【台灣溫泉介紹】3大種類地質溫泉分佈區

講起浸溫泉，除咗去日本，大家都會諗起台灣，特別識嘆嘅香港人就最識享受，泡湯除咗放鬆神經，仲可以美顏養生，小編今次同大家介紹台灣既溫泉，寶島有大大小小既溫泉區，分散台北、台中、台南等唔同地方。而台灣係有邊幾種類既溫泉？

首先，小編帶大家了解一下台灣既溫泉到底點分類別。台灣分為3種唔同既地質溫泉。

火成岩區溫泉屬於高溫既硫磺溫泉，對於身心、皮膚都會有幫助，佔左全台灣溫泉總數量有成18%，通常係台灣北部，溫度大約75-96度。

沉積岩區溫泉屬於氯化泉為主，亦有食鹽泥、碳酸泉，水既溫度偏低，一般25-49度，佔左全台灣溫泉總數量有15%左右，通常係台灣西部、南部同東北部，例如關子嶺、四重溪、泰安、礁溪溫泉等。

變質岩區溫泉佔左全台灣溫泉總數量既67%，泉水大多為碳酸氫鈉泉，約在50-74度之間，溫度適中，非常適合一般大眾用作浸溫泉。另外，台灣既溫泉種類分為4大種類，包括碳酸氫鈉溫泉，硫磺溫泉，食鹽泥溫泉同碳酸泉。

碳酸氫鈉溫泉又叫「重曹泉」，或稱「美人湯」，屬於弱鹼性溫泉，ph值7-8左右，而且無色無味。同時有促進皮膚新陳代謝既功效，所以被稱為美人湯。著名既溫泉地點推薦：

硫磺溫泉又叫「臭蛋泉」或「皮膚之湯」，而且分為3種，白磺泉、青磺泉同鐵磺泉。
可以軟化皮膚角質層、止痕癢、解毒同排毒，同時有效針對慢性皮膚病，不過，皮膚容易敏感既人要小心，因為都算比較有刺激性。

白磺泉帶有酸性，硫磺味偏重，泉水顏色呈黃白色。而青磺泉亦係帶有酸性，但硫磺味偏重淡，顏色呈透明有少少綠色。另外鐵磺泉就係屬於中性，無臭味，顏色就透明中帶淡紅褐色。著名既溫泉地點推薦：

食鹽泥溫泉稱為「鹽泉」或「腸胃之湯」或「氯化泉」，分2種鹽泉，弱食鹽泉同強食鹽泉，主要以含有氯化物食鹽成分既多寡來做區分。除左可以改善皮膚組織功能，對部份有免疫疾病，或者氣管方面有疾病既人，都有舒緩效果，仲可以改善部份胃腸性疾病，所以被稱為「胃腸之湯」。著名既溫泉地點推薦：

碳酸泉又稱「心臟之湯」或「氣泡湯」，含有二氧化碳，溫度比一般溫泉低，需雖然無色透明，但會略帶有酸味，類似碳酸飲品既味道。有助血液循環，減緩血壓，調理心血管既功能，同時具有保暖同保護心臟既作用。著名既溫泉地點推薦：