【衝出大灣區】推薦長沙7大景點

【衝出大灣區】推薦長沙7大景點

【衝出大灣區】推薦長沙7大景點

香港人而家除左上去深圳廣州玩之外,已經有唔少人轉移陣地啦,今次小編介紹新景點—「長沙」,搭高鐵都係3個半鐘頭左右,如果要搭飛直航機到長沙機場(長沙黃花國際機場)既話,時間就比高鐵快少少,大約2小時左右到達,所以吸引唔少人去長沙玩嫁。

位於湖南既長沙除左係網紅打卡地之外,更加有屬於佢地既文化底蘊同特色風情,無論係傳統文化,定係非物質文化遺產,再加上交通又方便,呢D都係令到長沙成為旅遊熱點既原因。

小編今次介紹7個景點俾大家參考下:

長沙景點推薦 1:橘子洲(英: Orange Isle; 拼音: Juzizhou)

橘子洲

橘子洲坐落係嶽麓區,又有另稱為桔子洲、桔洲、橘洲、水陸洲。橘子洲有一個以年輕後生既毛澤東作原型既巨型雕塑,雖然唔似樣,但都係有特色既,而且由唔同角度睇,會有唔同既樣嫁。當然除左毛澤東頭像之外,橘子洲仲有一個很大的既柑橘文化園,每逢重大節日都會放煙花慶祝嫁。

長沙景點推薦 2:杜甫江閣

杜甫江閣

杜甫江閣係一座臨江建築,係為左紀念唐代大詩人杜甫而建造既園林仿唐建築,園林區佔地11700平方米,建築面積4640平方米,主閣高32米,有7層,由主閣、長廊、碑亭、茶室等建築物組成。於2005年開放俾大眾參觀,近觀橘洲風景,又可遠眺麓山,如果撞正節慶既煙花表演,呢度絕對係最佳觀賞地點。

長沙景點推薦 3:嶽麓書院

嶽麓書院

嶽麓書院係中國古代四大書院之一,已有千年歷史,屬於罕見既「千年學府」,建於北宋開寶九年(976年),歷經左宋、元、明、清各朝代。更加係光緒三十一年(1903年)改成湖南高等學堂,而家仍然係湖南大學下屬既辦學機構。國務院1988年將嶽麓書院立入第三批全國重點文物保護單位,作為嶽麓山風景名勝區重要既觀光點。

長沙景點推薦4:湖南博物館(Hunan Museum)

湖南博物館

湖南博物館占地5萬幾平方米,屬於湖南省最大既歷史文化博物館,2022年前係叫「湖南省博物館」,之後先改名為「湖南博物館」,係2005年被立入中國首批「國家一級博物館」,亦係中央地方共建既八個國家級重點博物館之一,湖南省最大綜合性歷史藝術類博物館。入面有超過18萬件文物,收藏左唔少「馬王堆漢墓」出土文物。大家如果有興趣,不妨去睇下文物,亦非常岩親子活動。

長沙景點推薦 5:華誼兄弟(長沙)電影小鎮

華誼兄弟(長沙)電影小鎮

華誼兄弟(長沙)電影小鎮由華誼兄弟影視規劃建設既一個電影小鎮,分別有「義大利風情小鎮」和「老長沙小鎮」兩個主題,位於長沙湘江新區大王山旅遊度假中心內。以水城威尼斯同山城阿西西組成,再結合華誼電影場景,融入意大利小鎮既城市特徵及同埋建築風貌,綜合打造集「建築、電影、科技、文化、非遺文化傳承、民俗風情體驗」於一體既電影場景休閒度假體驗地。

10個內地生活實用APP推薦【北上消費玩樂無難度】

【北上消費玩樂無難度】而家咁多人返大陸消費,甚至中港生活兩邊走,無論係衣、食、住、行、娛樂消費,喺機不離手年代點都要有幾個APP傍身嫁,難道仲帶人仔出街俾錢買野?食飯book酒店要打電話?小編總結5類既APP俾大家,等大家更方便融入大灣區嘅生活⋯⋯ 繼續閱讀

長沙景點推薦 6:坡子街

坡子街

坡子街全長約640米,擁有1200幾年既歷史,完全稱得上係一條名副其實既千年老街,同時亦係湖湘文化既代表。坡子街曾經因為1938年既一場大火而被燒毀,後來坡子街重建,2005年重新開返,引入好多老字號食店,更係2019年被大眾點評選為必吃街之一。

值得大家去潮聖既老字號店包括伍厚德堂、火宮殿、四姐米粉、茶颜悦色、武爹臭豆腐等。

長沙景點推薦 7:太平老街

太平老街

太平老街係長沙古城保留原有街巷格局最完整既一條街,魚骨狀街區全長375米,街區沿主街有門店接近90個,經營面積近3萬平方米,以名老字號、字畫、民族工藝品、文化休閒產業、特色旅遊產品為主,亦係2019年被大眾點評選為必吃街之一

另外,太平老街除左係食街之外,同時都係一個很有文化既街道,保留左賈誼故居、長懷井、明吉藩王府西牌樓等古蹟,並且擁有小青瓦、坡屋頂、白瓦脊、封火牆、木門窗等特式既歷史文化街區。

太平老街必去既食店: 胡記炸炸炸、李四姐臭豆腐、太平老街刮涼粉、糖油粑粑、文和友老長沙大香腸、袁吉虎田園烤雞、邵福記梅菜扣肉餅

雖然小編介紹既長沙景點同必食既食店只係佔左一小部分,但深信仲有好多地方同美食未盡錄俾大家,如果有興趣去長沙自由行,大家可以多搜集資料,或者上旅遊平台購買套票,方便快捷,如果唔想安排行程,亦可以考慮參加旅行團嫁。正如我地Kama到會,網上Set好既套餐唔岩心水,又唔想煩Party食咩,都可以搵專人報價嫁。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


*未經許可,以上文章不得轉載或引用*