讓小孩喜歡上看書|如何培養孩子閱讀習慣|5種方法提高小朋友閱讀興趣

 

【如何培養孩子閱讀習慣】5種方法提高小朋友閱讀興趣

 

所謂書中自有黃金屋,如果冇好好培養孩子閱讀嘅習慣,即係有金都唔識執,執金不成仲可能要執輸,大部分富人都有睇書嘅習慣,小朋友三歲開始踏入知識吸收期,除左響閱讀過程中汲取知識外,更加可以激發佢地嘅求知慾、好奇心、創意等,對於佢地嘅智力發展有好大幫助,從小發展培養孩子閱讀習慣,亦可鍛鍊小朋友嘅專注力及耐性,睇書係一種靜態活動,小朋友唔鍾意睇書,家長好容易就放棄,因為覺得小朋友天性就係好動,叫佢坐低睇書,氹過鬧過就係唔肯靜靜地坐低睇書冇辦法,但家長冇留意嘅係,點解佢可以坐定定睇卡通片呢?如果因為好動,睇卡通片又唔好動?原因係因為家長冇好好諗過點營造一個有閱讀氛圍嘅環境,導致小朋友怕悶唔想停留,你俾個超人公仔佢玩,佢拎住飛嚟飛去可以玩足半個鐘,因為佢陶醉響自己嘅世界,閱讀係必須家長參與,透過親子閱讀加強溝通,開啟另一個令孩子陶醉嘅世界。

 

既然小朋友可以坐定定玩玩具、睇電視Youtube、玩手機,都一樣可以坐定定睇書,形形式式嘅玩具、聲畫俱備嘅卡通片,孩子會因為好奇心加上天馬行空嘅幻想深陷其中,每日一小時嘅卡通時間比一小時嘅閱讀時間,吸引力差天共地,小朋友睇書睇唔明,好快就失去閱讀嘅興趣,張書枱擺幾好嘅文昌位都冇用,咁點樣先可以養成小朋友對睇書嘅興趣呢?

 

_____________

 

1. 一齊度過閱讀嘅時光

與小孩一起度過看書的時光|如何培養孩子閱讀習慣|5種方法提高小朋友閱讀興趣

 

要培養孩子閱讀習慣,家長參與係最首當其衝,參與度越高,效果愈強,所謂參與並唔係你一邊玩住手機,一邊坐喺小朋友身邊,久唔久Hea應一兩句,睇書嘅過程中每一頁、每一行、每一個字、每一幅圖都要同小朋友一齊睇,睡前故事相信好多家長都講過,但要培養孩子閱讀習慣,係同佢一齊睇書一邊講故事,唔係你有你講,佢有佢聽,睇書過程要多向孩子發問,確保孩子心神集中喺故事書內容上,為佢建立幻想空間,只要小朋友習慣睇書或聽故事時間發問,無論問題同故事有冇相關性都好,父母都應該將問題帶返去書本當中,久而久之,閱讀代表親子時光,小朋友就唔好對睇書反感。

 

_____________

 

2. 營造開心嘅閱讀氣氛

為小孩營造快樂的看書氣氛|如何培養孩子閱讀習慣|5種方法提高小朋友閱讀興趣

 

同小朋友睇書唔好帶有目的性,有家長們認為橫掂都要花時間睇書,不如提高教育意味,唔好攪錯重點,培養閱讀興趣並唔係學術交流,雖然閱讀時我地適時問小朋友書中內容有助佢地專注閱讀,但你問埋啲學術性問題有機會會打擊孩子自信心,弄巧反拙。曾經有一個家長心得分享,同小朋友講三隻小豬嘅故事,果時小朋友剛剛識數一到十,佢講講下故事問小朋友如果豬媽媽生多左一隻豬仔,咁有幾多隻小豬?小朋友答唔出,即時由閱讀變數學交流,睇本書都有壓力,咁點會有興趣?要響閱讀時激發孩子想像,問嘅問題應該冇既定答案,例如問點解會有狼呢?相信你可以聽到好多有趣嘅答案,令閱讀氣氛變得愉快、輕鬆而養成為良好習慣,星爺嘅電影之所以受歡迎,因為輕鬆冇壓力,一套可以重複睇十幾次,唔通你又要拘泥於交通警員編號167點解可以響路邊燒雞翼咩?

 

_____________

 

3. 培養固定嘅閱讀習慣

培養每天固定的看書習慣|如何培養孩子閱讀習慣|5種方法提高小朋友閱讀興趣

 

設定固定嘅閱讀時間係一個好好嘅培養方法,例如睡覺前半個鐘至一個鐘,全家人開個輕音樂,手機、玩具、必須絕跡眼前,以防小朋友分心,既然係培養閱讀習慣,就必須持之以行,美國心理學家指出,養成一個新習慣需要至少要21日,所謂日子有功,只要有良好嘅閱讀氛圍,直到有一日你想偷懶,小朋友都會主動提醒你夠鐘睇書喇!

 

_____________

 

4. 打造一個書架

為小孩打造專屬的書架|如何培養孩子閱讀習慣|5種方法提高小朋友閱讀興趣

 

為孩子設立專屬書架,用於建立孩子閱讀後嘅成就感,書架只放睇完嘅書,每睇完一本就放上去,放滿一行可以買小禮物作為鼓勵,養成閱讀習慣不單止滿足自己想像空間,更會帶嚟實質驚喜,當佢擺滿左一行書架,果份滿足感再驅使佢繼續擺滿下一行,所謂「勉強冇幸福,強嚟盞氣谷」,只要你小朋友心甘情願閱讀,先稱得上係佢嘅閱讀習慣,而唔係作為家長嘅你一廂情願!

 

_____________

 

5. 了解小孩嘅閱讀喜好

了解小孩的看書喜好|如何培養孩子閱讀習慣|5種方法提高小朋友閱讀興趣

 

讓孩子選擇自己喜歡嘅書睇,呢個用嚟鞏固孩子閱讀習慣有很大作用,無論作係被封面、插畫、書本外型吸引都好,我地都可以了解原因,從此了解小朋友閱讀喜好,同埋既然係自己鍾意嘅書,一定迫不及待想打開睇,入腦好多,唔好俾任何意見話呢本得圖畫,果本冇教育意義之類,就算係卡通畫集,你都必需為畫集創造故事,陪小朋友睇哂佢,享受每刻親子時光。

 

_____________

 

閱讀習慣跟學業成績絕對不掛鉤|如何培養孩子閱讀習慣|5種方法提高小朋友閱讀興趣

 

相信睇到呢度,你一定有個幻想,培養孩子閱讀習慣,將來讀書肯定叻啲,唔駛FF啦,閱讀同讀書唔係同一樣野,睇書係一種興趣,讀書係一種責任;閱讀係汲取課本以外嘅知識,擴大想像空間,提高創造力,鍛鍊專注同耐性,讀書係汲取課本上嘅知識,應付升學考試,有濃厚目的性及一定嘅壓力,當然,專注力同耐性提高,對讀書有一定幫助,但有閱讀習慣同學業成績絕對不掛鉤,但養成閱讀習慣對小孩成長絕對有莫大裨益!

 

 

兒童生日會外賣推介|Kama Delivery到會速遞服務
 
 
鼓勵孩子養成閱讀習慣,除左送禮物之外,同小朋友食好野都好有激勵性,Kama Delivery除左多人美食到會套餐外,家庭餐、小朋友派對到會套餐都應有盡有,當中有精美甜品同造型可愛嘅飲品,小朋友見到一定鍾意,歡迎於Kama Delivery網站或WhatsApp我地訂購查詢!

 

【點我查看多人美食到會】

 

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

 

追蹤我們

FacebookInstagramYoutube

 

 

延伸閱讀

新手訂購到會必睇【網站手機落單圖文教學】

香港地親子活動去邊好【2021暑假篇】

小朋友放電好去處【2021持續更新】

【親子戶外好去處】港九新界十大野餐地點 元朗菠蘿園農莊推介

2-4歲兒童情緒管理教學案例【孩童健康成長篇】

小朋友生日會食物推介【精緻到會餐單持續更新】

 

部份圖片出處

https://www.pexels.com

 

 

*未經許可,以上文章不得轉載或引用*