【定妝噴霧用法及推介2023】

MAKE UP FOR EVER 「微霧輕感粉噴霧」(#黑特霧)，適合任何肌膚，成分係含有清爽輕盈既無色霧面粉末，噴上面之前先搖一搖，噴完之後等一陣，就會發現妝容已經變得好貼，因為黑特霧會好快咁抑制面上 26%既油脂，再加上質地細緻，成份中又有添加蘆薈葉汁，做到保濕功能，肌膚更舒適透氣而無負擔。

innisfree無油無慮定妝噴霧，價錢係最實惠既，而且眾所皆知，innisfree本身亦有款皇牌蜜粉（No-Sebum Mineral Power），而家innisfree將皇牌蜜粉既控油既優點延伸到定妝噴霧上，再加上有綠茶水既保濕成分同薄荷成分，令皮膚可以維持油水平衡，又可以清爽水潤，能長時間維持妝容而唔會脫妝。

Make Keep Mist Ex深受日本女性歡迎，因為價錢亦非常實惠，加上帶有淡淡既玫瑰香氣，特點係防水配方，達到強效防水、抗汗水、抗皮脂、抗淚水、抗雨水、抗摩擦等既功效，又唔容易噴花個妝，並且，加入桉樹萃取液，保濕滋潤肌膚，所以令到妝容持久。

植村秀呢款定妝噴霧榮獲2020年上半年新秀賞定妝既第1名，所以有好多明星都推薦既定妝噴霧，因為植村秀用左最新科技研發出比水分子仲要再輕的再細既「磁力吸油粉末」，係美容界創新既黑科技成分，令到粉底更服貼於皮膚，並持續吸附分泌既多餘面油，比傳統蜜粉定妝更輕盈、控油效果更加有效。