【日本都有農曆?】12個月份逐一向你解構

日本農曆 | 和曆 Wareki | 12個月份逐一向你解構

【日本都有農曆?】12個月份逐一向你解構

香港人平時都知日子會有分西曆(或稱:新曆/陽曆/洋曆/公曆/西元)同農曆(或稱:舊曆/陰曆/中曆),特別迷信嘅人就會擇日做事,例如入伙、開張、結婚喜慶,或者有宗教信仰嘅就初一十五食齋,咁大家又知唔知道原來日本都有農曆嫁。

日本農曆由來

和暦

其實日本傳統舊曆法叫和曆(音:Wareki),類似中國既農曆。係7世紀左右,日本大受我地唐代既文化影響,當時更係本國推行中國既農曆,後來慢慢開始採用日本自己本土編寫既傳統農曆。

去到明治維新時期,日本天皇廢除左傳統曆法,開始推行西方現行既西曆。但同時依然保留左舊曆法中既傳統節句,同埋二十四節氣等,另外,舊曆中使用既月份別名亦都仲係現行既公曆中出現嫁。

和曆月份別名所象徵既節氣,同而家新曆法雖然有少少唔同,但日本都仲係好鍾意用呢D好靚既名黎稱呼12個月份。

一月(日文:いちがつ)

睦月

一月被稱為睦月(日文:むつき;音:Mutsuki),「睦」有和睦,與人保有良好關係既意思,亦有表示新年團圓既含義,係新年既時候,親朋戚友們和睦地咁一齊相聚(日文:お正月に家族や親戚が集まり、睦み合う),所以就有「睦月」既叫法。

二月(日文:にがつ)

如月

二月被叫做如月(日文:きさらぎ;音:Kisaragi),由「衣更着(きさらぎ)」這個漢字同讀音演變出黎既,因為2月係融雪季節,寒意最強既月份,需要著更多既保暖衣物(寒さが厳しく重ね着をする)既意思。

三月(日文:さんがつ)

彌生

被叫彌生(日文:やよい;音:Yayoi),因為已由冬天進入春天既時候啦,「彌」代表「越來越、終於(ますます、いよいよ)」,「生」就代表「草木茂密(草木が生い茂る)」,所以三月就被叫「彌生」啦。

四月(日文:しがつ)

卯月

四月係踏入左花開既季節,而係日本,更會出現好多小白花,呢種小白花係日本原產既卯花,所以4月有「卯花盛開的季節(卯の花の月)」既講法,後來就簡稱「卯月」(日文:うづき;音:Uzuki)。另外,「卯」係十二地支入面既亦有4既意思。

2024龍年生肖運程【健康、事業、財運、姻緣完美解讀】

【2024龍年生肖運程】新年運程係大家每年都非常關注嘅環節,龍年運程2024 邊個先係行運超人?Kama Delivery 為你剖析十二生肖響2024年嘅龍年運程,不過先此聲明,運程預測乃堪輿玄學之說,不能盡信,只能稍作參考,命運始終掌握係自己手中,三分天注定⋯⋯ 繼續閱讀

五月(日文:ごがつ)

皐月

五月開始,屬於農民種植農作物既時候,亦即係播種插秧既月份,被稱為「早苗月」(日文:さなえつき;音:Sanaetsuki),之後讀音被簡單化,變成「さつきSatsuki」,而漢字寫法就變成「皐月」啦。

六月(日文:ろくがつ)

水無月

日本既六月被叫為「水無月」(日文:みなづき;音:Sanaetsuki),有2個講法,
第一種係因為6月份既時候,梅雨季結束,每一個田都有好多水,呢度既「無」唔係我地平時既意思,而係表示「的(の)」咁解,所以「水無月」等於「水的月」。
第二種係因為梅雨季結束之後,就好少落雨,另外,亦有可能係指D水會流入田,令到其他地方就無水啦,於是就稱「水無月」啦。

七月(日文:しちがつ)

文月

日本人係十分喜愛七月嫁,因為七月係「彦星(牽牛郎)」和「織姫(織女)」既季節,好多日本人會係詩籤(寫詩既長條紙)上面吟詩或寫字,所以7月就被稱為「文月」(日文:ふみづき;音:Humizuki)啦。另外,因為7月有好多金黃色既稻穗,所以亦有「穗含み月(ほふくみつき)」既稱呼。

八月(日文:はちがつ)

葉月

踏入農曆八月,已經慢慢開始轉秋天啦,而即代表係落葉既季節(葉が落ちる月),尤其係日本東北或北海道等地方,後來逐漸簡化左個名稱,變「落葉月(葉落ち月)」,再變成「葉月」(日文:はづき;音:Hazuki)。

2024九宮飛星佈局 | 龍年催運旺財桃花話咁易

【九宮飛星佈局】大家都知道九宮飛星每年都會飛移轉位,2024龍年九宮飛星佈局係點?飛星座落亦代表各個運程方位包括桃花位、病符位、是非位、文昌位、五黃煞、偏財位、正財位、破財位及喜神位,隨著九宮飛星於2024龍年入值方位嘅變更,佈局亦需要作出相應改變⋯⋯ 繼續閱讀

九月(日文:くがつ)

長月

九月已經係秋季啦,正所謂日短夜長,所以日本人就會覺得秋天既夜晚長(秋の夜長),所以就有「夜長月」既叫法,之後更簡稱長月(日文:ながつき;音: Nagatsuki)。另外,亦因為有稻成熟「稲熟月(いねあがりづき)」既說法。

十月(日文:じゅうがつ)

神無月

日本十月叫「神無月」(日文:かんなづき;音:Kannazuki),同六月既「水無月」都係有2種講法,而且都係有少少相似嫁。第一種係因為,10月份是係祭祀神明既月份,所以叫「神無月」,呢度既「無」都係代表「的(の)」咁解,所以「神無月」等於「神的月」。第二種就係每年農曆10月,全國眾神明都會係島根縣既「出雲大社」聚集,舉行為期一星期既「神在祭」,變成其他地方都無神明,所以又叫「神無月」啦。

十一月(日文:じゅういちがつ)

霜月

農曆十一月既時候,已經轉入冬季,即係會結霜既寒冷季節(霜降り月),因此簡稱為「霜月」(日文:しもつき;音:Shimotsuki)。另一方面,仲有樹木凋零「凋む月(しぼむつき)」既含意。

十二月(日文:じゅうにがつ)

師走

農曆十二月,日本人去到年尾近新年期間,會比較多祭祖既習俗,同時會邀請和尚﹑僧侶﹑法師﹑師父﹑御師(在神社寺廟照顧參拜者既人)等既大師到屋企誦經,佢地年尾四處走,所以12月就有「師走」(日文:しわす;音:Shiwasu)既叫法啦。

以上就係日本農曆既特別叫法,等大家了解多D以前既日本人為左月份既名花好多心思,真係好有意思嫁。就好似我地Kama Delivery咁,一到特別大日子,都會推出好多限定節日到會套餐,等大家係呢D大時大節唔使煩食咩,尤其係聖誕節、農曆新年、中秋節、父親節同母親節等。

點我查看到會套餐!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


部份圖片出處|PexelFreepik

*未經許可,以上文章不得轉載或引用*