購物車內無任何商品
posts
【學生信用卡邊張好？】推薦4張網民最熱門選擇
【學生信用卡邊張好？】推薦4張網民最熱門選擇
比較緊大學生信用卡推介？ 無論你係大專生定ive學生，踏入18歲後除左可以考車牌，申請信用卡都係成為大人嘅象徵，大學生活多姿多采，食飯、睇戲、網購、甚至要自己交學費嘅你，又點可以無一卡在手？現時市面上都有唔少銀行同學校出嘅大學生聯營信用卡，但小編話你知，學生聯營卡除左外型唔討好，更係我在學期間最遇到第1個編案，基本上大學生聯營信用卡著數優惠都唔及得一般銀行出嘅學生信用卡，完全係中伏，簽卡消費時隨時仲俾人歧視添，卡上印校徽，倒不如加LIHKG個圖上去好過啦！今次4張大學生信用卡推薦入面，有齊Visa、Master、AE、銀聯，申請晒去邊消費都得啦！
學生信用卡推薦 1. 花旗銀行 Citi Rewards 萬事達卡 (學生)
Citi Rewards Student Mastercard 5大著數：
• 流動及感應式付款5X積分，即透過Apple Pay、Google Pay或Samsung Pay（即享2%現金回贈）
• 其他簽賬﹕1X 積分（HK$1簽賬 = 1倍積分）
• 積分永久生效，可隨時兌換獎賞
• 信用卡積分可兌換Avios或「亞洲萬里通」里數（低至$3/里）
• 首年豁免年費
🎁 基本迎新優惠：
新客戶發卡後首90日內，消費累積簽賬滿HK$1,000或以上，即可享迎新優惠HK$300現金回贈
+
🎁 加碼迎新優惠：
於2022年3月9日至31日期間經MoneyHero成功申請指定Citi信用卡，於7日內填妥及成功遞交奬賞換領表格，並於批卡後30日內簽賬至少HK$300，可任揀以下一款MoneyHero獨家優惠：
HK$500 Apple Gift Card
HK$500 Steam錢包禮品卡
❓ 申請要求
年滿18歲，香港本地大學／大專院校學生（專上文憑課程），只需提供全日制學生證及香港居民身份證或合資格護照即可申請。
💡 溫馨提示
所有迎新獎賞只適用於Citi花旗銀行信用卡之新客戶。Citi信用卡之新客戶是指申請者現在不持有及由申請認可信用卡當月起計過去12個月內不曾持有或不曾取消任何由花旗銀行所發行之Citi信用卡主卡之客戶。近新優惠須符合有關最低簽賬要求。
學生信用卡推薦 2. 美國運通Blue Cash信用卡
美國運通Blue Cash信用卡 4大著數：
• 本地及海外日常簽賬可享1.2%消費回贈
• 於百老匯院線購買3D、2D及IMAX正價電影戲票，可享8折優惠；購買 4DX正價電影戲票，可享 9折優惠
• Pacific Coffee手調飲品可獲免費升級優惠
• 首年豁免年費
🎁 基本迎新優惠：
首2個月簽賬滿HK$6,000，包括基本卡及附屬卡之簽賬，即享HK$500額外消費回贈
+
🎁 加碼迎新優惠：
於2022年3月21日中午12:00至4月19日下午6:00期間經MoneyHero成功申請指定美國運通信用卡，於7日內填妥及成功遞交奬賞換領表格，可根據其申請之信用卡任揀以下一款MoneyHero獨家優惠：
HK$600 Apple Gift Card
HK$600 HKTVMALL 購物禮券
❓ 申請要求
年滿18歲，香港本地大學／大專院校學生（專上文憑課程），只需提供全日制學生證及香港居民身份證或合資格護照即可申請。
💡 溫馨提示
• 申請嘅時候「職業狀況」揀返無業，「狀況」揀學生，然後交文件嘅提交全日制學生證就可以申請到該卡
• 過去12個月無持有AE Blue Cash信用卡，只持有其他美國運通信用卡對AE Blue Cash®信用卡仍是新客戶
學生信用卡推薦 3. 安信EarnMORE銀聯信用卡
安信EarnMORE 銀聯信用卡 5大著數：
• 不論本地/海外消費簽賬，全天候2%現金回贈
• 海外簽賬無額外手續費用
• 3個月免息簽賬分期
• 信用卡積分可兌換Avios或「亞洲萬里通」里數（低至$3/里）
• 首2年豁免年費
🎁 基本迎新優惠：
學生新客批卡後90日內簽滿$2,000合資格簽賬回贈$200，另外本身2%回贈$40，合共$240
+
🎁 加碼迎新優惠：
於2023年12月31日前經MoneyHero申請安信EarnMORE銀聯信用卡，可獲得以下獨家優惠：
HK$200惠康超市現金券
❓ 申請要求
年滿18歲，香港本地大學／大專院校學生（專上文憑課程），只需提供全日制學生證及香港居民身份證或合資格護照即可申請。
💡 溫馨提示
所有迎新獎賞只適用於安信信用卡之新客戶。Prime Credit信用卡之新客戶是指申請者現在不持有及由申請認可信用卡當月起計過去6個月內不曾持有或不曾取消任何由安信所發行之信用卡主卡之客戶。
學生信用卡推薦 4. 花旗銀行 Citi八達通白金卡（學生）
Citi Octopus Visa Card 3大著數：
• 15%交通費回贈
註：單月簽帳消費滿HK$3,000 – HK$9,999
（15%交通費回贈上限$300，包括九巴、龍運、城巴、新巴、鐵路、綠色專線小巴、渡輪、電車）
單月簽帳消費滿$10,000以上（15%交通費回贈上限$500）
（包括九巴、龍運、城巴、新巴、鐵路、綠色專線小巴、渡輪、電車）＋5%隧道費回贈
• 0.5%消費回贈，即每簽賬HK$200 = HK$1八達通現金（包括電子錢包）
• 首年豁免年費
🎁 基本迎新優惠：
新客戶發卡後首90日內，消費累積簽賬滿HK$1,000或以上，即可享迎新優惠HK$300現金回贈
+
🎁 加碼迎新優惠：
於2023年2月1日至14日下午6時前期間經MoneyHero成功申請指定Citi信用卡，於7日內填妥及成功遞交奬賞換領表格，並於批卡後30日內簽賬至少HK$300，可任揀以下一款MoneyHero獨家優惠：
HK$500 Apple Gift Card
HK$500 Steam錢包禮品卡
❓ 申請要求
年滿18歲，香港本地大學／大專院校學生（專上文憑課程），只需提供全日制學生證及香港居民身份證或合資格護照即可申請。
💡 溫馨提示
所有迎新獎賞只適用於Citi花旗信用卡之新客戶。Citi信用卡之新客戶是指申請者現在不持有及由申請認可信用卡當月起計過去12個月內不曾持有或不曾取消任何由花旗銀行所發行之Citi信用卡主卡之客戶。近新優惠須符合有關最低簽賬要求。
學生信用卡5大常見問題
問題 1：大學生申請嘅信用卡Credit Limit有幾多？
答： 大學生或者大專生一般喺環聯信貸資料庫未有評分紀錄，因此批核信用額度一般係HK$10,000-HK$20,000。
問題 2：IVE/VTC 學生申唔申請得信用卡？
答： 基本上所有年滿18歲全日制專上學院發出嘅學生證都可以申請，經Jupas定Non-jupas讀大專院校，無論你係IVE或VTC，遙距銜接外國課程或Top-up Degree嘅學生都合資格申請！
問題 3：學生信用卡年費豁免完咗點算？
答：99%銀行都可以透過電話申請豁免信用卡年費，更何況係學生專用信用卡，同永久免年費用分別，Waive年費絕對無難度！
問題 4：學生信用卡可唔可以做分期？
答：可以，只要消費商戶接受發卡銀行做分期消費簽帳就無問題，即使沒有，亦可留意個別銀行提供嘅免息簽賬分期，期數由3個月到60個月不等，當然要留意返分期手續費或利息。
問題 5：學生信用卡可唔可以儲飛行里數？
答：小篇都知道學生哥鍾意周圍飛，出國體驗唔同文化嘛，學生信用卡儲裡數當然冇問題啦，以上推薦由花旗銀行出嘅Citi Rewards信用卡就可以用積分兌換「亞洲萬里通」或Avios飛行里數。
小結：莘莘學子踏入大學校園，申請人生第一張信用卡當然要精打細算，畢竟人大咗洗費隨之而增加，基本吃喝玩樂、交學費，甚至住Hall嘅生活用品都可能要自己俾，衣、食、住、行在在需財，唔好彩遇上父母停止供養，話你大個仔要學識財政獨立，就更加要審慎理財慳盡一分一毫，能夠善用信用卡提供嘅著數優惠隨時為你賺多一份額外收入添！
學生信用卡邊張好？
以上介紹推薦4張學生專屬信用卡，外資大行花旗銀行同美國運通，電視機陪住大家成長嘅本地薑安信兄弟，各有好處，講一般消費現金回贈最高就係安信EarnMORE學生信用卡（全天候2%），搭公共交通多當然係Citi八達通學生信用卡，想儲里數每年暑假或Sem Break出走遊埠就揀Citi Rewards信用卡，要型要Chill非AE Blue Cash莫屬，AE傳統上比較難申請而且年薪要求較高，呢張Blue Cash學生信用卡就岩晒學生哥用喇，睇戲仲有折添！
小編推薦4張卡剛好配合國際4大大支付營運商，分別係Visa、Master、AE、Union Pay銀聯，同時申請4張讓你消費無界限，享盡所有著數優惠，不論日常消費、返學搭車、睇戲食飯、網購Shopping、出國去旅行都可以邊洗邊賺！
學生申請信用卡，學懂理財第一步
脫下校服繼續校園嘅路，除左學習書本上嘅知識，亦都係時候學懂良好理財習慣，成功申請信用卡意味著你個人信貸紀錄嘅開始，就係環聯信貸資料庫嘅個人信貸評分，俗稱TU，全名TransUnion，呢個地方主要就係記錄個人嘅信貸活動，評分由A-J，A級為最高，J就係最低；作為一名學生，建立良好信貸評分，絕對係邁向成功第一步，點解咁重要？將來畢業後展開人生下半場，無論置業買樓、買車、買車位位、私人貸款、做按揭或者申請信用卡，只要涉及借貸財務工具，所有申請批核前，有關銀行或財務機構都會向環聯索取你個人嘅信貸報告查看評分，所以老套啲都要講，「借定唔借，還得到先好借」！
善用學生信用卡3大法則
1. 向Min Pay說不
收到信用卡月結單，千萬唔好俾最低還款額（Minimum Payment）利誘到你，以為還住少少就可以輕鬆過關，愛因斯坦就曾經講過世界第八大奇蹟就係「複利」，信用卡行息年利率高達3x%，正所謂利搭利好乸利，申請學生信用卡宗旨係食盡銀行著數，卡數梗係Full Pay月月清，唔好俾佢搵你笨呀！
2. 紀錄信用卡消費
記帳係其中一個良好理財習慣，記低自己簽賬紀錄，即使先洗未來錢，都可以隨時隨地睇返自己財政狀況，唔會收到信用卡Statement先問，原來上個月我用咗咁多錢？！
3. 謹慎消費，量力而為
唔好因為一卡在手就變土豪，購物吃喝玩樂前諗清諗楚，唔係賺賺埋埋啲著數優惠都唔夠冚卡數呀，寒窗苦讀十載，未考取功名就自毀前遊，無理由咁傻呱，有借有還先至係上等人嘛！
除了專屬嘅大專學生信用卡，有冇專屬俾學生用嘅銀行戶口？
市面上各大銀行推廣之中，兒童銀行戶口反而比較多，專屬offer俾大學生開戶使用嘅就比較少，因為大學生基本上都年滿18歲，同成年人冇乜分別，小編認為一個適合俾學生用嘅銀行戶口最重要一點當係「沒有最低存款結餘」，當中最推薦亦可能係最多大專學生使用嘅係花旗銀行Citi Plus理財戶口，所以如果你會申請以上推薦果兩張花旗學生信用卡，不妨順便開埋佢哋個Citi Plus戶口，好多大學生都會做兼職幫補學費，用嚟出糧找卡數，甚至要開始學習股票投資、去旅行前外幣買賣都咁方便，開戶手續簡單，想了解更多詳情可以參考👉 Citi Plus戶口好唔好 ?【一文睇清5大好處及開戶迎新優惠】
除咗推薦俾學生專屬使用嘅Credit Crad同銀行戶口，我哋Kama Delivery都有提供俾大專生專享嘅到會外賣㗎，入到大學生活，O Camp迎新營、Freshman上莊、學生聚會Party一個接一個，又點少得睇得又食得嘅Party Food，特別依加個個後生仔女都貴為Foodie、KOL，食嘢前要打卡、IG，Kama Delivery有齊你哋既需要，食物好味之餘，賣相都係IGable，最受大學生歡迎莫過於巨型5L桶裝珍珠奶茶、水果茶，仲有岩晒文青戶外活動既Kama野餐盒，我哋外賣範圍蓋全港九，幾乎間間大學都送過，付款方式有信用卡、PayMe、轉數快、銀行轉帳等等，搞Party活動記得搵我地喇，大型聚餐仲可以自訂Menu菜式，盡享大學生專屬優惠！
聯絡我們
WhatsApp 查詢／訂購熱線：5188 0757 / 6599 9941
Email：info@kamadelivery.com
追蹤我們
延伸閱讀
＊未經許可，以上文章不得轉載或引用＊
最新優惠
多人到會套餐
一人自選餐盒
單點到會美食
BBQ燒烤到會
素食到會
KAMA BLOG