新娘婚前準備10個必讀清單

 

結婚係一生人裡面只有一次,成功「脫單」嘅女士姊妹們,當你經歷完浪漫甜密嘅求婚過程,向你未婚夫say“Yes”之後,接住落黎即將面對一連串婚前預準清單,為左一個屬於自己嘅完美婚禮,係Big Day來臨之前一定要做足功夫,小編今次就列出10個特別要注意嘅事項,等大家避免係大日子有任何差錯甩漏!

 

 

 

1. 婚禮地點場所

 
婚禮地點場所的選擇有很多
 

相信每個人都有心目中理想嘅結婚場地,首先你要選擇係香港還是海外舉辦,畢竟地點選擇大大影響整個結婚流程鋪排,雖然結婚係兩個人嘅事,但好多時都要配合雙方家人朋友,選擇外地舉辦或旅行結婚就更加多準備功夫;熱門嘅場所例如教堂、酒店、酒樓、餐廳甚至機票都要提前預訂,需要提早1年以上比比皆是,所以大家一定要預足夠時間book定呀!

 

 

 

2. 婚紗禮服

嫁衣造型一定花你唔少時間
 

注重外表儀容嘅你,嫁衣造型一定花你唔少時間,每個新娘都想係婚禮過程展露自己最美麗嘅一面,不同的口味風格、budget預算、租借抑或度身訂製;Pre-Wedding婚照款式、大日子穿上嘅新娘服、襯托主角嘅姊妹裙、物色唔同嘅新娘鞋配搭、飾物配襯 ;通通都要親自悉心選擇,做好預算後,找幾間心儀婚紗禮服店試身或訂造,想清楚不同嘅組合,確保自己有一個難忘嘅回憶!

 

 

 

3. 婚禮髮型、化妝

 
合適嘅婚禮髮型及妝容能為你展現神采飛揚嘅一面
 

留意最新新娘妝容趨勢,聘請一位專業有經驗嘅化妝師,為你係人前人後展現神采飛揚嘅一面;化妝師係你忙碌一天充當護花使者角色 ,能夠突出新娘子優點、高雅嘅氣質,臨場發揮危機處理都十分講究,確切地了解你嘅需求,注重細節位;市面上大部份makeup stylist都提供試妝服務,人氣化娘師都係要提前預約;而除左頭髮臉容,大家唔好忘記美甲都好緊要呀!

 

 

 

4. 婚禮策劃人

 
婚禮統籌師能令你嘅婚禮事半功倍
 

組織一個結婚過程大大話話有成幾十個to do list,好多新人都唔想面對或無從入手;如果經濟能力負擔得起情況下,Wedding Planner一定可以係呢個繁複過程中提供唔少幫助,為你慳返唔少汗水同淚水;等您專心係其他非要自己親力親為嘅項目上面,呢門專業服務愈來愈普遍,始終香港人生活忙碌,絕大部份人需要一邊計劃結婚同時兼顧工作,等婚禮統籌師代勞更可能令你嘅婚禮事半功倍、錦上添花!

 

市面上海量嘅選擇可能睇到你眼花,不妨參考網上評價聲譽、公司歷史背景、作品風格;揀岩心水婚禮統籌師為自己邁入人生另一個階段之前打下一枝強心針。

 

 

 

5. 婚禮攝影團隊

 
絕對值得你花時間去找尋一隊理想嘅婚禮攝製團隊
 

由Pre Wedding Photoshoot到結婚當日,記錄住人生重要嘅moment,一個不可替代嘅回憶片段,絕對值得你花時間去找尋一隊理想嘅攝製團隊。

 

經驗豐富嘅攝影團對除左捕捉你靚靚嘅一面 ,更會貼心了解你整個結婚流程,為你提供寶貴實用嘅意見,正所謂婚禮無take 2,大家務必要細心選擇出合適合拍嘅攝影團對!

 

 

 

6. 結婚蛋糕

 
嚴選經驗甜品師傳為你製作出夢幻又吸晴嘅結婚蛋糕
 

Wedding Cake唔單止要美味可口,當然唔少得美麗嘅外觀,因為切下蛋糕一刻、親朋戚友品嚐時將無可避免地出現係好多相片入面,大家都知道相機食先係幾咁重要。所以味道、用料、外觀設計、蛋糕型狀、層數重量都係要好好考慮嘅因素。特別要注意蛋糕抗熱能力、防脫色防倒塌,嚴選經驗甜品師傳為你製作出夢幻又「吸晴」嘅結婚蛋糕。

 

 

 

7. 婚宴回禮小禮物

 
婚宴回禮小禮物定能展示出你摯謝賓客們嘅誠意
 

一對新人為左答謝參加婚宴嘅親朋戚友,好多時都會係餐桌放置小禮物作回禮之用;一份有代表性、個性化嘅小禮物,定能展示出你摯謝賓客們嘅誠意。

 

相信大家都唔希望散席時一份份禮物仍然擺係台面,只為裝飾餐桌實在太過浪費又唔環保,花心思挑選一份得體又有意義嘅回禮小禮物,肯定對新人第一印象加分不少!

 

 

 

8. 婚禮請帖

 
婚禮請帖
 

當你揀好日子預訂場地後,就可以列出邀請名單,繼而製作婚宴請柬;依加大部份人都會預先問定名單上嘅人出席與否,咁樣好處係唔會花費多餘嘅錢係請帖數量,畢竟舉辦一個婚禮前後已經花費不菲,想精打細算更加要慳得就慳,環保的話可以考慮電子請帖,透過E-Mail, Facebook, WhatsApp等社交工具發出,宣揚綠色正能量!

 

 

 

9. 婚禮花卉鮮花
 
色彩繽紛嘅鮮花係點綴整個結婚過程不可或缺
 

色彩繽紛嘅鮮花係點綴整個結婚過程不可或缺,不論拍攝婚照時、場地佈置、餐桌裝飾、花車等等;按你需要喜好選擇一間合適嘅花店服務,記得留意一年四季鮮花各有不同,要諗好配色方案同花朵類型;特別用係新娘子向閨蜜拋出嘅花球,絕對不可以馬虎了事,一個眾人期待嘅焦點高潮環節,寓意將你嘅幸福快樂傳遞出去。

 

 

 

10. 單身派對
 
女性專屬聚會「Bridal Shower」
 

為左好好享受單身自由嘅日子,男女雙方都有五花八門嘅單身派對娛樂一番,其中女性專屬聚會「Bridal Shower」,就係準新娘與一眾姊妹們婚前的特備節目,等你係重要日子來臨之前好好放鬆神經,舒緩籌備過程累積嘅緊張情緒,良朋知己都會預備小禮物向準備出嫁嘅閨蜜送上祝福。

 

咁Bridal Shower搞咩好?小編認為呢個活動重點係輕鬆、開心,唔好過份著重體面細節位,邀請自己喜歡嘅人,可以去個旅行shopping relax下、book個會所或party room叫個婚宴到會外賣一班人食下野傾下偈、去酒吧clubbing、再唔係搵間五星級酒店做個水療按摩spa順便美飢護膚都唔錯!係整個計劃過程中謹記唔太需要關注細節,不論行程安排、食物安排、場地佈置,簡簡單單就好!

 

 

 

希望小編以上小小資訊能夠幫到大家手,大家不妨留言分享下你地既結婚小tips!

 

 

 

部份圖片出處

https://www.pexels.com

https://unsplash.com