【情侶間最難頂嘅5句口頭禪】

情侶間最難頂嘅5句口頭禪?講咗就加劇分手?

【情侶間最難頂嘅5句口頭禪】

情侶相處之道有好多竅門,絕對是一門高超藝術,但有時爭執、矛盾幾乎無可避免,鬧起交上黎除咗一啲互相傷害嘅晦氣說話外,仲包括一啲口頭禪,呢啲口頭禪比一時衝動講出口嘅說話更加惡頂,可以話係一種日積月累嘅慢性傷害,所謂冰封三尺非一日之寒,情侶間分手有時因為一件芝麻綠豆小事,但真正分手原因同呢件小事幾乎無關,情侶間最難頂嘅5句口頭禪,你有冇份呢?

惡頂口頭禪 1. 你識我果刻已經知我係咁

口頭禪 | 你識我果刻已經知我係咁

係咪耳熟能詳呢?呢句口頭禪堪稱港人經典,男好女好都可能講過,好似好合理嘅一句辯解,其實自私到飛天,有冇諗過點解識你果刻都知你係咁,你而家先摷返出嚟講?係因為開始拍拖嘅時候,呢個行為佢係討厭,但佢嘗試接受、忍受,又或者當時呢個行為唔太影響關係,剛剛開始,接受唔到大不了放棄,但當愛愈嚟愈深,佢希望你能夠為呢段關係改善一啲行為,但呢句口頭禪等同將佢一直以嚟嘅包容視若無睹,舉個例子,假如你一直唔上進,生活得過且過,你另一半一直包容,希望你會改,可能一開始大家拍拖唔駛好多錢,但之後計劃同居、結婚、買樓,因為處境唔同左,又點可以同當初比較呢?

惡頂口頭禪 2. 你鍾意點諗就點諗

你鍾意點諗就點諗 | 情侶間最難頂嘅口頭禪

唔好同我講你冇講過,呢句口頂禪幾乎同早晨一樣咁常見,但傷害性極強,忔人憎到爆,你鍾意點諗就點諗意思你我並唔在乎你嘅想法,我要講就講哂,一件事可能好簡單,可能中間冇誤會,但你懶得再解釋,你講得呢句說話,即係你明知對方心存誤會,但你隨便佢胡思亂想,愈多嘅誤會,唔解開結愈嚟愈多,最後變成計時炸彈,一發不可收拾。

惡頂口頭禪 3. 真係同你溝通唔到

口頭禪 | 真係同你溝通唔到

當情侶各執一詞,就會出現呢句口頭禪,大家都講廣東話有咩溝通唔到呢?只係一方失去耐性,拒絕溝通唔想再同你講嘢,或者你期望你講半句,佢就知道哂意思,但當不合期望嘅時間,你就會以溝通唔到作為理由責怪、發洩。好多時你覺得對方冇將你放心上,對你嘅說話隨便應對,但可能果時佢諗緊其他嘢,又或者你嘅表達能力唔太理想,人同狗都溝通到,學達叔話齋:「你唔係覺得自己衰過隻狗呀?未必架喎!」

惡頂口頭禪 4. 得!你啱哂,我錯哂!

「得!你啱哂,我錯哂!」情侶間最難頂嘅口頭禪

最無誠意嘅認錯方法就係唔知自己錯喺邊度就認錯,明明知道唔會解決到問題,呢句通常係出自男方口中,相信大家都有聽過,80%嘅男人根本唔知另一半嬲咩;10%嘅男人連另一半嬲緊都唔知,唔怕,仲有10%,呢10%根本唔在意你嬲唔嬲,只係覺得好煩,所以女士們,唔好對男人嘅情商期望太高,有本書叫男人來自火星,女人來自金星,來自唔同星球,點估到你嬲咩?呢句口頭禪係難頂,但佢見到你乸口乸面,自己又成頭黑人問號,都好難頂,有咩唔妥,寧願你一嘢轟落去。

惡頂口頭禪 5. 是但啦

口頭禪 | 情侶間最難頂就係講「是但啦」

唔好睇呢句說話簡單三個字,但亦極具傷害性,比粗口更難聽討厭,通常出自女方口中。

去邊呀?是但啦!
食咩呀?是但啦!
好唔好呀?是但啦!

如果你真係是但又唔驅,但可惜女人話是但,其實唔係是但,男生聽到是但,佢真係會是但求其,女生口中嘅是但,意思係同你拍咗拖咁耐,你應該好了解我嘅喜好或者選擇,你響我認為好嘅選擇中是但揀一樣,係呢個是但啦,當男生作出錯誤選擇後,女朋友就會嬲你唔了解佢,但你明明話是但,咁我咪是但囉,嬲what呀?男生響巨大壓力之下,失去耐性,問左好耐都唔知你嬲咩,佢就會講出口頭禪:

「都係你啱哂,我錯哂!」
然後女生就會講:「真係同你溝通唔到!」
男生就會講:「你鍾意點諗就點諗,我根本唔會知你嬲咩,你識我果刻已經知我係咁!」

Kama Sweet for TWO

$658$728

套餐內容介紹

🔷 適合慶祝生日、拍拖、結婚週年紀念日、Staycation、二人世界等場合享用

貨號: 不提供 分類:
查看內容

情侶間貴乎坦誠相待,有咩咪開聲講囉,情侶間最難頂嘅口頭禪會講出口源自於失去耐性,往往係嘈交嘅起源點,男生要有耐性氹女朋友或者老婆,女生要有耐性諒解男朋友或者老公,男女之間冇Prefect Match,所以先需要耐性包容、磨合。有咩唔岩講到岩,兩個人有緣在一起,不妨多啲氹下對方,唔一定要下下一擲千金,簡簡單單兩個人食餐飯,營造下小驚喜,Kama Delivery 2人世界套餐:Kama Sweet For TWO就岩晒,只要幾百蚊仲可以免費送貨,無論送去小窩居抑或酒店Staycation都得!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYoutube

延伸閱讀


部份圖片出處|TVBViuTv

*未經許可,以上文章不得轉載或引用*