小一入學面試題目詳解【6大範疇為孩子做足準備】

小一入學面試題目詳解【6大範疇為孩子做足準備】

小一入學面試題目詳解【6大範疇為孩子做足準備】

入讀小一係小朋友成長嘅里程碑之一,如果入讀直資或私立小學,一般都需要通過小學面試,而掌握面試題目無疑係必勝法門,我哋今次會分享小學面試題目,當然現實面試嘅時間冇可能完全一樣,但至少係一個方向,小學面試對取錄學生嘅取態,更多睇重學生嘅表達能力、領悟能力、觀察力、自理能力、服從性及個人潛能,而小學面試嘅問題,都係圍繞以上嘅個人能力而設。

開始前大家先認識一下香港小學嘅類別,分為官立小學、津貼小學、直資小學及私立小學:

香港小學類別

官立小學

由政府開辦,香港教育局負責管理,所有入學新生必須經由政府嘅小一入學派位機制,包括自行分配學位及統一派位。


於九年免費教育計劃內,所有學生免除學費

津貼小學

由辦學或宗教團體向政府申請開辦,由校董會管理,所有入學新生必須經由政府嘅小一入學派位機制,包括自行分配學位及統一派位。


於九年免費教育計劃內,所有學生免除學費

直資小學

由法團校董會自行管理,另外會有一筆政府津貼係按學校合資格學生人數計算,而收生準則、日期則由校方自行決定,入學需透過小學面試。


所有入學學生需繳交學費

私立小學

辦學團體自資開辦經營,校董會自行管理,與直資小學最大的分別係私立小學唔會有政府資助,而收生準則、日期則由校方自行決定,而在課程編制上,私立小學擁有最大自由度,入學需透過小學面試。


所有入學學生需繳交學費

Little Friend Set


免運費的地面交收服務


專為兒童派對、百日宴、小朋友生日會等活動而設


套餐內容涵蓋沙律、小食、主食、甜品、飲品等


點我查看完整餐單

小一入學面試題目方向

表達及領悟能力篇

小朋友表達及領悟能力

主要想睇下小朋友嘅表達及領悟能力,通常問題會圍繞小朋友自己及屋企人,除咗測試小朋友可否清楚表達答案外,亦在測試小朋友對領悟問題及分析意思嘅能力。例如問小朋友叫咩名、幾多歲、住響邊度、有冇兄弟姊妹、讀邊間幼稚園、平時有咩興趣等,如果有才藝方面興趣嘅小朋友有機會加分。

觀察力

小朋友觀察力

問題通常唔係圍繞小朋友自己,會主要圍繞身邊嘅人,想了解小朋友對身邊事物嘅敏感度及觀察力,觀察力強校方當然更歡迎,例如父母嘅行業、屋企人平時有咩愛好、父母一般幾點起身、誰人負責你嘅早餐、兄弟姊妹最鐘意食咩、爸媽嘅電話號碼等等,問題唔難回答,主要圍繞小朋友對日常生活嘅印象。

自理能力

小朋友自理能力

自理能力將在小學面試中披露無遺,小朋友唔叻講大話,如果平時衣來伸手,飯來張口的話,強烈建議家長唔好教小朋友講大話,因為踏入問程序,小朋友就唔識答,講大話係會扣大分,面試題目一般會問小朋友平時食飯嘅情況,要唔要人餵、今日套衫係咪自己著、鞋係咪自己著、平時夜晚係咪自己瞓、邊個幫你沖涼、邊個幫你刷牙洗面、邊個叫你起身、有冇幫手做家務等等,呃唔到人,所以各位家長如果想未來面試唔好被扣印象分,切勿將小朋友養成「港孩」,必須具備一定嘅自理能力。

升小一入學派位準備 【內含面試攻略家長必讀】

【升小一面試攻略】2024/25升小一入學準備點部署?對大部分香港家長,小朋友由幼稚園升上小學一年級係一件大事,直接影響未來十幾年升學之路,戰線由今年9月份展開,為2024年9月份小學開學而戰,首先家長需要了解小學嘅類型、申請派位流程、升小一準備時間⋯⋯ 繼續閱讀

服從性

小朋友服從性

服從性係一個幾重要嘅收生準則,小朋友唔遵守規則,唔單止影響自己,同時會影響他人,而了解小朋友服從性一般會問情境題,例如平時爸爸媽媽會唔會鬧你?通常因為咩事鬧你?如果父母叫你沖涼,但你又睇緊卡通片你會點做?如果你好想得到一件玩具,但爸媽唔肯買,你會點做?等等,了解小朋友對於指令及父母嘅意願的服從性與尊重度。

個人潛能

小朋友個人潛能

個人潛能係小一入學面試中嘅大Topic,當中包括小朋友嘅才華、才藝、常識、自律性、個人特質等,可以係一個小朋友Show Off嘅環節,面試題目會環繞小朋友嘅興趣、日常生活、價值觀等,例如小朋友有冇學緊啲咩?鐘唔鐘意學定爸爸媽媽一定要你學?點解會學呢樣嘢?常識包括一日有幾多個鐘、而家幾點鐘、一年有幾多個季節、食飯前要做咩?如果搵警察幫手打幾號電話?自律性包括一日玩幾耐手機、睇幾耐電視、起身會唔會自己刷牙洗面、玩完玩具要點做等,個人特質一般都係情境題,主要了解小朋友對對錯嘅睇法,例如小朋友搶你玩具你會點做?小朋友玩緊嘅玩具你又想即刻玩,你會點做?如果你喺街執到錢,你會點做?如果你唔小心打爛媽咪嘅化妝品,你會點做?等等的問題。

小朋友個人潛能

另外,會有家長擔心小學面試會問學術性問題,但其實佔嘅比例唔大,亦都好簡單,一般係圖形配對、簡易加數、簡單英語等,都會係幼稚園課程內嘅問題,家長無須太擔心,而且相比以上嘅項目,學術性問題並無咁重要,始終都只係幼稚園畢業,唔會對學業太有要求,反而係成長背景、家長教育取態、小朋友嘅態度等,會更加立體表現到適唔適合取錄該小朋友。

臨急抱佛腳係無助於小學面試,小朋友唔會短期內記到咁多嘢,畢竟大部分係家長想小朋友入邊間學校,但佢自己對入學無咩諗法,不過相信家長對小朋友有充足嘅陪伴、耐心嘅教育、正確嘅帶領的話,面對小一入學面試唔會太困難,陪伴孩子跨越每個人生翻篇,生日、入學、畢業等慶祝活動點少得Kama Delivery嘅美食到會服務,我們有專為小朋友而設嘅美食到人會套餐Little Friend Set,套餐包括甜品、小食、主食、漢堡等,更有造型可愛嘅熊仔Milkshake,兩種口味(士多啤梨或朱古力)選擇,地面交收的話全港免運費,性格比極高,歡迎隨時瀏覽我哋網站或者WhatsApp我哋客服查詢有關美食到會訂購詳情。

查看Little Friend Set內容!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處教育局

*未經許可,以上文章不得轉載或引用*