【抽筋6大原因】原來食通菜會腳抽筋?

【抽筋6大原因】原來食通菜會腳抽筋?

【抽筋6大原因】原來食通菜會腳抽筋?

點解經常都聽到人話食通菜會抽筋?人又點解會出現抽筋既情況?咁係咩情況下會出現抽筋?一到夏天,就係通菜當作既季節,通菜又叫「蕹菜」,主要有青白色同深綠色2類,呢2類都係含有豐富既膳食纖維、胡蘿蔔素、鉀質同維他命C,但係,通菜亦含有大量既草酸,而草酸會影響吸收鈣質,減少血液中既鈣含量,當血液中既鈣含量下降,就有機會引發起抽筋既情況,所以又稱「抽筋菜」。有無話要食幾多通菜就會抽筋?其實營養師有指出食一般正常分量都安全既,未必足夠引致血鈣出現過低,所以唔需太擔心。

如何減低食通菜出現抽筋問題?

抽筋原因 | 如何減低食通菜出現抽筋問題?

香港人出街食粉麵好多時都會配碟腐乳通菜,咁如果係屋企想食通菜,但又想避免出現抽筋可以點做?因為草酸容易溶係水,所以係煮食前用清水預先浸耐少少D通菜,再用少油快炒既方法,令到通菜入面既草酸量減低。

【免運費】素食到會

 素食 
 素食 
$120$180
 素食 
 素食 
$96$144
 素食 
 素食 
$178$288
 素食 
 素食 
 素食 
 素食 
 素食 

除左食通菜會抽筋之外,仲有咩情況會出現腳抽筋?

腳抽筋的主要成因

抽筋既主要成因,多數係因為身體電解質不足、血液循環唔好、又或者係肌肉過度疲勞等等。另外,最常係做運動時出現抽筋,或者訓覺既時候發生抽筋。

抽筋原因 | 電解質不足會引致肌肉無法正常收縮

常見抽筋原因 1. 電解質不足


身體缺乏左1D鎂、鉀、鈉、鈣、維他命B12等既物質,由於鈣係對神經肌肉傳導劑好重要既一環,會令到肌肉可以維持正常收縮,鈣不足就會增加神經敏感度,所以缺乏鈣質而會導致抽筋情況。

咁我地平日要注意營養攝取,補充足夠既鈣、鎂、鉀、鈉,最好以多元化同要從原型食物攝取為主,避免電解質缺乏,如香蕉同蕃薯可以補到鈣、鎂、鉀,牛奶補到鈣、鉀、鈉,深綠色蔬菜就補鈣和鎂,例如菜心、芥蘭、秋葵,另外,補充維他命 B,都可以靠進食穀物類(包括紅米、糙米、全麥麵包)、肉類豆類果仁等補充。

長時間穿著高跟鞋會導致血液循環不良及抽筋

常見抽筋原因 2. 血液循環問題


血液循環唔好,有機會因為長時間著高跟鞋,令到局部血液循環差同埋肌肉疲勞,導致腳趾抽筋。扁平足都係導致站姿唔好,又或者大家坐姿不當,或者長時間保持同一個姿勢,都會影響到血液循環差嫁。

另外,周邊性血管既阻塞,例如有冠心病、高血脂症、糖尿病、血壓高等危險因素既人都好容易出現抽筋。大家不妨多D做伸展活動,例如弓箭步,可以伸展小腿。坐得太耐或者企得太長時間,就記得轉轉姿勢,或者休息下。

5大素食種類有什麼分別?棉花糖居然不是素食?

【5大素食種類】素食者種類共有五種,分別係全素或純素、奶素、蛋素、蛋奶素及植物五辛素,雖然都係素食種類但五者卻有著各自的特色,素食人士選擇那種素食類型是個人選擇,原因包括健康、瘦身、宗教等,素食文代亦日漸成熟,例如由植物制成的素食⋯⋯ 繼續閱讀

抽筋原因 | 肌肉過勞會導致脫水及電解質失衡,從而引發抽筋

常見抽筋原因 3. 肌肉過勞


運動既時候,身體會先消耗肝醣做為能量既來源,而當肝醣消耗愈快,例如短跑衝刺,或者無補充適當既水或熱量,導致肌肉缺乏能量,就容易造成抽筋情況。而且運動時會大量出汗,身體就會因為出汁而流失水分同電解質,導致脫水同電解質失衡,會容易抽筋。

所以,做運動之前同之後,都要做足夠既熱身拉筋,令到肌肉可以有得到舒緩同適應,避免出現肌肉過勞。另外,亦需要補充足夠既水份或電解質,尤其係鉀離子,確保避免流失過多水份而引起抽筋既情況。

中風或感染破傷風菌的病人會出現肌肉抽搐的現象

常見抽筋原因 4. 神經系統方面


當末稍神經動作電位出現異常釋放,周邊既神經病變(包括運動、感覺及自律神經),例如中風病人,或感染破傷風菌而影響中樞神經(大腦與脊髓),導致肌肉抽搐。

到會外賣小食


超過80款小食任君選擇


24小時網上自助訂購


按需要加購件數


點我查看完整餐單

抽筋原因 | 懷孕20周之後的孕婦會經常有出現抽筋的情況

常見抽筋原因 5. 懷孕


懷孕20周之後既孕婦都會經常有出現抽筋既情況,主要係因為身體血液總容量增加,導致血液入面既電解質出現唔平衡,同時當子宮愈來愈大,對盆腔血管同埋神經線造成左壓力,令到下肢血液循環變得唔順同減慢,另一方面,孕婦容易出現嚴重嘔吐,令到體內電解質失去平衡,血液內既鉀同鈣過低,而導致小腿容易抽筋。

部分藥物如避孕藥、利尿劑、類固醇、胰島素會引起抽筋的情況
常見抽筋原因 6. 藥物

通常有服用開特定既藥物,又或者係長期食呢D藥物,例如抗精神性藥物、避孕藥、利尿劑、類固醇、胰島素或者降血脂藥物等,都會容易引起抽筋既情況。出現頻繁抽筋,大家記得係定期覆診既時候同主診醫生講,醫生因應情況可能會改變藥物既服用劑量,或者換另一款藥物去改善抽筋情況嫁。

熱水澡能保持小腿溫暖,有助降低抽筋的機會

【溫馨提示】最後,如果平時睡覺中既時候特別容易小腿抽筋既人,係訓覺之前應先洗熱水澡,或者熱敷小腿,同時配合適當既肌肉伸展運動,有作加強血液既循環作用,另外都必須保持小腿溫暖,防止小腿受冷而令到血液循環變差。

講左咁多抽筋既原因,等大家可以減少出現抽筋情況,如果發現自己仍然反覆發生抽筋,建議到醫院請醫生詳細評估同檢查,搵出原因,及早治療,所以唔好睇少抽筋呀,不論係小病定大病,愈早發現就可能愈早治療好,有好既身體,就代表有本錢去食好野,四圍去玩,而家先食住我地Kama Delivery既到會,然後一邊好好計劃去邊度玩啦!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Pexels

*未經許可,以上文章不得轉載或引用*