【曼德拉效應】 集體記憶=史實相等?

曼德拉效應 | 集體記憶=史實相等?

【曼德拉效應】 集體記憶=史實相等?

大家有無試過,明明記得某些事情,但身邊既人就記得既同自己既事情有出入?可能大家會覺得自己記錯,又或者係對方記錯。如果小編同大家講,真係有試過,有一班人對某件事情,或人物,或地點等既記憶,係同歷史上既記錄有出入,大家又會唔會信?其實呢個情況被稱為「曼德拉效應」,簡單D講,叫「群體性記憶偏差」。

咩係曼德拉效應(英:Mandela Effect)?

什麼是曼德拉效應?為什麼跟曼德拉有所關連?

係2010年,一位美國作家Fiona Broom,同時聲稱,發現自己記憶中既南非領袖曼德拉應該係20世紀80年代已經係監獄中死左,仲舉行左喪禮,而且記憶中,甚至記得曼德拉既老婆係喪禮上講既致詞內容,Fiona Broom都記得,但歷史上,曼德拉並無死到,反而釋放出獄之後,仲做埋南非總統,一直到2013年先死。對於曼德拉係80年代死左既呢段記憶,原來唔止Fiona Broom佢一個有咁既記憶,佢聲稱有幾千人同佢一樣既記憶,所以,事件引起爭議,後來呢個現象,大家都稱為「曼德拉效應」。亦有人認為,呢個情況,呢部份既人係平行世界既記憶,亦有心理學家相信,因為人類能夠透過唔同既平台資訊,潛意識咁改變左自己既記憶,因為當自己既認知同記憶,同外間提供既有出入,就容易以為自己記錯,慢慢將其他人既講法當成自己既記憶,所以出現「一旦(捏造)存在,看上去好像這一記憶自始至終便一直存在。」既情況。

有咩曼德拉效應既例子?

除左曼德拉既例子,身邊我地都有唔同既例子,小編同大家分享一下,睇下大家既記憶,同我講既有無出入。

1. 「中國人不是東亞病夫」VS「中國人不是病夫」

曼德拉效應 | 李小龍的「中國人不是東亞病夫?」

已故巨星李小龍套戲《精武門》入面有講過一句經典對白,一直流傳至今,大家記憶中,到底係「中國人唔係東亞病夫」定係「中國人唔係病夫」呢?大部分人既記憶都是「中國人唔係東亞病夫」,甚至網絡上都係有大量搜尋資源都出現呢句對白,但其實翻查影片,發現李小龍當時講「中國人唔係病夫」,同大部分人記憶中出現差異,因為呢部分人表示睇電影時係聽到李小龍說講:「中國人唔係東亞病夫」。

2. 米奇老鼠紅色褲有無揹帶?有無尾巴?

米奇老鼠的曼德拉效應|紅色褲有無揹帶?有無尾巴?

迪士尼既主要角色,米奇老鼠,到底著既紅色褲,有無揹帶?米奇老鼠最經典既形象,好多人都記得條紅色褲係有揹帶,但其實網上既資料顯示,米奇老鼠係著普通既紅色短褲,就算米奇老鼠換過唔少服裝,都係無揹帶既,但如果真係同揹帶拉上關係既,就得一套工人褲,不過同紅色褲既印象完全差好多,所以,到底點解有咁多人都會記錯係有揹帶呢?有人解釋,因為米奇老鼠條褲

米奇老鼠另一個曼德拉效應,就係好多人都記得佢係無尾巴既,大家又係屬於邊類呢?小編話俾大家知,米奇老鼠係有尾巴嫁。

3. 比卡超(另譯:皮卡丘)既黑色尾巴?

曼德拉效應 | 比卡超(皮卡丘)的黑色尾巴?

比卡超係寵物小精靈入面較為多人認識既角色,但大家記唔記得,比卡超既尾巴,到底末端係咪黑色呢?相信大部分人都會話比卡超條尾巴末端係黑色,但其實由1997年播出到而家,比卡超既尾巴係得黃色,耳尖反而係黑色。

曼德拉效應除左以上3個例子外,大家不妨再思考一下「沉思者」到底係托住下巴,定係額頭?用拳頭,定係手背?現實社會好多情況都會發生類似既曼德拉效應,到底係大部分人記憶出錯?定係只係一種心理效應?大家不妨同朋友一起分享下曼德拉效應,令到Party聚餐時,可以有更多話題可以傾,朋友閨密中又有咩曼德拉效應呢?

聯絡我們

WhatsApp 查詢/訂購熱線:5188 0757 / 6599 9941

Email:[email protected]

追蹤我們

FacebookInstagramYoutube

延伸閱讀


部份圖片出處|PexelsUnsplash

*未經許可,以上文章不得轉載或引用*

發佈留言

發佈留言必須填寫的電子郵件地址不會公開。