明日大嶼利弊懶人包【爭議聲音下變成明日大愚?】

明日大嶼利弊 | 懶人包 | 爭議聲音下變成明日大愚?

明日大嶼利弊懶人包【爭議聲音下變成明日大愚?】

明日大嶼全稱明日大嶼願景,2018由當時嘅行政長官林鄭月娥女士於施政報告提出嘅大嶼山發展計劃,主要係選址喜靈洲、交椅洲附近分階段填海興建人工島;預計填海面積達1700公頃,大概與1700個標準足球場相約,目的係打造一個有完善航空、道路及鐵路運輸交通網絡,向外連可以連接到大灣區其他城市,甚至世界各地,對內連接到位於中環現有核心商業區,可理解為香港一個新經濟區,預期2025開始開始動工,爭取2033年完工。預算整個工程估價於2019約5000億港元,到2022年估價上升至5800億港元,到實際動工預計好大機會超過5800億,而且暫時冇封頂上限,所以有人指明日大嶼係大白象工程,即投入嘅資源巨大,回報卻久久追唔上,到底明日大嶼會有咩利弊?係明日大嶼定明日大愚呢?

明日大嶼係大白象工程?

明日大嶼

明日大嶼由原先政府提議興建兩個人工島改成三個人工島,由原先1700公頃銳減至合共1000公頃,填海面積縮減咗700公頃,而可興建嘅住宅單位亦由最多40萬個縮減差唔多一半至21萬個,而過海鐵路走線亦有更改,為配合北部都會區發展,原先由屯門內河碼頭、經小欖、欣澳、交椅洲人工鳥再到港島西,改為由元朗洪水橋開始,經小欖、欣澳、交椅洲人工鳥再到港島西,靠港鐵嘅鐵路網絡,連接屯馬線、東涌線、港島線,從而提升交椅洲人工島嘅地位,雖然填海面積縮水,但造價仍上升並未設上限,而預期賣地收益亦由2019年估算超過10000億港元銳減至7500億港元,下行風險依然,在一個成本向上升而無上限,潛在收益卻向下嘅大型基建方案,難免會被人詬病大白象。

大白象工程

所謂大白象的故事源自於泰國,白象嘅象徵意思本來係正面,對於國家嚟講有和平同繁榮嘅象徵,而擁有白象亦係不少有錢人對社會地位及財富嘅象徵。但白象本身除咗係身份象徵,實際上連寵物都講唔上,單單要養一隻白象嘅成本不菲,不過接近無咩能夠產出,所以形容成本不菲但回報低或無回報嘅投資會用大白象形容,而明日大嶼嘅回報日漸下滑,造價卻不斷提升,有如養住一頭毫無用處嘅白象,怪不得民間有唔少聲音促煞停呢個計劃。

明日大嶼願景與現實

明日大嶼大灣區

宏觀明日大嶼與粵港澳大灣區嘅佈局,大嶼山與珠三角西部相鄰,地理位置正好係港珠澳橫向、縱向軸線之交匯位置,而港珠澳大橋香港口岸及香港國際機場都坐落在大嶼山,不僅加強對大灣區經貿交流,亦能促進珠三角西部以至大灣區內人員、資金、技術等流動,對兩地發展及創造機遇有著重要作用。明日大嶼希望可以成為粵港澳大灣區重要商業核心區,成為本港經濟未來20-30年嘅增長新城鎮。明日大嶼人工島增加大量土地儲備,政府預計填海造地之後約撥百公頃土地,打造繼中區及九龍東後香港第三個核心商業區,提供約400萬平方米商業或寫字樓嘅樓面面積,並創造約340000個就業職位。以上所講係理想,所謂理想很豐滿,現實很骨感,與內地更便捷、更頻繁嘅交流當然對香港經濟有幫助,但如果想於人工島嘅土地上建設核心商業區未免有少少大想頭,睇返香港現時寫字樓嘅空置率超過10%,如果又增加寫字樓供應,只會加劇供過於求,而做老闆為方便請人,大嶼山嘅寫字樓亦唔會係首選,而且計劃角色定位部分與北部都會計劃重疊,所以呢個算盤會唔會太如意,各位自行定奪。

人工島計劃

最令人擔心嘅係全球千公頃或以上嘅人工島計劃中,有高達80%係失敗或無限期擱置收場,包括荷蘭、馬來西亞、韓國、中國內地等,香港憑咩保證比其他國家優越,可以順利完成明日大嶼呢?加上連年財政赤字,涉支超過5800億港元嘅基建工程佔政府的財政儲備超過一半,無疑係一場豪賭,所以好大機會會邀請其他金主合作,最後又會唔會淪為官商搵食嘅天堂呢?加上政府過去大型基建工程包括高鐵、西九文化區、港珠澳大橋都有出現超支及延誤,明日大嶼變明日大愚絕對有可能。

【單點美食】小食到會


多達80款小食可供選購


適合各類型派對聚會中享用


自訂享用份量


點我查看完整餐單

明日大嶼土地政策

明日大嶼公營房屋

增加土地供應係明日大嶼嘅重點之一,預期區內住屋興建上公營房屋會佔70%,明顯打算將人工島打造成宜居城市,不過天然災害愈發頻繁及破壞力強,尤其對沿海城鎮的傷害更大,一個需時15年嘅基建工程對海洋生態嘅破壞有幾大、污染有幾多相信大家可以想像到,過去嘅颱風對香港造成嘅傷害巨大,市區都未能幸免,又點說服市民沿海城鎮適合居住及生活?

施政報告樓市減辣 | SSD+BSD+DSD業主準買家全面睇

【施政報告樓市減辣】踏入2023年,樓價愈跌愈有,部分住宅物業經已回到6、7年前嘅水平,施政報告前夕地產業界已經叫曬救命要求樓市減辣,施政報告2023公布後一如預期,特首李家超將為三大樓市「辣招」減辣降降溫,包括而額外印花稅禁售期(SSD)由3年縮短至2年⋯⋯ 繼續閱讀

明日大嶼最終會唔會爛尾收場?

明日大嶼爛尾

呢個大白象工程係由上屆特首林太提出,睇返岩岩2023年李家超嘅施政報告入面,有關明日大嶼計劃嘅優化闡述著墨大減,可能係新政府就當前環境權衡利弊下,發現項目成本與潛在收益不如如期;報告中只係提出成立「融資辦公室」,意途吸納外來或商界資金,但係近年地價下跌、息口上升、環球經濟持續不明朗下,缺乏社會人士及商界支持,相信要達到最後願景似乎困難重重。

過去深受疫情影響嘅香港仍有唔少後遺症,5800億港元投入響一個極高成本但回報不明嘅基建計劃,定係先扶起當前香港疲弱嘅經濟?當然每一個決定都有利弊,作為市民左右唔到政府嘅決定,只希望新政府班底可以好似中港通關咁,成功接手、改善並完成上屆政府提出嘅議案,有如Kama Delivery對提升顧客飲食體驗嘅執著,因應季節變更、節日來臨、顧客喜好、市場變化更新派對菜單及服務,令我哋嘅美食到會服務更加切合顧客要求,我哋亦不時透過電話及WhatsApp回訪顧客對我們服務意見及建議,歡迎隨時瀏覽我哋網站或者WhatsApp我哋嘅客服人員查詢美食到會訂購服務或提出意見。

查看Kama Delivery最新優惠!

聯絡我們

WhatsApp 查詢/訂購熱線:5188 0757 / 6599 9941

Email:info@kamadelivery.com

追蹤我們

FacebookInstagramYouTube

延伸閱讀


*未經許可,以上文章不得轉載或引用*