【感冒分別】傷風感冒 VS 流行性感冒

感冒分別 【傷風感冒 VS 流行性感冒】

成日都聽到人話患上感冒，你又知唔知道感冒有分幾種，一種叫傷風感冒，另一種叫流行性感冒，感冒原因係乜引起？症狀、病徵有咩分別？嚴重性又有咩唔同？傷風感冒食咩好？香港天氣愈來愈變化莫測，一時熱、一時凍咁，濕氣又重，地小人多，一個唔小心，好容易就會病。大家一齊認清唔同感冒嘅分別啦！

其實傷風感冒係2種疾病，傷風感冒既病徵非常相似，好容易混淆，2者都有機會引起流鼻水、鼻塞、發燒、咳嗽及喉嚨痛呢啲症狀，但係感冒比起傷風，仲會引起發高燒及肌肉疼痛等既症狀。其實普通傷風同感冒大多數係由病毒引起，所以服用抗生素既效用唔太大，反而要靠病患者既自身免疫系统進行自癒康復，即係大家嘅抵抗力。另外傷風就係上呼吸道感染既俗稱，病毒（包括鼻病毒、副流感病毒、冠狀病毒、腺病毒、呼吸道合胞病毒、人類偏肺病毒和流感病毒等）會係鼻腔、喉嚨、鼻竇、氣管和支氣管等既表層上繁殖，感冒主要既病徵有鼻塞、流鼻水、打噴嚏、喉嚨痛和咳嗽，亦可能會出現發燒、肌肉痠痛和疲倦，病徵通常會維持一星期。雖然大家都係會經飛沫傳染，但普通傷風一般會較快康復。

流行性感冒病徵與傷風一樣，由流感病毒引起，但流感會令肌肉痠痛既情況更加嚴重，病毒有存在高度傳染性，會透過由空氣傳播，有1至3天潛伏期，可能會引起特殊呼吸道感染。但係流感係高燒果陣好少產生併發症，但同其他病毒感染一樣，身體抵抗力會比較弱，還有機會引起第二次感染，流感康復後既幾星期內可能仲會感到疲倦，某程度上流感對於大部分健康既成年人，只屬於比較嚴重既感冒。相反，對小孩、老人家同患有慢性疾病既人，流感好容易會引發嚴重既併發症，其中大多數都與肺部的繼發性細菌感染（肺炎），或同耳朵、鼻或喉嚨既繼發性細菌感染有關，如肺炎、支氣管炎、中耳炎、鼻竇炎等症狀。

除咗病徵上有差別之外，流感同普通傷風都會有唔同既病發期。普通傷風是四季流行疾病，而流感就於十一月至二月等秋冬季至初春最常見，是季節性爆發既疾病，因為冬天溫度低，啲人比較留係室內避寒多，又加上會閂埋窗，開暖氣等，導致室內空氣唔流通，令細菌容易交叉感染，抵抗力弱既人最易發病。

「正所謂知己知彼，了解清楚病因同病徵，就可以對症下蘗！」