宅在家中【係屋企可以做的12件事】

宅在家中【係屋企可以做的12件事】

肺炎疫情底下大家少左出門，唱K酒吧唔得，旅行更加唔洗諗，宅在家中嘅時間越來越多，不少人可能感到迷茫苦悶，想去東京Shopping ，想去同同學聚會開Party，想去唱K😭呢D平時想做又解悶嘅事情係當下都比較難實現。不過唔好灰心宅在家中都有宅在家中應有嘅樂趣，小編為大家推薦以下方法解解悶。😌

1. 運動減肥

運動場未開返？疫情唔想去健身室做Gym？唔好再俾藉口自己唔做運動，運動好處有幾多唔洗講，最重要係保持自信嘅外表嘛，多左時間留係屋企就唔好虛度光陰，六舊腹肌、優美嘅馬甲線，開個Youtube睇睇跟住做HITT、TABATA，爆汗運動最正就係時間唔需要多，效果隨時好過你搵健身教練！

2. 製作一份 To-Do-List

無論你依加係人生路上邊一個階段，相信仍然有好多野未完成或者想去做，現在就係一個好機會俾自己思考一下，將想要完成嘅事情、目標通通記低，可以係想去旅行嘅地方、又或者想學習嘅一種語言等等，製作好等自己逐一去完成！

3. 砌圖

拼圖可謂宅在家中打發時間不二之選，美國就有間拼圖製造商因爲疫情按年銷售急增370%，新世代小朋友都沉醉係電動世界，今次就old school一下，一家人選擇幅喜歡嘅圖像，可以有效消耗時間之餘，又可以共享親子時光，完成後掛上牆絕對係一個難忘嘅回億！

4. 加入「動森」大家庭

疫情底下Switch 嘅限量急增，全因動物森友會嘅問世，令大家沉醉係打機嘅世界。小編個人認為可能動森係作為一個平台，等大家就算無辦法出門，都可以透過動森”出門”去社交，去傾計等等，正正就係每一個因疫情無法出門嘅人最想做嘅事，未玩嘅朋友仔都不妨試下。(溫馨提示，Switch本身因為供不應求造成炒價高企，不過現時會一路補貨好快可以原價購買，同埋記得唔好買錯大陸版阿😌🤫)

5. 學習斷捨離

大掃除唔一定等年廿八，香港地生活地方細，唔捨得掉野絕對係大忌，特別係購物狂絲打們；衣物、化妝品、手袋堆積如山，床底又有一對襪🧐。唔知大家有無遇到呢種情況呢，平時翻工時間長，衫褲攞到就著，洗完嘅衫就劈係梳化，東一件西一件，對襪又係得一隻😭😭。趁住呢個時候，好好將屋企汁乾淨，深層清潔之餘，順便將無用嘅野捐出或掉左佢，咁就唔洗再幫襯迷你倉啦！

6. 建立自己嘅部落格

從前嘅人就喜歡寫日記，依加就係係網上寫Blog記事，每個人都有屬於自己世界，記低自己生活點滴、所思所想，又或者自己有特別專長嘅野可以同人分享，把握宅在家中嘅時間，話唔定下一個網紅、KOL就係你！

7. 煲劇睇戲

疫情底下戲院唔開，新戲亦無法如期上映。好多嘅新戲都選擇係網上上映，供人免費觀看，同時好多網上劇集運營商都推出唔少優惠，為求大家可以安心係屋企觀看劇集，少D出門與其他人接觸。除左電影劇集之外，連演唱會都改為網上直播表演，仲要係免費，以小編所知周杰倫，劉德華，五月天都紛紛有係網上搞網上演唱會，係免費嘅，未睇嘅朋友仔記得去睇啦～😆

8. 嘗試唔同裝扮

多左時間係屋企都可以試下將唔同嘅衣物、鞋、飾品等等，嘗試唔同嘅裝扮可以令到自己嘅配搭水平更上一層樓😎，例如平時唔多著嘅鞋，經過嘗試後發現同某條褲出奇地夾，又或者嘗試唔同嘅妝睇下是否適合自己，為疫情過後出門做足準備😝！

9. 成為專業Foodie

鍾意食但又唔中意煮嘅朋友仔，不妨嘗試下周邊不同嘅餐廳食物，趁著外賣平台競爭激烈，經常有各式各樣著數優惠，係網絡點評下食店評價，例如平時無食過嘅餐廳，就可以知道是否值得推薦朋友去食，開個Page分享下宅在家中美食之旅，學習下拍攝食物技巧，成為一個專業嘅Foodie！

10. 自我增值培養新技能

閱讀係成功人士必修課，多左時間係屋企亦可以攞來學習，疫情底下學生無法翻學，自然要係屋企努力溫書，因為就算唔翻學一段時間，DSE都係會如期考架😭😭😭。當然除左學生之外，工作得我們亦可以發展一些唔同嘅技能，例如設計網頁、DIY下家品、甚至自學一種外語都唔錯啊。

11. 研究煮食😈🤭

對煮食有熱情嘅朋友仔都係時候磨煉下廚藝啦😏😏，嘗試一D平時唔識煮嘅食物或者嘗試唔同嘅食物配搭啦。爭取疫情過後由黑暗料理大師晉升為Master Chef😆😆。例如小編平時都會諗究竟朱古力雞翼好唔好食呢🤔又或者鹽焗蛋糕好唔好味?呢D疑問就等你地留言解答我啦！

12. 休養大法

工作多，工時長，壓力大。作為一個打工仔常見嘅問題，既然宜家多左時間係屋企，不妨可以好好休息，調理身體，特別係作息時間，嘗時早點睡覺，身體狀況好，做事自然快手，大腦運作更加清晰，工作上嘅問題或者可以諗到解決辦法添。仲有呀，調理好自己身體，保持良好體魄，一年睇少左幾次醫生又慳到錢！😴💆🏻‍♂️💆🏻‍♂️