【指甲顏色紋路揭示身體隱藏健康信息】2大指甲形態讓你一目了然

指甲顏色紋路揭示身體隱藏健康信息?2大指甲形態讓你一目了然

【指甲顏色紋路揭示身體隱藏健康信息】2大指甲形態讓你一目了然

指甲顏色與坑紋,原來係反映身體健康狀況既其中一種方法,點解咁講?因為指甲係代表人體精氣同氣血運行,大家可以留意一下自己既手指甲,有無坑紋,有無月牙,相信好多人既指甲都會有坑紋,月牙就未必個個有,所以小編同大家一齊了解下,不同指界形態到底對身體會出現咩問題啦。

1)月牙

指甲顏色紋路 | 月牙的大小跟顏色均可反映身體狀況

其實指甲月牙係指甲根部既半月部份,又有人叫甲半月,月牙都有分好多種,半月、大半月同小半月,亦有分唔同顏色。

指甲半月:佔指甲既面積1/5。


如果呈奶白色,就屬於健康狀況。如果出現其他顏色,就要留意返啦。

指甲大半月:佔指甲1/3或以上既面積。


要小心高血壓、中風等健康問題,通常因為壓力而引起,所以需要留意生活、工作等既壓力,適當時要減壓調劑一下。

指甲小半月:只係佔好小部分,甚至近乎得一條線。


月牙好小既人,血氣不足,血液循環唔好,手腳容易感到冰冷,免疫力系統較差,可能會有血壓低既情況,所以要補充元氣,攝取足夠營養,多作補充鐵質吸收。

指甲月牙顏色

呈奶白色的月牙是最健康的,相反出現其他顏色的月牙,則代表身體可能出現問題

健康既顏色就係呈奶白色,但出現紅色,代表心臟可能有問題,例如心臟過勞、心衰竭等。如果係粉紅色月牙,或接近膚色,代表身體處於過度疲勞、體力透支,或者要留意肺部既問題。出現紫色月牙,即係血氣循環差,容易出問題,頭暈或頭痛等。若果發現月牙出現灰色,可能係營養不良,消化較差,身體疲倦等。如果月牙係出現嚴重既黑色,除左係外在因素之外,例如撞傷,夾傷,需要去醫院檢查一下,尋求醫生專業意見,因為可能係中毒既先兆。

簡單D講,月牙面積越小,代表身體狀況越差,顏色越奇怪,就要更加小心。但要留意,如果指甲出現少量白點,而唔係月牙,即係缺乏鈣質、矽質或有寄生蟲病,但突然間數量變多,可能因為經常熬夜,慢性疾病或長期便秘等。如果係黃色,就係小心消化系統疾病嘅健康問題。

2)指甲坑紋

指甲顏色紋路 | 不良的生活習慣或疾病先兆,均可令指甲出現坑紋或者凹凸不平

除左月牙可以反映身體健康狀況之外,仲可以經指甲表面既紋路去關注返身體狀況,點解手指甲會出現坑紋或者凹凸不平,可能都係D不良既生活習慣,或者疾病既先兆。

直線形坑紋(甲縱線)


當指甲表面上出現一條條直紋,指甲既營養出現缺乏,特別係維他命A。亦代表身體處於過度操勞,腦力負擔過重,身體機能下降,所以指甲開始出現直紋。如果出現黑色紋路,要多加留意肝同腎臟功能。

橫紋


通常缺乏蛋白質,維生素,同微量元素。但要小心有可能因為身體出現問題,橫紋係同系統性疾病相關,例如,慢性肝炎、腎病症候群、腎小球腎炎等,甚至同化療,外傷有關係。

點狀凹陷指甲


有一部分人會因為壓力過大而令到身體免疫力同抗體下降,從而導致感染黴菌,例如香港腳。另外,有可能因為做開重體力勞動既人,都會有機會出現指甲凹陷。如果患有缺鐵性貧血或者雷諾氏症(英:Raynaud syndrome),都會引起呢種情況。

 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 
 素食 

講左咁多,大家都要加強身體鍛煉,令到自己體抗力增強返,放鬆心情,飲食方面都需要平衡,要多補充維生素同礦物質。平時大家都要小心身體狀況,預防勝於治療,如果有問題,早D就診治。Kama Delivery經常都Update大家一D健康資訊既資料,關注大家既身體之外,都會關心大家既肚,提供更多唔同既食物款式俾大家,有派對聚會時要訂到會,記得要搵我哋呀!

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀

訂購到會服務熱門問題【不斷更新】

未來肉與植物肉 【素食外賣必選】

【認識3種香港常見過敏症狀】

【無矽洗頭水有咩好?】

【健康到會食物點樣揀好?】

部份圖片出處

https://www.pexels.com

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。