慶祝萬聖節 2023【認識Halloween由來及故事】

慶祝萬聖節 2023【認識Halloween由來及故事】

慶祝萬聖節Halloween，相信好多人都經歷過，咁到萬聖節嘅由來係點，又有啲咩好慶祝呢？相信冇咩人知道，但大家都知道萬聖節同鬼有關，即西方鬼節，雖然大家都有鬼節，但中西鬼節無論氣氛同文化都截然不同，中方鬼節係農曆七月十四日，所謂鬼門關大開，鬼就可以上陽間，稱為盂蘭節，中國鬼節大家都提早回家，避免夜間出門，避免撞到所謂污糟嘢，但萬聖節唔同，氣氛反而係輕鬆愉快，甚至徹夜慶祝，咁到底萬聖節係個咩故事，而慶祝嘅又係咩呢？

1. 萬聖節嘅背景

點解慶祝萬聖節，當然先要了解一下呢個節日背景嘅由來，每年西曆10月31日就係萬聖節Halloween，西方一般認為10月最後一日代表夏天終結，魔鬼、惡鬼及靈魂都會出現人間，所以當日民眾會以衣著、面具化身成唔同嘅形象，最緊要唔係阿媽認唔認得，係死神唔好認得，避災消禍，當萬聖節舞會結束後，所有鬼神都會歸位，恢復正常，久而久之，舞會形式演變成萬聖節派對，慶祝當日死神冇認出自己，當然，時至今日，慶祝萬聖節只係一個派對主題，雖然唔係假期，但萬聖節氣氛依然濃烈，每日大家都四出哈佬喂！

2. Trick or Treat

萬聖節當日最出名嘅活動係Trick or Treat，即係「不給糖就搗蛋」，小朋友都會響Halloween挨家挨戶敲門，向屋主大叫口號Trick or Treat，攞正牌問屋主攞糖，因為相傳提供食物俾人會換嚟好運，但最後演變成問屋主攞錢，唔俾嘅話佢地可能會整古你，不過都係小整，嚇下你或者水槍射下你，扮下受驚就冇問題，小朋友都係為左果份滿足感姐。

3. 南瓜點解同萬聖節有關？

另一個慶祝萬聖節嘅主角食物就係南瓜，萬聖節同南瓜係點扯上關係？相傳響愛爾蘭有個叫Jack嘅男人，身為酒鬼嘅Jack可能飲大咗，設計呃左惡魔上樹之後，隨即響樹幹刻上十字架，惡魔亦唔敢落嚟，佢哋訂立協議，惡魔唔能夠騷擾佢，佢先放返惡魔落嚟，當阿Jack死咗之後，因為曾得罪惡魔，天堂唔收地獄唔收，惡魔見佢咁慘，俾左一小塊灰燼佢，叫佢搵個地方自生自滅，咁佢就搵左個有窿嘅白蘿蔔，等火種可以燒耐啲，後人模仿發覺南瓜更適合，南瓜同萬聖節從此關係密切。

4. 萬聖節嘅相關角色

西方有好多出名嘅角色都同萬聖節有關，但無論造型、背景都同中國鬼節嘅鬼怪有好大分別，中國鬼節一般就靈體、鬼魂即係塊面青青地色，笑起嚟又好刺激果隻，恐怖驚嚇為主，不及西方Halloween嘅角色多樣化，例如吸血鬼、南瓜、女巫、蝙蝠、精靈，惡魔等，行科幻路線，唔會太嚇人，例如西方吸血鬼一係著哂西裝一係靚仔到暈，唔講仲以為係模特兒，而且好多接觸小朋友嘅角色都會響萬聖節當日裝扮一下，小朋友自細對慶祝萬聖節已習以為常，氣氛比較輕鬆，而香港對慶祝萬聖節嘅期待亦相當高，更加會改頭換面，悉比打扮應節。

香港慶祝萬聖節嘅方法非常單一，亦冇挨家挨戶問人攞糖，一般都係裝扮下去蘭桂坊、酒吧或者朋友屋企、Party Room等大吃大喝一番，叫美食到會嘅不二之選當然要揀我地Kama Delivery啦！無論多人美食到會套餐定家庭聚餐甚至2人燭光晚餐，我地都有唔同嘅套餐配合閣下嘅需要，只要滿訂購金額，我地嘅免費送貨服務能覆蓋全港九龍新界，歡迎瀏覽我地網站或WhatsApp我地訂購，慶祝萬聖節或者任何重要節日，記得早幾日訂購，預祝大家都有一個開心嘅哈佬喂！

點我查看節日外賣套餐

聯絡我們

WhatsApp 查詢／訂購熱線：5188 0757 / 6599 9941

Email：info@kamadelivery.com

追蹤我們

Facebook．Instagram．Youtube