【政府派糖2023】一文睇清香港財政預算案8大重點

【政府派糖2023】一文睇清香港財政預算案8大重點

所謂攪笑搵梁醒波，睇電視睇馮素波，財政預算案2023當然要靠財爺陳茂波啦！今年有咩派糖措施？消費券派錢、綜援雙糧等等。港人引頸以待香港財政預算案終於出爐，主題係「穩中躍進、共拓繁榮新願景」，疫情影響剛剛開始緩減，中港澳全面通關，旅遊、飲食及零售業復甦能有助香港在平穩中躍進，創出一片新嘅繁華遠景，香港財政預算案2023提及方針政策「中間偏鬆」，亦會有寬免物業差餉、退稅、電費補貼、綜援雙糧額外津貼等抒困措施，而萬眾期待「政府派糖」會於本年4月開始，同樣以消費券嘅方式派發，希望同時振興本地消費，扶持本地中小企發展。

「公共交通費用補貼計劃」響財政預算案2023中亦獲得延長6個月至2023年10月底，市民乘搭所有公共交通工具（主要包括港鐵、專營巴士、專線小巴、渡輪、電車）透過八達通支付交通費用可獲補貼，補貼制度是每月交通費超過HKD$200打後嘅交通費可獲1/3補貼，最高可獲$500補貼額。學生福利方面，政府會為參加2024年香港中學文憑考試（DSE）嘅學校考生代繳考試費用。

波叔除左向港大市民派糖之外，仲幫手還富於民，財爺陳茂波建議即時增加每支香煙HKD$0.6稅收，預計可為庫房增加10億稅收，同時希望鼓勵市民戒煙及降低年青及學生煙民嘅數量，預期一包香煙會由現時HKD$62加到HKD$72。另外，亦向香港賽馬會開刀，為增加政府收入，會向馬會徵收每年24億元「額外足球博彩稅」，為期5年；博彩稅稅率則不變！