【養顏美容食品】推薦4款平民燕窩

相信好多女性都知道，如果想皮膚靚，除咗用護膚品同去美容院之外，亦可以食燕窩進補一下，活化肌膚加速身陳代謝，但除左燕窩可以養顏之外，仲有4款天然食材可以養顏美容，價錢比燕窩更平民化，護膚功效仲可能更勝一籌，涵蓋唔同部分嘅需要。

燕窩營養成分主要係蛋白質，有60%左右既水溶性醣蛋白，而且得1%左右既脂肪含量，亦含有唔同既礦物質，包括左鈉、鈣、鐵等，維生素D，維他命B1，以及睾酮、雌二酮、孕酮等多種性激素。而點解燕窩會係美顏聖品？因為燕窩所含有既表皮生長因子和燕窩既水溶性物質，礦物質，活性蛋白質與膠原質等既營養可直接刺激細胞分裂，再生，同組織重建，加上燕窩又養陰潤燥，會令到皮膚變得光滑、有彈性和同有光澤，減少出現皺紋。

但缺點係，價錢較為貴。雖然燕窩係大多數人會選擇既養顏食品，但坊間亦有傳言話燕窩激素太多，對身體唔好，所以小編今日介紹4款平民燕窩俾大家。

雪耳含有大量胡蘿蔔素，能增加皮膚既抗損傷能力，有助維持皮膚細胞組織正常機能，同時刺激皮膚既新陳代謝，保持皮膚潤澤細嫩。增強皮膚張力、減退皺紋。另外，雪耳當中豐富既植物性膠質會保持皮膚彈性，幫助鎖水。而且維他命B雜仲會控油消炎，另外有助防止出現老人斑，老年斑既出現係因為人體內有一種脂褐素（lipofuscin）長期沉積係皮膚入面，雪耳係能夠阻止脂褐素累積，所以減低出現老人斑，對中年女士尤其見效。

桃膠其實係由桃樹樹皮分泌出來既半透明樹脂，呈淺黃色，無味，含有高糖份、蛋白質、碳水化合物等等既成份，天然甜味口感有啲似啫喱，而且屬於高纖維食物，同時有潤腸道功效，所以適合排毒。另外，桃膠多糖有助降血糖同膽固醇，適合糖尿病者吃。而且有抗炎、抗氧化、增強血液循環、提高免疫力。

雪燕係雪燕樹既樹脂，與燕窩接近，對皮膚會有美白同補充骨膠原功效。雪燕含天然糖醛酸（含D-半乳糖醛酸），即係玻尿酸，可以有助改善肌膚乾燥，同時為皮膚補充水分。L-岩藻糖成分就可以調節人體膠原蛋白，令皮膚飽滿，有彈性。而L-阿拉伯糖，可以解決便秘問題，防止脂肪積聚，抒緩高血壓、高血脂等既三高都市疾病。

雪膠含豐富植物膠質最多既，每三克膠質提取液等於燕窩既五倍，堪稱植物膠質之最，而且屬於天然滋補佳品。雖然價錢比起另外三款平民燕窩貴少少，但亦係最接近燕窩功效。雪膠滋陰補腎、美顏抗衰老，抗氧化力比起維生素E仲要多10倍或以上，增強皮膚彈性，減少出現皺紋，有助減淡疤痕，防曬美白，大大改善皮膚狀況，絕對係肌膚逆齡之選。