購物車內無任何商品
posts
【復活節兒童節假期攻略2023】
【復活節兒童節假期攻略2023】
2023年嘅4月份，可以話係一眾打工仔嘅福音，如果拎六號一日假，連同五號清明節，就可以一連放六日長假期，除左出國旅遊，一家大細一樣可以留港消費，推動本土經濟又可嘗唔係一件好事呢？係呢個悠長假期入面飲飲食食，同小朋友周圍去買圍探索香港，復活節、兒童節、清明節三節緊扣一起，中西共融，意義深遠，仲未知點安排行程？睇落去會幫到你。
復活節 2023／四月七日至四月十日
復活節耶穌於受難日大愛殉教，代替世人贖罪，被釘上十字架，復活係因為神既全能。而兔同雞蛋點解係復活節嘅象徵物，原因係兔繁殖力強，一胎多產，象徵強大生命力，另外，小雞從雞蛋內破殼而出，象徵重生，跟復活節意義不謀而合。知道呢啲資料好重要，復活節當然係帶小朋友去酒店Staycation啦，酒店一般復活節都有親子活動，例如DIY復活蛋，DIY兔嘅造型甜品等，有得玩之餘可以促進親子感情，但當你嘅仔女問起你，復活節係咩？點解要整復活蛋等，你都唔駛口啞啞先，最緊要係令小朋友學習慢慢感恩嘅心，寓教於樂。
當然就算你未有小朋友，一班朋友今年去唔到旅行，Staycation都係一個好選擇，酒店一般都有復活節住宿優惠，冇得去旅行，住下酒店當去左囉，解決左住又點可以少左食？食自助餐？女士又唔敢食太多，細路又食唔到咁多，好蝕架嘛，Kama Delivery嘅復活節到會外送會係你選擇之一，無論你係一對戀人、一家大細、一班閨蜜、死黨都好，我地都有唔同人數嘅套餐類型以供選擇，所謂有得揀，先至係老闆。
兒童節 2023／四月四日
兒童節目訂立目的係鼓勵促進成人與孩子之間嘅交流同了解，爸爸媽媽營營役役工作，都係為咗俾自己仔女有最好嘅生活，最好嘅教育，忙於工作有時缺乏同仔女溝通，兒童節希望透過節日喚醒家長對仔女嘅關愛，平衡工作及屋企人嘅需要。香港對兒童節既表現較平淡，可能因為兒童節其實唔係假期，所以通常都係買份小禮物，有時仲會因為同小朋友少溝通，都唔知買咩好。近年亦因為疫情關係，家長多在家工作，仔女停學，朝見口晚見面，先多左溝通，亦開始注意自己太醉心工作，仔女其實都好孤單，尤其獨生的話更加嚴重，所以家長們可以揀響屋企會所或Party Room約埋其他寶爸寶媽，一齊慶祝兒童節，帶埋仔女出去威下，令小朋友接觸多d人，識多d朋友，亦同時觀察下小朋友響交友或者待人接物有冇需要幫助，仔女響學校遇上問題，家長未必會知，所以舉辦兒童節派對，孩子開心之餘，家長亦能多了解孩子，一舉兩得，我們亦有為兒童訂立嘅到會美食，為會所及Party Room等不能提供食物嘅場地提供到會服務，至今已服務超過100個兒童主題派對，包括生日會、兒童節Party、百日宴等，絕對係信心之選。
清明節 2023／四月五日
清明節緊接兒童節之後，當日係以祭拜的形式紀念先人，後代子孫一齊響祖先墓前，祭拜及焚香，清潔打掃墓園，表達慎終追遠的心意。有家長會怕小朋友攰，扭計之類就避免帶小朋友去，其實咁樣係大錯特錯，小朋友可能出世之前，先人就已經不在人世，家長應該藉住清明節呢個機會，帶小朋友認識自己的祖先，無佢地辛苦建立，又點會有而家嘅美滿家庭呢？百行以孝為先，從少建立感恩嘅心，將來感恩父母，清明節辛苦一日半日，值得嘅。祭祖當然唔少得三牲，所謂三牲即五牲取其三，包括全豬，雞，鴨，魚或蛋（或其他牲畜，例如羊），祭祖完畢就全家族一齊食，香港人一般響燒臘店買，燒臘店同Kama Delivery最大嘅分別，係我地可以響指定時間範圍將食物送到交收地點，就算冇揸車都唔駛自己響燒臘店拎去祭祖嘅地方，另外包裝及保溫，我地亦做得比較出色，至少食嘅時間，唔會冷冰冰，咁清明節祭祖，Kama Delivery有咩選擇呢？
「清明節窩心選擇」精選散叫到會美食
除了以上的精選套餐跟美食之外，我地亦可為你度身訂造理想嘅外賣餐單，有專人跟進食物份量同報價，亦有素食人士專屬餐單，菜式選擇多元化，就算響香港過節，都夠哂儀式感啦，歡迎同我地Kama Delivery聯絡查詢。小編係度預祝大家有個既開心又充實嘅悠長假期！
聯絡我們
WhatsApp 查詢／訂購熱線：5188 0757 / 6599 9941
Email：info@kamadelivery.com
追蹤我們
延伸閱讀
部份圖片出處｜Freepik
＊未經許可，以上圖片及文章不得轉載或引用＊
最新優惠
多人到會套餐
一人自選餐盒
單點到會美食
BBQ燒烤到會
素食到會
KAMA BLOG