【新年催運風水盆栽推介】5款室內植物帶旺屋企辦公室

風水盆栽 | 新年催運推介 | 5款室內植物帶旺屋企辦公室

【新年催運風水盆栽推介】5款室內植物帶旺屋企辦公室

新年催運風水盆栽好快又要大行其道,家中或辦公室擺放綠植除了可以讓人舒壓,改善空氣之外,亦可增強運勢,改善風水。古人喜歡於大宅中建設假山流水,尤其身冠官位,最緊要有靠山,先可以平步青雲,步步高陞,時至今日,香港地寸金尺土,假山流水已是奢侈之談,但以綠植盆栽增強運勢亦係大勢所趨,綠植盆栽在風水中有增強財運之談,綠植及綠色正行屬木,木代表不繼生長,擺響財位上亦有助財運嘅增長,選土種綠植更好,土生金,旺財又聚財,搵到之餘仲幫你守住財富,然而更吸引人嘅係催運風水盆栽嘅命名,本文推介5種最受歡迎的綠植盆栽以及佢哋嘅養殖方法、擺放禁忌等,雖然玄學之說不能盡信,但盆栽作為禮物或裝飾亦係唔錯嘅選擇。

 新推出 

【公司外賣】一口小食自選人數套餐


免運費的地面交收服務


適合Farewell派對、公司迎新活動等場合享用


自訂套餐享用份量(6位起跳)


點我查看完整餐單

新年催運風水盆栽推介 1. 富貴竹

辦公室富貴竹

富貴竹有好多個名,一般叫富貴竹、開運竹、轉運竹,亦有文昌竹之稱,對事業運及學業運有提升作用,主正財運吸金,如升職加薪、地位、權力提升等,四綠文昌,擺放四枝富貴竹剛好與玄空飛星相配合,學業方面有所謂「一四同宮,功名利祿」,可於書房擺放一枝毛筆,四枝富貴竹,盡收一四同宮之效。富貴竹並非竹科,屬龍血樹科,壽命長,不需太強日照,耐低濕環境,不需經常淋水,一般一周一次即可,室內溫度避免過低,保持攝氏18度至24度最好。

辦公桌富貴竹

富貴竹亦有擺放禁忌,第一唔好擺響財位,你可能會奇怪明門係催運盆栽又唔擺財位會唔會冇效?原因與富貴竹的形狀有關,財位最好放大葉綠植,可以聚財,富貴竹葉子細小,財到亦無地方停留,反而誤事;第二唔好擺門口,本身已經難聚財,近屋企門口隨時開門閂門向外面走埋,所以門口及財位擺放富貴竹有破財之虞;第三唔好放廁所或金屬旁邊,廁所陰濕之氣會將富貴竹污染,大大削弱對運程的助力,另外金木相剋,亦會破壞富貴竹嘅力量。

富貴竹最好放辦公桌或書枱,可催旺事業運勢,而唔擺財位但莫忘擺文昌位,木在風水上意味平衡,放客廳中心有助提高精氣神,從而催旺正財。

新年催運風水盆栽推介 2. 發財樹

辦公室發財樹

發財樹是繼富貴竹後另一大熱風水盆栽,富貴發財,誰人不愛?發財樹能夠起到招財、聚財及化煞嘅效果,亦適合放於家居及辦公室擺放,因為容易照顧,對養植環境要求唔高,作為開張賀禮尤其合適,發財樹喜歡比較乾燥嘅環境、耐旱能力強,所以淋水唔駛密,待盆中泥土乾燥後先再淋都可以,通常約一週一次已足夠,耐陰性亦強,唔駛曬太陽,曬得多反而會黃,室內溫度保持攝氏15度至30度最好。

擺放發財樹亦有禁忌,好多人將發財樹置於高位,但其實咁樣反而導致財運遙不可及,另外發財樹擺放切忌對住神主位、廁所浴室,亦要避免發財樹旁邊有金屬出現,當中亦包括五行屬金嘅鏡。

發財樹葉子較大而密,可以放於流年財位旺財,最好養殖1棵、2棵、6棵、8棵或者9棵,有良好嘅風水寓意。

HKfashop 香港網上花店,專營網上鮮花盆栽,如富貴竹、發財樹、金錢兜、綠翡翠萬年青、雙線竹芋、花束、花籃、鮮花禮盒、鮮花花牌、乾花花束及花藝擺設等等,提供網上訂花、訂盆栽、你更可親臨他們位於荔枝角的工作室提貨。

地址

香港荔枝角青山道654-656號浪淘大廈16樓E室

聯絡電話

6765 9906

網址
請假攻略 | 2024香港勞工假期/公眾假期

【香港打工仔請假攻略】所謂返工返得多,放假就係爽,而2024香港打工仔請假攻略亦隨住法定假期、勞工假期及銀行假期嘅塵埃落定後出世,請假攻略即係配合公眾假期及星期六、日,再配合請最少日數嘅大假,放最長嘅悠長假期先至最精明,一般白領人士比較啱用⋯⋯ 繼續閱讀

新年催運風水盆栽推介 3. 金錢兜

辦公室金錢兜

金錢兜顏色翠綠,能成為風水綠植因為葉子呈兜型,可裝載財富聚財,金錢兜又叫福祿桐,顧名思義具有福祿相存,加官進祿嘅意思,放玄關更有避邪驅煞之效。鍵錢兜屬五加科南洋參,對生長溫度有要求,耐寒性低,最好保持攝氏15度至30度,否則會停止生長。金錢兜對日照亦有要求,最好放在通風而有陽光照射到嘅地方,但唔好曝曬,水份要求乾中帶濕,唔好有積水,太濕會容易浸爛根莖,對水份要求唔高,如室溫達攝氏33度就要噴水降溫。

金錢兜可擺放於財位,但如果今年財位咁啱響屋企睡房嘅話,咁就要留意,金錢兜不能擺放於睡房,犯沖之餘會令綠植吸收負能量,加上植物夜晚會排放二氧化碳,所以金錢兜應該擺家中露台吸財,或者擺客廳、辦公室可收聚財之效。

新年催運風水盆栽推介 4. 綠翡翠萬年青

綠翡翠萬年青

綠翡翠萬年青,一年四季翠綠常青,有長壽、招財的效能,大而翠綠的葉子加上斑駁花紋,有利於提升財運,養綠翡翠萬年青要注意日照,它比較忌強光直射,淋水最適度頻率是約15日一次,太密根部容易爛,所以保持乾中帶濕,亦不可過度施肥,綠翡翠萬年青本身生長期長,否則會弄巧成拙,最佳生長溫度為攝氏18度至30度。

擺放綠翡翠萬年青亦有禁忌,首先唔好放屋企書房,萬年青有極高觀賞價值,斑駁紋路容易令人分神,而氣場上對工作效率有反效果,亦要遠離煞氣重嘅地方,廚房、鞋櫃、雪櫃頂等,否則會破壞綠翡翠萬年青的能量。

所謂樹大好遮蔭,綠翡翠萬年青葉大常青,放於露台吸財(但要避免曝曬)、流年財位及客廳,家中客廳是一間屋的中心地帶,大葉植物除咗彷彿係護蔭之外,亦能平衡屋主的情緒、穩定氣場,觀賞性高更能展現屋主品味。

新年催運風水盆栽推介 5. 雙線竹芋

雙線竹芋

雙線竹芋最大亮點就係碩大葉子上果組平行曲線紋理,隨住葉嘅成長,上面嘅線條亦會繼續發展,本身大葉綠植已能招財,加上線的不斷延伸,亦係對財運及事業不斷發展嘅祝福,雙線竹芋的葉片色彩豐富,由白色、綠色、紅色三色互相暉影,觀賞價值極強,而且雙線竹芋是陰生植物,對日光照射需求唔大,但要留意葉片比較大,水分蒸發速度比較快,最好採用噴灑的方式澆水,避免太乾燥,生長在攝氏20-30度之間,相對濕度60%以上最好。

雙線竹芋擺放禁忌係勿放於露台、陽台及睡房,日照太強葉子容易發黄彎曲,而夜間排放二氧化碳對於屋主睡眠質素會有影響,雙線竹芋可置於屋企玄關、辦公室、辦公桌、客廳,以碩大的葉子吸納財氣,並收聚財之效。

同大家分享咗5款催運盆栽綠植,無論自己用還是送俾親戚朋友作為禮物都非常適合,農曆新年總少不了拜年活動,除咗送禮之外,又點可以少得豐富嘅新年大餐呢?Kama Delivery每年農曆新年都會推出賀年到會美食套餐,無論私人新年派對還是公司新年聚餐,我哋都期待為你嘅派對聚會提供飲食安排,同時歡迎隨時瀏覽我哋網站或WhatsApp我哋客服查詢美食到會訂購詳情。

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|Pexel

*未經許可,以上文章不得轉載或引用*