8款日吃健康水果推薦【防重症抗衰老必備】

由細到大都聽到每日食生果，對身體有益，正所謂「一日一蘋果，醫生遠離我」，咁除左蘋果可以每日食之外，仲有咩水果可以防止病患，又可以美顏抗衰老。根據世衛估計，如果人類每日能夠進食足夠嘅蔬菜水果，地球每年可以減少270萬人死亡，而研究報告當中建議每天最少兩份水果及三份蔬菜（各80g重量），小編今日推薦8款水果俾大家，等大家除左可以完成每日食水果而均衡飲食之外，仲可以係日常生活中輕鬆進行健康生活。

火龍果主要分為紅肉同白肉兩種，2者既鐵質同鎂含量都相當高，100g火龍果就有大約25mg既鎂，火龍果亦含有豐富維他命C同水溶性纖維之外，仲有好多抗氧化既花青素，可以保養頭髮同皮膚、眼睛及血。

另外，成年男女每日攝取鎂分別係350-380mg和300-320mg左右，大概只要食一顆火龍果，就可以等於攝取左一日既大約25-35%鎂。而鎂主要係構成骨骼既成分，仲會輔助鈣同鉀既吸收，可以預防心臟病、糖尿病、夜尿症、降低膽固醇既功效。

牛油果每100g就已經有6.7g纖維，屬於高纖排毒水果，半個中型牛油果已可以提供每日建議攝取纖維既量，大約20-25%。而且牛油果仲有豐富既單元不飽和脂肪酸，降低壞膽固醇，從而減低患心血管疾病既風險。另外，牛油果含有維他命B1、B2及維他命E，改善身體疲勞。

番石榴含有豐富既維他命C，比起奇異果高出2.5倍，比起橙同檸檬都高出2倍，甚至比富士蘋果更加超過30倍，完成稱得上係「維他命C之王」，食一個番石榴，已相等於每日維他命C建議量既140%。番石榴都係屬於高纖水果，每日食2個番石榴，纖維量已經達到每日所需既25%。

番石榴都有豐富鉀，鉀有助放鬆血管同降低血壓，亦有助降低壞膽固醇，同預防高血壓、中風等各種心血管疾病既風險。

奇異果除左高纖之外，仲含有一種天然酵素，奇異果蛋白酶，佢有助分解蛋白質，從而加速消化。如果每日2顆奇異果，有助改善消化同減少便秘既問題，對於患有腸躁症候群，或者發炎性腸道疾病既人，奇異果係有助改善整體既腸道功能。

另外，奇異果入面既維生素C同抗氧化劑，仲可以令肌膚緊緻、減少粉刺同皮膚發炎，同時可以增強免疫力同減緩氣喘症狀。而且維生素K仲會令骨骼更加強壯，如果人體缺乏左維生素K，會增加骨折機率，同易有骨骼相關既疾病，例如骨質疏鬆。

大家都知道香蕉既膳食纖維含量好高，幫助腸臟蠕動，減少便秘。香蕉都含豐富鉀質，鉀質係有利尿既作用，排走身體多餘既水份，達到去水腫同降血壓既功效。香蕉都含有好多抗氧化物，包括多巴胺 (Dopamine) 同兒茶素 (Catechins)，可以降低患心臟病風險。

無花果被譽為「生命之果」，係世界上最古老既果樹之一。無花果相對較低卡路里，一個無花果約40克連皮有30卡路里左右，含水溶性纖維，潤腸通便，改善便祕同痔瘡既問題。

另外，無花果亦含類黃酮同花青素，具有強大既抗氧化，有助消除體內自由基，有保護心血管，同養顏美容。無花果除左類黃酮同花青素，仲有微量元素「硒」，可以透過抑制正常細胞突變，抑制癌細胞血管增生，有抗癌效果。

菠蘿係李時珍既《本草綱目》中被記載︰「菠蘿能補脾胃，固元氣，狀精神，益氣，利頭目，開心益志。」由於菠蘿性味甘，微酸，有清熱解渴，消食止瀉，消腫祛濕既功效。

而且菠蘿含豐富維他命C同胡蘿蔔素，有抗氧化功效之外，仲會增強免疫力，有助傷口癒合，促進皮膚血管健康；同時含有豐富鉀質，能利尿排水去水腫。此外，菠蘿本身含有含有一種叫「菠蘿朊酶」既天然活性蛋白酵素，能改善胃滯，幫助消化，改善局部血液循環，消除炎症同水腫情況。