【了解鑽石】實驗室培育鑽石 vs 仿鑽石

【了解鑽石】實驗室培育鑽石 vs 仿鑽石

講起買介指，大家點都會諗到鑽石介指，一黎珍貴，二黎稀有，相信大家都記得「鑽石恆久遠，一顆永流傳」呢句廣告詞，所以好適合拎鑽石介指做求婚、結婚、周年禮物等。甚至亦係珠寶收藏家既喜愛珠寶之一。但天然既鑽石價錢都偏貴，所以小編介紹可以代替天然鑽石既鑽石俾大家，例如培育鑽石，仿鑽石等。大家又知幾多呢？

咩係培育鑽石?

實驗室培育鑽石，又叫合成鑽石、未來鑽石，(英文：Lab-grown / Cultured / Synthetic / Lab-created / Man-made / Engineered / Future diamond)。

而培育鑽石其實係同天然鑽石擁有相同既化學成分同埋物理特性，都係由純碳組成既立方晶體，係屬於100%真正既鑽石。培育鑽石同天然鑽石，最大區別係2者既形成方式及稀有程度，而2者均散發同樣既光彩同火彩。培育鑽石係現代使用可持續方法，高溫高壓法 (High Pressure High Temperature / HPHT) 或 化學蒸氣沉積法 (Chemical Vapor Deposition / CVD)，而且係實驗室入面利用人工培植形成，但天然鑽石則就係超過十億年前之前，係地底深處自然形成。

培育鑽石既方法

實驗室培育鑽石其實50年代已經出現，但當時既生產技術只可以生產出只限工業使用既鑽石質量。近呢幾年，由於科技既發展，令到實驗室培育鑽石既品質同價格上都有好大既改變，仲可以短時間內生產寶石級品質既實驗室培育鑽石。

高溫高壓法

係模仿天然鑽石既生長過程，將鑽石種子放係指定既高壓力同高溫度既空間入面，再將D純碳材料，例如石墨，再熔化分解碳原子，利用其他金屬助熔劑，去降低鑽石生長所需既條件，碳材料會透過助熔劑去形成結晶，再變鑽石晶體。

化學蒸氣沉積法

就係將鑽石種子放係特定既環境中，再引入碳原子既化學氣體，利用微波同高溫將氣體中的既碳原子活化，釋放出，沉積，持續進行，從而累積變成鑽石晶體。

價錢方面，實驗室培育鑽石比天然鑽石便宜 20-40%嫁。以2022年既價錢作參考，1卡既實驗室培育鑽石$3200，而天然鑽石就$6500。資料來源

咩係仿鑽石?

講到仿鑽石，即係鑽石既仿製品，類近鑽石既外觀，但同天然鑽石同培育鑽石既光學特性同物理特性唔一樣。市面上最常見既就係莫桑石（另稱：合成碳化矽 / Synthetic Moissanite），同蘇聯鑽（另稱：合成二氧化鋯石 / CUBIC ZIRCONIA / CZ）。

莫桑石（英文：Moissan）

或叫魔星鑽，其實係同鑽石有相同既金剛光澤，火彩更強，顏色稍偏向黃綠色調，比起任何鑽石仿製品更接近鑽石，例如耐用性同莫氏硬度都係接近鑽石。價錢方面，就比鑽石要低，差唔多只係鑽石既十分之一既價錢就買到，一卡莫桑石價錢都係幾千蚊。

蘇聯鑽（CZ鑽）

係一種性質特殊既寶石，加工之後，其實外表上亦同鑽石相似，但莫氏硬度方面就比鑽石低，價錢方面都係比天然鑽石低，一卡既蘇聯鑽大概由幾十至幾百蚊不等。

鑽石證書

唔同既鑽石，有唔同既價錢，大家可以因應自己既喜好同預算，購買心儀既鑽石介指，雖然培育鑽石同仿鑽石既價錢都比天然鑽石平，但好多時都未必可以用肉眼就可以分辨到鑽石同仿鑽石，所以大家可以搵信譽良好既舗頭，另外，亦可以睇下GIA或IGI既證書，如果係培育鑽石，通常會寫明鑽石係實驗室培育鑽石，同埋GIA同IGI會係實驗室培育鑽石既上面用激光刻上 LABORATORY-GROWN 或 LABGROWN 字樣，仲會提供證書編號嫁，所以大家可以留意返。