彼得潘症候群6大特徵【我不想長大系列】

我不想長大系列 | 彼得潘症候群的6大特徵

彼得潘症候群6大特徵【我不想長大系列】

相信有好多人都有睇過由迪士尼製作既一套經典電影「小飛俠」,主角彼得潘(Peter Pan),其實佢係蘇格蘭小說家及劇作家詹姆斯·馬修·貝瑞(James Matthew Barrie)筆下既一個虛構人物,係最出名既劇作《彼得潘:不會長大的男孩》(Peter Pan: The Boy Who Wouldn’t Grow Up)同《彼得潘與溫蒂》(Peter Pan and Wendy)入面既一個角色,講述彼得潘係一個唔願意成長既男仔,同溫蒂.達林(Wendy Darling),以及溫蒂既2個細佬,帶同6個同父母走失既小朋友(遺失男孩,Lost boy)係夢幻島(或稱永無島,英:Neverland)歷險故事,當中遇到小仙子叮叮(另:小叮噹,Tinker Bell)、鐵鈎船長(另:虎克船長,Captain Hook)、美人魚、美國原住民等唔同既人物。

咩係彼得潘症候群 (英:Peter Pan Syndrome)?

過敏症狀 | 先天性體質、飲食習慣、心理壓力等等因素都可導致皮膚過敏

於1983年,心理學家丹·凱利(Dan Kiley)出版既書《彼得潘症候群:不曾長大的男人》(The Peter Pan Syndrome: Men Who Have Never Grown Up),正正就係因為彼得潘呢一個人物去表達出一種心理狀態,指一個人拒絕成長,拒絕進入大人既世界,而且,雖然外表係成年人,但無具備應對大人社會既能力,亦無能力去承擔責任,唔願意去愛人,只想被愛,認為其他人對自己既愛係理所當然。

雖然美國心理學會(American Psychiatric Association)無承認彼得潘症候群係屬於心理疾病,但就屬於一種「依賴性人格疾患」(英:Dependent Personality Disorder,縮寫為DPD)人格嘅心理障礙,有呢個疾病既人,一般都會逃避責任,處事比較唔成熟,而且會經常停留或留戀係少年時期,童心未泯,唔想長大。

彼得潘症候群特徵係點?

彼得潘症候群特徵 | 比較常出現於青春期時期

其實彼得潘症候群主要係青春期時期比較常出現,心理學家丹·凱利(Dan Kiley)提出有彼得潘症候群既人通常會具備呢6個特徵,唔同人會出現唔同既情況,常見係12-18歲左右出現4個特徵,包括無責任感、焦慮、孤獨、性別角色衝突,而另外2個特徵會係18-22歲出現,係自戀、沙文主義。彼得潘症候群同家庭環境有極大關係,丹·凱利當時認為,出世係比較富裕階層既小朋友,父母顧住做野賺錢,可能缺乏關心陪伴,一昧只係提供物質上既滿足,係管教約束同情感上未必完全可以支援到自己既子女成長,甚至,父母關係表面上相處融洽,但可能係虛有其表,而且媽媽既角色更偏向「犧牲」既角色,簡單D講,即係父母過度保護同溺愛,令到小朋友唔識面對困難或挫折。

彼得潘症候群特徵 1. 無責任感 (Irresponsibility)

彼得潘症候群特徵 | 無責任感

彼得潘症候群既人係無法承擔責任,尤其係成年人普遍承擔既責任,不能承認自己個失,丹·凱利提出佢地往往缺乏成熟穩定既性格,並經常將責任推卸俾人,怪責其他人,連其他人指責都接受唔到,加上個性又任性妄為,我行我素,可謂極端自我中心人格。

彼得潘症候群特徵 2. 焦慮 (Anxiety)

焦慮是彼得潘症候群的其中一個特徵

由於大部分患者因為父母關係唔係咁好,婚姻狀態通常都是出現左問題,令到小朋友比較容易處於緊張、焦慮狀況,缺乏安全感。而且自細生活環境太受父母影響,可能大個之後會用相同既方法去逃避責任同問題,避免同另一半有正面衝突。

彼得潘症候群特徵 3. 孤獨 (Loneliness)

彼得潘症候群特徵 | 孤獨感

小朋友就特別怕悶,由細到大都無人教點同人相處,父母只提供金錢同物質,少有貼貼實實去陪伴小孩,但情感上就經常被人忽略,令到佢地偏向習慣一個人,唔識同人相處,或者相反,會積極去識朋友,令到生活圈子熱鬧,減少內心既孤獨感。

彼得潘症候群特徵 4. 性別角色的衝突 (Sex Role Conflict)

大男子主義是彼得潘症候群的特徵之一

呢個特徵通常以男性為主,佢哋會將自己收埋,對外人或陌生人都極之被動內向,唔會接受自己既情緒或感受,係父母面前,或者另一半面前,或關係親密既人面前,佢哋反而比較情緒化、同軟弱,就好像小朋友咁,但相反,係其他人面前,佢哋表現得比較大人,堅強等,甚至表現出「大男子主義」,事實上只是偽裝堅強一面。

彼得潘症候群特徵 5. 自戀 (Narcissism)

彼得潘症候群特徵 | 自戀傾向

由於彼得潘症候群既人唔識處理自己既情緒同性別角色的衝突既時候,得唔到安全感,就會自我產生一種自戀既方式去保護自己既防衛方式,即係自我感覺良好,佢哋會過度緊張自己外表同幸福,唔理會其他人感受。

彼得潘症候群特徵 6. 沙文主義 (Chauvinism)

沙文主義跟彼得潘症候群有所關連

同自戀一起產生既沙文主義,類似大男人主義,因為成長環境中,父母角色影響到佢地既觀念同價值觀,媽媽往往係犧牲、服務家庭既角色為主,令到佢地唔知點去同女性平等相處,亦未必識得尊重女性。

甚至,去到30歲之後,得潘症候群既人更有可能會出現意志消沉(Despondency)。因為習慣左,或者察覺到自己出現左得潘症候群而改變唔到,亦有人組織左家庭,都承擔唔到家庭責任,仲有可能感覺到更孤獨焦慮。

講左咁多關於彼得潘症候群特點,大家如果想了解一下自己,或者另一半有呢個潘症候群,可以上網做下彼得潘症候群測驗。同時,希望大家在成長既同時,依舊可以保持赤子之心,以正確既態度去面對大人既世界。

以上資訊由Kama Delivery整理及提供,希望可以幫到讀者更加了解到彼得潘症候群,從而知道患者既難處,置身處地咁諒解到別人。

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

部份圖片出處

https://www.pexels.com

https://www.unsplash.com

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。