暖男特質必備行為【女友經期4件事】

作為一名暖男要有咩特質？每個月，女仔都會經歷幾日心情煩躁、唔舒服既日子，男朋友們有無覺得做乜嘢行為都好似會激嬲女朋友？又或者，會見到女朋友果幾日特別唔舒服？因為，女朋友經期到。今日小編就話你知，發生左咩事啦，可以點樣做令到自己安全渡過女朋友經期到呢幾日！

1. 咩係M到？

成日聽到女朋友講M到，到底咩叫M到？M到又叫月事，大姨媽來襲，經期，英文叫Menstruation / Period / Monthly，所以當女朋友講到呢D字眼，大家就小心D啦。其實係指女性每月固定將血液或黏膜定期從子宮內膜經陰道排出體外，週期大概3-7日不等，視乎每個人身體情況唔同。經期到前仲會開始出現常見既問題，例如胸痛，易攰，易發脾氣等，細心嘅暖男們就要注意喇，呢段時間無必要就唔好做任何刺激女友嘅行為！

2. 經期會痛？係咪真係會好痛？

當經期到期間，女仔比較容易出現經痛情況，而經痛分別有原發性同續發性2種，要成為一名貼心嘅暖男絕對有需要認清你女神係屬於邊種！

i) 原發性經痛

原發性經痛通常都會係經期到前1-2日開始出現肚痛，絞痛，痙攣，大概去到經期既第2-3日左右先會慢慢咁舒緩返。有女仔除左腰酸背痛，無胃口，想嘔，肚瀉等外，亦會有D出現嚴重既劇痛，甚至痛到連行都行唔到，或者痛到暈低，所以唔好以為女朋友唔舒服好少事啊。

ii) 續發性經痛

續發性經痛係指，已經有一段時間無出現經痛之後，又或者岩岩經期到頭1-2 日，輕微既唔舒服變成好明顯既腹痛，有時似會痙攣，脹痛，或者劇痛，會由經期到前7-14日開始出現。但要小心留意，如果平時唔多有呢D情況，而突然間持續性咁痛法，就要多加留意，有需要就要睇醫生檢查一下，最常見既係子宮內膜異位，其次係子宮既腺肌症疼痛等等。

3. 咩係M巾？

M巾係叫衛生巾，作為另一半，至少要了解下M巾既分別，有咩特別情況發生，暖男其中一個特質就係要夠體貼，都M巾作用一樣，平時要留意女友用開邊隻牌子，令到女朋友感到更窩心，必要時要出動去買都識得分嘛！

i) 護墊