天灸療法2023【身體調理養生系列】

咩係天灸療法？係咪即係針灸？中醫點解要特定日子做天灸？天灸適合咩人做？今日趁三伏天前，同大家講下天灸，仲有冬天嘅三九天灸，等大家了解一下天灸係乜嘢。對你身體有咩幫助。

其實，天灸（另稱藥物灸，或發疱灸）唔係針灸，三伏天灸係指係夏天小暑之後既三至四個特定既日子，利用辛溫助陽藥外敷係人體特定既穴位或者患處，從中醫國度，透過藥物既刺激，引起穴位局部皮膚既充血，或者起水泡，再通過經絡調節作用，調養身體免疫系統功能，從而達到治療疾病、溫肺逐痰、健脾補腎既功效，正所謂「冬病夏治」，天灸療法亦會平衡陰陽，驅寒治病，同埋增強抵抗力。

天灸治療其實一直有個講法，「冷在三九，熱在三伏」，意思係指，三伏係夏天陽氣最盛既日子，一般係小暑後3-4個特定日子，而三九係冬天最陰盛既日子，而每年具體日期會按照中國傳統既干支紀日法作推算，因此每年特定天灸日子都不同。兩款天灸其實係相輔相成，互補不足，可以加強治癒功效。

中醫角度，「冬病夏治，夏病冬治」，但每個人體質狀況不同，未必人人適合做天灸，天灸屬於安全既療法，因為只需外敷不用內服，雖然貼既位置，通常係貼背部，都會貼腹部及四肢等部位，呢D位置會出現紅腫、紅印痕癢、發熱等症狀，亦有人會皮膚發水泡，所以如果皮膚過敏既人就要留神啦。另外，如果本身係孕婦，或當刻有感冒唔舒服、有嚴重心腦血管疾病、肝腎功能不全、或嚴重糖尿病患者都唔適合進行天灸。

天灸因為採用既藥材比較偏辛溫，所以對於患有虛寒性既疾病都好有幫助，尤其對鼻敏感及哮喘患者效果更好，另外對於氣管敏感、容易感冒傷寒既人都非常適合，另外，亦對支氣管炎，慢性咳嗽等症狀有效。對於腸胃消化同婦科疾病，都有效改善。

天灸期間禁忌，中醫師話你知必須要戒口，避免辛辣、蝦蟹、牛肉、鴨鵝、雞蛋、以及煎炸等食物、過敏性食物、生冷食物如刺身壽司、肥膩食物，以免影響天灸療效，或者令到皮膚紅腫、敏感情況更嚴重。