必食港式糖水10款推薦【認識香港糖水文化】

聽講楊枝甘露最初係由香港利苑酒家1984年首創，食材有柚子，芒果，西米，椰汁，鮮忌廉同糖水。由於口感滑潤，又清甜爽口，似觀音用楊柳枝撒發甘露咁，令人神清氣爽，所以取名做「楊枝甘露」，連台灣美食作家蔡珠兒都曾經形容楊枝甘露為「始以甜香軟媚，終以清酸爽脆」。

天氣咁熱，不妨叫碗經典款式腐竹白果雞蛋薏米糖水，因為入面有清熱祛濕功效既白果同薏米，可以清除燥熱，仲可以延緩皮膚衰老，防止皮膚粗糙嫁。另外，腐竹含豐富既蛋白質，同時含水量少，可以補充人體蛋白質，男女都咁岩。

番薯低熱量又有飽腹感，而且含有豐富既膳食纖維，又可以促進腸道蠕動，預防便秘問題。另外，番薯仲含有豐富維他命A，令到細胞得到保護，維持免疫力。有D糖水舖仲會加入薑汁，做到驅寒暖胃既效果，港人秋冬必食。

如果有失眠，又或者對女性，都非常適合飲嫁，因為中醫認為桑寄生屬於生性溫平，功效亦有好多，治失眠、補益肝腎、強壯筋骨、行氣活血、祛風濕，而且仲可以治經痛調理月經。另外蓮子又係清心安神，對睡眠有幫助。

雙皮燉奶，又叫雙皮奶，出自廣東順德。雙皮奶指D奶係煮既過程中整出兩層奶皮。過程唔算複雜既，將奶放進入鍋中煮熱，之後倒進另一個碗內，待冷卻同凝固成奶皮，再輕手倒出牛奶，再另外再加蛋白煮熱D奶，然後倒入奶皮一齊燉，而食雙皮燉奶最有名就莫過於澳洲牛奶公司，仲可以食甜品順便食埋正餐！

作為平民燕窩既雪耳，含有豐富既膠原蛋白，可以保持肌膚彈性，絕對係逆齡補品，另外，雪耳同木瓜都係含豐富膳食纖維，排走毒素，排便暢通個人都輕鬆啲啦。

山水豆腐花主要係用黃豆製成，含有蛋白質、磷脂質、植物固醇，能幫助改善脂肪既代謝，而且亦含蛋白質及鈣，可預防骨質疏鬆。好多人食豆腐花，一定會加埋薑汁，黃糖同糖水，注重健康既大家要留意糖既攝取量啦。

喳咋以各種豆類為主，有紅豆、綠豆、眉豆、紅腰豆、三角豆等，另外仲有芋頭、西米、椰漿同埋淡奶。喳咋可以補氣祛濕、健脾、消暑利水，集合咁多種材料，食落口感豐富又有咬口，尤其適合需補氣祛濕者飲用嫁，香港天氣濕氣咁重就岩晒啦。

傳統既糖水舖既湯圓有幾款唔同口味，芝麻餡、花生餡、紅豆餡、奶黃餡等，通常以薑汁作糖水既底，可以中和到湯圓既甜，而湯圓更係傳統節日或喜宴常客，寓意合家幸福，團團圓圓！

咩係二沙三糊？其實二沙係指紅豆沙同綠豆沙，三糊就係芝麻糊，杏仁糊同合桃糊（另一寫法: 核桃糊）。