購物車內無任何商品
posts
【娥羅納英隱藏用法】推薦9種娥羅納英用途功效
【娥羅納英隱藏用法】推薦9種娥羅納英用途功效
上次小編推薦過10種凡士林既隱藏功能，今次再嚟料，同大家講講另一款家家戶戶都必備既神仙藥膏：大塚製藥既娥羅納英H軟膏。呢支軟膏主打唔含類固醇、薄荷、樟腦同埋防腐劑，連日本人都大讚好用。佢唔單止性價比極高，功效仲超級全面，無論係平時皮膚乾燥甩皮、輕微燙傷，定係曬傷紅腫，用佢嚟急救就最啱使喇。
娥羅納英歷史
「娥羅納英®H軟膏」(英文：Oronine H Ointment，日文：オロナインＨ軟膏) ，Oro係西班牙中係指黃金既意思，Nine係指有9種成份，所以Oronine代表係由「黃金9配方」製造而成，H 就係指軟膏中既活性成分「洗必泰葡萄糖酸脂」(英文: Chlorhexidine Gluconate)，簡稱「Hibitane」，屬於親水性軟膏。「娥羅納英軟膏」係日本大塚製藥於1952年研發，然後1953年日本上市，再於1956年進入香港市場，1972年改良同重新命名成為家傳戶曉嘅「娥羅納英®H軟膏」。
聚會外賣套餐
娥羅納英有咩隱藏用途？
潔臉：清黑頭同粉刺
娥羅納英同凡士林一樣，都可以清黑頭同粉刺嫁，使用既方法都差唔多，利用熱毛巾敷係鼻度，先令毛孔擴張，然後將娥羅納英均勻塗係鼻上，厚敷十分鐘，再用清水沖洗乾淨，甘就可以清潔乾淨藏係毛孔入面既污垢。對於已形成黑頭或粉刺，可以塗娥羅納英軟膏在係鼻上面敷五分鐘，等角質軟化之後再痴黑頭貼，咁就可以輕鬆清黑頭同粉刺啦。
保濕：自製面膜同唇膜
只要將適量娥羅納英加水開至糊狀，厚敷面部十至十五分鐘，然後用清水沖洗乾淨，係有超強保濕效果，所以呢個方法非常適合乾燥肌或敏感肌既人用嫁。另外，嘴唇有乾裂情況都可以厚敷娥羅納英去改善情況。
保護：預防傷口感染
將娥羅納英軟膏塗係刮損、倒刺或受傷既位置，因為娥羅納英有消毒殺菌，預防傷口感染既功效，同時又可以令到皮膚得到滋潤，從而加快皮膚復原速度。
消炎：減低暗瘡發炎同袪暗瘡印
娥羅納英有消炎作用，因為當中既油分含抗菌、殺菌功效，當清潔完皮膚後，將軟膏輕輕塗係暗瘡位置，有助改善消炎問題。
【護膚補水你要知】偶爾聽到或睇到一啲廣告，提及到水光針，但水光針又係咩？原理又係咩？其實水光針冇咁高深莫測，佢就係一個微創既醫美項目，將玻尿酸、維生素、氨基酸等營養成分直接注入皮膚，核心作用就係將補水、提亮既營養成分，直接送到皮膚深層⋯⋯ 繼續閱讀
紓緩：濕疹問題
娥羅納英有鎮定皮膚同有助滋潤皮膚既功效，所以可以紓緩濕疹，但並非根治濕疹，所以都要問清楚醫生有關自己既情況係咪適合用娥羅納英。
除臭：紓緩體臭問題
如果有體臭既問題，可能係身體有細菌滋生。可以沖完涼之後，擦乾身體再係腋下位置塗上娥羅納英，由於娥羅納英含有抗菌、殺菌既功效，所以可以紓緩體臭問題。
殺菌：治療石頭瘡
塗上娥羅納英係石頭瘡位置，然後用熱毛巾敷大約五至十分鐘，就可以達到殺菌消炎效果，而且仲可減低疼痛感嫁。
療傷：輕度燙傷、火傷、曬傷、刀傷
娥羅納英俾日本人比喻為「日版蘆薈Gel」，係因為娥羅納英同蘆薈對於燙傷或曬傷等情況都係非常有效。如果係輕度燒傷，首先用冷水沖洗個傷口，係受傷皮膚上塗娥羅納英，然後用紗布包扎傷口，可以紓緩炎症痛感，同預防傷口受細菌感染。另外，進行戶外活動，例如行山，游水等時，因為暴曬而容易令到皮膚泛紅，可以用娥羅納英紓緩皮膚泛紅既情況，減輕曬傷既痛楚，同時為皮膚快速補濕，改善出現脫皮情況。
紓緩腳癬：乾性香港腳
香港天氣潮濕，腳汗多而難以保持雙腳乾爽，係特別容易受黴菌感染，導致有香港腳問題。而娥羅納英有消毒殺菌功效，從而減少黴菌滋長。沖完涼之後係患處塗上適量既娥羅納英，可紓緩香港腳既情況。不過要切記，娥羅納英係唔適用於含有膿水的既香港腳，即係潰瘍型香港腳同發炎水泡型香港腳。
雖然娥羅納英有以上九大隱藏用法，但都係輔助形式既，大家都要視乎自己身體狀況，如果情況嚴重，記得盡快搵醫生查詢同診治啦。正如大家搞聚會一樣，除左有好既場地之外，都要有唔同種類既食物可以符合大家口味既，我地 Kama Delivery 提供多種唔同人數既套餐方便大家選擇之餘，仲有單點食物、餐盒、小食盒、野餐盒等俾大家可以選擇嫁，令到大家可以方便之外，亦可以令到聚會更有氣氛。
聯絡我們
追蹤我們延伸閱讀
＊如以上圖片有所侵犯版權，請立刻告知，我們會盡快作出修改＊
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
中秋節到會
小朋友到會
BBQ燒烤到會
素食到會
獲取專屬報價
KAMA BLOG
語言
