乾唔乾淨、地點靚唔靚同評價之外，又會唔會留意間酒店係咪新開，定係有返咁上下歷史呢？事關好多舊酒店，往往都會流傳住啲靈異怪談。唔知大家有無聽聞過，或者甚至親身住過呢？今次小編就為大家搜羅咗六間出晒名「猛鬼」既住宿，全部分佈係大家最常去既日本同台灣，一齊睇下可唔可信啦！
全台最猛？台北君X酒店
台北君X酒店被稱為「全台灣最猛酒店」，傳聞呢間酒店地點當時日治時期係屬於刑場，所以出現咁多鬧鬼既傳說，當時酒店仲特登請法師寫左兩道大型符咒，掛係大堂，用黎鎮鬼，另外，天花板上面仲有一座好大既銅鈴，用黎趨吉避凶。不過而家已經拆左呢兩個符咒，亦聽講後來有查明，當時日治時期既刑場地址，同飯店相距有啲遠。
只係酒店開業咁多年，都周不時有住客講，係深夜時會聽到有腳步聲、小朋友喧譁聲，又人話有鬼掩眼，而搵唔到房間，等一堆鬧鬼事件。
當中最出名既鬧鬼事件，係 2001 年韓國女星金賢政參加台灣參加金鐘獎，佢當時就係入住君X。佢返房休息既時候，發現房內既電視會不停自動開，佢將插座拔左之後都係無用，而且電視屏幕上仲慢慢出現左一個無樣既頭，嚇到佢打算想走既時候，就發覺自己被野壓著，郁都郁唔到，之後午夜既時候佢就即刻搬走。
猛鬼飯店：台南鐵X大飯店
位於台南火車站附近既鐵X大飯店，佢既靈異傳聞真係有好多，當地人曾經指出呢間飯店發生過火災、跳樓事件，而當中最多人提及既，一定係消失左既 1401 房，後被改為 1473 號重新啟用，更被封為「猛鬼飯店」。
曾經有一名女藝人入住時，係廁所見到一個全身溼透既長髮女鬼，仲用好惡既眼神望住佢，嚇得佢立刻退房換另一間飯店。
六星級代表：台灣高雄漢X大飯店
位於高雄既六星級飯店，於 1995 年正式營運，最新一次翻新係 2021 年完成左。傳聞酒店地址同大統百貨好近，當年大統百貨係酒店開幕同年即 1995 年，百貨大廈地庫發生左一場大型火災，造成唔少傷亡，所以引左唔少鬼魂係附近停留唔肯離開既都市傳說。
而且呢間飯店既第 13 同第 14 層，電梯係無呢兩層既按鍵，因為懷疑鬧鬼而封鎖左。曾經有住客分享有次搭𨋢既時候，𨋢會唔受控制咁一直向下降落，然後又會突然打開𨋢門，而見到既係漆黑一片既廣闊空間，好彩最後可以即刻按關門鍵，而成功上返樓。
【港台大學都市傳說】就到農曆七月鬼節，又稱中元節或盂蘭節，趁著鬼門關即將大開，湊湊熱鬧講下校園神怪、靈異事件俾大家聽，相信大家都有聽過不同大學流傳既鬼故，想大學迎生嚇下新人又好自己回味又好，今日小編同大家一齊分享一下香港同台灣大學既⋯⋯ 繼續閱讀
日本富士山河口湖：山中湖新X溫泉酒店
大家都知富士山除左風景靚而出名之外，附近既青木原樹海係都係好多人知既自殺勝地，所以令到周邊既酒店同旅舍咁多年黎都傳出唔少鬼故事，其中位於山梨縣既山中湖新X酒店仲因「撞鬼」而為人認識。
傳聞，位於富士山山腰既酒店大受旅行團歡迎，每年到訪既外國觀光團仲多不勝數，但係有一名女導遊係帶團期間係酒店自殺身亡，自此之後入住既客人時常一到深夜就會聽到疑似有人拍門，但當打開門時就發現走廊係無人。而傳聞指，拍門聲係之前自殺既女導遊想盡自己生前既職責，喚醒每位入住既旅客。而除左拍門聲外，仲盛傳有其他叫醒旅客既怪聲，例如電視、電器等會無故著左，最令人人心惶惶既係清晨時分好似有把女聲係耳邊喁喁細語。
猛鬼住宿 5. 日本池袋太陽城王X酒店
池袋太陽城王X酒店聽講係全球十大猛鬼酒店之一，樓高 38 層，總共有 1085 間房間。而池袋太陽城王X酒店屬於大陽城計劃一部份，而項目前身則為 1895 年設立既巢鴨監獄，二戰後用黎扣押戰犯，仲係當時主要絞刑執行既地方。1971 年拆除之後，由當時既巢鴨監獄分別改為興建東池袋公園同大型商業項目太陽城，除左池袋太陽城王X酒店外，仲包括60層樓高既太陽城 60 (Sunshine 60) 商業項目。
網上有唔少傳言，曾經有人見過有士兵從衣櫃內走出黎，然後行到窗口就消失左。而近年黎亦有傳言一對台灣夫婦曾經係 Facebook 群組「靈異公社」出 Post，講述佢地度蜜月期間入住呢間酒店，然後係晚上聽到周圍有細路仔既聲，係房間跑黎跑去，仲不停發出詭異既笑聲。第二晚仲可怕，細路仔直接出現係房，仲特登係背後低聲講野、喊同尖叫，最後台灣夫婦就 Check Out 左啦。
兇案現場：日本東京新宿華盛X飯店（本館）
東京新宿華盛X飯店既 2437 號房曾經係 2008 年 9 月發生行李藏屍案，當時清潔員係客房發現一只藏有女屍既行李箱，而同死者一起入進客既仲有一名男子，但同時發現呢個男疑兇不知所終，至今都仲未破案。命案發生後，24 樓就經常傳出淒厲既女人喊聲，仲有人話聽到半夜有敲門聲，但打開門就無人。而且特別係 24 樓既升降機位置仲放多左一塊鏡，傳聞指鏡係靈體穿梭既隧道。
$688
$268
$70
$138
$198
$168
$128
$828
$1088
其實猛鬼住宿又點止以上六間呀，大家如果有興趣，亦可以上網了解一下，出門旅行當然想住得安心又放心啦。叫到會都一樣，我地 Kama Delivery 提供唔同人數既 Party 套餐之外，仲有素食俾大家選擇，黎緊又到適合野餐既季節，大家可以叫我地既野餐盒，方便大家打卡同可以慳返啲時間嫁。歡迎聯絡我哋客服查詢。
聯絡我們
追蹤我們延伸閱讀
＊如以上圖片有所侵犯版權，請立刻告知，我們會盡快作出修改＊
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
小朋友到會
BBQ燒烤到會
素食到會
獲取專屬報價
KAMA BLOG
語言
