新手訂購到會必睇【網站手機落單圖文教學】

網址為 kamadelivery.com

撳右上角嘅「人形公仔」圖示，即可登入或注冊成會員。

（一般情況下，登入後，系統會一直保持登入狀態，除非瀏覽器嘅記錄或設定有所變更）

撳右上角「三橫線」圖示，即可打開網頁目錄，點選唔同頁面，瀏覽多人到會套餐、單點美食、素食等等分類。

撳一下商品圖片就可以查看相關商品嘅資料。

之後就會轉到商品規格嘅頁面，單點美食嘅話，可以選取所需份量；套餐嘅話，可以選取想要嘅菜式組合，之後撳「加入購物車」，就完成啦！

如果大家想睇下自己嘅購物車，可以撳右上角嘅「黑色購物袋」圖示，就會彈出目前你有揀到嘅商品。 想刪除商品嘅話，就撳商品旁「灰色打叉」圖示。 當已經揀好所有商品，撳「查看購物車」，就可以進入填寫資料嘅頁面。

係「查看購物車」頁面，可以查看將結帳嘅商品。

我地提供3種交收方法：

【地面交收】係屋苑或大廈樓下可停泊車輛嘅位置交收，司機到步前會聯絡你（運費：$65／消費滿$688可免運費）

【送上門】安在家中等待美食，司機到步前會聯絡你（運費：$250）

【自取】到達葵涌金發工業大廈2期2樓大堂入口交收（葵盛游泳池旁）（免運費）

如果想用優惠碼，輸入代碼後再撳「使用優惠代碼」，就可以享用相關優惠。

撳「前往結帳」，就可以係下一個頁面度填寫送貨資料、地點、日期、時間等等。

填寫顧客同送貨資料，如果已經登入，系統會自動幫你填寫好部份資料。

（送貨地址最好用中文填寫）

我地全年無休，節日期間都會照常服務。而預設嘅送貨時間為朝早11點至夜晚九點半，以半小時為一個時段。如果需要朝早11點前送達，就要按唔同時段收取附加費用。

（送貨時間均以24小時制顯示，例如19:00-19:30，就代表夜晚7點至7點半期間送達）

我地提供多種付款方式，而且唔會將手續費或者附加費轉嫁到客人身上。

當所有資料填妥後，就可以撳「下單購買」啦！跟據指示完成付款程序，再將付款記錄WhatsApp到 5188 0757 / 6599 9941，就會有客服同事幫你一直跟進訂單。

（期間會同時收到電郵通知）