【抽筋6大原因】原來食通菜會腳抽筋？

常見抽筋原因 1. 電解質不足

身體缺乏左1D鎂、鉀、鈉、鈣、維他命B12等既物質，由於鈣係對神經肌肉傳導劑好重要既一環，會令到肌肉可以維持正常收縮，鈣不足就會增加神經敏感度，所以缺乏鈣質而會導致抽筋情況。

咁我地平日要注意營養攝取，補充足夠既鈣、鎂、鉀、鈉，最好以多元化同要從原型食物攝取為主，避免電解質缺乏，如香蕉同蕃薯可以補到鈣、鎂、鉀，牛奶補到鈣、鉀、鈉，深綠色蔬菜就補鈣和鎂，例如菜心、芥蘭、秋葵，另外，補充維他命 B，都可以靠進食穀物類（包括紅米、糙米、全麥麵包）、肉類、豆類、果仁等補充。

常見抽筋原因 2. 血液循環問題

血液循環唔好，有機會因為長時間著高跟鞋，令到局部血液循環差同埋肌肉疲勞，導致腳趾抽筋。扁平足都係導致站姿唔好，又或者大家坐姿不當，或者長時間保持同一個姿勢，都會影響到血液循環差嫁。

另外，周邊性血管既阻塞，例如有冠心病、高血脂症、糖尿病、血壓高等危險因素既人都好容易出現抽筋。大家不妨多D做伸展活動，例如弓箭步，可以伸展小腿。坐得太耐或者企得太長時間，就記得轉轉姿勢，或者休息下。

常見抽筋原因 3. 肌肉過勞

運動既時候，身體會先消耗肝醣做為能量既來源，而當肝醣消耗愈快，例如短跑衝刺，或者無補充適當既水或熱量，導致肌肉缺乏能量，就容易造成抽筋情況。而且運動時會大量出汗，身體就會因為出汁而流失水分同電解質，導致脫水同電解質失衡，會容易抽筋。

所以，做運動之前同之後，都要做足夠既熱身同拉筋，令到肌肉可以有得到舒緩同適應，避免出現肌肉過勞。另外，亦需要補充足夠既水份或電解質，尤其係鉀離子，確保避免流失過多水份而引起抽筋既情況。

常見抽筋原因 4. 神經系統方面

當末稍神經動作電位出現異常釋放，周邊既神經病變（包括運動、感覺及自律神經），例如中風病人，或感染破傷風菌而影響中樞神經（大腦與脊髓），導致肌肉抽搐。

常見抽筋原因 5. 懷孕

懷孕20周之後既孕婦都會經常有出現抽筋既情況，主要係因為身體血液總容量增加，導致血液入面既電解質出現唔平衡，同時當子宮愈來愈大，對盆腔血管同埋神經線造成左壓力，令到下肢血液循環變得唔順同減慢，另一方面，孕婦容易出現嚴重嘔吐，令到體內電解質失去平衡，血液內既鉀同鈣過低，而導致小腿容易抽筋。

常見抽筋原因 6. 藥物

通常有服用開特定既藥物，又或者係長期食呢D藥物，例如抗精神性藥物、避孕藥、利尿劑、類固醇、胰島素或者降血脂藥物等，都會容易引起抽筋既情況。出現頻繁抽筋，大家記得係定期覆診既時候同主診醫生講，醫生因應情況可能會改變藥物既服用劑量，或者換另一款藥物去改善抽筋情況嫁。