小朋友牙齒護理往往係家長最掉以輕心嘅環節，特別係新手爸爸媽媽，例如小朋友洗牙對身體唔好、刷牙方式唔啱等，都會對小朋友牙齒做成壞影響，所謂民以食為天，一副健康嘅牙齒陪你走一世人非常緊要，兒童牙齒護理保健應該從小開始養成習慣，家長除左督促小朋友早晚刷牙之外，仲可以透過其他方法加強護牙齒效能，從工具、生活習慣、定期護理健保（如帶小朋友洗牙）等，以下分享對於有小朋友嘅你，或者準備有小朋友嘅你，都不容錯過！

有冇發覺好多小朋友好怕睇牙醫？好多家長以為小朋友洗牙影響身體，為咗仔女自動自覺刷牙，或者怕佢地刷完牙又食嘢，都會用牙醫嘅醫療手段作為推動力，例如你唔刷牙會有蛀牙，牙醫就又電鑽、又打針、又流好多血等片段，希望孩子提高護齒意識，但咁做其實會適得其反，當小朋友遇上牙齒出現問題，會因為怕睇牙醫而拖到忍無可忍先出聲，往往已經過左最佳治療時間，所謂預防勝於治療，必須建立一個俾牙醫檢查牙齒嘅習慣，香港有學童牙科保健，由衛生署舉辦，為全港小學生提供一年一度基本牙齒及口腔健康護理計劃，係最好嘅機會培養檢查牙齒呢個好習慣，另外堅持良好嘅護齒習慣，如早晚必刷牙、如臨瞓刷牙後再食嘢，必須再刷一次等等。

小朋友牙刷護理除左刷牙之外，當然包括定期帶小朋友洗牙及檢查，有家長擔心小朋友坐唔定、或者吞左啲污糟嘢落肚等問題，實在有啲杞人憂天，響美國，一般兒童由三歲開始已經開始洗牙，牙石第一次開始發現一般發生響2-6歲，加上小朋友刷牙基本上都唔會刷得好乾淨，最好一年洗兩次牙，順便檢查埋口腔，洗牙會用超聲波震動儀清除牙石、牙漬及牙菌斑，能有效預防牙周病、牙齦炎等，洗牙途中嘅出血同麻痺好正常，家長唔駛太擔心。而家更加可以利用消費劵預約洗牙服務添！

每個人都想擁有甜美嘅笑容，牙齒生長角度不一，會導致牙齒睇落唔整齊，亦有機會影響鄰近牙齒生長，箍牙係透過牙齒矯正器不斷對牙齒施力，令牙齒及牙骨生長及移動至理想位置，箍牙後可以改善咀嚼功能，甚至改變面型（因人而異），不過當然響箍牙前，必須經過牙醫做一個評測，小朋友一般7歲開始係箍牙最理想嘅年紀，而箍牙亦分為傳統式周隱形式，隱形式牙箍透明簡潔，較傳統牙箍美觀，另外進食前後可輕易拆除及戴上，殘渣唔會卡響牙箍上面，箍牙過程中引起嘅痛楚亦較輕，不過小朋友適合傳統式還是隱形式都要經過醫生檢查評估情況後才決定，較為複雜嘅情況未必適合用隱形式牙箍，而My Dental更設有免費牙齒評估服務！

如果小朋友仲未有能力自己刷牙，家長可以用小朋友專用嘅音波震動牙刷，每秒數百次震動一定比傳統方式清潔更乾淨，亦避免「出手太重」嘅問題，牙膏方面一般可能揀兒童專用牙膏款式，選擇小朋友喜愛嘅口味可以增加小朋友對刷牙嘅興趣，而是否採用含氟嘅牙膏呢？含氟嘅牙膏有助防止蛀牙，但一般可食用嘅牙膏都唔含有氟，點揀交返俾各位家長自行定奪，其實早晚用正確方法刷牙，有良好護齒習慣，堅持一年兩次帶小朋友洗牙順便檢查，都已經十分足夠。

 ᐅ 立即查看小朋友專用口腔護理產品